Enjoy Eat

营业中

休息中

間中都會帶小友到龍城那邊的單車公園去運動一下。勞動之前，當然要先祭祭五臟廟來為運動員先儲備一些能量....說實在，區內的食店小弟已大部份吃過。要找一間未曾試過的，這可是有一點的難度。不過這兒的食肆更替一向十分頻密，隔不了一段時候，區內就會出現一堆自己從來沒有涉足過的店子....所以說呢，在龍城區內覓食，永遠都能給我們這一類為食貓有一種很強的新鮮感....像這一間，我就從來沒來過了....看網上評語，大家都一面倒地對這兒讚好，說出品價廉又物美。而事實上，光睇午市套餐的價錢，平均五六十就有交易，和茶記相比也相差不遠，而且連湯加熱飲....真的是超爆抵食....以這個價錢，兩大一小每人叫一份餐，都不會覺得肉赤....湯，是在較高檔一點地方才喝到的紅菜頭湯。湯身甚濃稠，算足料。這一個湯，喝後令人留下一個好印象....但可惜的是，一來到主食，就不是這個情況了.....保雲蘇這做法，通常都在應用於烹調羊架上。眼前這個用於普通魚柳上的菜，出來的效果就大差了 ---- 魚肉本身已是處理得既乾又無味且滿是腥氣，再加上舖面的大量麵包槺，肉入口就是乾上加乾。就算之上放了濕潤帶酸的莎莎醬，仍是未能成功帶起我和

從大陸工幹回港，辛苦工作了一個星期，在大陸沒什麼好食，回港當然是食返餐好噶。系大陸時，就相約朋友食飯共聚，朋友提議想食泰菜，自然就想起在九龍城呢個地方，交通都幾方便，從九龍塘過去，都好近。我早到九龍地，到處走走，看除左泰菜外，都發現仲有好多美食的，看到呢間餐廳門口的餐牌，價錢好吸引，又多野好啱食，叫友人改地方，食意菜。走進餐廳，因是早到，餐廳內未見太多食客，過不久，陸續不斷有食客進入，差不多都是坐滿了。櫻花蝦蟹肉意大利飯，呢個飯好吸引，飯夠香濃，飯粒炒煮得剛好，櫻花蝦、蟹肉的鮮味圍繞著整碟飯，每粒飯粒都儘吸收了蝦蟹的鮮甜，入口嫩滑又香甜，口感一流，停不了口。意大利乳豬配薯條，乳豬燒得香脆，皮卜卜脆，肉質又比較散，但都保留了肉汁，咬落肉質都夠嫩滑，香氣氛香，配上即炸的香脆薯條，美味又吸引。美國肉眼牛扒，我倆都食得差不多飽飽了，再來一份超份量得牛扒，我們看到了，即時都嘩左出來，咁大塊點食？但見到，咁正的肉眼扒，就算飽，也要食下去。半熟的牛扒，外煎的剛熟，切開內肉質還呈粉紅色，肉汁流出，好嫩滑，肉質鮮甜，一點都唔帶騷味，有口感。

朋友生日，我請客，食好東西，帶她到九龍城找野食，她講，九龍城不是食泰菜咩？其實除左泰菜外，仲有許多好東西食的，不一定只是食泰菜。從餐廳的外面舖頭看上去，一點都不像是食意菜，還以為又是食泰菜，望真些，餐牌上都寫薄餅、意粉等。我地只得二人，太多選擇，都唔知點什麼呢？看到二人套餐，的確真是好抵食，那我地就點了一份套餐，作為我地的生日飯。餐湯是紅菜頭湯，我都是第一次飲，湯底夠稠，味濃帶鮮甜，湯中還帶粒粒菜頭，有口感。凱薩沙拉，新鮮沙律菜，夠清甜又爽口，是餐前醒胃的小食。法式焗田螺，牛油薯蓉夠香濃又滑，田螺爽口，肉質結實。巴馬火腿黑松露長通粉，香濃的黑松露，忌廉散發出來，每粒通粉都掛滿黑松露及忌廉，滑滑的醬汁，加上通粉的軟硬適中，增添口感。夏威夷烤雞薄餅，芝士香濃又拉絲，餅面食料多，有烤雞、菠蘿、粟米粒、餅底薄，好脆口，味美。

住起呢度幾年都唔發覺有呢間西餐廳, 係一位鄰居介紹下, 今日有機會要黎試下門面與平日的西餐廳無異, 但內裡有很多寫滿中國字的畫, 很特別餐廳晚市有dinner set 或 2人套餐不過望過後, 都係散叫, 因為2人餐沒有紅肉選揀, 因為身邊的是肉神嘛但2人餐都是抵吃的散叫點了一份凱撒沙律, 是日餐湯是紅菜頭湯我是第一次飲, 甜甜的味道, 有點杰, 但不像忌廉湯般漏, 是健康的感覺, 我竟然喝畢整碗!凱撒沙律的每片菜葉都附有醬汁, 唔會只在面頭求其淋上醬汁了事麵包粒都仲係脆卜卜的, 雖然是前菜沙律, 但做得一點也不媽夫唔好以為呢碟薯片係另點的小食其實係主菜黑毛豬的伴菜黎架!!!!係咪嚇了一跳, 心想...大獲, 打後仲有個主菜同意大利飯, 點食得哂呢?!不過薯條新鮮炸出黎, 唔食又好對唔住自己, 勁唔想浪費雖然唔係叫2人餐, 點的食物都算快上檯肉神要嘅西班牙黑毛豬扒, 2隻手掌咁大, 都不特止下面仲有好多烤蔬菜墊底, 成4款唔同嘅蔬菜, 好相信一個人真係食唔哂呢個餐, 成份鬼佬size咁大份, 但都只係百多元, 好抵囉炭燒的黑毛豬, 肉質唔鞋唔韌, 仲好juicy添, 又沒有成塊肥豬膏連

今日係我同老公拍拖3週年，時間過得好快吖收工後簡簡單單就去屋企樓下食晚餐慶祝老公成日都話好想試下呢間烤豬, 今日我無理由唔批準餐廳燈飾柔和, 感覺都幾浪漫!我地叫左2 人套餐$318 ，再加烤豬意粉同PIZZA都可以任選其一, 有好多選擇呀首先我地飲左個湯先, 蕃茄濃湯飲落去酸酸地, 好開胃.白酒煮青口, 份量好多! D汁好濃味, 牛油味好香我地加左$18轉左Caesar Salad, 菜好新鮮, 大大碟餐廳PIZZA原來係傳統手製PIZZA. 個底好脆, 而且芝士味勁濃，火腿夠咸香，好食肉醬千層麵，上到台時夠熱, 而且材料十足! 意大利烤豬份量都係好多, 大大舊, 而且皮勁脆肉質好嫩, 一D都唔肥, 勁勁勁好食!!!!!!烤豬餐有跟飯或者薯條，我地要薯條今晚食得好滿足！餐廳侍應服務態度好好！

我決定開個禾稈冚珍珠系列，寫寫我搵到遇到的低調、用心、默默耕耘嘅餐廳！第一間，一定要寫呢間enjoy eat! I really had enjoyable moments in there tonight! 今日工作上受了點點委屈，點點挫折。決定係要搵點什麼補償心靈創傷！同事帶我黎到呢間不起眼的餐廳！已說過，就是個種毫不起眼的餐廳，就不帶什麼期望啦，反正就是有人請客聽我吐吐苦水便很好了！但是，唔食由字可，食過就是把我從十八層地獄升返上地面。講返食物，叫左二人餐升lv轉Cesar salad,沙律質素絕對係酒店級！菜新鮮不在話下，醬汁的運用亦得宜，難得的美味！前菜叫左白酒煮青口，正宗的意式煮法，汁係黃色的，味濃郁，秒速清曬！Pizza, 又係超好味！真的要讚讚廚師，味道balance，少少甜餅皮點點脆，點點軟熟！不得不提個意粉！食到呢度意粉時，其實我已飽到上心口！但我仍然覺得好好味，黑松露的香氣獨特味道加上各香料調味，長通粉軟硬兼施，小妹鯨吞半份！好飽！但都仲係好想食！死味！人生意思何在？大概就是沒有難過的日子，又怎能吃得如此開懷？如此沒有悔憾😆

食泰菜，食甜品，食火煱要去九龍城，眾所週知，但今日好友帶我去了~Enjoy Eat 餐廳食西餐，味道了得，令人津津回味。下次去九龍城，我又多一個選擇了。Enjoy Eat餐廳雖然只是一間平民化嘅餐廳，但內裏裝潢有各式各樣嘅中國畫及題字，增添不少文化氣息，頗有生趣。餐點選擇豐富，有2人餐，各款晚餐及意粉，甚至有傳統意大利乳豬、手製pizza等。由於近排食了太多肉類，今次選擇食海鮮為主。先來餐湯~蕃茄濃湯番茄香氣十足， 無比濃郁， 酸甜開胃，健康美味。頭盤 : 法式焗田螺($68)香濃嘅起司，帶點鹹香嘅醬汁，軟嫩嘅田螺，再加上充滿牛油香既薯蓉，令人食指大動，完全陷入田螺既世界。主菜 : 比目魚扒伴巴黎牛油汁伴薯條($158)這個比目魚扒肉質滑溜到不得了，配合金黄香脆又熱呼呼的薯條，不消一刻，全部被我吃掉了。主菜 : 緬甸大蝦配蒜蓉牛油汁(1隻$158)大蝦差不多有十吋長，蝦膏豐富，厚肉身而且肉身爽滑，配合蒜蓉牛油汁，口感一流，這個必吃。餐茶(套餐加$3) : 凍檸茶、凍檸水甜品 : 法式焦糖燉蛋($38)焦糖糖衣非常香脆，燉蛋又滑又軟綿，yummy。蘆薈燉蛋白($42)充滿奶香又軟滑， 加

嗰日約咗朋友喺九龍城買嘢，買完野之後就喺九龍城附近搵嘢食。行行吓見到間食傳統手製Pizza，而且價錢合理，所以決定入去試下。餐廳燈光柔和，座位寬敞，環境十分舒適。餐廳菜色有好多選擇，仲有甜品同紅白酒。是日晚餐都好吸引。甘筍湯充滿着甘筍粒，感覺非常清新，而且仲好健康有益。薄餅點左四式芝士薄餅，一上枱嘅時候已經聞到好濃嘅芝士香味。薄餅份量份量都唔細，而且餅底厚薄適中，食落非常香脆，芝士同番茄醬嘅份量配合得非常之好。之後再點左個肉醬千層麵，上枱嘅時候店員好細心咁提我哋好熱小心辣親，而且賣相相當吸引。千層麵十分足料，有濃濃嘅蕃茄味，而且有大量肉醬，再加上面頭鋪滿芝士，味道非常豐富。餐廳整體食物質素一流，店員服務態度亦非常細心，除此之外餐廳冇收加一，真係好抵食。

九龍城出名多美食，食飯時間真係好難搵位。今次同男朋友去咗外圍果邊覓食，發現到呢間西餐廳仲未full。因為今日比較凍，一坐低個侍應就即刻拎咗兩杯暖水比我哋，超級加分！今次我哋叫咗個二人套餐。首先出場嘅係是日餐湯—甘筍湯(^_^)v淨係睇相都知道真係好多蓉架！我哋加左錢拎咗個凱撒沙律🥗。啲菜好新鮮，除咗麵包粒好脆之外，啲煙肉都因為烤過，所以好脆，而且你都估唔到個份量真係好多！我哋另外叫咗蟹餅。一提起蟹餅仲諗住個質感係好膠，但係估唔到食落去係咁鬆散，好似食緊麵包糠但係又有蟹味。總之真係估你唔到嘅驚喜。而且佢另外仲有配埋沙律係黑醋味有水果。因為想食得fresh d，所以叫咗個菠菜雞肉闊條麵。我地就略嫌麵唔夠味，所以有額外加鹽。但係可能因為我哋平時食得比較重口味啦。而雞肉係有加咗孜然去掩製架，咬落去有肉汁之餘，仲唔鞋口添！最後叫左呢個青椒牛肉pizza。個牛肉睇落以為係好乾好鞋，點知係林身的而且份量又係好大份阿！食完真係好驚訝自己既份量最後埋單其實真係唔貴。而且而家食滿200，keep住張單下次一個月內再食又有9折🤭🤭

午餐點了燒羊脾飯，$88。雖然在九龍城以午餐來說是比較昂貴些，不過燒羊脾又好像很吸引，即管試試。先來的是餐湯（甘荀濃湯），仍有一些咬口，感覺不錯！之後便是主菜——法式香草燒羊脾飯。沒想到份量這麼大！羊脾切件上，充滿了孜然、香料的香味。很欣賞。可以改進的是部分羊肶比較韌，不過整體來說仍是容易入口的。配菜款式和份量都很多，西蘭花、南瓜、茄子等等，很難得！不過相信是預備煮起，加上天氣比較冷，已經放涼了。餐飲點了即磨咖啡（走奶）。質素不錯，不會太苦，帶有少許喝茶的質感。整體是滿有誠意的一間餐廳！讓人滿足地離去。

難得可以出番九龍區工作，仲要咁近九龍城，就當然要放工去食餐好嘅慶祝一下！雖然九龍城真係好多好多檔泰國菜，但係晏晝先食完，今餐就唔想再食喇。見到有間西餐廳，入面乾淨，而且好想食pizza呢！坐下就即刻送上暖笠笠洋蔥湯，本身怕洋蔥會有酸味，不過啲碗湯飲落有好香濃嘅洋蔥味，而且咸度啱啱好，飲完都唔會覺得口渴。主菜有特別推介，我哋就先點了一個香草芝士菠菜薄餅加配煙三文魚，係鬆脆嘅博批，但又唔似餅乾咁乾爭爭。熱辣辣菠菜加芝士配埋火箭草同煙三文魚真係好夾好易入口，而且個份量都足夠二至三人吃，好開胃！另外牛肝菌南瓜意大利飯都好有驚喜！好喜歡佢米飯嘅硬度係咬幾啖就嚼到落肚，南瓜汁好入味配埋香菇真係一流！呢個價錢，呢間餐廳水準都算非常高！而且口味港式化，最怕太鹹嘅西餐，呢度冇味精又冇好油膩，所以會再encore！

今次繼續來到九龍城搵食!已經是第二次來這間餐廳, 招牌菜是乳豬呢!同事有點到午餐SET $90 乳豬, 我試了一口真的很不錯!我自己則點了德國豬手餐, 都是60多元十分足料, 下面的我以為是薯角, 但原來是梨呢還有大脆皮!唯一要挑剔的是不太夠汁其他同事還有試到魚(60多元), 還有肉醬千層面($52), 都是不錯的選擇!上次的經驗是飯會煮得有點爛, 所以我們大家都選薯茸。由於天氣實在有點寒冷, 我們餐飲都飲熱朱古力, 這裡的熱朱古力十分好喝!!!!!至於服務真的不錯, 首先因為我有事要做, 所以點餐後就去附近辦事回來後剛好上菜, 才發現原來餐湯留到等我回來才上而且全日不收加一

今日係我同男朋友的特別日子,我哋拍拖兩周年,我哋原本去九龍城食泰國菜，但一落巴士行行下就見到間西餐廳比佢中西合璧吸引咗入去試吓，不過好少食西餐的我，都覺得好好食我哋叫咗個晚餐兩隻大蝦🦐🦐跟薯條同卡邦意粉,隻蝦拎過黎己經好香香草牛油味,一口咬落去好爽口好鮮甜,原來海鮮配牛油汁係咁香咁好味,全部鮮甜出曬黎,卡邦意粉都炒得好好味,香噴噴芝士味重有牛奶滑溜意粉爽口，重有份量好大好多夠晒我哋兩人的份量。

九龍城一向都係食泰國菜的好地方，今日黎到呢到同朋友就唔係揀泰國菜餐廳，反而想試下呢間係打鼓嶺道的西餐店。夜晚有個好抵食的二人餐，都只係$318餐湯係南瓜湯，比較清淡，南瓜味好清甜凱薩沙律，沙律醬好多，面包粒香脆，生菜新鮮脆口牛油芝士鮑魚，底係好厚的薯蓉，鮑魚嫩滑，有咬感地中海焗蟹餅，有加肉鬆，焗得好香脆黑松露醬野菌扁意粉，有巴拿馬火腿，意粉煮得比較冧身，醬汁入味，份量多四重芝士pizza,焗得好香脆，芝士份量多香蕉心太軟加朱古力雪糕，味道好夾

enjoy 既意思就係 to get pleasure from something....今次介紹既呢間餐廳都非常有特色。先講裝修，帶點中國風，應該係老闆鐘意對聯﹑水墨晝呀寫下大字咁，都幾特別。地方乾淨企理。卡位夠大夠空間。野食多到講唔曬。大把得選擇。（呢度只係一部份餐牌）西餐既頭盤當然要有沙律啦。我地貪心少少胃口大一點點所以除左點凱撒沙律之外再加$30配上風乾火腿。火腿有點鹹得滯，夾埋菜一齊食就最fit。再配上甜紅蘿蔔既西湯⋯（無記錯應該係每日都唔同口味既餐湯，希望大家都有驚喜啦）我諗大家見到佢真係唔會出奇。係我食評入面大大話話乳豬真係出現左不止五次。因為本人男朋友實在太太太太喜歡食乳豬😂 $248 驚喜既價錢同驚人既味道。以我食乳豬既經驗黎講，呢度配以蔬菜洋蔥蕃茄係幾有趣既組合。10分滿分我比8分。果2分係失在乳豬肉可以更嫩更好咬！以我男朋友專食油脂炸物既性格薯條係一定會出現架⋯😅呢度既自家整薯條就好岩佢，條條都咁粗。very good ar ！即叫即炸真係唔係講玩。最後以一杯爽既菠蘿汁作結尾。建議大家叫野飲可以揀酸野，等食完咁多重口味野既自己得到舒緩。呢度菠蘿汁唔錯架！都係加$