Enjoy Chef (已結業)

好朋友生日，因為我介紹過呢間餐廳給她，佢她想試，好啦！佢生日佢話事，而且呢間餐廳真係好值得再去！由於好朋友生日，餐廳打嚟Reconfirm booking嘅時候我就說朋友生日，於是餐廳話可以在租品寫上祝福語，太好了！一如之前一樣，服務態度無得彈。。。今次多咗介紹餐牌上嘅食物，朋友發板。。。是夜太開心，太感動！餐廳服務已經很好，還這樣細心安排，令好朋友有個難忘嘅預生日！臨走朋友還大讚餐廳各方面都很好，一定會再幫襯！

其實我係呢間店用餐不只3次，當然食物質數有驚喜我才再食，事隔應該4至5個月未黎過，一想到西餐就會上呢間......係openrice預約booking 快靚正!到了當日早上有人確認時間同人數。GOOD一去到安排了1個小角落，不錯。點餐時，想點羊仔時，誰知無貨，我7點半來就無貨，當堂喊左。朋友叫了牛，甘我只可以就揀豬，好釆不過不失啦，不過當晚配菜有蘿蔔係碟上，就想起車仔麵。配菜都好入味，但我覺得最好食係頭盤同包包，太太太好味。甜品?我對上果次係吾好食，今次絕對可以食多round

朋友突然約食飯，又唔想太嘈，即刻上網搵啦！睇到呢間環境舒服，試吓啦！約咗18：15時間早，所以一入餐廳只有我自己！隨後慢慢多人，服務生態度很好，說話溫柔，有事找他說唔該，服務生一定會說唔洗客氣；另一服務生收碟餐具一定會說多謝！你會感到他們是由衷說出來，到你離開餐廳會開門送你，令人愉快！雖然只是小小一間工廈餐廳，但食物質素和服務態度都十分高！加上平日有七折餐牌，好抵呀！

今日慶祝my best friend老友生日，所以係佢公司附近上openrice看下有無的餐廳靜靜地又可以傾下計的。看到依間Enjoy幾好咁，又有得網上book位咁一於就試下啦⋯⋯book一點到。小弟我十二點五十就坐低了。開定位等老友，一點十分到就點了兩個set lunch。店員見我朋友未到就問是否上得菜，我回覆可以⋯⋯直到朋友到達到有餐係用了五十分鐘，大家如果黎食午餐真要再早點叫餐⋯⋯唔係後果係遲了時間繼續返工。看過餐牌～因為時間的關係所以一點十分我先點了Set Lunch ，好順利送上餐包同意式什菜湯～同兩個沙律紅菜頭三文魚伴手切青瓜粒沙律煙雞胸沙律～兩個配餐包幾好⋯⋯主菜就一點五十分先送到枱面的⋯⋯香煎澳洲殼飼七成熟T-骨牛扒伴薯菜～配黑松露同七美國安格斯肉眼扒伴薯菜～配黑松露整體上唔洗返工黎食真係一流⋯⋯要上班的話可以選其他地方食會好一點，基本上服務，食物同氣氛都好完美～問題係咩時段去食遮👍

即興的午餐，就番朋友仔喺荔枝角！環境都幾大，但佈置一般的！先上的麵包籃都不錯，跟着呢個泰式沙律酸酸甜甜很開胃！其實飲完這個忌廉湯，都差不多飽了，每樣的份量都不是小小的！到上主菜：BeefPasta $148紅酒煮牛肉，很入味真的不錯！Clams Linguine $138蜆肉很大隻，但胃口又有限，意粉要留底了！Salmon Risotto $138很creamy 的三文魚意大利飯最後要檸檬水解滯！話明系打氣的午餐，大家也預備小禮物，開心開心！

如果唔係同事介紹都唔知工廈入面有間西餐廳，入面環境好舒服，仲有free wifi~點菜時侍應會行埋你身邊落order,幾特別～先黎一個洋蔥湯，認真嘛嘛，有啲腥腥地既味道。餐前包都有幾種，都幾鬆軟。4個人分一小籃既麵包，但入面唔係每種都有一樣數目，以致未能嘗試到全部口味,依個有啲扣分！前菜我點左泰式烤雞木瓜沙律，食落感覺好fresh，少少辣，幾岩香港人口味，而且好開胃。賣相都唔錯，好colourful，幾吸引的！主菜點左個肉眼扒，叫七成熟都係岩岩好，幾有驚喜，因為出面好多都係會過熟。依個牛扒好冧，唔會話好多筋咬唔開。旁邊有啲關東煮既白蘿蔔，幾特別，好少見咁既配搭😝

這裡是我個人認為向荔枝角區，keep得最好的一間。不論價錢，食物質素，服務質素都係keep得最好的。從3,4年前到現在，價錢也沒有加很多，難得的是食物依舊不錯。所以這刁這裡成為了我午餐的好去處。試過晚上來食，吃差不多嘅東西，但價錢就貴了差不多一半。所以還是午餐來吃好了😁Set lunch 有沙律，餐湯，餐包，主菜，餐飲。大食嘅我，也覺得很滿足。這裡嘅餐包還不多，有不同種類。Random 上枱。沙律會有兩款俾你選擇。呢個係芝麻雞肉沙律。菜很新鮮爽脆。兩塊脆脆片沒什麼味道，所以只咬了一口。這裡嘅餐湯總是很好渴的。今次有什菜湯，是我的最愛。很很好蔬菜在湯內的，正！帶子墨汁會意大利飯用料絕不嗇色。帶子煎得外層香香的，內裡很軟熟。不過如果米可以換成有咬口的就會比較好。現在的米食落去好像沒什感覺似的。無左那煙韌的感覺。熱檸茶是分開上枱的。不怕話浸很太耐，而令檸檬變得苦澀。

前菜 非常有份量 軟殼蟹茄子沙律/大蝦沙律令我地好期待之後既湯同主菜黑松露忌廉湯 超級香既黑松露 主菜牛柳配燒鴿都係大大件得黎好好味朋友主菜 亦係今晚唯一失望既點西班牙海鮮飯，有4隻貝殼類啲口係緊閉 要自己格硬zip把刀去開，啲汁令個飯唔係咁味餐飲檸水 靚最後甜品係法式焦糖布丁總括黎講係好滿意！員工仲好熱心，幫客人影相會較下啲射燈不過 如果多人去 其實可以叫少個餐因為一定食唔晒

已經不止一次光顧印象最深刻上次果個黑松露手搓粉，好煙韌好彈牙，不過今日午餐冇呢個揀。今日揀咗Cabonara、辣蝦凱薩沙律、黑松露磨菇忌廉湯沙律份量好多，蝦大隻爽身帶少少辣，芝士同bacon亦頗多，整個沙律份量、食材同味道都ok! 湯唔會水汪汪，濃度剛好，好香忌廉味，黑松露埋藏喺湯入面，攪拌後個湯好香啖啖磨菇同黑松露Carbonara好大碟意粉囗感ok, 軟硬剛好！汁好濃，芝士味有層次煙肉粒同磨菇好多！整體味道ok, 只係汁多咗少少，如果食曬成碟意粉會少少漏。呢餐午飯喺呢個咁舒適、環境服務又唔錯嘅地方食，無論沙律、湯、主菜份量都好足又好味！絕對食得滿意又值得

朋友在附近上班，所以約在這食Lunch有很多美味的選擇，最後還是選了吞拿魚沙律香香橙鴨脾配紫蕃薯蓉朋友點了扒大菇雜菌意大利飯，意大利飯超好味！很入味又有咬口，大菇不過不失吞拿魚沙律不俗，是油浸吞拿魚，菜也很新鮮Wow！烤鴨脾竟然有兩隻！外皮烤得香甜脆口，很有橙香味！可惜肉身略乾，不過其香橙汁可以補償一下haha，紫蕃薯蓉很香甜，很少餐廳會提供，很難得><是曰餐湯係洋蔥湯，都係不過不失一杯飲到好飽既熱檸茶，份量好驚人！雖然味道不錯，食到好飽，但埋單要150真係貴左小小，如果想食豪啲又幾大胃既朋友就好適合了~

六時許入座，某人在抹餐具，響響不断，约一小時多，抹完餐具又抹碟，像排檔嘈吵，侍應態度如茶記般，不時傳來有人大叫:二人飽包、四人飽包。又經常來收野！食物方面，水準ok! 麵包翻熱，太軟，失去質感。主菜酥皮羊卷配羊扒，羊扒有彈性，酥皮羊卷內羊柳未夠香。黑豬扒，略淡，豬味有點不足。整体大厨有心思，值得一讚！中產價錢，但平民服務！😨

葵興的廠廈質素跟觀塘差一大截，專程到長沙灣吃午餐。億利裡收藏了不少出色的餐廳，程班長是我第一次嘗試。試過Bondi的觀塘分店，質素有一定保證，就在打電話去訂座的一刻，貪新鮮的我改變主意，訂了Enjoy Chef。12時多到來，餐廳只有一兩枱客人。店員見我地進來，便立即上前問有沒有訂座。後來才明白箇中原因，只因不消一會，不知不覺間已坐滿了。麵包籃暖暖的，切成一片的focaccia，烘得又輕又脆，帶淡淡的香草味。芝麻麵包吃到一點點芝麻，有趣的口感。Lunch set有沙律、餐湯、主菜和餐飲，都幾豐富。魷魚沙律魷魚煎得剛好，十分嫩滑，口感夠腍。魷魚上的蒜蓉，十分香口，跟魷魚極襯，為其調味又不會太濃。黑醋稍為偏甜，但無傷大雅。希臘沙律用沙律醬沒黑醋清新。用上黃椒、紅椒、青蘋果粒，還有鴨胸，食材新鮮爽口。猶疑著何以見得是希臘沙律時，竟吃到沙律菜之下的feta cheese，切成小粒，味不太重太咸，很易入口，為味蕾帶來衝擊。洋蔥湯見洋蔥湯很稀，又沒有芝士多士，期望不高。吃下去反而有驚喜。把洋蔥的甜味都熬出來，十分清甜。烤三文魚意大利飯三文魚切得薄薄的，烤得幾好，吃下去不嚡。巴馬臣芝士碎撒在三文魚上

每月都有一餐慰勞宴，交俾我訂位當然揀自己最愛, 荔枝角類似既工廈餐廳食唔少，enjoy chef係我最有印象，感覺最有誠意的一間西餐。今次第二次黎開餐，雖然我最愛既奶油無貨轉左第二款，麵包仲係好熱好脆。沙律揀左巴馬火腿沙律，沙律菜新鮮，配上黑醋，巴馬火腿甘香不死咸，不足係密瓜份量不夠。今日餐湯係忌廉粟米湯，湯面有輕輕打起既鮮奶油，粟米湯屬濃湯質感，不算太多粟米。主菜揀左法式燴橙鴨脾，鴨脾燴得軟淋，肉輕易離骨，肉汁豐富，不乾柴，鴨脾面貼著一片脆焦糖，伴肉同吃更美味。橙汁也十分有特式，香而不酸。 伴菜也不是簡單的水煮菜，有紫薯泥，燒粟米，燒番茄，蒜蓉西蘭花。最後選了凍檸茶清清味蕾，十分滿足的一餐。埋單時告知老闆我們的同事生日，即時送上蛋糕，十分有誠意！

2014年的最後一餐，選擇跟中學時代的老同學一起渡過。小時候最重要的時光總是一大班朋友窩在一起，現在六個人，一半未婚，一半已婚，最重要的日子都留給身邊更重要的人，不變的是我們仍然可以毫無顧忌的談天說地，沒有半點疏離感。在火炭區工作，總會羨慕荔枝角的朋友，因為單單是億利這幢工廈，便已經有許多美味的選擇。今晚我們選了Enjoy chef，20:00來到門口，看見室內還是一片聖誕裝飾，室內的環境有點昏暗，習慣了用手機食先的朋友可能會有點頭痛。餐廳的裝潢以簡約為主，牆上的八爪魚彩繪令人印象很深刻。Set dinner價錢由$218~$338不等，大約有十款選擇。是日餐湯是四月最喜歡的南瓜湯，creamy帶有濃濃的南瓜香，不難一飲而盡。前菜可選炸軟殼蟹牛油梨沙律或鵝肝醬慕絲拿破崙，四月選了前者。軟殼蟹只有半邊，入口溫度微暖，底下墊了牛油果蓉，伴上酸酸的沙律醬，清新減膩。主菜選了低溫慢煮西班牙黑毛豬柳蘋果配燒菠蘿伴薯蓉及蜜嗲那紅酒菠蘿汁，選這個的原因不是因為它有響噹噹的名字(單是菜式名稱已經有28個字了~)，只是單純覺得選牛比較冒險，點豬一般比較安全。豬柳雖然相當厚身，慢煮肉質帶點紅粉菲菲，入口非

第一次黎Enjoy Chef食lunch, 希望係工廈食肆中有驚喜。雖然荔枝角是工廠商廈區,但稍為好一點的餐廳,價錢都有番咁上下,大多數都過100元,但質素各異。Lunch Set 選了意大利雜錦雲吞配黑松露忌廉汁主菜,頭盤意大利巴拿馬火腿蜜瓜配意大利黑醋汁,而湯就沒有得選擇,祇可選是日餐湯,即雜菜湯,這個湯味道唔錯,有很多雜菜,而頭盤及主菜都相當好。 頭盤賣相唔錯,而又有我最喜歡的 Parma ham,質素唔錯,再加上黑醋汁,份外醒神。主菜意大利雜錦雲吞配黑松露忌廉汁,祇有幾隻雲吞,男生可能唔夠飽,但味道濃郁,加上黑松露既香味,能夠帶出雲吞pasta 的味道。關於場地，有兩個位置，入去後通去原來還有另一個單位，這邊不是常常有waiter, 所以招呼上會差一點，而且order 食物後等候時間比較長，在lunch 要返工會比較趕, 但味道都唔錯。