Foxglove

营业中

休息中

平時行過見到門口既擺設好吸晴，但冇諗過係間中菜Bar，同朋友都好耐冇食點心，就黎撐下枱腳。麻辣菜肉雲吞，55蚊一啖食入口好爽，雲吞皮頗煙韌，辣味香濃惹味。紅燒牛肉麵，90蚊店員知我同朋友會share食，好細心咁幫我地分埋落碗，麵質同味道都唔錯。Dizzy with a Dame，80蚊店員同我地推介happy hour兩款酒，呢款味道帶椰子香，清新又易入口。脆脆炸蝦腸，70蚊同平時食既蝦腸唔同，一咬食到香脆炸線，口感酥脆，蝦都頗有彈牙感。

中上環中菜既選擇唔多，竟然搵到呢間中菜酒吧餐廳，感覺幾特別。環境幾chill下，岩晒一班朋友飲下酒傾下計。原隻蝦餃皇 $65外皮煙韌彈牙，蝦大大隻又不失彈牙感。紅燒牛肉麵 $90牛肉麵唔似平日食既咁辣，味道剛剛好，重有菜添。牛肉軟腍入味，調味都唔錯。麻辣菜肉雲吞 $55朋友鐘意食辣叫呢個岩晒，雖然細細粒好的骰但非常惹味，得6粒唔太夠喉添。最後happy hour要飲杯酒chill下，味道幾fresh，過一個讓人滿足既晚上。

環境5分：神秘大門入到去係高級西式餐廳加酒吧格局，環境畀硬滿分。衛生4分：碗碟餐枱都好乾淨，衛生可以畀四分。服務4分：知客態度最好，帶完位會推介埋餐牌上邊D招牌菜最受歡迎，一樣畀四分。味道4分：1)     蝦多士有四件，炸到非常之脆，配上甜酸醬非常惹味。2)     海膽蝦餃個海膽分量非常充足，滿滿鋪滿响蝦餃上面，視覺上非常澎湃，當然蝦餃入面Ｄ蝦都非常之新鮮。3)     上海小籠包好大隻又好多汁，個豬肉餡好嫩好軟熟。4)      蜂巢芋盒非常大件，芋頭蓉好多，外圍炸到好脆。5)      紅燒牛肉麵一碗有四至五嚿牛肉粒，好淋，配上煙煙韌韌嘅上海麵非常好食，上海麵又索曬Ｄ湯汁，最後連Ｄ湯都飲曬。抵食4分：夜晚有點心食已經好特別，仲要响呢Ｄ咁高級fusion西式餐廳配酒吧入邊食，真係大開眼界。每款點心咁精緻，有D仲要配海膽，碟碟都係幾十蚊，咁嘅地方同服務絕對抵食。

呢間有得食點心之餘 仲係一間酒吧，成個格局同環境都好有外國feel😍點心餐牌多選擇，而且款款都好有特色，仲有好多矜貴嘅食材，例如海膽蝦餃，龍蝦燒賣，全部都好特別！我哋叫咗四款點心一樣甜品，個麻辣小籠包賣相好靚，出邊係粉紅色，入面都超多汁，簡直係皮薄餡靚，而且麻辣味道啱啱好，辣味夠香口！另一樣特別嘅點心係海膽芝士蝦春卷，竟然可以混合左日式嘅元素喺度，海膽鮮甜，再 加埋裏邊彈牙嘅蝦， 真係幾好味！另外亦都叫咗安格斯牛肉酥 ，炸到層粉好鬆脆，亦都啖啖牛肉嘅香味，好足料！ 蜂巢芋盒呢個亦都係好特別，因為芋頭味好香，食完真係好飽肚！朱古力流沙煎堆好少見到其他餐廳會加入朱古力嘅元素，而且裏面仲係熱辣辣嘅留心朱古力，絕對係必叫嘅甜品！我哋仲叫咗唔同嘅mocktail，其中一款係Green Lantern，帶有椰子嘅香味好開胃！

一係好鍾意食點心嘅我，今日陪朋友嚟到呢間餐廳，因為佢主打係中菜，而且點心加入左不同fusion嘅元素，好有特色。呢度嘅裝修都好特別，大門口完全估唔到係一間餐廳，以為係一間買遮嘅專門店，經過一道好厚嘅燙門，就會到達用餐嘅位置，估唔到呢度夜晚都好熱鬧，我哋大概8:00左右到，入面已經有好多人。食點心一定要飲茶啦，我點左普洱茶，朋友則點左鐵觀音，每人一壺，可以滿足我哋不同嘅口味。成餐飯印象最深刻有幾款點心，麻辣小籠包加入左四川嘅元素，佢嘅顏色同傳統嘅小籠包都唔同，好吸晴，食落去唔會好辣，係好香嘅麻辣味，感覺好特別。翠翠腸粉都好出色，腸粉滑到不得了，配合入面嘅脆脆，有雙重嘅口感！和牛千層酥，食第一啖嘅時候真係要好小心，因為好熱，入面一啲都唔乾，牛肉味濃郁，估唔到點心都可以配合咁多種不同嘅原素。呢間餐廳服務員服務好好，會推介佢哋不同嘅點心，加水亦都加好快，值得一讚！

去到先知只可以用安心出行，冇得填資料，仲要俾個reception串。野食味道同賣相都普通，但價錢合理。cocktail貴，但唔特別好飲。環境好，有live band。

朋友介紹話呢度裝修好特別 所以帶咗我黎見識下 哈哈！ 一般酒吧都只係配一啲西式嘅小食 但呢度竟然會係有中式點心 我哋就叫咗幾個試下 當中以脆脆炸蝦腸粉最為出色 可以話係我食過咁多同種類腸粉之中最好食 因為腸粉皮薄 而裏面嘅炸蝦卷同樣係脆皮薄又鬆脆 蝦又大隻彈牙 而且食得出係新鮮炸起 附加嘅甜豉油同樣調味得好好 配搭一流 另外小籠包同樣令我回味 皮薄餡靚不在講 一咬開啲皮裏面啲湯汁係滿瀉 食小籠包就係想要呢種感覺 同時亦叫咗個安格斯牛肉煎包 係傳統生煎包 但係餡料變咗黑椒安格斯牛肉粒 食得出啲肉質唔錯 成個配搭都幾特別 餐廳食完都令我留下幾深刻嘅印象 值得一試

誤打誤撞嚟咗呢間好有裝修特色嘅酒吧 餐廳外面係好光猛 但係職員帶領走過機關門後 就好似入咗另一個世界咁 好黑好有情調 餐廳播住音樂令人感覺好relax 而最特別嘅係呢度除咗有酒飲之外 竟然仲有點心食 當然嚟得呢度呢一種氣氛就梗係唔少得嗌番杯cocktail飲下啦 我叫左Dizzy with a Dame $80 - Gin溝椰子檸檬Prosecco等 配搭幾清新 重點係呢度happy hour嘅價錢真係超抵 以呢個環境簡直係超值 另外我哋叫咗個炸蝦多士 蝦既分量雖然唔算太多 但勝在新鮮炸起亦唔會覺得太油 送酒當小食都唔錯 大家如果放工想同朋友搵個好地方傾計飲酒 呢度絕對係一個好選擇

早前朋友來我去吃點心，說餐廳的環境非常特別，還特意提醒我穿漂亮一點去打卡，我朋友真的很可愛呢。首先，我們在門外找了好久也未能找到門口進入。我才知道原來餐廳是以皇家特工做主題，所有裝修都用特工仼務為題，所以不論是門外的走廊、門口、廁所、用餐地方，都特別又有特色。雖然皇家特工是外國電影，但這裡卻是售賣中菜，很有驚喜啊。上海小籠包 $55/3個小籠包有辣有不辣，今次想先食原味，所以我們要了不辣的小籠包。小籠包皮薄，有好多湯汁，食的時候要小心。香煎鍋貼 $55/3個大件鍋貼，兩面都有煎香，有點焦黄，豬肉餡油香鬆軟，好食啊。麻辣素菜雲吞 $55/6粒麻辣素菜雲吞。精美小巧的雲吞，用麻辣汁去調味，味道好特別。野菌冬菇包 $40/2個看到隔離枱的客人吃冬菇包，我們也追加一份。冬菇包好可愛，好有菇味，正。

上網見到呢間餐廳嘅裝修好有特色，就忍唔住約左朋友過嚟食飯打卡！佢嘅入口已經好特別，離遠已經見到，加上佢嘅燈光，有一種好神秘嘅感覺。我未入去食飯已經喺門口影咗好多張相，我話餐廳主要都係供應中菜，但係佢餐廳嘅設計就完全唔似中餐廳，好大反差，比到客人一種新鮮感。佢嘅廁所裝修亦都好特別，好似上咗郵輪咁，可以幻想自己係一隻船上用餐。餐枱上放上鮮花裝飾，見到都即刻心情大好。上湯浸小棠菜，湯底係濃郁嘅魚湯，小棠菜吸收晒魚湯嘅精華，好鮮甜。我哋點左牛肉麵，店員係上菜嘅時候已經好細心咁幫我哋分開咗兩碗，服務態度好好！牛肉麵份量都不小，湯底都係好濃郁，牛肉好有口感，食落去面嘅質地都剛剛好。麻辣小籠包好得意，喺其他餐廳冇試過呢種小籠包，一咬開已經食到辣汁，鍾意食辣嘅人一定要試！腸粉都好出色，除咗賣相靚之餘，味道都好好食，內脆外軟，腸粉滑而不油。

這間餐廳處處都充滿驚喜，我超級喜歡😍一走進去就被環境所吸引，壁櫃內收藏着很多精緻的雨傘，還可以用雨傘去打開暗門進入餐廳🤩🤩 就好像進入了Kingman 的世界!而內部就仿似一個船倉，燈光很暗！很高級的感覺，超有feel🤩 麻辣小籠包暗紅色的表皮，賣相相當吸引！比普通的小籠包大少少，麻辣味不算濃 是淡淡的香味 完美地融入這道菜！很喜歡～菠蘿叉燒包比一般酒樓的還要好吃😋😋 叉燒餡很平均地鋪在入面 菠蘿皮又不會過甜安格斯牛肉千層酥外表十分酥脆 牛肉不是肉碎 是肉粒來的 口感不錯～紅油抄手十分有驚喜 不像平時的味道😍😍 推薦～是偏清淡的辣味 一點也不會很油 餃子皮也造得很薄

一直以來，我也對這一家充滿神秘氣息的餐廳，很感興趣，因為好友曾經來過那裡吃飯和打卡，她說：「真的很KINGSMAN！」店舖裝修真的很KINGSMAN，然後店員有問我說：「你們第一次來嗎？」我說：「是！」他就叫我拿出雨傘，然後找出餐廳的入口在那，這個過程真的很有趣！西式的裝潢但配上中式的菜單，很有衝擊感！麻辣小籠包 $65皮薄多汁，最重要的是裡面的汁是麻辣口味，很新鮮的配搭，但又不會說很奇怪，我個人很喜歡！安格斯牛肉千絲酥 $80這個也很好吃，但是當我吃到第二個的時候，就覺得有點太油。菠蘿叉燒包這個則不過不失麻辣紅油抄手 $55我個人認為最出色的點心之一，因為那種麻辣不是一般在街外吃的那一種，而是一種很清淡但又有麻辣味的味道，既清又濃的配搭，很好吃！四川膽膽麵 $90花生味和辣味的調味剛剛好，不會說一邊會搶過另一邊的味道叉燒腸 $80店員推薦的點心，他們說皮薄和叉燒的質量很不錯，吃完後我也很同意他們所說。總結來說，環境和整個氛圍很加分，再加上食物的質素也不錯，我絕對會推薦給我的朋友去！

女兒今晚帶咗我去中環一間有神秘感的Foxglove,侍應帶領我們由走廊行到盡頭轉身入去餐廳後，看見了一片氣派又豪華的餐廳，高雅格調的設計，柔和偏暗的燈光，氣氛實在令人陶醉。圓形復古枱配上寬敞的梳化，坐得舒適。餐廳主打Fusion中菜和廣東點心，亦設有酒吧枱，由專業調酒師以熟練精湛的手法為客人調製各式各樣的雞尾酒。今次就讓我試試點心吧！原隻蝦餃皇：蝦餃外皮薄身，晶瑩剔透，內裡包著大大粒蝦身，新鮮爽口。炸蝦多士，上枱熱辣辣，炸至金黃色，口感酥脆鮮甜。叉燒菠蘿餐包：喜歡食點心的人一定對這個麵包不陌生，甜甜的菠蘿麵包中包裹著滿滿的蜜汁叉燒醬，表面酥脆，內餡軟滑。

這是最愛的speakeasy酒吧，他們家裝潢十分有格調，想了很久這種似曾相識但又想不來的場景到底是什麼，事隔一周看到電影才恍然大悟這是泰坦尼克號裡，只有名流們才能進去的頂層餐廳/酒吧，Jack無法進入的那種帶著你們的Rose/Jack去展開一段夢幻又炙熱的愛情吧下電梯之後經過一條橫掛著一排排雨傘的玻璃走廊，就是King’s Man裡面的場景！然後服務員會和你說小心身後入口，按下一個按鈕後，暗門打開，眼前一亮，歡迎來到只屬於上流名媛們的一等艙遊輪餐廳，半包式的白色遊輪吊頂，深紫色的豪華皮質座椅，金色螺旋槳裝飾的舞臺。你絕對想不到在香港千變一律的高樓裡，居然藏著這樣一家寶藏酒吧。相信我，你只要去一次，就會愛上這個地方他們官網的簡介充分體現了他們家前衛的英倫格調：（翻譯後）Foxglove擁有輕鬆時尚，毫不動搖的禮貌和極具魅力的魅力，這裡散發著魅力和前衛的風範，既是舊世界，又是最新潮流。 就像它被命名的花一樣。 毛地黃既是享受您選擇的毒藥的地方，也是治療心臟疾病的地方。所謂Speakeasy就是偽裝成不是酒吧的酒吧他們家有吃正餐的（午餐和晚餐都有）然後也有吧台和現場表演我是週六七點到的，先吃

好朋友在限聚令下都好耐冇見，今日約咗2位朋友一齊去聚下，中環有間特色的中式點心酒吧Foxglove,主打高質中式食材，優美獨特的環境，令客人感覺到有高貴奢華的的享受。從走廊跟住侍應走進餐廳有驚喜，要到場試吓才可真正感受到的，餐廳燈光比較暗，又播放著音樂，甚有氣氛。上湯水餃，水餃皮薄餡足料，好味道又多質感， 鮮蝦、木耳夠曬爽口，上湯香甜，小棠菜也很林甜。碧綠帶子腸，白雪雪的腸粉好滑溜，帶子肉質好嫩滑彈牙，綠色的菜莖有口感，醬油也經過處理，特別好味！