Express Bar By Lassana (興發街)

营业中

休息中

每次行開天后都會被這間餐廳吸引着，當然是因為看見里面蛋糕日前聽朋友說，新出了榴槤加芝士口味蛋糕，身為榴槤控和芝士蛋糕控的我，按耐不住要試一試。店員從冰櫃裏拿出蛋糕時候，已聞到淡淡的榴槤香味撲鼻，店員純熟地在蛋糕面上均勻地灑上糖粒，然後用火槍將表面的糖燒成焦糖塊真的忍不住，將蛋糕拿回公司要立即食一刀切下去，表面是脆脆的焦糖下面是軟身的芝士蛋糕，蛋糕內藏有絲絲榴槤肉試一啖，榴槤味沒有想像中的濃郁，反而滲出香濃的芝士味，再食多一口，榴槤芳香越吃越濃榴槤味和芝士味完美地混合在一起，成個口感非常豐富，再加面層焦糖，好食到讓你停不了口

今日朋友生日，知道佢係一位榴蓮迷，又知道呢間cafe有榴蓮蛋糕，所以特意為佢送上。。。。銅鑼灣分店靜中帶旺，一早已經預訂定了榴蓮芝士蛋糕。店員即場製作焦糖，榴蓮蛋糕外形別緻，散發淡淡榴蓮香味，見到都流哂口水切開又脆又甜既焦糖細味品嚐，蛋糕果然充滿榴蓮獨特既香甜味道，芝士味又不會太濃搶過榴蓮既風頭，不太甜，口感軟滑，實在控制唔到一啖一啖的放入口中，食了四分之一件也未夠喉，我相信下次自己一個人挑戰整個蛋糕也不會＂嚴多＂呀

嫲嫲生日，她愛榴槤，所以特選榴槤芝士蛋糕🎂。沒想過榴槤跟芝士可以拉上關係，兩者本身都有著獨特而濃郁的味道；更意想不到是，兩者的味道又是這麼襯。它們互相提升了對方的味道，又不失自身獨特性，起了奇妙的化學作用。焦糖脆香，蛋糕不如一般芝士蛋糕的硬實，偶爾還會嚐到碎片的榴槤肉，以這個價位來說，是超值!這個 cream burlee cheese cake 如不是即日享用，需要放冰箱儲存，進食前要留意解凍時間，以免影響口感。榴槤芝士蛋糕 （1磅裝$148；2磅裝$328）

原本來食個簡單午饍，來個三文治，加件蘋果批，再來杯莫加咖啡，以消消多天到處大魚大肉的飽滯感，讓胃稍為休息。沒想到這裡簡簡單單的吞拿魚蓉三文治始此開胃，又來多個肉桂酥不特止，店員還熱情推介了一個邪惡至極點的榴槤蛋糕，在朋友召架不住的猛烈引誘下，我還是下了決心，制止了自我我貪欲。誰不知，他把那可愛的榴槤蛋糕從雪櫃拿出來放在玻璃櫃面，那燒得金黃發亮的焦糖薄脆面層反射了一道光芒，心坎像中了箭一樣：「好吧，來一個試試吧！」就這樣，這個榴槤蛋糕就放在我們桌前了⋯切開，放入口，感到有點後悔，因為應該放個兩三小時再吃會更有真實榴槤感覺。但隨之而來的香氣，由切開蛋糕的一刻，已隱若察覺。想不到它在口內慢慢溶化後，那味道跟真正榴槤味真的沒差。而且不會像某些榴槤味製品會有陣怪味。我的胃又沒有時間休息了⋯

榴槤 -一種很有個性的水果，因為它擁有着一股獨特的氣味，令愛者越愛，但同時亦令不喜歡它的人，大叫怕怕。而我則是前者，無論是新鮮即開的榴槤或是其他有關榴槤的甜品，我也不會放過。這間 Express Bar by Lassana, 最近便推出了這款集榴槤、芝士和焦糖於一身的榴槤芝士蛋糕Creme brûlée.  三樣都是自己喜歡吃的，現在還集三為一，當然不會錯過。焦糖榴槤芝士蛋糕（$148/1lb)👍👍👍👍👍當你要買這個自家製的榴槤芝士蛋糕，店員會從 Freezer 取出蛋糕，並即席撒上粗粒砂糖，開動火槍，一層金黃焦香的焦糖就呈現眼前。回到公司，已急不及待把蛋糕給大家分享。綿密細緻的質感，入口像雪糕般的幼滑，並有一股濃烈的榴槤氣味，加上焦香的焦糖，多重口味和口感混和一起，多重滋味享受。店員先把砂糖撒在蛋糕上火槍把砂糖燒至焦糖化Ready 入盒Cappuccino (HK$30)👍👍👍👍這𥚃還附設枱櫈，可以坐下喝杯咖啡，這杯自家烘焙的咖啡，雖然用紙杯盛載，但都有靚靚心形拉花。媽媽也是榴槤粉絲, 母親節快到，一於買一個孝敬媽媽！InteriorMenu

朋友知我鐘意食榴槤味既任何野，就帶左我去呢間Express Cafe Bar到，叫我一定要試呢間既Homemade 榴槤 Cream Burlee Cheesecake一聽到呢三樣野既配搭 我就知會愛上平時都有試過 榴槤既Cheesecake，但就比較少見加埋Cream Burlee做表層呢間express bar 位於銅鑼灣 特別方便係個邊返工既朋友仔係間商業大廈入面 主要做take out有早餐、Brunch、Coffee、Tea等等都算多選擇等緊蛋糕個陣發現原來仲有Order Cake既服務同事朋友慶祝生日係到訂購都係唔錯既選擇叫完呢個Cheesecake後 店員好快手咁準備啦原來係即場整！店員話即整先夠脆皮見住用火炙燒到金黃色好正原來都可以有兩種食法因為個cheesecake就夠凍 剛剛整好個陣咁我地就決定即刻食左佢凍凍硬硬既cheesecake好好食 好似食緊升級版既榴槤味雪糕咁第二種食法就係等一至兩個鍾左右食 口感就會軟d 兩種唔同滋味不過個人都係比較鐘意硬食呢個cheesecake好有榴槤香 係榴槤迷既相信一定會鐘意

去到銅鑼灣做野，但又早到左，原先諗住去行下，但果日好熱於是我就諗住去大堂坐下先上去。然後我遇到express bar 成間cafe一人打理，好多都賣哂，我又好耐無食芝士蛋糕，得悉店內姐姐話有榴櫣芝士蛋糕，無可能唔試，因為個combination 係小弟心中，無，得，輸。姐姐係櫃攞蛋糕當場放下白糖，然後用火槍燒面，仲細心提點放兩三小時係最好食值得一讚。但講真放在眼前點忍我當場就試，第一啖一咬，榴連味爆哂黎，(應間點見客)。。都食左就繼續食，焦糖爽脆唔痴牙，餅底都做得好好食，一人ko了個蛋榚，真係好好味。個人喜歡涷而比較硬，有口感啲，又實在啲最後買多兩個返屋企

好姊妹介紹這間在銅鑼灣天后興華街的榴槤芝士蛋糕，話好香好滑好榴槤。 我這個最愛果皇的人，一定要買同家人分享。這間有早餐、咖啡、甜品；有牛角包、waffle; 都幾多選擇，即叫即製，100%自家製, 都幾多客人食。服務員即用火槍製作脆焦糖，好厲害！ 又用心包好放在木盒再放紙盒，好細心又靚的包裝公司logo是咖啡的圖案，咖啡應該不錯，我去買蛋糕時都嗅到好濃郁的咖啡香氣還有膠刀送上，方便客人切餅！個蛋糕賣相好靚，上面焦糖烤得顏色好吸引；芝士蛋糕是我喜歡硬硬的口感；餅底厚度剛剛好；榴槤味道好香喔，一開木盒就是榴槤味了！好濃的榴槤味，好滑好香，冰冰凍像是食榴槤雪糕的感覺，好適合夏天食，令人好滿足喔

榴槤從來是一個心癮，忽然想吃就想要吃。 回家的途中看到這家Coffee Shop竟然有出到榴槤芝士蛋糕！晚上約了好友打麻雀興祝週末的兩天假期，買一個跟大伙兒開心 Share 就最合適不過了，$148 一個來說也值得一試！晚上吃完晚飯回家，四方城先激戰 4 個東，這個時候大概是今晚吃這個榴連芝士蛋糕的最好時機！看看你是甜品控的什麼程度，但這個 Size 對於為了應付牙痕的我們就真的是剛剛好！一人¼ 不會太多，畢竟才吃完晚飯沒有多久！一打開已經聞到一陣陣榴槤香！面層有薄脆的焦糖、內裡濃郁的榴槤果肉融合於芝士餅當中，簡直是榴槤控的最愛！一口吃下時更發現榴槤果肉也真的不少，芝士的獨特味道也同時可以吃到。想不到兩者竟然可以這樣配合，價錢也算合理，質素屬於偏高！值得再次回味的一個蛋糕，榴槤控真的不可錯過！

朋友知我係榴槤愛好者，佢聽朋友講這店有榴槤芝士蛋糕，味道仲要唔錯，即介紹比我，今日我又到銅鑼灣工作，所以即去買回家慢慢歎～店裏蛋糕款式都好多～仲可坐底歎下咖啡～不過我趕時間要左主角榴槤芝士蛋糕先～一打開個盒已散發出陣陣嘅榴槤香，蛋糕面有焦糖帶有脆感，切開時蛋糕厚實不鬆散， 切開一小件拿出來仲見到有榴槤絲～入囗榴槤味香芝士味甜，兩種味搭配得啱啱好～ 真係冇諗過榴槤可以做芝士蛋糕～連家中幾位亦讚不絕口～下次經過要坐低慢慢試下其他嘅蛋糕同咖啡～

公司附近的食店相隔一陣就有新開, 早前無意間見到開了一間Café 叫Express Bar By Lassana, 所以便去試下. 這裡除了有早餐套餐選擇外, 也有不同款式的麵包. 最後我選了套餐. 火腿芝士牛角窩夫配熱摩卡咖啡. 火腿芝士牛角窩夫係即點即整. 上枱時已經香味撲鼻. 外層微微脆身. 內裡有火腿, 入口有淡淡的芝士味道, 非常好味. 早上一杯咖啡對我來講真係好重要. 摩卡咖啡. 原來以原粒黑朱古力, 而唔係用朱古力粉, 所以朱古加味道香濃一點, 甜度適中, 不用額外加糖. 早上飲一杯咖啡, 特別醒精.

今日行開呢邊見到有間coffee shop， 但比我見到有榴連芝士蛋糕！ 吸引左我過去望望，因爲我全家都係榴連迷，見到緊係第一時間order返一個外賣返去同家人慢慢嘆😍完全冇懷疑過榴連同芝士味道夾唔夾！雖然返到屋企後放了入雪箱雪左一陣，再拎出黎食時已經聞到一陣陣濃烈既榴連香味！跟住即時切黎食，入口軟滑，榴連味濃，仲有榴連果肉，原來榴連同芝士可以咁夾😍同家人一齊食唔夠喉 ，下次要買2個先得。真係一試難忘，堅好味道，餅底好鬆化😍$148一個，要向身邊一眾榴槤迷推介❤

I love Durian and to be honest it tastes the best on its own.I don't mind eating durian flavoured things but only if they use real durian because artificial durian tastes weird like artificial strawberry and banana.Anyway, I wasn't sure about the durian cheesecake but since everyone was saying how good it was I tried it.Previous failures I have tried before include durian cheesetart and durian cheese pizzas at other places.When I took the lid off, you could really smell the durian.The amount of

之前睇開openricre，知道呢度有個好特別嘅焦糖榴槤芝士蛋糕，今日經開大坑，作為榴槤控又豈能錯過！一於外賣一個返屋企試試佢！呢個蛋糕集多項我愛的賣點於一身，有焦糖，榴槤，同芝士，真係前冇古人，極有創意。打開盒即時聞到榴槤味，芝士餅面頭有入盒前即燒的焦糖，切開仲可以見到榴槤肉，果然真材實料，值回票價！芝士餅本身味道不甜，加左焦糖添了少許甜味，因此甜味剛好岩哂我！榴槤同芝士的味道亦配合，份量配得幾好，雙方都不會掩過對方的味道。如果我係佢樓上返工就好啦，咁就可以成日落樓食cake 同嘆埋佢杯咖啡

榴槤 Durian, 真是一個味道很獨特的食物 , 不喜愛榴槤的人一見到榴槤就會耍手兼擰頭、會話佢臭、嘔心、聞到就作嘔 , 等等 .... 但若果你是榴槤愛好者 , 就大多數會是死忠 fans, 情況就是這樣 ~ 著名咖啡品牌 LASSANA 所出品的咖啡和 Creme Brulee Cheese Cake, 一直甚具口碑 , 賣得街知巷聞 .... 今期 LASSANA 又有新搞作 , 推出了 Durian Creme Brulee Cheese Cake ! 像我這樣的榴槤fans 真是有口福了 ~ 這個蛋糕外表與同系列的 Creme Brulee 芝士蛋糕相似 , 榴蓮味道很出亦夠鮮明 , 與芝士很夾味 , 蛋糕中央有少許流心 , 蛋糕面頭的焦糖超脆口 , 蛋糕口感軟綿滑嫩 , 超讚 ~本篇完 ~