Garrett Popcorn (已結業)

工作關係收到一罐Garrett Popcorn。由於之前聽到別人大讚，所以... 期望也許過高了。一罐裡面有2種味道：焦糖 - 第一口覺得超甜 (自問已是嗜甜之人)芝士 - 第一口覺得芝士味超濃... 味道極像芝士波雖然兩種味道對我來說都太濃, 但由於很脆口, 而且夾雜住2種味一齊食又ok喎, 所以食食下都停唔到口... (不過好快就覺膩&口乾...)我覺得間中淺嚐都可以, 但我還是比較喜歡吃平日看電影吃的普通popcorn~~~

喜歡吃爆谷，最喜歡就是看電影的時候捧著一大筒吃，一直嫌那些戲院小食店的爆谷不是不夠脆口，就是焦糖不夠（我不喜歡白雪雪沒味道的），在得知著名芝加哥爆谷店Garrett Popcorn Shops在IFC開設全港首間爆谷專門店，就當然要買來吃。左：Chicago mix (Regular) $69；右：Caramelcrisp (Small) $49Chicago mixChicago mix 就是Cheesecorn + Caramelcrisp，芝士味就像芝士波，香濃惹味，但爆谷略嫌不夠脆。焦糖味超驚喜，每顆爆谷都被焦糖漿包裹著，香脆可口，讚。E先生覺得Caramelcrisp略為甜了一點，要拿Cheesecorn中和一下，但嗜甜的我就覺得正合心意。Caramelcrisp因為店員裝Chicago mix的時候Cheesecorn比例較Caramelcrisp多，大概是6：4，怕 Caramelcrisp不夠吃，於是就多買一包小的。Caramelcrisp是當晚稍後時間才吃的，真的非常香脆，即使是放涼了亦如是，一顆接一顆，實在停不了口。店員說爆谷可放一天，把吃不完的放進密實盒存好，可保

好好味呀. 前日見OPENRICE 好多人讚, 又咁岩去IFC 睇戲... D STAFF 好好, 不斷比你試食~ (有芝士味同焦糖)我地買左焦糖味的POPCORN. 大包.又真係好大包~!!!! 重點: 平時D POPCORN 好碎家.. 但係佢真係好多焦糖. 仲好大粒. 感覺好正. 結果睇完戲食唔晒, 拎番屋企食啦!! (平時D POPCORN 過左1小時已過晒氣, 佢完全無呢個問題!!!! 仲好脆,好香...)我驚我之後唔會再食其他BRAND 的POPCORN!!!仲有我覺得D STAFF SERVICE 100 分~! 好多笑容.價錢係比平時貴DD, 不過物超所值

星期日約咗男朋友去飲茶，本身已覺得輕鬆又開心。見到男朋友到嘅時候原來買咗包大大包嘅爆谷，就更加身心開朗。聽講話呢間爆谷最近好流行咁，今日終於一試。一打開，賣相已好吸引，呢款叫Chicago mix，係焦糖+車打芝士。車打芝士味道好濃，食完隻手指都黃哂，但可能因為時間太耐嘅關係﹝由中環搭車到荃灣﹞，所以淋咗，但味道確係好好。不過由於味道濃郁嘅關係，應該好快會覺得“溜”。至於焦糖味，又脆又甜甜味，而且甜度適中，正！﹝夜晚番到屋企都仲係脆﹞聽講話佢仲有其他味，下次必定再試。

聽說為國金內開了一家只賣爆谷的店子, 心裏懷疑, 對上一間巧克力店都租不下, 你只做爆谷都敢租! 抱住好奇心和同事一起買了一包Small Chicago Mix‧ 味道真的很棒!首先粒粒都爆開了的, 幾乎沒有一顆還是玉米粒的情況。每粒都沾滿滿的焦糖及芝士, 沒有不均勻的情況。雖然是small size, 但與同事一起吃, 由一時吃到六時都仍吃不完, 最後晚餐也吃不來!

其實我一向不太喜歡吃爆谷, 跟文迪一起看電影, 起碼都有二百幾三百次, 但有買爆谷一路看電影一路食只知得一次. 但在中環開了這家新店子, 來頭不少, 在芝加哥已有六十年歷史. 好, 又試試這裡的爆谷有甚麼特別.不知大家有沒有在美國看過電影, 吃過爆谷, 我小時候在那邊當然有吃過AMC以及Edwards入面的爆谷, 但那兒的爆谷是無乜味道的, 跟香港吃到的是完全不同. 真不知道這家芝加哥爆谷店是否那種水平呢?星期日的晚上來到, 一家人晚飯之後, 其實都飽飽地, 就買一客分吃吧. 六款口味分別是車打芝士, 牛油, 焦糖, 焦糖杏仁, 焦糖腰果以及焦糖夏威夷果仁. 我是最愛吃焦糖的, 見到有焦糖味, 大喜, 就揀了這款口味.焦糖爆谷 $49: 7分, 一客要賣到$49, 實在不是便宜的價位. 但只是選了最小包的, 份量也是相當, 我們四個人分吃, 也是食極都食唔完, 真不知道一個人吃一客能夠清到多少.爆谷新鮮熱辣, 基本上沒有未爆開的爆谷. 外皮相當之脆, 但入面就有超濃的焦糖味, 甜度是非常之高, 起初還沒有大問題, 但之後就覺得越來越甜, 到了我不太能接受的地步. 或者我真的不懂得叫人家

早前友人知道公司樓下,即IFC開了這間爆谷店即叫我外帶2包給她星期六放工時份, 都有幾個人排隊買爆谷多款味道任君選擇咸的有牛油味及濃濃的芝士味 甜的包括焦糖底 + nuts (杏仁, 腰果等等)預備排隊之際, 店員遞上芝士味及焦糖味的給我試早早聽同事說過, 芝士味比較淋身, 本人當天也試食過新鮮的時候, 芝士味很濃郁, 不過相比焦糖, 真的是比較淋身而且比較油膩友人落order指定要1包細size的buttery 及 1 包細size焦糖杏仁 2隻雖然是細size, 但不明為什麼buttery的細, 比焦糖的大價錢也都不一樣買後偷食了幾粒buttery, 咸咸的, 質感也像芝士味般, 不夠脆而且比較油焦糖杏仁會好味好多, 不過一個人食哂, 應該會肥死吧!

一家人行完山，晚飯過後，想吃froyo，行到附近Bert才記起近期大熱的Garrett，眼見多種爆谷，鹹味爆谷有牛油和芝士味；甜味有純焦糖、杏仁焦糖及夏威夷果仁焦糖。諗起細個睇電影時，一邊食爆谷一邊睇電影真係好高興，回想上一次食爆谷是那時也記不起，不是不愛吃爆谷，是爆谷味道淡而無味，尤其坊間戲院的朱古力味，又或者食食下會碰到粒仍未爆開的爆谷，久而久之睇電影食爆谷變成舊事。講番Garrett原來有60年歷史，分店除了在香港，芝加哥、杜拜、紐約、新加坡及馬來西亞，有咁多分店必定有佢既實力及fans。焦糖爆谷 $49新鮮熱辣辣的焦糖爆谷，選最小包的，但份量仍不少，每粒爆谷包著焦糖，外皮脆口，焦糖味道極濃，自然甜度較高，個人覺甜了一點。四個人一齊食都食吾晒，剩餘的回到家第二日再食過，一樣脆口好味。試食店員笑面迎人大派試食，一杯隨時有多種口味，試到鍾意才買那種。芝士味沒有焦糖外皮沒有脆糖外皮，當堂無咁脆，而焦糖加果仁的款式有果仁香又無咁甜。

這次好像是我第一次在看電影以外的時間買爆谷吃，對於爆谷，我比較愛聞它的香甜味，那是一種很幸福快樂的甜味。至於吃，其實我沒有特別愛在看戲的時候吃，因為我看戲會很專心，吃東西會讓我分心，而且會發出聲音，怕影響別人。還未到門口其實已經會被那甜甜的香味吸引，一個個大大的玻璃箱放滿很多爆谷，感覺就像到了一個爆谷樂園似的。沒有考慮過就一支箭走去買Chicago Mix，最小的size也不少，而且不便宜呢，要件$49一大包，一看就覺得是外國人的size，對於我們來說，這個大概要4個人以上才能一次清掉。先試一粒焦糖味，第一個反應是：很甜！有種一粒封喉的感覺。焦糖很濃，爆谷很脆口，但連續吃三四粒已經開始受不了。立即轉而吃芝士味，第一個反應是：很鹹！芝士味濃烈，有點像平常吃到的芝士波，不過還要鹹一點，而且同樣會甩色，吃到手指都變成橙色，就算用紙巾抹也抹不掉，味道也一直留在手指頭。芝士味的爆谷比較軟腍，和焦糖味是兩種不同的口感，一鹹一甜，相輔相成，於我而言，我比較能夠接受較鹹的芝士味，不過一口吃掉兩粒不同口味的是最好的。另外，在戲院買的爆谷，有時候會吃到一些沒有沾到糖漿，淡而無味的，但在這裡買就沒這個情況，

知道了ifc開了間香港首間爆谷專門店............所以nov 04 & 13, 11...............買咗 :1) chicago mix - small (hk$49)-這是cheese corn味mix caramelcrisp味,2個極端嘅味道放埋1齊,果然有創意-原來細包都幾大吓-芝士味簡直好似坊間嘅芝士波小食,很濃,很重味,但爆谷大部份並唔脆,仲有點煙韌feel-而焦糖味爆谷每粒都平均包住焦糖漿,呢點幾難得,所以入口就脆,質感比芝士味好好多-2隻強勢嘅味道喺口度,個人覺得得個搶字,味蕾不勝負荷,很膩-要食咗>1/4包先習慣到2) almond caramelcrisp - small (hk$59)-焦糖nuts味有3款nuts - almond, macadamia, cashew,但覺得配杏仁會夾d/突出d-有nuts嘅細size比純味嘅細size大約少咗1倍-不知是否有nuts嘅關係,覺得焦糖嘅份量比純焦糖味多,入口喺較甜d-爆谷當然外脆,但裡面都喺腍-杏仁脆口,但果仁香薄弱-上個xmas突然間鍾意咗坊間1個好耐歷史嘅紅色罐裝杏仁,peca

艷福無邊，異性朋友多過同性朋友的你，自不然會將身邊不同的女生，逐一分類。有些女生，是你身邊的飯局鐵腳，除了飲食，別無其他。有些女生，只會和你一起看電影，演唱會，因為彼此的品味相似，當你嘗試帶她出席飯局，她似乎有點格格不入。有些女生，純屬友誼接觸，與你一起的地方，永遠只會是床上，或者，車廂。。。。。。醒過來後，互不相干，有需要時才會找你。某程度上，食物也是一樣，爆谷與我的關係，只會停留在戲院之內，一步出戲院，手上的爆谷杯吃清光，彼此的關係便到此為止，非上電影院的日子，絕不去碰。偏偏在年初到新加坡旅行，路過賣爆谷的店Garrett popcorn，在芝加哥賣爆谷賣足六十年，更開到去新加坡，似乎很吸引，便忍不住放下＄7坡幣，來一包細包裝。我不喜歡甜爆谷，要了Cheesecorn，鹹香的芝士味，吃個不停口，原來，這一刻我才發覺，可以與爆谷，在戲院之外發生關係。事隔多月，Garrett終於來到香港，在IFC開設香港第一間分店。我很悶蛋，對Chicago Mix，焦糖味仍是沒興趣，最後，也是來個細包裝Cheesecorn。老實說，味道是跟我在新加坡吃到的，一模一樣，爆谷本身沒甚大道理，每個地方的爆

前幾天在OPENRICE的首頁看到人介紹這間爆谷專門店，於是下班的時候特地走到IFC打算買一小包跟女朋友試吃！走到店前店員已經給我試吃他們的招牌爆谷 Chicago Mix 了，所謂的 Chicago Mix 原來就是芝士味跟焦糖味混在一起，芝士味道是鹹的而且較軟身而相反焦糖味就是一般戲院買到的那種，但當然好吃很多，每一粒也有脆脆的焦糖外層，可能一般香港人會覺得很膩，但我愛吃甜食的女朋友卻非常喜歡，她之前吃戲院的爆谷也是把有焦糖的吃掉，然後沒有的就留給我，所以這個爆谷真的是「岩哂」我們！而且兩者更非常配合，反而只叫單一種味道可能就會覺得單調，甚至是太膩！所以說吃過這間爆谷，我再也不想再吃戲院的爆谷了！

1949在芝加哥開業的爆谷店，至今已經在好幾個地方有足印，站在那個透明櫃前面，想吃Macadamia，又想吃Almond，但只有Chicago Mix可以選2味。店員給我倆試食了Macadamia和Cheese等後，我們決定為食行先，就要了Chicago Mix，其實心裡超想吃果仁啊。這裡Small Bag Size本身也不太小，竟然最大的一桶有2 Gallon，索價近$800，店員分別將兩種Popcorn入袋後， shake shake shake，全部混好後才送過收銀處給我倆。究竟咸身的Cheese Popcorn與大甜的Caramel Popcorn是否相襯? 果然，大家在不影響對方的情況下有自已獨當一面的味道，兩粒一同放入口就先是濃香的芝士味，咬碎後Caramel的硬糖層就中和口腔的芝士味。但因沒有厚糖包裹著，芝士味是偏向淋身的，所以無論在口味和質感上，兩者都有極端的分別，但偏偏成就了它們結合。除了飽膩滯特徵通通湧現，還有牙骹有點軟，哈哈，結論是就算最小包Chicago Mix[$49]也吃不完，相信爆谷始終是人多好辦事的食物，下次再吃過Macadamia 的~!睇戲有買過爆谷

睇openrice見到呢間爆谷店開幕已經心郁郁想食，今日返屋企，枱面居然有一包焦糖杏仁味喺枱面打開已經好香，每一粒爆谷都比焦糖平均咁包住，脆卜卜，唔會太甜，食唔停口!不過我覺得呢個味唔適合睇戲食，會太膩同有啲熱氣...

爆谷呢款小食，無論咸與甜都各有支持者。還記得小時候，家裡永遠有一罐Poppycock的焦糖爆谷，常備的原因並不只是我喜歡吃，而是我媽媽更加喜歡吃，所以由小到大都經常吃爆谷。小時候的我喜歡甜味的焦糖爆谷，以至咸味的芝士爆谷我也喜歡。大部份人接觸到爆谷的機會，都只局限於戲院或一些遊樂場，平常更甚少會買來吃。可是，對於我這類熱愛爆谷的人來說，迎來了一個喜訊，在中環IFC內開了一間美資爆谷店。這所擁有六十多年歷史的爆谷店，早已漂洋過海地進入外地市場，而IFC分店更是香港的第一間分店，它帶來了很多美味的爆谷給港人。這裡售賣的款式和味道不及美國那麼多，而最最最出名的Chicago Mix當然會出現在Menu上，如果要以味道來計，總共有六款之多，有Plain、Buttery、CheeseCorn、CaramelCrisp、Cashew CaramelCrisp、Almond CaramelCrisp及 Macadamia CaramelCrisp。為何六款之中不見Chicago Mix的味道，當然是沒有的，因為它是一款混合口味，由ChesseCorn及Caramel Crisp組成。可能以我們的思想