Essence

营业中

休息中

媽媽朋友成日都提東涌novotel既自助餐十分抵食,又多野食!見佢講左咁多次，諗住早三日到打去book位,當做母親節飯啦~可能我book星期一關係，平日應該冇咩人掛，所以有位唔洗留位! book 左6:30，早左10分鐘到，門口都係得幾個人等緊，.職員話要過多5分鐘後先安排入座.咁我地一家4口加埋我bb 五個人咪係門口外的梳化坐下佢地安排我地坐入面的圓弧形梳化椅(爸爸同妹妹勁開心,容易睇住我個仔嘛,好舒服!!!)行一轉冷盤，幾款沙律同沙律菜妹妹通常都會去拎甜品先，有好款小杯既甜品，唔大杯份量好好，亦唔算太甜!冇生蠔、冇蟹腳唔緊要,因為我地都唔係好食的.有翡翠螺同三文魚刺身(成盆自己夾的~爽呀)爸爸媽媽都很愛!有原條整熟左既三文魚嘩~煮到岩岩好!即煮麵，有白汁/茄汁, 分兩個鑊去煮，我揀左墨魚麵配茄汁!排隊拎燒羊架同牛肉，爸爸妹妹至愛羊架可惜佢地只係食左兩件，因為已經食飽晒個肚冇位裝!紅茶任飲，自助形式去拎!食食下其實原來都坐滿人，不過地方唔迫，好多人行黎行去都覺得仲有好多位!~~~~不過咁平又多款野食,爆滿都正常既!食飽離開門口行幾步，格黎間bar仲有人唱歌添，情調幾好!

由朋友口中得知東涌novotel既自助餐十分抵食不過好多人book….所以早兩個星期就打去book位，順便提早慶祝爸爸節….我地book 左6:30…但早左15分鐘到…已經有很多人係門口開始排隊….職員都早5分鐘比我地入座…一入去..我地急不及待主攻冷盤….有蓮藕沙律、紅菜頭沙律同好多款唔同既沙律菜….仲有我鍾意既翡翠螺同三文魚刺身…..沙律菜同三文魚都好新鮮，雖然翡翠螺有少少沙，不過真係好鮮甜食完冷盤，我同爸爸即刻去排隊拎燒羊架同牛肉，由於我唔係好食生既的肉…就同廚師要左件全熟既牛….食落去有少少乾…不過冇計鬼叫我唔食生肉…而亞爸要左兩件羊架，不過同廚師request 生d，佢話好好食唔太”蘇”，而且由於唔係全熟，外面少少脆裡面就腍…又食即煮意粉…有白汁同番茄汁…一個汁就用一個爐煮…咁又幾好..煮得快好多…仲有原條三文魚….忌廉薯仔(好好味)…燒雞等等…..好多款呀抖一陣/…我同亞妹亞媽就去拎甜品….依度有好多一杯杯小杯既甜品比我地揀….可以比我地試多幾款….不過略為甜….我最中意都係個pancake….可以加個雪糕球包住食…自己再加toppings!!!!正呀~~~以$218蚊價錢

山長水遠由九龍入大嶼山的昂平市集, 夜晚順道去Novotel 的自助餐食返餐, 因為3-4年前食過幾好, 今次返返黎諗住重溫一返book左6:30, 諗住早d到, 6:00已經去到門口, 點知都已經人馬雜雜...好多人呀抱住極期待既心情入去, 入到去竟被編入房入面, 不過唔緊要啦, 我已經急不及待出去拎野食, 格局上同以前不惶多讓, 出去先拎冷盤...點知...冷盤原來已經係全場最好食既野食啦...但翡翠螺係有沙家熱盤的, 意粉只有兩種汁, 分兩個鑊去煮, 而且都無見佢洗過, 但味道只可以叫做食得落...但其他的...如羊呀, 牛呀, 飯呀, 小菜類呀...全都唔得甜品係多選擇的...不過, 除左部朱古力噴泉外, 其他都全部唔得, 包括雪糕, 竟然仲差過雀巢的, 真係唔知道佢係邊道入貨...唉!應該唔會再去啦

自助餐雖然好多人, 但餐廳擺檯的分佈很好, 唔會覺得擠迫, 而且檯與檯之間有空間感, 有privacy. 樓底又高. 仲有圓檯選擇, 最適合一班朋友傾偈. 以呢個價錢食物種類算好多, 甜品選擇又多, 不錯!沙律好新鮮, 賣相幾好, 但有幾款沙律都重覆用左車厘茄做材料, 欠缺新意. 刺身選擇不多但質素都唔錯. 有幾款中式頭盤都好味, 例如雞翼尖和蓮藕沙律. 海鮮選擇較少, 只有青口, 翡翠螺和煙三文魚, 是較弱的一環, 但價錢咁平, 都算係咁.好 surprise 各款熱盤的味道都唔錯, 炸蝦丸彈牙, 煮三文魚夠滑, 栗子炆雞的栗子夠甜. 即煮菠菜意大利粉配忌廉汁好味, 唔會大腍, 都做到 al dante. 甜品選擇多, 賣相都OK, 蛋糕比杯裝甜品出色, 個人比較喜歡熱情果mousse cake, 黑森林蛋糕, 木槺布甸等. Pancake亦煎得幾好. Buffet 本身價錢不貴, 食多幾件魚生都可以回本. Serve 我地果檯個waitress笑容幾好, 收碟快, 有效率. 食物 refill 又快, 服務唔錯. 最正係價錢超平, 假期都只係$218真係好鬼抵食.

很少選自助餐,通常不太好吃. 上個月剛去了the market吃了一次.味道很好,只是座位太密,對於488的費用,是有點不好.剛好因為到東涌買東西,訂了位試試它的自助晚餐.因為NOVOTEL的關系,以為會有水準.想不到的是,大部份食物只具形態,不具應有味道.水準比不上茶餐廳.羊架是比較好的,可惜弄了個全熟.有些更OVERCOCKED.甜品只布泡芙好,其他都不是味道,NEWYORK芝士更是完全失敗,到底餐廳的工作人都不食西餅?以248元+10%的收費,當然不會有期望,但是水準之低無出其右.主食不多,不會換主食,食來食去都是同一款式,長台是用來排隊的,很浪費地方.便宜的食材,都可以弄到好好味,請問仔們到底知不知道.

Lunch buffet is a good choice for families and large parties. Be sure to make a reservation on weekends or during prime hours as the restaurant gets insanely crowded. The food selection is excellent for the most part (pasta/noodle station, hot food of mostly Chinese dishes, seafood area with smoked salmon, sushi and sashimi). The salad/cold food bar could use a bit of work as about half of the cold foods were meat-heavy, with limited choices for vegetarians.Dessert was just okay, nothing spec

一如以住，龍年的大年初一也是與兔年的一樣，在「Novotel」的「Essence」吃自助餐開年。細心與昨年比較，有了以下發現：1. 一年前，蒲飛收 $148 +10%，一年後收$158 +10%，通貨膨脹逹 +6.7%。但願今年加人工有 +6.7%，否則就等於減了人工 -6.7%。2. 食物大致上是差不多，本人第一碟吃的都是「檸檬三文魚」，證明朕用情專一。冷盤沒有了翡翠螺，有點黯然。刺身類都是有三文魚，吞拿魚，𩶘魚，味道一般，勝在樣樣俱全。3. 本少爺一年前不嗜羊，現在則非常喜愛羊扒。人大了，也重口味了。即煮意粉點了白汁煮墨魚汁麵，熱辣辣，也很不錯吃。印度烤雞依然好吃。不變的，還有跟遠房親戚那份「話不投機」的曖昧感覺。「Essence」，蛇年再見。

週末的一天, 決定大嶼山自由行慶祝岳母大人生日, 遊玩一番後就返東涌食自助餐去到已經七點半了, 不用等位, 雖然所餘時間無多, 都照食啦之前都聽好多人講過去東涌食自助餐是不錯而又便宜的, 所以都期望會有一定的水準入到去, 好大部份圍住裝修緊, 但都接受到衛生情況既又係先試吓冷盤先, 好大盤三文魚, 吞拿魚, 鱲魚, 八爪魚刺身全部切好大大盤放晒出嚟, 雖然食落都無乜特別, 都唔敢食咁多即切的有燒牛扒同埋羊架, 牛扒就不過不失, 兩者比較我會較喜歡羊架其他的選擇還有羊肶肉, 泰式燒雞, 兩者的味道還可以, 好在仲有少少汁, 如果唔係就乾都爆至於餘下的熟食還有約十款可以選擇, 種類唔會好多, 味道是可以的, 都夠填飽個肚甜品類亦有多款選擇, 蛋糕, 雪糕, 朱古力噴泉等...一般你需要的也能滿足到你整體係算一般, 價錢始終唔算高嘛...

同家人一場入到來東涌,就去食下午自助餐,呢間出名抵食,抱著一試無妨既心能,就試食!場內環境都算不錯,但有些座位就比較迫,而且枱比較細,我地一家人安排坐卡位,位置算不錯食物款式以每位128來講都算多,不過部份食物唔會再REFILL,如:螺肉,墨汁意粉,另外,PANCAKE 亦唔係長時間供應,早入去食反而食唔到,師傅話晏先有~魚生有三文魚,立魚,吞拿魚剌身,寿司就有蛋,太卷,三文魚,全部都不錯!!甜品種類都算係多,不過都係無REFILL, 所以一開始多人既時候,好多人就開始掃甜品,我地亦都唔例外,因為其他都已經無乜選擇,除非係好鍾意食魚生,咁就不停可以REFILL,甜品我就推介木糠布丁,正!!!好滑,唔會太甜,其次係咖啡蛋糕,其餘就真係普通

好早就去到等，因為分單問題所以等左幾分鐘。入到去已經好興奮！因為好似幾好食，個場都算大同埋幾”闊落”。首先食個前菜，沙律～有羅馬生菜但可惜無麵包粒所以揀左羅馬生菜配鴨胸肉青瓜沙律，味道非常之好食刺身得幾款，唔多！有海魚、三文魚、吞拿魚～三文魚唔錯，有Ｄ魚味吞拿魚一般，雪藏味重海魚隻味麻麻地，我唔係咁鐘意左下既煙三文魚好好味！encall左幾轉右下既火腿都好好味！再吃小小水果清清腸胃～只有菠蘿＆西瓜．味道清甜而不溜！大愛清完口就食甜品雪糕只有最原始既三款味，有專人不比你～另外佢個即煎ｐａｎｃａｋｅ都好正！！窩夫更佳！外脆內軟，正！飲品選擇唔多，大多為熱飲．是日湯係清補涼同埋羅宋湯，我飲既係清補涼，幾好味唔錯另外服務都好好，多多要求都無ｓａｙ　ｎｏ，收碟同埋添水速度都好快！ｇｏｏｄ！

講環境，真的不錯，坐得舒服。而且侍應服務佳，很快速及主動收碗碟。刺身有4款，而且每款也是任攞，供應源源不絕，好新鮮！熱食種類不太多，也不太吸引。多春魚味道不錯，但始終不夠脆。炒意粉，有白汁同茄汁，嘩，茄汁真材實料，好多蕃茄。而且仲有多款粉供選擇，個人較喜歡墨魚麵或菠菜麵。抵讚嘅係，負責煮意粉的姐姐，好有熱誠、有禮貌。唔似有d自助餐的食肆，輪排攞嘢食，仲要受人白眼。甜品好似有好多款，但唔太好食，完全提唔起食慾。好彩都有格仔餅同煎班㦸。價錢的確抵，但由於食物不算十分出色、令人回味，下次也不會特意搭車入東涌食囉！

月前已跟一眾友好約定10.1黃金周末聚餐…酒店另外間Olea餐廳o既地中海式brunch buffet就試過幾次, 水準吾錯!!...Essence就未黎過, 做o既係大路港式自助餐, 即中西日東南亞乜都有o既所謂國際美食!!...價錢亦相當大眾化…成人$138每位, 供應時間由中午12點到下午2點半…好似一”開場”…就見到一邊food counter有人龍出現?!...乜來呀?!...原來燒牛肉, 壽司剌身, 即烹意粉, 海鮮類都嚮哩邊…拍住隔離又有另一條小人龍, 就係即烚中式粉麵, 有菜呀, 肉丸, 燒味果D…一見龍就冇心機去排…朋友仔去輪左碟剌身返黎, 切到大大小小參差厚薄不齊, 胃口大減…朋友話新鮮度係OK的, 只係把刀吾夠利吧?!...嘻!!...好友又為我爭到兩件燒鴨…但較乾身肉韌, 一般!!Salad bar裏面覺得最好味係美國薯仔沙律…次選係煙鴨胸沙律…另外有椰菜絲沙律, 青瓜沙律, 中華沙律, 雜肉沙律, 酸酸甜o既泰式芋絲沙律…同較少人鍾意o既紅菜頭沙律等!!...蕃茄螺絲粉D質感同味道都吾得!!...盤生菜就望落吾夠乾爽, 洗水未清!! 仲有車厘茄…沙拉油約有三款

妹子生日在即，同小毛前往大嶼山渡假外，都要出返市區覓食~我們二小口出東薈城逛逛街，好久未曾嘗試這些悠閒的日子喇，襯這幾天的假期一定要好好放鬆自己，雖然平時妹子都沒有什麼大壓力要面對..經過Essence見到有自助餐食，而且價錢又不算昂貴，於是乎決定晚餐在內解決，可惜初初入內卻大爆旺場，經理見狀問我們介唔介意等多一陣？有些客人致電留座，若果他們不到的話，便將座位讓給我們。咁見時間都不算太晚，便等等吧！於是我們去別的商店行下先喇~大約差不多八時，我們決定放棄的時候，終於電話到話有位，我們餓到暈暈地喇！安排我們坐好不夠兩秒，便即刻起身拿食物，轉一圈看看！食物種類也不算多，樣樣拿點一起食~冷盤方面，都只是拿了些日式八爪魚，沙律椰菜花，粒粒車厘茄，酸青瓜，日式海帶..酸青瓜挺好食，酸酸甜甜咁~另外妹子拿了一碗忌廉湯暖暖胃，因為店內的冷氣真的非常地凍~有點兒失望竟然自助餐沒有多款煎炸食物供應，平時最愛吃油炸食物的妹子，行了一圈只發現炸魷魚圈，而且還要是不好吃的！一般壽司剌身及凍海鮮俱齊備，但只試了翡翠螺，三文魚顏色看上不太新鮮，所以沒有試到~即席燒烤分別有羊架及肉眼扒，因妹子已經戒牛肉了，所以試了

話說星期六晚同家人一齊食buffet, 一入去就爆滿!!!!!! 第一樣o野就係食Sushi, o的飯好硬,o的料都麻麻地,又冇味....跟住食凍肉,沙律都ok...好啦,到正餐lar! 我認為至好食就係咖哩雞，干燒伊面同即叫即整的湯面唔好味嘅就有羊架，牛等等而甜品呢，大部份都OK但係因為有咗雪花冰所以冇咗雪糕! OMG!!!好彩o的冰都ok, 不過當天係椰子味,Not my flavour!我鍾意食朱古力布丁, puff, pancake, waffle 都ok.明明以為ok但很難食的donut 竟然又硬,質感又唔好...生果種類都算多lar!Service不錯! 環境都ok!美中不足的是太太太嘈 and 夾夾不乾淨!價錢都合理總結來說, OK!

今日老婆生日大日子,梗係試下新野啦早一個星期已經BOOK定位,一去到...嘩!!勁多人等緊入去囉...好彩BOOK左,同佢講BOOK左位講埋訂位NO.入得~!第一轉梗係攞我地最鍾意食既刺身同冷盤喇食落好新鮮!!藍青口好甜跟手飲個蕃茄忌廉湯....極之濃既蕃茄味!!一心想食翡翠螺,但係..唔見有既?問侍應原來已經無左LU....見刺身咁新鮮好味,想出去攞多轉,點知見到長長既人龍排左陣先攞到最後,食埋生果同甜品,生果無咩特別,而甜品就少款左D但都好好味依咁既價錢黎講,OK架喇!!食得過