forte (已結業)

這天又要到觀塘附近工作，碰巧友人Y向我推介同區這家酒店的半自助晚餐很抵食，所以便約他一起試試質素。到埗後侍應先帶領入座，餐廳同事的笑容及有禮態度也值得一讚。坐下後先聽一下侍應介紹及選好主菜，便到自助區走一圈看看。眼見自助區的冷盤、沙律、刺身壽司、炸物、甜品等一應俱全，不是常常吃自助餐的我也被一堆美食吸引得興奮起來。其實因為近來的疫情，餐廳也有加強衛生措施，每款食物個別有蓋蓋好，而食客也必須戴口罩去拿食物，食起來比較安心。小弟當然先進攻回本的刺身及凍海鮮，刺身款式頗多，有吞拿魚、三文魚、鱆紅、鱲魚、希靈魚、墨魚及甜蝦，當中選了幾款嚐嚐。吞拿魚赤身嫩滑沒有渣；墨魚夠新鮮爽彈；甜蝦也入口甘鮮，質素不錯，與外面日式料理店吃到的差不多。海鮮的其中一個亮點就是凍半殼鮑魚，口感爽彈，沒有絲毫韌的感覺，再配點泰式酸辣汁，非常惹味可口。其他凍海鮮方面，則在眾多款式中選了長腳蟹、凍蝦、瀨尿蝦、青口及螺，蟹腳肉質鮮甜也夠水份，不會有很乾的冰鮮感覺；凍蝦尺寸適中，不算很大，但勝在質地夠厚實彈牙；藍青口也很有海水鮮美，瀨尿蝦及螺也不錯。前菜吃得差不多，點了的主菜也剛好上桌。我點了個宮崎A4和牛西冷扒(+$200

武漢肺炎疫情期間，酒店大特價，呢個package係住一晚送2位半自助午餐。酒店住宿送兩位半自助餐，但訂房已註明有小朋友，並沒有預早預訂多一位，原來係會冇位的! 等了半小時，應該是變多一張枱出來。但沒有訂枱的對話令人尷尬。好好多野食，半自助餐的午餐，4款海鮮: 冬風螺，瀨尿蝦，大蝦，青口芝士盤和伴菜麵包盤。兩款湯，南瓜湯好飲。很多款沙律，也有自制沙律。壽司和日本小食溫泉蛋，蟹肉豆腐，冷麵等。熱盤都有6款，唔會冇熱食，再加半自助餐主食，焦得好香。幾款甜品 不太好吃。4款haagen daz雪糕: 香蕉，朱古力，呍呢拿，士多啤梨雪糕，很了很多。餐飲有朱古力和檸蜜，收碟也快。大人 $288，兒童$188 ，住客8折。食得好開心。區區食玩遊 - 觀塘 艾朗酒店 forte最最舒服是見到附送大公報，令人不開懷。其他都不錯。

今個月是生日月，原來會員會有一餐免費自助晚餐，在任何一間L hotel幫襯一個正常成人，會員就可以免費，趁今日同男友放假就來幫襯。今晚第一次來，地方吾算太大，但樓底高，感覺吾錯。晚餐是半自助餐，一個主菜加海鮮冷盤甜品任食，選擇都幾多，美中不足是無任飲，只有一杯咖啡或茶。menu鮑魚每次只可以取兩隻，由職員派給你，鮑魚好爽口鮮甜呀。海鮮選擇都幾多海鮮選擇都幾多，蟹腳鮮甜，瀬尿蝦一般、龍蝦仔都吾錯，蟹、蝦、麻麻。其他冷盤一般啦。兩個主菜超正，威靈頓鴨肝澳洲牛柳，超好味😋，另一款主菜是慢燒鹿兒島茶美豚肩扒200克，都正，好嫰，兩款主菜都真係好好👍🏻👍🏻，仲有兩款薯條，咸蛋黃薯條味濃，個人覺得正過黑白薯條🍟。生日仲有火焰雪糕🍦，記得要提早訂位時同服務員講呀😄,今晚晩餐都尚算滿意，大家可以試吓。

半自助餐，以為普通嘢，又係工廠區。點知到達個場又夠寬敞， 樓底高 ，座位距離又夠，待應態度好，已經身心舒服。自助冷盤種類繁多，其中凍蝦新鮮大隻，鮑魚超正，食完再拿長期有，長脚蟹鮮甜，魚生壽司選擇不多，但水準不差，甜品細細件種類多又好味，名牌雪糕當然有。沙律冷盤都好有心思，主菜有蒸魚， 羊扒 ，大牛扒等，中式湯是晚菜乾豬骨湯超水準，正!正! 飲咗三碗。 美中不足係無中式米飯類， 總之係近排值得推薦的餐廳。記得入會有優惠!

Forte 🥰一家人一齊食飯，最好找個安靜舒適嘅環境，依樹環境唔錯，而且現在平日做緊75折，非常抵食！六個人半自助餐，我哋叫咗四個主菜share! 肉眼扒五成熟，羊扒肥瘦適中，德國咸豬手略為乾，可以有進步空間，燒雞反而有驚喜，兼有睇頭！服務態度好好，隻雞捧至枱邊，第一時間問你：小姐，需要拍照嗎？好貼心😂😂，味道仲唔錯添！自助餐食物一般，甜品比較小，但有Häagen-Dazs雪糕，👍🏻👍🏻又唔錯喎⋯⋯老人家食得開心，環境氣氛浪漫💕，值得讚賞！

一班好友”久別重逢”….大家都感到要賀賀佢…大刷一餐的…!!!哈哈!!可迎合不同口味…又可以坐佢幾個鐘的…似乎自助餐就係個不錯選擇啊~  朋友就提議到觀塘L Hotel 哩間西餐廳forte…最新做緊海鮮主題…半自助形式…即享主菜任擇一款…其他頭盤,甜品類就自助任添…供應由6:30pm開始至9:30pm…成人每位$488+ 10% 服務費…出示Openrice優惠卷周六享8折添…位罝嘛…可以話吾難揾o既…但又真吾算就腳同顯眼…我地早到左…服務員願意讓我地先入座…疫情關係啦…探體温機, 消毒手機o既設備都不會少…耶!!...餐桌上亦放左小樽消毒潔手啫哩俾食客用…連月來…相信哩D要做o既”功夫”…大家都已緊釘在腦袋裏面…啊~......服務員亦提醒…到bar枱取食物時要配戴口罩…而食物都全盖上了透明蓋…餐廳以木系為主…配上柔和燈光…滿有格調的…第一感覺好寜靜和諧…印象良好!!未有其他食客…就趁機拍了堆”完好”o既bar枱食物照片俾大家參考…啦~ 嘻嘻!!...陳設乾淨整齊…賣相都吾錯啊~ 有圖有真相啦!!主菜呢…大部份係牛…靚牛更要另加一二百蚊的 (餐牌有註明)…另有羊架、蒸原條海斑、烤德

如心艾朗酒店既forte 有個任食主菜晚市套餐可以任叫牛扒，非常吸引。終於可以黎試吓晚市套餐內容非常豐富 有前菜沙律，麵包，中湯或者西湯選擇，另外刺身及冰鎮海鮮，全部都好新鮮，種類又多，有三文魚、吞拿魚、甜蝦，蝦、長腳蟹、青口、鮑魚、龍蝦仔、螺仲有薯條，係可以任叫，分別有三款，試過哂最香口好味都係黃金薯條 因為係用鹹蛋黃整😋重點黎啦～～就係任叫牛扒。五款牛扒都有試過，最好味同不斷翻叫既係澳洲西冷牛扒同紐西蘭牛柳。order五成熟，口感剛剛到位 另外每碟牛扒都會有伴菜，伴菜味道都很好 而且可以清減牛扒既油膩感，最後仲有生果拼盤作為完美完結。呢個任食主菜晚市套餐真係好抵食，淨係前菜部分既份量都已經好足 加上任叫主菜牛扒 真係食到好飽好滿足👍🏻👍🏻👍🏻員工服務態度同效率都好滿意。疫情關係，每張枱上都體貼地準備消毒搓手液，令到享受晚餐都有份安心感。

一入到店內感覺環境同裝修都好舒服 好滿意 枱與枱之間私人空間比較多 我最喜歡的開始就食咗沙律先 佢用咗 黑醋 嚟做汁 開開個胃先再飲返個中湯椰子煲雞非常多揶子好 鮮甜濃郁 而西湯 蕃茄濃湯 味道恰到好處 唔會太酸 刺身好鮮甜新鮮 肥美 海鮮拼盤 長腳蟹唔會太削 有淡淡海水味 龍蝦仔居然比想像中好味鮮甜 鮑魚仔同蝦係我嘅至愛唔使講一定係好食牛肉我就最鍾意食牛仔骨 牛味好重 第二至愛西冷扒 個人覺得三成熟已 足夠 嫩口有肉汁佢嘅蛋黃薯條真係非常之好食

同事唔介紹都唔知牛頭角有酒店，酒店設計中尚，近親民，午餐時間人較多，有點嘈，服務員態度好，可惜上菜速度其慢，在有限午飯時間上班，實在有點趕，也有出錯情況。 L Hotel 午餐餐牌有成十款選擇， 有肉眼牛扒，刺身飯，海南雞，泡飯。。全部都係178， 仲有餐飽，前菜，沙律，飯後水果，餐飲。細細件肉眼扒， 但非常的厚， 5成熟， 肉質鮮甜。刺身有6款三文魚，吞拿魚，魚生有光澤，沒有海膽失色不少，刺身飯白飯份量少 ，幸好有餐包及其他配菜補上，否則吃不飽的。隨機新鮮果盤 ，感覺健康清爽，中和口腔的味道。除開每人130左右， 酒店午飯非常抵食。

豐富👍有湯有法包有沙律有剌身有海鮮有牛扒（有d靚牛要加$100-200）有生果拼盤仲有蛋糕（預早通知係慶祝母親節先有）仲有75折整體都好好味同好好抵食....

餐廳位於牛頭角如心艾朗酒店內，但平日中午比較多打工仔午餐，環境比較嘈。星期一至五中午套餐$178四道菜包餐茶，另收加一。部份麵包比較韌、中湯為清補涼、西湯為忌廉粟米湯，可惜不夠香滑，成糊狀。沙律不過不失。主菜澳洲西冷扒，5乘熟變了7成熟。中式的龍蝦湯鮑魚海皇脆米泡飯與鮑魚海皇鮑汁荷葉飯反而在水平之上。飯後有隨機果盆與咖啡或茶。

疫情關係，依家唔少酒店自助餐都暫停，Forte亦都唔例外，晚市最近就改為主打Set dinner形式！仲有做緊七五折優惠，價錢都相當抵。$300左右，可以食酒店級食物，相當吸引。酒店為確保衛生，門外有消毒噴霧機，客人消毒後可避免將細菌帶入餐廳，大家都食得安心啲！晚市套餐包括：麵包、刺身盒、冰鎮海鮮、沙律、餐湯、主菜、甜品、咖啡/茶。刺身拼盤包括：吞拿魚、甜蝦、三文魚、希靈魚等。三文魚好肥美，厚切得來啖啖肉。甜蝦都好鮮甜，整體刺身嘅質素都唔錯。冰鎮海鮮盤：蟹腳、小龍蝦、蝦、青口、鮑魚、翡翠螺、蜆等。最愛蟹腳，蟹肉鮮味十足，帶有海水味。鮑魚好爽彈，點埋佢個泰式酸辣醬都幾惹味！仲有佢哋嘅下都好爽口，非常之新鮮，讚！然後到沙律，沙律菜好fresh，配上南瓜，都幾清新。主菜方面我地加$200點了宮崎A4和牛西冷扒，及紐西蘭頂級羊扒。宮崎A4和牛真係超級好味，油香滿滿，入口即溶化，質素相當高，點左medium rare，牛扒生熟控制得好好，粉嫩嘅顏色相當吸引！紐西蘭頂級羊扒亦都相當滿意，好厚切，而且烹調得非常軟腍，保留大量肉汁，juicy至極！食完主菜已經相當爆，最後嚟埋個甜品拼盤，果然人有兩個胃

今次我地去左靚餐廳食晚餐 😛食物高質😍任食牛排同薯條🍟環境又靚!! Forte Dinner set ($358+10%pp)本身buffet arrangement轉左做dinner set😝夠晒衛生～當中「牛魔王盛宴」可以任食五款主菜牛排🥩同埋三款薯條🍟！ 套餐仲包左一份前菜、刺身及海鮮合盛🍣😍熱湯、甜品拼盤同coffee/tea☕️好豐富😋五款牛排重量由150克至350克不等，份量十足😍😍有澳洲既穀飼牛、紐西蘭牛及美國牛仔骨😋😋 雖然係任食牛排 但係一人食1.5份真係飽到爆了🤣🤣特別推介order牛仔骨！最好食係呢款😆 肉汁鮮嫩又好有咬口😍真係好厚！但唔鞋😍另外有三款薯條都係任食🍟 黃金薯條真係不得了～必試呢個😛就算唔食牛都有其他15款晚市main dish😛😛但係作為牛魔王就梗係食牛啦😍😍總括黎講性價比好高！

forte #觀塘❗️超級癲任食5款高質牛扒 仲有鮑魚蟹腳刺身拼盤❗️呢個自助餐真係我最近食過最抵食嘅自助餐🤩🤩🤩$358可以任食五款牛扒🥩👍🏻而且每塊牛扒都又大又好味，而且仲要有海鮮拼盤同埋刺身等等前菜，完全係捧住個肚走🤰🏻超級滿足，抵到難以置信！牛魔王盛宴🥩$358 任食五款主菜牛排🥩同埋三款薯條🍟亦包一份前菜🥙刺身🍣及海鮮合盛🦐🦞餐湯🍲水果拼盤🍎同埋飲品🍺。 精選麵包🍞每人兩大舊鬆軟香草乾番茄麵包，夠香，齋食都一流！精選沙律 柚子沙律🥗冇諗過簡單嘅柚子沙律都可以咁好味，用上泰式酸辣汁，超級惹味！粉葛煲豬骨湯或者意大利蔬菜湯🍲完全係超好飲嘅老火湯，好鮮甜。蔬菜湯就即係羅宋湯。刺身🍣及海鮮合盛🦞超誇張勁多海鮮！完全冇諗過同佢都會有咁高級嘅海鮮😆！刺身方面分別有蝦、北寄貝、希靈魚、三文魚吞拿魚，全部都非常新鮮鮮甜！海鮮合盛更加誇張，四大隻掌心咁大嘅鮑魚、超多蝦、青口、螺、小龍蝦同埋長腳蟹！每款海鮮都爽口彈牙，鮮甜美味，超級滿足，淨係前菜都已經回晒本！終於嚟到主菜，本身對任食牛扒嘅質素期望唔高，點知唔單止有五款牛扒選擇，全部都好大塊，煮得香口又唔鞋🤩🤩🤩。1️⃣ 澳洲T骨牛扒 350g -好誇張

佢啲刺身同埋海鮮全部勁新鮮，連個餐包都唔係普通嘅包！真心做得好食，連我唔食包都覺得驚喜🥰因為佢係酒店嚟嘅，所以對啲同事應該都高要求，所以勁好服務，會睇住你食完即刻幫你執同埋上下一樣，又會問你啲扒啱唔啱口味幫你同廚房反映，跟住我book位嘅時候講咗兩周年本身想叫佢幫我安排個好啲嘅位佢直情準備埋蛋糕比我，重點係佢自己上，唔會問你使唔使上蛋糕！其他好多餐廳會出現呢啲尷尬情況😂😂😂😂琴日serve我嗰位同事真係好Nice又好笑容😘其實唔任食都已經好夠食😂不過男朋友想食多啲就試咗任食，而家做緊優惠真係好抵食