Girlboss by Master Kama (已結業)

見佢做$98下午茶set咁抵，就諗住試下啦！點知黎到睇到就好失望⋯⋯首先水果唔新鮮，嚟到已經變晒色，唔想食⋯⋯然後裏面嘅三文治麵包乾晒，感覺好似擺咗好耐時間咁，蝦又唔新鮮，丸子🍡更加唔好提，每樣咬咗啖就放低，所以另外叫多個鬆餅⋯⋯好普通，無咩事，都未必再去食。

好開心！今日收工約到三個朋友一齊食飯，去咗屯門市廣場Girl Boss。呢度上年新開張時都有嚟食過， 印象係好啱一班朋友坐低傾計食嘢，坐得舒服， 食物都係用新鮮食材，不用罐頭醃料，自創新鮮特色美食。今次再幫襯，全院滿座，要等一陣位。餐具和餐廳佈置，依然是簡約少女風， 燈飾特地垂吊下來，營造悠閒雅緻氣氛，絕對是打卡熱點。基本餐牌冇咩大變動，但就加咗幾款創新食物，原本要每枱寫餐單，現在餐牌過膠了，可以重用，不再需要寫餐單，環保很多。Girl Power Set $138, 一人分量，選了黑松露野菌扁意粉，還有沙律、薯條、一口牛、單骨雞翼、窩夫等小食，窩夫可以後上。黑松露野菌扁意粉，雖然是半份份量，但份量都不少，一人吃絕對足夠。黑松露很香，上桌就聞到松露香。拌雲意粉的白汁一起吃，白汁和黑松露掛滿面條，質地煙韌又香，野菌增加爽口感覺，最重要每樣食物都加了少許沙律菜，感覺健康。小吃，單骨雞翼，非常好吃！外面炸得脆脆的，粉漿不會太厚，裏面雞肉還有肉汁，肉質滑溜，是新鮮雞翼，而且單骨吃得很方便。一口牛柳粒，超好味！灑了黑椒汁，還有炸薯粒墊底。牛柳粒非常嫩滑，大約七成熟，無渣，朋友都覺得好好味！(主菜

情人節又黎啦～同Mr Wong提早情人節又去下girl boss食下，靚下～叫左個set，連埋兩杯野飲，真係食九大簋當中包括：粟米忌廉湯：普通口味無乜好或壞。凱薩沙律配漬溏心蛋：個蛋係粉紅色架，沙律菜新鮮，唔會太多醬。脆炸虎蝦、魷魚圈、紫薯片：虎蝦夠大隻，魷魚圈都幾好，可惜紫薯片有少少燶味。龍蝦玉子燒：必食之選，蛋夠嫩滑。燒一口安格斯西冷：比想像中份量多，味道都幾好。黑松露野菌扁意粉：好不錯既意粉，不論味道，意粉既煙韌度都幾好。香煎大蝦蒜片辣椒意粉：同樣意粉幾好，但如果唔食得辣，就會覺得有啲辣。飲品方面⋯⋯Children Herbs（水果茶）：係新鮮水果配茶，甜甜地幾好Thunderstorm（荔枝蜜桃沙冰）：野飲黎到時，我忍不住笑了出黎，因為黑炆炆，完全同荔枝蜜桃拉不上關係🤪同杯飲品太過甜了。

上次去過荃灣個間幾好味，今次就黎屯門試。一試就中伏了話說見佢有個下午茶餐98蚊。個圖又影得幾靚仔就試一試。首先一黎個服務員就話唔好意思，我地3款茶得返一款，其他兩款都冇了。之後等左15分鐘終於黎。真係理想與真實賣相好一般但排返好少少影張相都呃得下like。首先就試個蝦先。一入口「梅」的之後再試個綠色嘅布丁。冇味的。再黎哈蜜瓜加西班牙火腿⋯⋯已形容唔到嘅味道。最後試埋佢2串果子。ok了可以埋單走人。呢個下午茶餐真係好唔得。我建議都係散叫會好d。

前兩日去屯門拜年，行喜歡的屯門市廣場  ;  記得之前同老友來過 3樓的 Girlboss by Master Kama 吃下午茶，今次就等我推介給家人一起陪伴享受這裡的晚餐啦！餐廳裝潢雅致，以夢幻粉紅色為主，優雅而帶浪漫，設計很有心思。地方寬闊沒有壓迫感，環境整潔，悠閒舒適的感覺！餐廳有多款人氣菜式，包括煎蛋芝士牛肉漢堡窩夫、香煎鵝肝海膽溫泉蛋飯及鱈場蟹肉香草芝士焗蟹子意大利飯  ;  另有日式創意飲品，Royal Fruit Tea、Superwoman、Queen Cheese Milktea 及老字號軟雪糕，這裡的茶飲是以廣受喜愛的日本 Karel Capek 及 LUPICIA 高級茶品沖調，餘韻甘香悠長 ; 雪糕就選用超過七十年歴史的雪糕品牌 Nissei，甜順而不膩，而飲品和雪糕配料及自家製配料原材主要由日本進口，高質素的食品。餐牌上有套餐選擇，Bossy Royal Set (2人餐) 及 Girl Power Set (1人餐)，還有其他單點菜色，海鮮、扒類、意粉、意大利飯、漢堡、薄餅、沙律、前菜、湯品、特色飲料、兒童餐等，款式多元化，很不錯。我選了 Bossy Ro

一早bk左位，驚爆棚。去到之後一個人都無，心諗，唔會中伏掛！橫掂未試過，所以膽粗粗照入去。叫左黑松露芝士玉子燒，海膽忌廉蟹肉意粉，巴馬火腿四重芝士薄餅。玉子燒賣相唔差，味道都唔差。黑松露無被芝士味蓋過。海膽忌廉蟹肉意粉海膽有小小腥，蟹肉份量正常。巴馬火腿四重芝士薄餅無影相，但薄餅算係3樣野食入面最好味結論，味道正常，無中伏，但價錢偏貴。服務方面，店員比較被動，無比水亦都無比餐具，要我們提醒才攞比我地，有待改進。

大西北收工食飯傾計又多一個選擇了🍽屯門都開左Girl Boss 啦👭今次同朋友食左呢個BOSSY ROYAL SET $368 (2人份量）呢個set 可以俾你揀多幾樣菜式同朋友share一份set 可揀2份Salad / Soup, 我地揀左蟹肉牛油果蘋果青瓜沙律三文魚柚子檸檬玻璃杯沙律一個玻璃杯仔的份量岩岩好👍🏻Appetizer 方面都可以揀2款半份我地揀左鮮果米紙卷 · 鮮蝦米紙卷同黑松露芝士玉子燒...不會太油膩都是比較健康的選擇Main course 方面呢就只可以揀一款我地揀左香烤蕉糖黑醋豬肋骨本來是想要烤蒜蓉牛油龍蝦的但由於限量供應的關係...當天已經賣完了另外仲可以揀2款半份的burger/pizza/pasta/risotto 我地就揀左Girlboss 龍蝦包同海膽忌廉蟹肉意粉溫馨提示：呢個set 星期六日及公眾假期係不供應的想要試烤蒜蓉牛油龍蝦的朋友要早點到啊

今晚住屯門的朋友帶我去屯門市廣場食西餐，有間粉紅色餐廳又幾靚名叫Girlboss by Master Kama三文魚柚子檸檬玻璃杯沙律，蓋上蓋搖均之後吃沙律菜好fresh。蟹肉牛油果蘋果青瓜沙律蘋果好爽脆又甜，青瓜又爽蟹肉又好味一起吃更加正。Girls’s分享盤有餃子，雞翼，雞肉串，炸薯條仲俾埋我地shake shake袋，炸薯條好好味，仲有其他野都好好味又香口。巴馬火腿四重奏芝士薄餅、餅底好軟熟，芝士濃厚。龍蝦芝士意大利飯，有一隻龍蝦鉗飯又鋪滿芝士飯裏面有淡淡龍蝦肉。海鮮拼盆：魷魚圈，蝦，蜆，帆立貝。香草白醬焗大蜆薯蓉，蜆肉飽滿，薯蓉又好香又滑溜。呢個套餐真是抵食，份量十足我地兩個人都食唔晒。

難得有個空閒既”Ruby” Tuesday🤣同女朋友黎屯門附近行下街食下野就最好不過☺️適逢朋友介紹呢間野食幾吸引而且氣氛幾好🤣還掂近近地一於黎撐下枱腳下啦☺️位於屯門市廣場既Girlboss by Master Kama😋🍴喺屯門站B出口經V city行過黎亦十分就腳😆呢度亦好有歐陸開放式Coffee Bar既感覺☕️☺️以粉紅色既牆壁設計盡顯少女心🤣而且周邊較為清靜寬敞既環境亦坐得好舒服☺️唔止閒日Dinner or Brunch Time😆假日黎同朋友坐下食個Tea傾下計亦十分適合😆Bossy Royal Set呢個二人Set有兩款半前菜一個主菜以及二個半份飯麵漢堡等亦盡顯豐富之餘🤩話就話半份但其實同一份足料無咩分別😋🤤飽屎我倆了🐷🤤Daily Soup是日餐湯係椰菜花忌廉湯忌廉湯夠哂Creamy香滑濃郁之餘🤤啖啖椰菜香亦夠Fresh☺️🥬絕佳既配合香氣滿溢之餘亦係口感滿滿Der🤤蟹肉牛油果蘋果青瓜沙律以三款果物作配合既沙律🥗☺️牛油香既Creamy清香更為突出🥑😆清新既沙律拌以蟹肉一齊食更有鮮味☺️🦀Girl’s 分享盤以香烤雞翼、雞肉餃子、芝士薯蓉條、雞軟骨串以及雙色薯條同埋沙律既配合😆盡顯

認識了3年的好姊妹住在屯門市中心，她告訴我位於屯門市廣場的 <Baby Cafe> 結業後，最近開了另一間日式西餐廳 <Girlboss by Master Kama>！自從她生完女之後，加上放完產假都好忙！難得約到她出來飯聚，我遷就她也無所謂呢！餐廳位於商場範圍，以粉紅色的夢幻裝潢， 坐得舒適！還有 BB 椅可提供，相當週到！桌上備有白色的碟子及金色的餐具！店員們很殷勤有禮！值得一讚！餐牌上的美食多元化，連飲品款式也不少呀！Bossy Royal Set $368以三層架盛載，華麗的姿態送上桌！Love at first bite :蟹肉牛油果蘋果青瓜沙律 $43以玻璃樽盛載，賣相層次分明！ 蟹肉、牛油果、蘋果及青瓜是清新的配搭！三文魚柚子檸檬玻璃杯沙律 $43女店員送上時，同樣以玻璃樽盛載，醋汁在底部，提醒我們搖勻才進食，煙三文魚油潤有光澤！份量也不少！Appetizer: 黑松露芝士玉子燒 $88這道黑松露芝士玉子燒，滑蛋嫩滑不留口，黑松露滿載菌香，與鹹香半溶的芝士融為一體，大家也一試難忘！Main Course: 低溫慢煮三文魚烤露筍薯蓉香草荷蘭

為咗慶祝結婚6週年，所以去左屯門 Girlboss 食飯！但身為兩個仔女嘅阿媽，想拋低仔女都唔係咁易，所以今次一於預埋佢地，一行四人慶祝結婚週年紀念啦！咁有小朋友，當然要叫個 Kids Set 比佢地啦！我地就叫咗個 Kids Set 4，有 mini 日式叉燒 + 溏心蛋手打烏冬，芝士焗粟米，鮮果乳酪！份量都唔少，家姐同細佬分享都夠食！我地自己呢，就叫咗個 Bossy Royal Set，$368，都幾多樣嘢食，樣樣自己揀！不過 Bossy Royal Set 平日先有㗎！我地揀咗個是日餐湯，味道唔會太濃，好味👍🏼另一款就梗係揀沙律啦！蟹肉牛油果青蘋果青瓜沙律，好清新開胃！炸物就一定唔少得啦！呢個有炸魷魚圈、紫薯片 及 脆炸虎蝦，好香脆好好味！呢個飯不得了，好高膽固醇，但好吸引🤤有哂老公至愛嘅食物，真係一次過滿足哂3個願望！不過要另外加$30。一個飯，一個意粉，正！呢個 Lady 煙肉蘑菇忌廉意大利粉，意粉係粉紅色㗎！Main Course 識揀一定揀食牛，唔洗怕啲牛油淋淋，有埋配菜，成碟嘢都好健康！呢個龍蝦芝士雞翼夠哂特別！好有風味！飲品梗係揀特飲啦！呢杯 Yellow Bus 真

極度難得來到屯門這個地方！ 朋友帶我一試一間十分「港女」的cafe! 整間餐廳都用粉紅色 粉藍色調作裝潢！ 影相一流😂😂😂因為朋友不太餓，所以我地點了一人餐，再加兩杯飲品！ 這個一人餐份量也不少，有一個「mini」意粉、薯條🍟、炸雞翼、一口牛再加小小沙律。最特別的是，餐廳預備了shake shake 粉俾我地薯條同雞翼🤪🤪🤪 我點了一杯 unicorn 🦄 dream!! 成杯野飲既顏色都十分夢幻！ 原本我是負皮咁靚嘅飲品，卻用膠杯上檯！ 但朋友突破盲腸，咁大杯飲唔曬，可以拎走🤪🤪🤪 原來餐廳係好細心！ 最後我地兩人都食到好飽！ 然後waitress 走過來問：仲有個窩夫係咪依家上埋呀？ 我地才驚醒，仲有個甜品😂😂幸好 窩夫是很迷你！ 加埋honey, 甜蜜的結尾👍🏻👍🏻👍🏻 整體 餐廳的食品不差，合理的味道！ 而飲品就大大的加分，因為很靚😍😍味道也很清新

之前見過人地去荃灣嗰間Girlboss by Master Kama，見到d裝修好靚已經好想去潮聖下架喇🥰，今次嚟左屯門呢間，都係同一個style，周圍都係粉紅同金色，好靚😍叫左個set, 有salad🥙 and soup🍲, 兩個小食🍗，一個main,一個burger🍔同一個pasta🍝,都係三百幾蚊，超抵食呀以前食過Master Kama都知道出名食龍蝦🦞，今次嚟到Girlboss當然都要食啦，叫左個龍蝦玉子燒🥚同龍蝦包🍔，另外叫左單骨雞翼🐔，推介配粟米湯🌽shake shake粉，好味Main就揀左一口牛🐂，同大蝦🍤蒜香意粉🍝，如果唔怕太飽仲有Mac&Cheese🧀可以揀呀另外仲叫左兩杯超靚嘅飲品🍹，unicorn dream同yellow bus, 搶哂鏡呀📸

原來屯門都開咗girl boss，感覺女兒味冇荃灣店咁重，冇食一排食物依然好精緻下✨叫咗三個小食兩個主菜，龍蝦玉子燒冇得頂，蛋質嫩滑一切落去咇汁，而且有大大粒龍蝦肉響入面炸蝦魷魚圈好欣賞炸漿夠薄香口得嚟又保留到海鮮嘅鮮味兼夾質感彈牙shake shake雞翼揀咗章魚燒味粉，個味堅似，可惜雞翼有啲過油，令味粉黏住個袋多過黏住啲雞翼，如果索乾啲油先會更好😛主菜方面本身超期待窩夫漢堡，可惜當晚暫停供應，唯有轉戰慢煮系列，話說小弟係個慢煮控，任何慢煮食品都會加分，今次兩款慢煮肉分別係春雞同三文魚春雞髀位鎖到個肉汁響入面，係上半部份唔係好夠味，只有個別位置嫩滑，但都唔會話韌先，而且個奶油薯仔片感覺過癮，好似一個薯仔版嘅拿破崙咁至於三文魚就真係神作級，慢煮魚質感超滑溜軟熟，超油潤入口即溶咁好無敵，唯一係個蘆筍帶點草腥味，但整體都好高質✨其實心中印象girlboss嘅食物有姿勢得嚟仲有實際，所以都唔擔心會點中伏，唯一係出菜時間都真係幾慢，改善下廚房速度就完美了✨

係屯市實在太多選擇，而今次就同朋友揀左屯市三樓既Master kama，餐廳外型粉紅色，兩個女仔好岩氣氛。同朋友揀左個兩人set，全部都可以自由組合，岩曬選擇困難症由前菜到主菜，今次我地仲揀左出名既龍蝦飽食全部食既都好有水準，而當中有個薯條好熱好香好好味，侍應不時仲會主動加水，同朋友食得好開心，份量仲食唔曬。會再有下次