Enjoy Chef (已結業)

今次係同同事慶祝生曰既lunch,經朋友極力推介enjoy😄！佢保証實好食！我地三個人點左兩個set lunch前菜：烤雞沙律🥗：雞肉唔鞋，多汁，配菜食一流好新清煙三文魚蘋果🍎沙律：三文魚食落新鮮湯：周打魚湯配麵包：湯飲完唔會好滯，可以夠位食主菜，麵包夠熱😋😋一個係西冷🐮：我們叫左7成熟，第一眼我心諗會唔會好韌架，點知一切🔪，易切入口都好咬，都算有牛味，百幾蚊牛扒真係值呢個價錢一個係墨魚汁海鮮意粉：🍝好驚喜，無腥味，食得出海鮮係新鮮，意粉又唔太咸👍🏻雖然食完，成口黑色😬另外叫左甜品：焦糖燉旦🍮因為同事生日，我預先同餐廳講要寫名上去，個甜品裝飾整得好靚！同事好開心！加上侍應服務好好，見你食飽一道先上！呢個價錢我覺得值得🤗

今日同事生日，所以黎呢到慶祝下，首先沙律有2個選擇，有水晶蝦鮮果沙律同水牛芝士蕃茄沙律，我就揀左蝦，放得好靚，啲鮮果切到細細粒咁，同埋啲沙律菜，呢到啲沙律黎食過幾次都覺得算大份量呀之後今日既湯係忌廉蘑菇雞肉湯，個湯雖然好多料，但個質地結得黎假假地，真係要改善，但值得一提係佢地啲芝麻包，真係好軟好有芝麻味好好味跟住我揀左內眼扒，我同同事既煎鱸魚share, 今次塊牛扒都幾失望，因為煎得唔夠香，又淡兼冇牛味而同同事share既煎魚都幾腥，不過個紫薯蓉好好味，總括黎講，今日呢2個餐都真係麻麻，希望下次換新餐牌時再試會有改進啦

第一次到呢到用餐, 室內簡約既裝潢+燈光營造既氣氛, 感覺舒服, 桌子之間寬闊, 就算傾計, 都唔怕嘈到隔離。另外, 食物有水準,  量夠又漂亮, 價格合理；服務員有禮好笑容, 又耐心介紹餐點, 整體真的很舒服, 好適合情侶或三五知己係呢到聚會.....可惜的是, 沒有酒精飲品,, 但可以自行帶酒來用餐....真的不錯...不錯......

朋友生日飯,這間開在工廠的餐,之前聽過朋友推介,今日一試,果然朋友冇老點,性價比高,環境易唔錯(係冷氣唔多夠),5個人,點了5個set,帶蛋糕去,不用另外收切餅費,埋單$1710,價錢算中下,絕對可以再去

放工想食西餐，但又想搵小店食，就試左係荔枝角既呢間西餐廳，前2日係openrice訂左枱。當日去到人唔多，4，5枱左右，餐廳裝飾唔錯，有情調，每枱有蠟燭點綴。每人叫左一個餐，不論主菜定前菜都擺放得十分有心思，係會令人賞心悅目既設計，賣相都係味道既一種，佢既賣相絕對見得人。前菜係田雞腿配酥田螺皮盒，3樣都係我最愛，田雞炸完唔乾身，酥皮都脆身唔會淋晒。至於餐湯係蘑菇湯，我本身就好鍾意呢個湯，所以十分加分。主菜一個牛，另一個係海鮮-煎三文魚配海蝦。牛既感覺不太特別，不會過火，中規中矩。至於三文魚有驚喜，魚片平時我都小食，但佢落左粉去煎，煎出黎又香又脆，不會過油，煎三文魚好怕煎到乾爭爭，但佢三文魚肉仲好滑身，配個脆口既魚片，口感唔錯。海蝦用牛油煎，牛油味十分香，成個主菜令人好滿足。跟餐會有甜品，叫左個焦糖布丁，黎到布丁面個個焦糖好硬，好似打醉玻璃咁先得，食個時都驚介口，但入面布丁唔錯，係用雲尼拿條寫唔係落香油。成餐飯都感覺唔錯，係甜品有待改善，而且環境好靜，唔似大型連鎖咁咁多人又趕人走，可以靜靜地，慢慢食餐飯，可能因為人唔多 服務員態度都好好，好細心同周到，而且食物質素唔差，值得推介。

一年多前因朋友影響下開始在網上記錄食記。現在寫食評已經慢慢成為了一個小習慣。但也是因為這個習慣驅使自己好像對食物著了魔的一樣，不其然地自己的脂肪也增進不少。上個月自己好好定立目標誓要回復之前身段，每天也是留公司吃健康餐，下班在家食飯，做運動的，漸漸的寫食評的數量也比之前的少了。今天因有客人上來公司開會，午飯前愛邀請外出吃飯，自己今天也放要下自己身段與同事客人一起出去，當是自己好好輕鬆一下。 億利大廈的餐廳有很多, 這家是初嘗體驗午市套裝有沙律, 餐包, 餐湯, 主食及飲品，對於最近減食的我份量頗多, 幸好同事們落力幫忙分攤, 實是一個很大的幫忙!不久職員先放上了數款包點, 麵包帶點微溫, 塗上牛油帶點半溶狀態, 麵包軟熟而帶有麥香, 確實不錯! 沙律是二選一的, 賣相以和風蟹柳蟹籽沙律取勝, 沙律菜新鮮可口, 沙律醬份量適中, 整體滿意! 龍蝦汁海鮮天使麵 $128顏色跟我想像的有點出入, 本身以為龍蝦汁是橙紅色的。海鮮多以魷魚做主道, 雖然並非對魷魚不討好, 但因胃比一般人差, 消化不佳的食物往往只能嘗數件, 只好把餘下的與同事一同分享。魷魚口感不錯, 除了魷魚外還有青口及蝦, 天使

十週年怏樂，今次老婆簡呢度慶祝,。餐廳做 promote 七折餐，有五道菜 。 龍蝦牛油梨沙律；牛油果配龍蝦中間仲加埋蕃茄粒粒，估唔到咁夾，酸酸甜甜已經胃口大開。 火炙吞拿魚配蟹肉酥皮盒； 吞拿魚上有蟹籽口感不錯而酥皮盒脆口加埋蟹肉一樣不錯。餐湯；黑松露雜菌忌廉湯，似將一藍雜菌放口內。香煎低溫慢煮加拿大極黑豬扒配黃梅蓉醬；這裡 slow cook 真有一手，肉質嫩，邊位煎得香。香煎美國安格斯牛柳拼炸軟殼蟹； 另加錢有法國鴨肝，鴨肝外脆內軟，牛柳 (medium well) 肉淋又無血水流出，軟殼蟹粉漿薄薄可以食到蟹味。原來老婆訂檯時，問餐廳員工是否可安排寫隻結婚十週年甜品碟給我們。 然後放上甜品雖然唔係第一次嚟食，呢度食材用料高，廚師對食物之味道搭配很好，寫碟又唔收錢，價格合理！  所以我都要開個 account 寫下食評，作為鼓勵  

第二次寫呢間餐食評, 離開呢區工作, 已接近年多，原來荔枝角也變了不少。相約好同事交收加個 Fine Dining 是常識吧 必然去我心水餐廳 Enjoy Chef 太約六點半到, 職員見我倆 行裝大包+細包, 便安排坐近門口位置,  實在貼心 。點了兩 set (七折餐)  頭盤、餐湯、主菜、咖啡或茶 and 仲有甜品 頭盤： 火炙吞拿魚配蟹肉酥皮盒、 吞拿魚加配蟹籽及黑醋汁夠鮮味醒胃；酥皮盒焗得不錯，牛油香夠鬆及脆口加蟹肉好配搭。餐湯:：黑松露什菌忌廉湯 主菜：香煎低溫慢煮加拿大極黑豬扒、好味到爆燈，淡淡粉紅色，超淋肉質， 不是死實實般，一碟豬扒也有兩種醬汁選擇。甜品 ：檸檬慕斯、及格。甜品加寫有 Happy Birthday。要順帶一提， 職員真的好貼心, 下午覆枱時多次問及是否需要寫生日朋友的名字, 我話不用。

好耐無去過億利開餐依度好處就係可以帶酒~好幾年前食物質素都可以但今次.......2人去, 叫了2個set dinner頭盤....還可以, 龍蝦沙律配牛油梨, 還可以火灸吞拿魚拼蟹肉酥皮盒.... 酥盒不是自家製, 又實又不酥, 一丁點無味的蟹肉吞拿魚還可以啦法式龍蝦海鮮鍋龍蝦半邊, 肉不鮮, 大蝦…應是小蝦吧,不彈牙和煎低溫慢煮加拿大極點豬扒真係做得很差很差, 不浪費食物地食完, 成排牙都軟, 為何慢煮會硬到咁呢丁點豬味都沒有, 更沒有豬肉汁生日只是寫一個happy birthday給客人...可能是特價set吧但特價加1後,都要$300+字係寫得好靚既, 不過d朱古力怪怪的都食唔番, 膠膠地

朋友生日，找尋地方食飯，選一個大家方便的中心，荔枝角算是方便之選，港鐵直達。找來網上評論不錯的Enjoy Chef 一試。食物質素好好，讓人驚喜！大愛法式龍蝦海鮮鍋，勁鮮甜，一人一客套餐飽到不能形容，從頭盤到甜品都有誠意！加上磨員服務態度極好，熱心幫助及介紹，再加分哦！令人回味的一讓

食物質素及份量滿意。服務有水準及細心，因為食物份量足夠，餐湯有剩餘，當我通知服務生，希望大盤及其他食物需要推遲，她告知已安排了。當我想安排上餐時，她表示剛剛已安排了。

今日去荔枝角睇中醫，就順便揾下附近有冇好野食，記得朋友曾經介绍過呢個餐廳，就決定去試下，餐廳坐落於較為舊嘅工廠大厦内，我地18:00已經到達！因為見今天是平日而且時間尚早所以都冇訂位，門外位侍應叔叔見我地問有冇訂位？(見入面只有一張枱有客！)跟著又問係米工廠大厦員工？吓！我突然諗起之前睇過電視有講過香港工厦大部分食肆都違反其中一条能招待工厦員工以外人士！我地當時都呆一呆，以為都冇缘試呢間店架喇！最後侍應叔叔都俾左張枱我地！(叔叔都算好人，冒着驚俾食環署放蛇嘅危險，哈！)不過諗番轉頭如果執法條例真係咁嚴，我地外面嘅人又會錯過好多值得去食又有質素嘅地方喇！入正題先講餐廳服務質素好好值得like嘅！餐牌上都有好多選擇，套餐，甜點，紅酒都有！我地叫左個大蝦意大利反配龍蝦汁，另一個係羊扒餐 美味嘅一餐！下一次會再泥食過！

在荔枝角這工商地區；很多工廠大廈入邊都藏有許多有質素的餐廳。　今天我將會分享其中一間西餐廳　－　Enjoy Chef. 環境方面；因為係工廠大廈的關係；地方比較寛敞；每張枱子都有一地的隔離；所以傾計也不怕隔離會聽到。　 價錢方面；lunch set 大約平均由$138-268 再加一服務費；已經包括前菜沙律／餐湯／主菜／飲品。我個人覺得也有許多款式選擇；意粉／意大利飯／漢堡包／扒類都包含。 服務生方面；我覺得他們都很有禮貌，而且有效率。我是經網上即日訂枱；一經訂枱後；他們已經５分鐘內再打電話跟我reconfirm。另外，上菜的速度也很好；不會趕急也不會怠慢；他們會等你用完一道菜；才會送上另一道。 食物方面；先講前菜的蜜瓜配火腿同沙律菜 (如圖); 中規中矩;不過不失!餐湯的椰菜忌廉湯 跟 餐包 (如圖);我自已覺得味道比較淡; 有待改善!主菜; 我選了青衣魚柳配粗薯條(如圖)；其實本來餐牌是跟薯蓉；但他們很好地幫我改了跟薯條；彈性得很，十分讚！魚的味道也很好；沒有雪味; 魚肉好實好新鮮! 這個不錯!!!!值得推薦!!!! 午餐每人平均消費大約160元左右!!

和朋友晩飯聚舊，想逃離市區的煩囂，靜靜的吃頓晚飯，是個不錯之選，食材及賣相看得出誠意，價錢亦相宜，前菜和主菜就有水準，份量亦適中，這次因太飽未有機會品嘗其甜品，下次會考慮。

300幾蚊套餐，包括頭盤、湯、主菜、甜品、咖啡或茶，今時今日好難得。侍應態度親切，食物份量足，水準不能與酒店或米芝蓮食店相比，但肯定對得起那個價錢有餘。頭盤，鴨肝雖不及鵝肝油潤即溶，但也不俗。Balsamic vinegar reduction的甜與鴨肝很配，Salsa的酸也降減油膩感。反而覺得煙鴨胸的定位有點不明，有點遜色。另一頭盤，是非常合格的Caesar salad，生菜夠新鮮、脆口，dressing不會太多。Parmesan cheese也算有水準，而且份量足，平常愛吃蔬菜的老婆都食唔哂。黑松露蘑菇忌廉湯夠菇味，但略嫌唔夠熱...豬扒juicy，配粗粒芥末汁是比較傳統口味，而附上的菠蘿汁又是另一番風味，感覺清新。原鍋上海鮮湯的藍本可能是馬賽魚湯Boullabaisse? 當然味道不完全相同。這海鮮湯底較像lobster bisque，有半隻龍蝦、蜆、青口、蝦、比目魚等，十分豪邁，味道也不俗。朋友點的主菜，沒有品嘗不便評分，但朋友很喜歡。甜品是唯一敗筆：custard太稠太硬，算很難食。基本上是不妨多多幫襯的食店，有誠意，我會繼續支持。