Essence

营业中

休息中

頭盤海鮮三文魚同蟹腳，個樣雖然唔太標緻，三文魚切得碎，蟹腳偏細，但味道一絕好鮮甜。熱食羊架剛剛好，少少蘇味 但好林，炸魷魚的脆漿厚薄剛好，咸香鬆脆。燒牛肉略為過熟，少少韌。甜品的窩夫，pancake都好好食，外脆內很香蛋味，朱古力噴泉的朱古力好好食，濃濃可可味，而且係脆皮的，加上雪糕實在好正！用會員卡$184/位。

呢日提早慶祝媽媽生日，借左佢朋友將會員卡喺機場就近嘅諾富特東薈城酒店大堂入面嘅ESSENCE食BUFFET！因為會員有折，每位都只係120$，抵到爛！呢間嘅款式5算多，但每一樣都做得好出色！其中要提及嘅係甜品區！有黑白朱古力噴泉、即煎水果PANCAKE、WAFFLE、布甸、慕絲、奶凍、芝士餅、朱古力餅、泡芙、冬甩、雪糕等等..最中意同好食嘅係麵包布甸！個麵包焗到好淋..混埋D布甸度，好甜好綿，好夾個麵包軟到好似布甸質地，好易入口另外，D朱古力噴泉都好好味！有好幾款鮮果俾你浸朱古力漿，好甜吸引到小朋友食多D生果個D小杯都係甜蜜蜜，咖啡味、焦糖味、牛奶味、朱古力味，應有盡有！最中意COFFE MOUSSE，又滑又有少少澀嘅甜，SHU一聲入喉嚨！呢間人流5好去到好多，可以再嚟！

二月的一個星期五，我在東涌富諾特酒店吃自助午餐，餐廳環境夠闊落，沒有花巧裝飾。湊巧有復活節獻禮＜味遊韓國＞自助午餐韓式牛肉石頭窩飯和秋刀魚韓式前菜和沙律韓式泡菜薄餅西式意粉、通粉、磨菇、芝士、洋蔥、粟米粒、白汁.....侍應會幫你在鑊仔撈.....起給你！燒牛肉還帶血水！黑白朱古力噴泉，有得玩有得食！韓式沙律的沙律汁味道酸味較少，炸餃子不脆，燒賣一般。我要了燒牛肉配黑椒汁，味道不錯，燒牛肉中心部份帶血，沒有吃了！炆豬手炆到「骨肉分離行」，結果我只吃到少許豬皮，餘下一大堆骨塊。左邊是冰鮮白切雞，右邊是淡味鮑片，都是冇吃冇錯失！要了芝麻糊和香港名牌芝麻雪糕要這樣吃芝麻糊才高檔好味道呢！甜品可以比喻是妺仔，有時候妺仔是大過主人婆架！雖然湊巧有復活節獻禮＜味遊韓國＞，韓國佳餚又不算多，我除了韓式沙律，日韓食品都冇興趣沾染，中西式的食物水準都很一般，自助餐的好處是一定吃得飽，因為每款式都試吓，試完都會飽，當然都會楝啱才試，去年在九龍富諾特酒店吃過自助午餐，我就比較滿意！

事緣教會搞咗個東涌半日遊，所以有機會嚟到諾富特嘅Essence食自助午餐。不過，又因配合番教會嘅主日時間安排，以及因為人數眾多（4架旅巴共二百幾人），幫手做埋車長，即喺幫吓手扶老携幼兼安排吓秩序咁，所以，未試過45分鐘內食一餐自助餐 ，認真極速。Essence我都喺第一次嚟，餐廳環境唔錯，裝修如一般酒店西餐廳，無乜太多花巧裝飾，但勝在夠大夠闊落，樓底高，所以，空間感強 。食物區集中晌餐廳嘅左側，而右側就喺大部份用餐區。今次真喺無乜時間慢慢影相，兼且一下子成二百幾日嚟到，都唔太方便影，因為度度都人頭湧湧，哈哈 。此外，搵食策略就喺要快，一啲多人排嘅熱門食物就無謂嘥時間排。今餐食得唔算多嘢，所以對個自助餐嘅評語未算好全面。好似一啲凍海鮮、魚生、大部份熱盤就無試喇。以下相片，都喺等差唔多離開時，人潮過後先補影番食物區個環境！ 沙律、冷盤 照慣例，第一轉就喺食沙律開開胃先，沙律嘅選擇都喺大路嘢，但足夠砌一大份靚靚煙三文沙律。沙律菜好爽脆冰涼，薯仔、紅菜頭、車厘茄、南瓜……都好甜美，配上油醋，糝多少少煙肉碎，實在喺一份滋味前菜 。 餐湯、麵包 餐湯一中一西，前者喺青紅蘿蔔煲

呢間酒店我當日shopping 行到累走入去試下，午餐自助餐二百幾咁樣質素真係趕客。食物選擇少不特只，質素更加係差。首先沙律菜唔新鮮，唔知點解出晒水，刺身細舊同明顯唔新鮮，壽司賣相散修修，壽司飯原來係硬身既。件燒牛肉接受唔到因為好硬身，明顯overcooked.熟食仲有即煮長通粉，長通粉唔夠淋，上面只配上用茄汁煮成既醬，並無其他配料。甜品諗住食最穩陣既tiramisu, 點知個底係濕晒，個酒味超重，最後食一啖已經唔想再食。

雖然平。但真的失望。壽司飯硬。燒牛肉更硬。凱撒沙律汁味道不對。只有個肉骨茶湯，醬油炒麵，姐姐即做墨汁意粉係不錯。其他所有食物味道係正常以下。人手不夠。叫左埋單15分鐘都仲未比到錢。$25X 1位下次寧可選擇其他餐廳。這裡都應該唔會再有下次

前日媽咪臨時話第二日有息休，話想食自助餐，咁我即晚打電話book，打左十幾次都冇人聽，叫媽咪打一打就聽 第二日我地準時12點開始，就望左有咩飲同食先，凍櫃個邊師父係咁切3文魚刺身！熟食冇乜特別，有即製意粉同中式粉面，冇咩炸野食，有燒雞件，焗魚，炒飯面冷盆，沙律款式算多，有青口同海虾，刺身得3文魚（添得快），立魚同彷鮑魚片，壽司有3-4款甜品，有即製waffle同pancake，有6款杯杯奶凍，蛋糕，minipuff，黑同白朱古力噴泉埋單加埋1，每位170，如果要求5太高，食魚生同鐘意甜品，不妨帶老人家小朋友食下，d位都算舒服！有下次

上完昂平360，一直都知呢間自助餐好抵！落山時見到，即刻打電話去訂！居然仲有位！而且而家做7折，價錢好抵！所以三大三小浩浩蕩蕩去到，佢原先比長枱我哋，我哋怕小朋友坐唔定，餐廳好好咁轉咗張圓卡位比我哋！開始出去攞食物，食物種類選擇雖然唔多，但質素都唔錯，我哋由沙律食到甜品，都無覺得有差嘅地方！而且難得在飲品任飲，咖啡奶茶自助式，味道唔差！沙律爽脆新鮮好味！海鮮類種類唔多，唔會有生蠔！蟹腳及蝦唔錯，魚生只有大路嘢，不過刺身師傅好爽手，切好多！質素都唔錯！扒類唔會嚡，尤其羊扒，湯係羅宋湯，配麵包好味，即煮意粉煙韌好味！甜品雖然係大路嘢，不過味道唔錯，雪榚係牛記，味道都算多！店員好有禮，收碟又勤快！食物區嘅店員都一樣！平靚正嘅自助餐！

收在新假期FB張帖。知道東薈城酒店有下午茶自助餐任食馬卡龍。優惠期由24/5 - 26/7.只限星期六及日有下午茶自助餐。所以馬上乘港鐵至東涌東薈城酒店。有好多野食。有中餐同西餐。馬卡龍可以任食。日式菜有冷麵，車仔麵。中菜有叉燒包。湯有南瓜湯。有牛肉粥。甜品有菓凍同乳酪，有雪糕。飲品有蕃茄汁、菓汁同埋咖啡。D野食好正。馬卡龍好食，有好多款味可以品嚐。個南瓜湯帶有酸味。都好飲。甜品有菓凍同乳酪我本人食咗好多。好食。日式菜冷麵好彈牙。但無雞蛋做配菜。埋單要$138 + 10% = $151.8大人細路都啱食。

記得之前呢間餐廳係要排好耐隊先可以食到，除左價錢平，百幾蚊之外，大家都話質素好好。時至今日我先食到，但價錢已經去到$250一個人。對比其他酒店4、5百蚊黎講，依然十分相宜。所以尋晚就一行22人去食。由於食物令我比較失望，我連相都無影，麻煩大家自我幻想一下。凍盤方面有煙三文魚（還可以）、凍肉、沙津、沙津菜（有點苦）、刺身等。熱盤方面有咖喱牛（乾）、豬頸肉（食完之發現係雞。。。）、蒸魚（必鞋）、羊架（我無食，但見出面仲有成座山，應該都麻麻）、燒牛肉（咬擦較）、炒飯（濕的）、魚蛋米（唔錯，我靠呢個飽肚）甜品有各式好醜樣既小杯甜品同生果，仲有pancake and waffle ，聽同事講呢兩樣都唔錯。搭配雀巢雪糕。當然，論食物質素我覺得$200都唔值，但以酒店環境，可能還是不少人的選擇。

時光飛逝，人事變遷。看看openrice, 對上一次寫食評已是2011年，這幾年錯誤的投放時間，沒有好好珍惜應該珍惜的人和事。現在學會珍惜，好好利用時間，做一些令自己開心的事情，看回以前的食評，感覺也很快樂。希望能從記憶之中寫回這幾年珍貴的開飯回憶。先從最近寫起，慢慢再補回以前吧。昂坪360+大澳一天遊尾站，閒逛東薈城，接近晩上七時，不知不覺走到了諾富特東薈城酒店，同屋企人講不如食自助餐，即興walk in, 接待員說full 了，等7位，有點失望，想著機會不大，但也留電話一試。跟小朋友到洗手間後，收到電話說有位，喜出望外入座。餐廳很大，可以容納很多人，我們3人被安排到一個近似偏廳，很多小朋友，有點吵，但慣了忍耐的我，是可以接受的。原先小朋友等位時見到白朱古力噴泉，入座後沒有了，好像要維修，有點小失望。取食物，講到食物:刺身類:有3款，三文魚,立魚，仿鮑魚，太少選擇了。冷海鮮: 凍蝦，青口，長腳蟹，也不斷供應，新鮮度只是一般。熱食物: 羊架，鮮嫩多肉汁，偶爾供應斷缺，但接近完場還是有剩的。燒牛肉，屋企人話有牛味，不會太老，幾好味。其他還有，苦瓜炒牛肉，炒麵，炒飯，香草蝦餅……沒有特式的

星期日食午市自助餐，每位$214大家唔洗山長水遠入去食，因為午市自助餐麻麻海鮮:不停refill蝦:部分有沙, 細細隻，都幾鮮甜三文魚: 有D腥，食太多超"濟"青口: 無特別沙津:沙津醬選揀唔多沙津菜都新鮮煙三文魚太鹹，唔新鮮(可以話難食)烤羊肉片: ok, 每次攞都要排隊，由廚司切俾你牛肉: 超難咬開,攞左一次已經唔想食,每次攞都要排隊，由廚司切俾你泰式烤雞: 好食，味道超好燒賣:同叮叮冇分別豬柳:難食白切雞:好食，但冇特別燒鵝: 好食，但唔夠熱甜品冇咩特別，款式唔多雪糕: 得3隻口味(vanilla, mango, chocolate) 仲要係雀巢生果得西瓜, 大樹菠蘿, 罐頭菠蘿cake: ok 正常，冇特別慕士杯: 有士多啤梨,chocolate,焦糖布丁, 都好甜朱古力噴泉: 有白同黑揀, 可用麵包條同綿花糖點朱古力有呢Dpancake整，廚司即叫即整,好食仲有格仔餅可以自己整有得即叫即整意粉，但太飽冇食燒鵝瀨都有冇果汁，得茶,咖啡有麵包，都幾靚，但冇試杏仁霜都幾好食羅宋湯好飲，夠味夠料員工服務好，有禮，收碟快refill也快真心麻麻，下次唔會來

豬大人又大一歲喇!!青蛙早就在個多月前,在''Essence'' BOOK了檯為他慶生。當日放學後立即趕到東涌會合豬大人Family,齊齊等開餐、擦餐勁。我們一行五人被安坐於一張便於取食物的長卡位上,感覺闊落、舒適、方便。青蛙又一如以往, 先巡視一下環境 ^^有海鮮﹑刺身﹑壽司﹑沙律等等~一於先來冷盤!!凍蝦: 肉質爽口、新鮮;三文魚刺身: 肥美沒有筋;鮑片: 鮮甜可口。燒鵝脾: 充滿油香、肉質尚可不韌。中湯: 清甜﹑足料, 不是有味水。西湯: 那是豬大人的, 所以青蛙沒有試。這裡比較特別的是, 飲品是自助式的咖啡或茶,自行加糖加奶, 其實都非常方便~再來就是黑椒牛扒,青蛙試了一口, 覺得挺多肉汁, 不俗。即煮自選配料意粉,青蛙怕飽肚的原故,所以每款只試了一口。但味道被其外表出賣了,青蛙覺得不夠味呢......不得不試芝士薯仔,微咸的芝士多到把薯仔淹沒, 正!!!楊枝金露: 偏甜﹑只有少量芒果肉, 但柚子肉側很多。西瓜則不及蜜瓜甜.....自製海撒沙律, 無得輸 ^^最後一人來一杯雪糕, 滿足﹑收手, 停口了 ^0^ 

對這類餐廳真不懂怎樣俾分！先以價錢定位，我老實亦沒有麼期望，因此，絕對沒失望，但評價是住在附近的話，行過來吃個餐止止咳（buffet 癮）都未常不是好事。否則車費時間都貴過這餐飯的價值。地方幾大，取食物區都好闊落，個場咁多客人都不會太要排隧取食物，算幾好。平價位的餐，某些食物算是不錯，沙律算是最高分的食物，款式多，味度都很突出，最讚有個麻辣粉皮，好吃。第二讚是有個湯粉，好特別，像卷埋一塊手巾，廚師一灼就熟，看起來好像好快索哂湯水，漲哂淋哂咁，但吃起來口感超特別，好有米糊香，入口即溶，真係要俾個like 佢。但唔記得幫佢拍張寫真但除左上述说的，其它食物就讚不了過去，雞，鴨普通燒味店質素，燒牛肉完全無味，羊也沒有羊味先最利害，秋刀魚唔得，三文魚普通，勝在任夾，唔使等廚師分配。有，炒粉，炒飯，意粉，湯粉實食得飽。甜品一般水準到一般，中西湯像餐廳例湯，咖啡，茶是任飲。以這價位對食物，算合理，我覺得都合格。另外補充，因為餐廳供應下午茶buffet, 一點半就要你埋單先，而且會跟你說2：30就要離場加埋這點，我有理由說它是一像個食堂！！

本來打算係迪士尼樂園食飯，最後因為趕唔切樂園酒店啲buffet，所以決定出來東涌食返呢間以前有「平靚正」美譽嘅Essence。由於今日係平日，只係開左2/3個場，好鬆動~ 而今季嘅主題係：中東首先，各位真係要留意，呢度除左熱飲外，汽水廿蚊罐可謂明買明賣，唔好諗住最後有餐飲送啊~ 係無架~!!! 到冷盤了，呢度最出面係二百幾蚊個人，就可以提供翡翠螺、魚生等冷盤，可惜的是.... 螺係夠大隻，但係有好多沙....沙律方面其實選擇都好多，算係okay~ 炒什菜真係好清淡....不過賣相真係靚，而且起碼唔老呢個焗薯仔還可以，因為佢有放到啲煙肉一齊落去焗~ 也有些香草~ 呢2碟pasta真係okay，不過本人推介大家吃墨魚麵多過其他，因為墨魚麵真係香濃~ 配忌廉汁更好~ 呢個檸檬雞真係可怕，除左個汁係有少少檸檬味，啲汁完全入唔到啲肉，啲肉好「鞋」口，同煲完湯嘅雞差唔多。同普通串燒一樣，不過佢特別左燒焦，但無燒焦嘅香味，而且微溫唔熱...裡面有洋蔥、魷魚、青口同西椒，食左一串唔會令人想食第二串。初頭我見到佢個名真係好好奇，因為未食過小麥係乜野，點知....係似啲米切碎左咁，好奇怪，而且明明係同雜菜