Famous Famiglia (已結業)

8月23日, 同呀比去咗機場一日遊, 一於去下平時好少去嘅T2行下兼開餐先~::: VIP Pizza Set ::: $54Set可任選一款pizza + salad + drink. 我揀咗比較特別的VIP Pizza同ceasar salad加可樂~ VIP Pizza特別在餡料係夾在兩塊薄餅之中, 而且亦都比其他pizza厚少少~ 餡料好似有火腿洋蔥生菜辣肉腸同芝士. Pizza都係一早做好, 到你order再放入焗爐加熱的. 雖然如此, 但薄餅皮卻仍然鬆化~ 餡料一層層的, 味道豐富~ 批邊因為壓薄咗, 勁脆, 好好食!ceasar salad份量都唔少! 蔬菜都ok新鮮~ 好味~除咗pizza, pasta睇樣都好似唔錯的~ 樣樣野雖然都係整好再加熱, 但味道都仲keep到! 加上staff的服務唔錯, 有禮貌地介紹各種pizza, 夾salad時又有聽我要求… 十分推介!

又從外地回來，想起 Terminal 2 開了多時也未參觀過，下機後就拖住重甸甸的行李走了來 (正傻人！）。又遊樂場又商店多過 check-in counter, 我覺得它似商場多過似機場呢！雖然吃了飛機餐，但是都不夠飽，也去找點兒吃的，選了外頭沒有的這家比薩店。簡單的要了一件 Primivera（雜菜薄餅）($27），加 $22 配餐就有沙拉或湯和汽水。沙拉也有兩款，是凱撒沙拉和 green salad，我要了 green salad。我的 Primivera 的材料有蕃茄、青椒、磨菇、菠菜、西蘭花等，雖然不夠熱，不過味道可是不差的，可是餅底就真真不行了，韌的差點兒切不開，還好吃得下；但薄餅的邊更是硬的不得了，唯有放棄。所以呢我懷疑這個薄餅皮是千里之外送來，而還沒有弄好的啦。至於沙拉就比薄餅好，一些新鮮蔬菜堆在一起也很難有難吃的道理，為什麼弄成薄餅之後就不成了呢？算是我倒霉了，但以薄餅掛頭牌的店子，比薩也該做的好些嘛；見那沙拉不錯，給你一次機會，OK　算了。

上機前食早餐醫肚雖然航空公司有提供野食但不抱期望都係機場食飽佢算食cheese pizza $23@好大塊!!area係pizza hut大批既2倍!!!但係2塊都走唔甩架啦...難唔到我既!XD佢即刻叮熱 但係都冇岩岩出爐咁正cheese真係好多 岩晒我食完2件,整多個冬甩,上機!!

星期六去o左機場行街街，lunch 去o左呢度食pizza。雖然係快餐店形式，但係店員服務很好，多番講解後，終於叫o左一個Set，再加多3隻雞翼，Total $88 (個set原價 $98，機場員工價 $78，好抵~~ )。個set 好豐富，包括：一件VIP pizza、一件蕃茄芝士pizza、一客細凱撒沙律、五粒香蒜結、兩杯汽水。VIP pizza：個樣雖然普通o的，但好好味。好多層餡，又大件，抵食又好味，不愧係招菜！蕃茄芝士pizza：味道比VIP pizza 淡o的，但係個底好脆，正！香蒜結：味道好似蒜蓉包咁，但係細細粒，好得意，好Q~~雞翼：唔算特別，但味道唔錯！

剛剛跟女友逛畢了整個東薈城，是時候為晚餐作打算了。一如以往，在東涌看過電影後，都會過來機場的翔天廊food court開餐。因為在這裡，可以一次過選擇幾間食店的食物，一次過滿足數個願望，加上食物價錢又不算很昂貴，還有就是從東涌過來的車費來回才$7而已。這間美式薄餅店的特色，在於它的蕃茄醬汁帶著濃郁的蕃茄鮮味，非一般市面的連鎮食店可比，於我而言更甚於wildfire、pizza express, pepperonis等披薩專門店。當然，各間披薩店的醬汁也有其特別之處。這兒的披薩唯一的弱點，就是預早烤焗好了，再待客人要時再放回去重新焗熱，這個做法會令到披薩的水份大量流失。要是各位有五、六、七人到來，可以另點一個新鮮做出來的披薩，其味道必定比前者好得多。今天要了個青椒辣肉腸披薩，茄醬的味道如一，濃郁的蕃茄味道夾雜著它的鮮味，美味得令人一吃再吃。餅底方面頗為鬆軟，餅邊的較有口感，咬下去有一點煙韌，如果味覺敏銳的話，是可以嚐到餅底之中是帶有一點點的甜味的。另外，隨餐附送的沙律選了凱撒沙律，羅馬生菜還算新鮮，仍然爽口。至於沙律則便較為"行貨"了，不錯是很creamy但是味道卻薄弱。可惜只有兩口子吃

2008年1月26日，Famous Famiglia。是日舉家旅行，出發前來到赤臘角2號客運大樓。莧菜餡餅（Spinach Strom）（28元）和VIP（30元）兩個差唔多味，都幾heavy, Spinach Strom好味少少，但唔點個sauce就無咩味道。一般喞。

feb 03, 08來lunch,我就叫咗 : 1) 香草番茄pizza-散叫1塊-個番醬嗰層真喺幾厚吓,大約有2mm左右-落完order後,店員會將佢放入大焗爐番熱,可能就喺咁嘅關係所以只喺微脆.......而且好快就已經唔熱-味道未見突出,可以啦2) 水x 1樽(pet bottle) - 可能呢排t2做緊promotion,現凡揸住boarding pass去機場內個counter可攞到1張$30嘅coupon,比你喺t2買嘢/食嘢用............所以今餐好抵,只喺比咗$7

趁空檔到機場辦理入台證,再次到T2找東西吃;本想試habibi,只是突然來了一批師奶兵團,走為上著!走到這間pizza店,店員剛將出爐pizza放到櫥窗,香味也吸引我停了下來,與此同時女店員也向我招徠;看到有喜愛的長通粉,即時決定在這裡吃午飯!茄醬肉丸本是我所選,幸多口向店員詢問一下,原來是牛肉來的!見到我的反應,女店員機靈地推銷這款豬肉腸和雞扒,最後決定要這款肉腸茄醬長通粉($38),天氣實在太冷,再來杯熱latte($18)吧。用鮮茄製成的茄醬香味很濃,還吃到小塊蕃茄皮,味道偏酸,愈吃愈開胃!長通粉即時用水翻熱,口感偏軟沒有新鮮煮起那種彈牙感,以口感來說是很一般;香草豬肉腸以為有兩條,原來只是一開二,肉餡味道尚可,吃到有香草味道,只是腸衣太韌,吃得不太暢快!!配菜反而比主菜更多,3/4隻生青椒和份量不少的洋蔥,不是我杯茶哦!熱latte咖啡味不俗,香氣頗濃又夠滑,奶泡也算綿密,最重要是夠熱,在這種冷冰冰的天氣下,喝著一杯熱熱的咖啡,實在窩心得很!

善變，是香港人的天性，亦是香港人的本性。試想想，如果Kripsy Kreme 出少幾隻健康冬甩，如果麥當勞唔出大熱金色甜品，又或者Starbucks 唔出只差30 卡路里但又會收貴你的low-sugar frappucino，死狀便會尤如「各大亡魂」般一樣轟烈，一樣慘不忍睹。以上食店有何共通點？除了來自美利堅合眾國之外，它們都是連鎖的。美國人最需要變，但最不善變，亦最不會變：連鎖制度，是用來安撫那思鄉情意結，再贈送多一個大石砸死蟹，建立一個迄立不倒的江山，America is everywhere（或者Everywhere is America 囉）。因為，他們很需要「家」的感覺。其實也是件好事來的：手中的預製Primavera，用的mozzarella 同flour，都是經過QC 的，所以味道總會跟香港的有點不同。翻烘的Primavera，餅底味淡，由不太濃烈但juicy 的茄膏，把青椒、洋蔥、蘑菇、西蘭花、菠菜等的味道吊出來。起初略嫌翻烘得不夠熱，但當發現（食披薩時扮上菜用的）刀叉徒勞無功的時候，靈機一觸，把pizza 對摺，大口大口的嚼，鎖住了茄汁之餘，還吃到folded piz

聽聞是由NY轉過來的, 便本著試NY pizza的心情來吃. 聽朋友說NY的pizza很大塊的, 但到了香港, 就遷就了香港人的胃口, size也變小了.點了一塊Pepperoni, 味道不錯, 它比香港其他pizza店的濕, 沒那麼脆, 然而卻又另一番風味. 再點了一個VIP, 味道差得多了, 吃了一口便有滯的感覺, 餅邊只是一大舊粉團.又吃了肉丸, 黑椒味太濃, 蓋\過了肉的鮮味.Caesar則尚算不錯, 份量剛好, 菜亦新鮮爽口.朋友說還是NY的pizza好吃點, 始終到了其他國家, 就要地道化, 失了本色.

新一年的拉闊又開始, 今年要山長水遠去到機場, 但被超低分吸引, 又成行去聽情歌了.先去東涌遊了一輪, 又唔想係東涌食, 就搭車去翔天廊. 當然唔係睇豆腐車, 而係去隔離開飯.先試的係薄餅.這裡係意美式, 有點似亞馬朗尼. 係美國好似幾出名, 但小弟又未試過, 就借此機會試下.夏威夷薄餅: 7分, 只要了一件裝, 當然唔係即整, 而係一早焗好的, 食落口仲算熱熱地, 皮帶點脆, 幾香, 但係面頭的菠蘿好像跟件薄餅沒有多大關係.或者叫全個薄餅水準會較佳.凱撒沙律: 7分, 加$20有沙律同飲品, 揀了凱撒沙律, 份量不算很大, 菜尚算新鮮.水準不算很高, 但都可以一試. 不過除非好早來到機場等上機, 唔係都唔洗專登過來食.

由於是下午荼時間, 食唔到禁多野, 叫左個火腿餡餅($26), 唔好食, 裡面又唔熱, 個皮又唔香, 唔會再食.浪費胃口, 浪費金錢! 如果下次試埋PIZZA都係禁差, 就再無下次!

那一天與一個小朋友到Skyplaza的4D影院看4D電影, 看完後就來吃東西. 小朋友說要吃pizza, 故此與他到了這兒吃. 我首先點了一客pizza, 那位staff放了入焗爐, 誰知過了一會兒, 她又來跟我說:"小姐, 剛才的pizza爤了, 你介唔介意要另外一款?" 嘩, 即刻O晒咀, pizza都可以爤??? 到吃另外一塊也不記得是甚麼名字的pizza時, 坦白說, 我真係覺得離"好"一字真是差好遠, pizza硬硬的, 給人感覺就是放了很久, 與好吃二字絲毫拉不上關係. 而小朋友除了要pizza, 另外也要了番茄意粉, 我沒有吃, 但是小朋友說很酸, 而且一兜毫無任何配料的番茄意粉, 也收人28元, 感覺是十分唔抵. 總括來說, 我覺得真是跟"好"字還差得遠.題外話, 那一天到Skyplaza, 才知道原來政府在機場興建了這麼grand的一個shopping mall, 身為香港人, 說實在的, 也不得不為這個翔天廊感到自豪. 不過, 卻不見得政府有為這個shopping mall 有任何大力宣傳, 看來政府今次在宣傳方面真是做得太差了!!!!!!!!!!!

上次試完上海姥姥的排骨拉麵和小籠包不錯, 今日又去試新店.Famous famiglia, 據聞是在NY 出名的薄餅店, 加上食友聞說不錯, 我就倒去試一試.就吸引力而言, 相對失色, 廿多塊才一件pizza, 午餐給員工只有九折, 鄰近的燒味店, 廿多元才一個餐.我要一塊Fresca, 一個spinach roll, 一杯凍飲.店員放進焗爐焗熱, 心想應該會幾好食, 怎料已經是堂食的我吃第一口也只是微暖, 餅底雖仍是脆, 但咬開表面的Mozzarella 已不再一絲絲的.幸好還有少少香草和蕃茄彌補我的失望.莧菜卷表面微焦, 看似甚為香脆, 吃下又是冷冰冰的, 裏面的mozarella 和莧菜尚算豐富整體上或者因為食物涼了而覺得不太好吃, 遠道而來吃就不用了...

上個星期五要接機，所以入咗機場．見之前d雜誌都有介紹這間食店，所以要了一件VIP Pizza和一杯汽水，舖頭新開所以有八折．件Pizza真係好大件，同我哋平時係Pizza Hut食開果d好唔同．Pizza的餅皮口感好脆和好多餡”正”．