forte (已結業)

係疫情下 都要拍拖食飯嘅 今晚豬先生豬小姐尼到forte二人晚餐浪漫一下forte由半自助餐形式轉為點餐形式set dinner有兩款 我地各點一款 其中一款仲要係牛牛同薯條仼點 嘩 正喎冰鎮海鮮凍盤十分覇氣 非常巨型 有凍蝦 龍蝦仔 長腳蟹 青口 蜆 鮑魚雖然係二人份 但每款份量都十足 食海鮮都食到半飽冰鎮海鮮夠凍同新鮮 長腳蟹鮮甜多肉 鮑魚爽口彈牙 最愛dip像海南雞醬般嘅甜酸醬 dip後更加提鮮醒胃刺身合盛有五款 有排列美美精緻嘅三文魚 吞拿魚 𩶘魚 帆立貝 甜蝦 三文魚肥美柔軟 有魚脂香沙津菜拌了適量嘅沙律醬 剛剛夠包勻沙律菜外層 砌了玫瑰花狀嘅煙三文魚係厚厚嘅兩大片 配撘住餅乾條一齊食 過癮又match餐湯方面揀左一中一西 中湯係感覺非常住家嘅老火紅蘿蔔豬骨湯 清甜滋潤西湯係青豆煙豬柳粒忌廉湯 係超級濃縮嘅青豆精華 豬柳粒咸咸地 忌廉味不太重雖然無草青味 不過平時唔食青豆嘅朋友應該飲到咀歪歪黃金薯條嘅咸蛋黃味好輕手日式茶漬薯條有紫菜碎反而比較惹味 但薯條勝在新鮮熱辣辣炸岀仲要粗切 點茄汁都已經夠哂可口澳洲穀飼牛肉眼扒五成熟 一切內裏淡淡紅血色好吸引 牛味重口感軟腍 啖啖肉紐

話說隔離枱成十幾人都幾嘈，店員主動提出幫我們調位，真係好細心，服務值五星級數。海鮮拼盤及刺身都係一次性，海鮮有六款，醉鮑魚有淡淡酒香又腍，長腳蟹海水味唔夠濃，蝦肉好新鮮彈牙。刺身都好高質，鮮甜魚香。沙律比平時西餐廳的套餐大碟，沙律清新好味。雪梨湯清甜潤喉，完全零味精。只可以食一次的宮崎A4和牛西冷，西冷牛味濃郁，但旁邊較多油膏，而兩面煎得香口，中間充滿油份，果然係和牛級數，不過就係比較膩，唔可以多食。任食的澳洲T骨扒，肉質當然不及A4，但質質都唔錯，有肉香又腍滑。另外還試了肉眼扒，同T骨扒差唔多，都好有肉味。任食炸脆粗薯。甜品就有兩件蛋糕及幾片生果，砌得都幾靚。

如心酒店西餐廳Forte位於牛頭角，由港鐵站行過去只係5分鐘左右，雖然地點人流唔多，不過十分方便。酒店同餐廳衛生意識都非常高，入酒店時已有職員為食客量度體溫，酒店大堂同餐廳都有自動消毒搓手噴劑以供使用。👍Forte裝修高雅富有品味，由於餐廳樓底高而且座位寛闊，整體感覺好舒適。店員招待熱心，細心地為我地解說餐廳晚市套餐。晚市套餐分兩款價錢，$308及$358，主要分別在於$358的主菜及薯條是任點任食的。不過$308的晚市套餐本已有8至9個courses，upgrade至任食我地都食唔到咁多。😁晚市套餐 $308精選麵包餐包是餐廳自家制的香草軟包，既鬆軟香草味亦夠濃。刺身合盛及冰鎮海鮮刺身同凍海鮮份量同賣相都非常有驚喜，估唔到呢個價錢竟然可以嘆到鮑魚，長腳蟹等凍海鮮，鮑魚軟腍而且富有彈性，蝦肉爽甜，其他刺身亦非常新鮮。😍精選沙律酒店級數的沙律確實與聚不同，柚子味道清新，味道同煙三文魚好相配。👍餐湯黑松露濃湯配上鮮忌廉，creamy之餘松露味亦好突出。😋宮崎A4和牛西冷扒 150g (+$200)店員推介的宮崎和牛油脂分佈均勻有致，外香內軟，牛味特濃，餐廳提供左多款調味以供選擇，當中以煙燻

是晚約左2位舊同事在觀塘飯聚，因為唔想太迫人，所以揀左酒店入面嘅Forte食個Set dinner。另一個主要原因係因為呢度嘅晚市做緊七五折優惠，個價錢同普通出去打個邊爐差唔多，所以梗係想坐得舒服啲！ 呢段期間餐廳都加強防疫，門外有消毒噴霧機。內裏裝修有格調，簡潔舒服。加上高樓底，空間感好強，令人感覺好舒服！晚市人唔算多，枱面係用iPad顯示菜單。 侍應話疫情之前係半自助餐形式，但而家變咗set dinner。所以我哋選擇主菜就可以。餐牌選擇不算少，雞、鴨、牛海鮮都有。刺身拼盤先上，件數以人頭計，但都比想像中多。吞拿魚、甜蝦、三文魚、希靈魚等都新鮮！一排冇食刺身，終於可以解解癮。 然後就上沙律拼盤，四款沙律每樣都試少少，尤其鍾意煙三文魚。 我的重點還是海鮮拼盤。三人份量的海鮮拼盤着實不少。鮑魚、小龍蝦、蟹腳、鮮蝦、翡翠螺、青口、大蜆。每款都有淡淡海水味，好新鮮。尤其鍾意鮑魚和翡翠螺，入口啖啖肉！雖然配左四款醬料，但因為夠鮮味，幾乎唔使點！兩個幾月冇食凍海鮮，終於可以食到真係覺得好滿足呀～ 然後進入了主菜階段，餐湯點了野菌湯和中湯，味道都幾濃。餐包微暖，鬆軟可口。 主菜竟然有

生日前夕，老公帶我去了觀塘的Forte食半任食主菜晚餐，這裏有多款主菜可供選擇，其中更有韓牛。而海鮮、前菜及甜品等都很高質。海鮮有長腳蟹、海蝦、螺肉、蜆、鮑魚等，非常豐富，海鮮新鮮味道鮮甜。刺身有三文魚、希靈魚、甜蝦及吞拿魚等，三文魚肥美甘香，其他刺身都很鮮甜。凱撒沙律配煙三文魚，醬汁開胃，沙律菜爽脆。青豆湯味道有香濃的豆蓉味，味道不俗。純種韓牛1++西冷和牛煎至表面帶焦香，中間呈粉紅色，肉質嫩腍充滿牛油甘香，越咬越多油份滲出，但肥而不膩，牛肉味道很濃郁。雪梨湯清甜潤喉，完全零味精。烤鸚鵡魚柳龍蝦牛油汁魚柳煎至魚皮帶脆，魚肉雪白嫩滑，魚肉鮮甜唔腥。最後食埋甜品及生果，非常滿足的一餐。P.s.店員有禮服務周到又貼心，絕對要讚👍🏻👍🏻👍🏻

服務態度好，食物質數高，價錢合理餐廳是吃自助餐的，因為疫情關係做set dinner. 海鮮盤及刺身好新鮮，蝦彈口鮮甜！主菜我地擇左牛扒，餐牌上還有其他肉類供選擇😇 肯定會再來的一間餐廳👍

見新廣告咁吸引，以前亦多次到訪食半自助餐，感覺都唔錯，所以再次光顧並抱有一定期望。首先上2人份量刺身，三文魚、吞拿魚、油甘魚肉質無光澤，無鮮味。再來一盆凍海鮮，除咗凍蝦合格，其他螺、青口、蜆、蟹腳完全無鮮味。再來泡菜沙律，可能唔啱口味，食剩大半。坐底足足一小時，才上主菜，點了牛柳及肉眼，肉眼尚算ok,牛柳非常淋，但肉味欠奉。食完再order，待應表示牛柳已沽清⋯⋯😨只是8點，全埸少於半數枱有客，就話已沽清？難道晚餐時段由下午已開始？再點西冷、T骨，西冷正常，T骨預咗多筋。食多1 round後掃興而歸。待應見我玩咗45分鐘手機，枱上仍無上菜，都無主動問餸菜到齊未，水杯渴光無主動加水，非常失望，不會有下次。

今日係同女朋友嘅相識紀念日 較早之前喺搜尋咗openrice之後見到呢間如心艾朗酒店嘅自助餐唔錯 咁就去食啦入到去 裝修同其他酒店一樣都好豪華首先就有一個刺身拼盤 有油甘魚 吞拿魚 三文魚 帶子同埋甜蝦 全部都好新鮮美味 尤其是係帶子同埋三文魚 都好有鮮味同埋肥美 值得一讚之後就有一個 海鮮冷盤 有麵包蟹 有珍寶海蝦 小龍蝦 鮑魚同埋長腳蟹腳 全部都係好新鮮 而且麵包蟹爆曬膏 又好肉 簡直就係極品之後就叫咗一個set 首先就上咗頭盤 有煙燻三文魚 有甜嘅車厘茄 有沙律菜同埋泡菜 全部都好好味 但係煙燻三文魚就好似鹹咗啲之後就有一個麵包係配黑醋或者欖仁醬 我個人比較鍾意點黑醋之後就有一個南瓜忌廉湯 呢個忌廉令到成個湯都好滑 而且南瓜嘅味道亦都好突出 非常之好飲之後就主菜 係羊扒配薯蓉 羊扒煎到五成熟 保留咗肉汁之餘亦都好鮮嫩可口 薯蓉都好creamy之後就到貼品 甜品有生果包括紅梅 野莓 士多啤梨 菠蘿 蜜瓜等等 全部都好甜 正呀 食埋兩件芝士蛋糕同雪糕 為呢一餐畫上最完美嘅句號

拍拖有時係需要預備下驚喜，今日就呃左女朋友收工黎觀塘食飯，預先book好左係如心艾朗酒店既Forte 食個6-courses dinner。原本係semi buffet，不過肺炎關系，餐廳就轉左做set dinner，估唔到咁既價錢都食到咁高質既dinner，真係驚喜！酒店入面既餐廳，環境好modern，好grand，D裝飾又夠stylish。去完個toilet洗手，waiter就好快送上刺身同海鮮，份量係超級多！！！海鮮方面，有翡翠螺、長腳蟹、兩款唔同既蜆、青口、大蝦，仲有四隻鮑魚，鮑魚滑嘟嘟又爽口彈牙，好新鮮又唔會煮到over左。刺身方面最意外係好鮮甜無雪味既甜蝦同希靈魚，最鍾意食希靈魚上面D粒粒，好有口感又唔會腥，淨係食海鮮刺身都值回票價。然後有個前菜salad 冷盤，最特別係紅菜頭加埋西瓜粒，佢地兩個除左顏色，味道都係出奇地夾，酸酸甜甜好醒胃。餐廳有中式同西式湯選擇，我就比較推介西式既南瓜湯，佢唔算好creamy，所以飲落唔太heavy唔太膩，仲好香南瓜味。黎到重頭戲，我同女朋友分別點左 A5和牛牛柳伴芝士焗龍蝦，同埋A5和牛西冷扒伴芝士焗龍蝦。牛柳比西冷質感較實，牛肉味重，不

餐廳佈置比較華麗, 餐牌在Ipad , 酒店服務都一流, 不失體面,環境和服務分都很高. 原本有半自助式餐bar, 但係而家因為流感問題無開, 變左食dinner set.前菜是刺身拼盤.新鮮既, 每份數件, 比想像中多, 三文魚吞拿魚, 鮮味比較重.味道唔錯, 會有種甘甜的味道!沙律,方面算係豐富, 選擇比較多, 但是份量都是有點多, 前菜加沙律感覺都有點飽肚.. 醬汁可以不點本身味夠濃. 煙三文魚尤其地好食, 除了鮮味夠之外, 我喜歡它的口感比較彈牙.海鮮拼盤一樣都係十分豐富, 冷盤來, 洗得好乾淨, 值得一提的是鮑魚口感十分彈牙,服務照舊好好, 開好晒比我地, 不過最估到都係份量, 主菜未到我已經有點飽.蟹腳雖然麻煩小小比較難開,但係蟹肉味好重, 好味, 再辛苦都要慢慢開啦!主菜終於要來啦, 都係最精彩既一道菜, 立首先A5牛柳我覺得好食過西冷, 第1牛柳本身帶小小油脂, 味道重味d 油花味會比較重, 口感彈牙,問題係油脂重既話會好易濟, 所以share食會比較好. 蒜既呢隻整法已經好多高級餐廳都應用, 其一佢可以將好重既蒜味去除, 令客人直接食用都唔會感到好大蒜味.其次蒜本身好

新一年新開始，獎勵下自己食好少少，今次就黎咗位於觀塘如心艾朗酒店的「Forte」品嚐高質晚市套餐餐廳門外特別設有兩款消毒噴霧機供客人使用，確保衛生！內裡裝修摩登時尚，樓底極高，空間感十足，非常舒適Forte一直都係採用半自助晚餐形式的，但由於最近疫症問題，暫時改成晚市套餐形式。客人只需選擇主菜便可，餐牌裡有十多款選擇，牛扒、鴨胸、烤雞、海鮮，款式應有盡有，總有一款啱食。而餐廳最近主打的就是日本鹿兒島A5薩摩和牛，當晚我地都點左兩客刺身拼盤點餐後不久侍應便送上日式刺身拼盤，吞拿魚、三文魚、甜蝦等等生魚片，色澤光鮮，新鮮甜美前菜沙律拼盤前菜拼盤有：日式八爪魚🐙、煙三文魚、薯仔沙律、雜錦沙律菜配黑醋油。煙三文魚好油潤肥美，適合搭配沙律菜一同食用減低油膩感凍海鮮拼盤之後仲有二人份量的凍海鮮拼盤，鮑魚、小龍蝦、蟹腳、鮮蝦、東風螺，每款都數量充足，絕不吝嗇。鮑魚大大隻，好新鮮；蟹腳夠鮮甜；鮮蝦好厚肉餐湯餐湯有中式或西式選擇，西式：忌廉雜菌湯，中式：西洋菜湯，兩款湯都各點了一碗。雜菌湯充滿菇菌的香氣，同時帶有奶油香。西洋菜湯老火熬製，好足料，無添加味精，好夠味餐包燕麥餐包及蕃茄香草包各有兩件，香草包

新年公司食團年飯,選了這間Forte 食中午自助餐,環境好舒服,檯與檯之間空間感都足夠,坐低第一時間梗係選左個主菜先:選了羊膝,醬汁好味,紅酒燴羊膝,但肉質比較'鞋';同事選了牛扒,話好味其他食物都高質,海鮮有翡翠螺,青口,蝦;另外有芝士配餅乾。壽司種類都多,見師傅係即整,好新鮮甜品有haagen dazs,但我最鐘意係tiramisu,非常好味,芝士同咖啡味好平衡,我食左3件半自助餐來說係唔錯,唔係話好多野食,但貴精不貴多,比有好多野食但質素普通的自助餐,呢間係好選擇

此酒店也算是觀塘牛頭角區出名的酒店，房價合理，在宴會廳舉辦婚禮可以同時使用戶外空間，整體來說一直對這家酒店評價不錯，今次特意訂了forte餐廳和老公試一試酒店餐飲部分。Forte以半自助餐形式進行，有刺身、長腳蟹等海鮮必備。步入餐廳的第一個想法是「呢間餐廳同家人食會好開心！」 因為餐廳設有不同類型的座位，有吧台、長枱，但自助餐中少有的圓枱這裡都有。7-8款刺身中最好味的意外地是三文魚，大家可以請師傅盡量安排三文魚腩，魚脂高，咬落去有魚肉的彈牙和沒有雪味。6款海鮮冷盤有長腳蟹、鮑魚、青口、大蝦、翡翠螺，都算新鮮同多款，特別是翡翠螺好彈牙大粒，有水份但不過咸。酒店提供多款期間限定的菜色，最推介火焰大蝦，淡淡酒香蝦肉爽口彈牙。視覺效果亦一流，呢個地方好適合帶一家大小黎熱鬧一番。主菜羊鞍一客兩件，羊味較一般濃但不算太膻，配上12款自選醬汁，可以自行尋找自己的perfect taste~我最喜歡有芒果蓉那一款，好特別。任食H記雪糕，回本位😂仲有超過5款選擇，很豐富！

好耐冇食過自助餐呀，聽朋友講呢間好正好抵食，一於喺細妹升職嘅時候嚟食吓，當係慶祝下咁啦！餐廳枱面嘅餐紙用上b duck圖案，幾可愛！第一時間即刻沖去拎海鮮，海鮮款式又幾多喎！有青口、蝦、海螺、蜆、長腳蟹等等，我每款都拎少少嚟試吓先！長腳蟹好鬼死正呀，非常之鮮甜，而且多肉，啲肉仲好彈牙。海蝦都好新鮮彈牙，青口都好爽口軟滑，唔係好硬身嗰隻青口。刺身都幾多款式，當日有成六款咁多。我拎咗油金魚、三文魚、甜蝦。三文魚好肥美，油甘魚又夠新鮮，鮮蝦都好甜呀！另外熱盤、冷盤、甜品都好多選擇！我哋食完一round 又一round，滿足滿足！主菜方面，我哋加咗錢叫咗一個純種韓牛，係1++級，肉香超級濃，肉又嫩，真心好味！令一份主菜我哋叫咗白酒煮藍青口，藍青口好新鮮，爽口軟滑，呢個唔使加錢，都有好大煲，超抵食！食到勁飽都不忘要叫返個Häagen-Dazs雪糕作一個完美嘅句號！

被待應遊說5個人每份加$200點了3份和牛和2份澳洲牛扒，和牛冇乜肉味，5成熟但出黎成碟血水，反而唔加錢嘅澳洲牛扒比和牛有肉味。其實衣間酒店餐廳比較細，請左好多唔係香港人，今晚問左5 個待應先拎到1包代糖，因為佢地理解唔到你係要咩，問其他問題待應一樣都唔係太清楚，例如問係咪會餐有冇包埋飲品，其實d咁簡單問題都答唔到，覺得好奇怪。不過單講衣個價錢係抵食，未食主菜食其他野都飽。同埋佢間中推出嘅食物唔係d好矜貴嘅野，例如糖不甩，咁都唔係咁值得排同埋好混亂，仲要排隊未必拎得到，有機會排到去唔夠分。