Good One Sushi 壽司刺身專門店

营业中

休息中

見成日行過呢間舖頭，就試吓佢好唔好食啦。舖頭位置唔係喺大街，所以未必咁多人經過見到會去試，但我想講質素幾高嫁！今次買咗幾舊壽司，即叫即整，仲可以WhatsApp落單，好方便。魚生我覺得幾新鮮，飯嘅份量正常適中，唔會太少唔會過量，而且唔會好硬。推薦～

尋日經過見到呢間壽司店 停低望咗眼 發現壽司刺身顏色靚同好足料 就心思思入去試下入面可以立食 雖然空間感未夠 但都企到6-8個人架 我就問老闆有咩推介 又或者係張menu 單 ✔️下要食邊d 再留意返價錢都好親民 老闆推介我三文魚腩刺身 同拖羅刺身 同帶子刺身 我再嗌咗壽司 一共4人份量 之後見到梅酒個樣都唔錯 叫埋😁返到屋企 即試咗拖羅 好驚喜 油脂分布平均 食落去超滑 足滿魚油香味 三文魚腩 帶子都好好味 超正 而壽司都足料新鮮 其他都質素高 炸薯仔餅 皮薄餡靚 梅酒好醇香甘甜 冇揀錯我地成班一邊欣賞睇世盃 一邊享受呢個宵夜 又唔熱氣🍣 過兩日會再來買來睇世界盃都唔錯 配埋梅酒 大家都可以試下外賣返屋企睇世界盃啦

話說我之前都有幫襯過，都知個水平係高，但今次真心忍唔住要吐苦水，買左$208加拿大海膽，墨魚刺身，帶子刺身，壽司等等之前都試過加拿大海膽，係唔得既，相隔兩三年，見仲未執笠，諗住有改進喇，點知仲衰過之前，苦既，買時色水都無咁深，已經買完即刻揸車反企食，相距十分鐘都無，點知反到屋企，變黑左，完完全全無海膽味。帶子刺身冋墨魚刺身可以算係正常，但留意，係正常，唔會話特別好食。最最最令我頂唔順，真係要打一篇食評出黎既，就係d壽司，飯可以係凍冰冰，真心唔知雪左幾耐，紫菜可以係林啤啤，係林晒，但我係即場order，師傅即場猜，都可以咁無質素，真心個價錢唔算係平，起碼貴過爭鮮，但質素真係差爭鮮九條街。

第一次係比佢$1x-$2x兩件手卷所吸引，今次第二次決定叫埋三文魚刺生食。今次食左：1） 鰻魚手卷x2 = $16比完錢店員即刻走入去戴手套整比你，重點係張紫菜係脆嘅，好過d連鎖店同放題比d又淋又凍嘅野你。d飯唔會死實，個鰻魚都算大塊。2）三文魚刺身約7件 $55再8折 =$44我一開頭諗住同女朋友試下伏，點知完全唔伏，打開個保鮮紙睇到d肉係有光澤，墊底紙無水就知應該都唔係放好耐，食完果陣魚脂味仲仲留多一陣，以呢個價錢係絕對抵食。睇間店雖然舊舊地，店員都唔會講“21314”，但絕對係間好食嘅壽司店。（食完心血來潮打食評所以無圖&非打手）

年初二都開門，不過要加一，都正常啦，新年都開工。$20兩件炸蝦手捲，即叫即炸，飯暖，炸蝦熱辣辣，紫菜香脆👍👍，第一啖食到最後一啖都有蝦，最重要係沙律醬份量恰到好處。便宜又驚喜，讚。

補返一篇，聖誕節攪party有朋友介紹，佢有d套餐不錯，叫左一盤十人刺身拼盤加d小食攪Party有刺身太興奮，同場有人買左d其他品牌，即刻有强烈對比，一樣價錢，不一樣質素，推介預定下次攪party會再訂

幫襯刺身壽司店，上次是節日搞活動外賣自取，朋友介紹，今次決定約定一起前來即場食，站立位置不多，起初有點不知所措經店員主動了解想食乜刺身，詳盡了解需要同要求，另有一張紙填寫壽司🍣同手卷，小食等選項自己劃門數字，上次已吃過10人刺身拼盤，手卷價格亦十分抵食，亦見有不少情侶及街坊入來買完站著吃，手卷是即場制作的仲芝士年粒同芝士餃子雞翼刺身喜出望外，十分新鮮～個人比較喜歡三文魚腩，店內亦有汽水或特別的白酒🍶供應，選擇很多仲有一人份梅酒十分不錯

平時食lunch都會行過，但因為冇得坐所以冇食過。上上星期farewell同事，老細肯資助，即刻搞壽司到會啦，板x太貴，諗住試下呢間，結果喜出望外喎！首先訂左個花之戀盤(個名唔記得左，我自己作)。真係好好好靚！ 唔使食都開心同同事瘋狂拎黎影相呃like跟住有刺身拼盤，嘩個楓葉又係勁有心思，而且全部刺身都好新鮮，質素好高，完全覺得抵到爛特別係油甘魚，因為唔鐘意皮我平時好少食，但呢個油甘魚實在太鮮甜喇，忍唔住食左幾塊，結果比同事鬧。其他壽司都好好味(其實唔止圖中呢盤，但因為同事餓鬼咁，我唔執輸影左幾張就開始食)。除左帶子，其中我最欣賞甜蛋。好多人都覺得蛋唔抵，但從蛋可以分得出果間壽司鋪咩質素。以我咁多年食甜蛋既經驗，我相信d蛋應該係自己整而唔係入貨，正！食過返尋味，上星期都返左外賣返公司自私食，試左海膽手卷同壽司，質素依然穩定，又抵，揾到呢間野實在太開心喇！

We've been here 3x. Each time, the fish is not bad. The sushi rice is normal (The sort you can do at home). The tuna was of better quality the 1st 2x. The fresh clams are good because they are fresh and you couldn't go wrong. The soft shell crab handroll is nice only because wet do not like avocado and lettuce(doesn't come with ). Staff are grumpy AF. Not a smile, but ok, I'm not going to let that get me down.The best part is you can go next door for fantastic Shanghai dumplings after. the

之前有經過開, 見到幾多人買, 咁就試下啦嗌左兩個三文魚手卷, 等左三分鐘左右就有一見到.........嘩, 包得會唔會lae fae左d呢?塊紫菜鬆的, 包得唔靚d飯都係鬆的, 都未咬, 望落就已經就散就散仲有塊三文魚, 好韌 又冇三文魚味, 好失望整體黎講, 大小算正常, 但真係好少料, 好求其連某便利店既手卷都好過佢幾倍, 價錢又差不多 仲有服務! 因為我係堂食, 所以我拎返d袋裝豉油同個膠袋比個服務員佢理都唔理我! 我放個膠袋係佢面前, 佢一直講電話連眼神示意都冇,顧客存在感=0真係搵唔到理由再幫襯, 失望..

星期日岩岩訓醒, 諗住食下sushi啦好衰唔衰, 見哩間開左咁耐, 都仲未執, 咪諗住試下佢入到去, D款式真係好多好吸引就點左百幾蚊野食....出事啦首先, 整sushi既師傅竟然係收銀+入面一位年青人呢野都算啦, 佢D飯竟然放係一個裝食材既膠箱面!!!!!!!竟然就咁放係上面, 大佬呀, 我係一個walk in客, 我點知你個D野乾唔乾淨呀! 門面野都做下丫, 舖張保鮮紙係底都得掛仲有佢地握左大下十次先握好一舊飯..............................跟住佢地話D sushi係新鮮即做係就係即做啦, 新鮮就真係唔覺得羅旦sushi, 舊旦.....跟本就係糖水+旦, 得個甜味三文魚......無光澤, 就竟然比我食到少少腥味馬刀貝......無味......好似咬緊舊膠咁大蝦, 甘蝦.....不過不失府皮.....同出面普通既sushi舖水準一樣, 但已經係最好食芝麻曼魚卷.....舊曼魚.....仲細舊過我手指尾塊指甲.......最最最誇張都係舊飯..........我真係未食過咁難食既飯又濕又實又大舊.......................真係開

早2日岩岩等車經過這外賣店,本來都冇諗住去睇有咩食~因為小弟本身對日刺野的要求都幾高~唔新鮮都唔食~(tst~見城係小弟成日帶d客去食野的地方所以都幾要求高)但係我比門口果個小妹子吸引左進去看一看~我見佢大熱天時仲係門口比傳單我就睇下入觓有咩食先~~一入去就見到一個師傅係到開緊條三文魚~我睇一睇條魚~都ok新鮮~之後比我見到小店原來仲有生蠔賣~雖然蠔的品種係小d得2種(一大一小)不過我望到d蠍都好似不錯所以就叫左2隻試一下~小妹立即幫我選左2隻去比一個師傅仔幫我開~我心諗個師傅仔得唔得嫁~不過佢一拿左隻蠔上手,3,2下手腳就幫我開左2隻蠔@@腸黎我睇小左佢啦~之後我就開始食果2隻蠔啦~都ok波2隻蠔真係幾好~冇諗過老深會有一間有蠔食的小店~就係因為佢果2隻蠔比到信心我再叫野落去~所以最後買左半打蠔同10多種東西食~比錢時都只係3百多元........我買左8隻蠔+10多件壽司都只是3百多元......真係平到我笑.....(之後拿走d野食時小妹仲好細心問我係唔係住得好遠洗唔洗比d冰我拿走d野~(係一間外賣店的員工有咁的服務我心諗住邊到搵呀.....)最後經過20分鐘的車程去到了女友家開

28號同老婆去深水步到行golden..行行佢嗌肚餓..因本夫妻係sushi愛好者..所以諗住離開哩區去第二到食...咁之後行行下發現這間good one sushi..在廚窗睇到d三文魚好新鮮..又見到有2個位..就入去啦..入面staff的態度好nice..親切..雖然等食物的時間需要小小時間(因即叩即做,keep住新鮮的原因)但等待中店舖的staff都會同我地傾下計..咁本人就order左一份3文魚刺身, 一份什錦刺身同15件sushi等等... 未食野時只抱住一半寄望..因為覺得在這區的食物好極有個抱..但諗唔到食物的新鮮程度可以咁喜出望外...這是即叩即做的原因..!!!sushi的飯暖暖地咁..好好味!!唔似得其他外賣舖頭個d咁凍咁硬..3文魚刺身份量岩岩好..平時出面買個d一盒又少又唔新鮮..good one sushi哩到3文魚刺身仲有20%off...so good!!總括唻講..可以係深水步食到咁新鮮的sushi真係極之好..舖頭位置都係旺區..交通都好方面..可以堂食..又可以拎走..如果免遠的話仲免費俾埋冰你..正!!野食新鮮..staff的態度好..無得輸下次

我第一次嬲到要寫食譜..其實我今次係第二次黎呢間野..第一次間鋪冇咩人..都等左好耐..但D食物還可以...今次第二次去買...都等左15分鐘左右...D員工掛住玩..落單落到亂哂龍..D客落左D咩又唔知.....仲要問返個客轉頭一D工作默契都冇...最差既係壽司D飯係熱既...搞到D魚生都係熱既..一夾起甩皮甩骨咁仲差過係吉X島..百X買個D壽司..等得耐..員工服務唔夠專業..食物質素差..我唔會再去!!!

見佢即叫即整，本來都好有期望，等左15mins仲未整好10舊sushi,等左15mins~先知佢miss左盒飯！費事再等~唯有2個人食10舊sushi！點知番到屋企，一食......好酸~好似我自己整既sushi咁~同自家製一樣水準.....唔得呀~唔會再試...3文魚~雖然有8折.....唔新鮮...