Harbour Grand Café

营业中

休息中

機緣巧合，因工作關係可以免費到這裡吃buffet，事前不知會到這裡，所以來過速記。食物款式數量尚可，質量則麻麻。有海鮮、冷盤、芝士、沙律、壽司、粉麵、熱食、甜品……差不多全部都試過，很一般，甚無驚喜。除了甜品較好外，尤其是有很多款色的某牌子雪糕，其他食物只能夠說可以填飽肚而已。客人不算多，全場只坐滿1/6的客人，環境不錯，空間很大，但座椅的設計很奇怪，椅背向後傾，好像沒有椅背似的，座得好不舒服。如果不介意這裡的食物質素一般，相約朋友邊食邊聊天應該是不錯的選擇。

見到新假期介紹有69折，又有無敵海景，特登同屋企人黎試下。原價約$600，折完每位$470左右，但係即使折左都真係完全唔值呢個價！一，野食選擇少：冷盤正常，但質素一段；熱盤約得5款，係d平價野，感覺似去緊k buffet；甜品亦都無乜選擇，好多大路野都無；就連主打的片皮鴨亦都唔得！二，食物fill得好慢：冷盤龍蝦每次擺幾隻上黎，長腳蟹太咸無乜鮮味且細隻。三，價錢原價近$600，其實有好多不俗既選擇，完全覺得被搵笨！四，雖則係有海景，但係因為餐廳係低層，不用期望係個種由高俯瞰維港既景況，而且仲有條高速公路係正前邊，扣廿分。諗左好耐，唯一可取大概就係雪糕有近十個味揀，可以試均曬咁多隻味！噢！仲有每人送一碗的燉鮮奶，亦都沒有什麼驚喜。完。

好少食自助餐會試唔晒D 野食(講緊有興趣試既野食)呢家真係太多選擇 lol有少少估你唔到雖然入到去見到間餐廳咁大間已經覺得好多野食可以食...但種類真係意料之外多連前菜、cold cut 都已經試唔晒只可以揀D 睇落黎D、吸引D 既黎食除左一般既芝士、煙三文魚、火腿仲有好多特別既餐前小食食左少少就要留肚留返俾D 主食 <3因為真係太多選擇一開始羅左少少中式野先竟然連中式冷盤都有有牛展同海浙，仲有燒味仲有蔥油餅，當場老馬羅埋黎試但意外搵到個fusion 的東東海膽蟹肉烚蘿白食入口幾有趣的味道暖左少少肚之後開始食刺身同海鮮 ^^淨淨係海鮮好多種又波士頓龍蝦、雪花蟹腳、麵包蟹藍青口、翡翠螺生蠔就分左三個產地：America, Irish, France刺身都好多種，仲有海膽同七寸長大蝦同埋帶子，點少少醬料已經入得口食完凍野，飲返個送既花膠天山雪蓮燉鮮奶岩岩好幫我準備下一轉甜品 XD雖然係送既都好足料下甜品相對無話多款到試唔晒但都算唔少選擇試左少少蛋糕就去左Movenpick 既懷抱做人間中係要任性下12球12種味道 (好在個哥哥仔都肯理下 XD)最後試埋個好似出名特別既芒果沙冰可以要

這陣子看到網絡上面的報導，見到這家位於北角的港島海逸君綽酒店正在做主題自助餐，在說的是Harbour Grand Cafe，餐廳正在推廣「嘗鮮滋旅自助晚餐」，餐廳每日供應新鮮麵包蟹、加拿大雪花蟹腳、美國波士頓龍蝦、三款新鮮生蠔及阿根廷七吋長大蝦，星期五、六晚更有海膽無限量供應。記得當日來這邊是星期三，剛好在星期中為工作打打氣，儲足能量為星期四、五的工作作為鼓勵。 先來看看前菜，這邊有不少Cold Cut跟芝士供食客享用。再者，這邊的任何一款前菜均用上海鮮作為配料，例如摩洛哥金倉魚杯、青木瓜蝦沙律等等，款款都醒胃，忍不住一吃再吃呢。 在供應凍海鮮的地方把不同的海鮮拿到我們的台上，真的有這幾款海鮮，如：美國波士頓龍蝦、加拿大雪花蟹腳、麵包蟹、青口、鮮蝦、螺等。款款都鮮生味美，每一款海鮮都讓人大讚好，加入點點檸檬汁，把鮮味進一步再突出，叫人回味呢。 除了海鮮之外，這邊還有即開的新鮮生蠔，有美國、法國、愛爾蘭的生蠔。 每一隻生蠔都相當肥美，叫我這個生蠔愛好者忍不住吃了再吃，也忘了最後吃了多少，總之就是不能錯過的美食。 熟食方面，也有不少選擇，這邊有皮片鴨，也是不少食客排長龍

今次揀咗呢度補祝一年一度母親節，餐廳除咗有靚景，食物款式唔算多但質素真係唔錯，雖然飲品任飲，但職員亦勤幫客人加水，收碟快，有禮貌，唯一係龍蝦Refill得好慢，而且每次只拎少量出嚟。海鮮類全部都新鮮。呢度即開生蠔係近呢幾年嘅自助餐最啱我口味，蠔肉新鮮，唔太鹹，算肥美，唔係爽脆嗰種。龍蝦比較細隻，肉質彈牙，蟹腳唔太鹹。翡翠螺好大隻，有啲會有少少沙，蝦同青口都唔錯。五款刺身都好鮮甜，赤蝦好大隻，三文魚同帶子最欣賞。西冷對我嚟講太鞋唔太啱我口味，羊都可以，唔肥亦算嫩滑。鵝肝未做到入口即溶，配蘋果蓉可抵消油膩感。蝦天婦羅好脆，裏面仲係熱辣辣。燒味就一般，雞無味，叉燒有啲過瘦。點心類嘅粉菓有啲似蒸餃，燒賣係難食嘅。甜品質素夠平均，全部都幾好。焦糖燉蛋同木糠布甸唔錯，芝士蛋糕亦唔會太滯，芒果拿破崙唔夠脆同層次較少。麵包布甸有啲實。豆腐花好滑。紅豆沙同紅棗桂圓糖水有啲淡，適合較清淡嘅客人。即製Pancake，職員會有禮貌咁問客人想加咩味雪糕球。每位客人送一盅花膠牛奶燉雪梨，味道偏淡。食埋有12種味嘅Movenpick雪糕，完滿嘅一餐畫上句號。

香港有兩家海逸君綽酒店，一間位於九龍紅磡，另一間設址北角油街，同樣是五星級酒店，同樣擁有無敵海景！北角海逸君綽的大堂高貴宏偉，非常配合英文名稱有很 “grand” 的感覺，樓底極高，巨型水晶吊燈，更有經典貴族樓梯，是多少人夢寐以求的婚照理想場地。41樓的 Le 188 餐廳酒廊，名副其實擁有 188度開揚景緻，飽覽維港景色。3樓的咖啡廳毫不遜色，門面得體，自助餐區內裝潢時尚，尤其欣賞這兒的前衛燈飾。也許最佳位置就是這一角，圓形大枱且有90度開揚景。返回正題，我們是來吃自助餐的，是日主題：嘗鮮滋旅自助晚餐，一聽就知道海鮮是主角，正合心意。繞場一周尋覓特色，先被爆膏的美國波士頓龍蝦及 麵包蟹吸引了。繼而在刺身吧台發現亮點，獨有的阿根廷七寸長大蝦絕對是回本位，甜美之外，膠原豐富，多吃無妨。逢週五及六方有的海膽，點會只吃一兩件。新鮮生蠔今晚有三款，最巨型的是 Pacific Rock (America)，小巧但海水味最濃的是 Fine de Clarie Oyster (France)，最後一款 Irish Rock，新鮮肥美，蠔迷滿足。熟食方面，我先來一壺花旗參燉竹絲雞 ，果然清潤甜美。鵝肝

繼在剛過去的公眾假期吃過嘉里酒店的自助餐後，又來到了自助餐的開心時光～ 這次是北角油街的港島海逸君綽酒店，光步進大堂後已有很優雅的氣息，在長樓梯中有人奏著悅耳豎琴了～來到自助餐重點，個胃裝唔晒？ 即刻睇7大必食項目。海鮮系列生蠔當天晚上提供的是三款生蠔— 法國Fine de Claire, 美國Pacific Rock, 愛爾蘭Irish Rock Oyster，每次排隊取已經是有每款一隻了，有淡淡的海味，向來也不喜歡在生蠔上再加任何調味料，幸好Harbour Grand Café出品也是一點也不腥呢。 7吋阿根廷赤蝦刺身除了一眾刺身，如三文魚、吞拿魚和八爪魚等等，必吃的還有7吋阿根廷赤蝦刺身，吃起來真的超滿足！ 香煎鵝肝繼生蠔、龍蝦以外，鵝肝該是自助餐中熱門喜歡的項目之一，即煎的鵝肝分量恰當，也不失豐腴甘香，以小多士墊底達吸油的功效～馬來喇沙湯底這個喇沙湯或還真的不得了，為了減低罪惡感，配料是選了’殺傷力‘最低的菜類，不小心便吃了兩碗...是表現了超強的戰鬥了～ 什錦天婦羅新鮮在客人面前即炸的天婦羅，既有吉列炸蝦，也有蕃薯等等的選擇，脆皮的部分不過厚，味道也是剛好的。 花膠燉天山雪蓮

Hyatt之約後，緊接着便是第二場母親節飯局。提前慶祝母親節，既能避開節日的附加費用，也能避過母親節的人潮，相信天下的母親都是如此精明又貼心的。第二場母親節飯局同樣是自助餐，自助餐從來是母親節飯局的熱門之選， 要在五月天預訂自助餐也不是易事呢！第一次來到港島的海逸君綽酒店Harbour Grand Cafe，挑高的樓底加上水晶燈華麗得很，既有戶外泳池美景，而更引人的是180度無死角全海景，餐廳環境之美令人留下極佳印象。下班晚了的關係，又是最姍姍來遲的一個。經過那長長的自助餐桌，驚喜的是餐廳安排了靠窗的大圓桌，不用像Hyatt那樣要分桌而坐了。接近八時才到達Harbour Grand cafe，幸而自助餐食物是密密添加的，不用擔心錯過任何一道美食。首先以冷盤、芝士作為餐前小食，芝士和風乾凍肉的選擇不少，一旁更有自助飲品區，有各式果汁和凍茶供應。海鮮區的陣容十分鼎盛，除了龍蝦、長腳蟹、翡翠螺、青口、大蝦後，竟然有自助餐稀客：即開生蠔！基於食物安全問題，如令生蠔少有出現在Buffet食桌了，生蠔是現場即開的，絕對可以吃得放心。 法國、美國、愛爾蘭三種蠔種可選， 而且難得的肥美新鮮。日式食區除

公司要搞個20多人的聚餐，除了要一個體面的午餐，地方寬敞，要同事吃得開心，吃得夠飽，又要附合「筆直」，我相信自助餐是一個較妥善的安排。酒店安排了一張超級長檯給我們，還在餐廳的中間，很有氣勢。自助餐還有一個好處，不用等齊人便開始，中西日印的菜式都有，悉隨尊便。先去取杯果汁，任飲任添，每人手拿一杯，可用來祝賀老闆！自助午餐有生蠔供應，實在太好了，來自法國的 Fine de Claire以爽脆著名，當然要先吃為快，即開即食，很新鮮，其餘兩種美國Pacific Rock 和 Irish Rock也鮮甜。凍海鮮的種類也不少，長腳蟹很鮮甜，為眾矢之的，大蝦，青口，翡翠螺各有各的鮮和口感，KO一堆不在話下。試了海鮮，轉移到冷盤沙律區，煙三文魚，淡淡鹹香油潤，從來沒有討厭過；廚師特製沙律，自選沙律菜，風乾火腿，輕怡美味；刺身是吸引的，三文魚和吞拿魚，北寄貝，每次吃自助餐都必吃。吃過冷盤，轉攻熱盤了，「燒牛肉，火腿，羊膝，每樣一件丫，唔該！」煎鴨胸頗嫩，燒味有水準，叉燒和油雞質素很好，還有點心！燒賣和粉果，只能說比便利店好；咖哩龍蝦鉗，又幾好，幾惹味。仲有天婦羅，炸芋頭，炸冬菇，超正！如仍有胃納，叻沙湯

假期一家人又出發搵好嘢食，冇諗過自助餐可以由12點食到3點，真係好有驚喜。驚喜2係一行10人即有65折。一條長長嘅自助餐枱，非常豐富。首先，每人可以攞三隻唔同款式嘅生蠔 (法國Fine de Claire、美國Pacific Rock同愛爾蘭Irish Rock)不過我就覺得太細隻，唔吸引。蟹腳、 翡翠螺、蜆相對吸引好多。相對起嚟呢幾樣嘢鮮味中足吸引好多。天婦羅雖然只係蔬菜，但炸醬好薄，所以都好好食。魚生刺身好新鮮。最開心又係呢樹嘅車仔麵豬皮蘿蔔都好有水準。當然仲有都係我最愛嘅窩夫 & pancake，呢度食嘅係movenpick雪糕。除咗有果汁外，仲有無限添飲檸檬茶 &咖啡，真係值得一讚。可能係復活節前後，所以佢哋安排咗好多活動俾小朋友，有畫面、吹氣波波同埋教整曲奇。一家人開開心心真係幾吸引！

相隔2年再臨，仍保持高水準可以一次過食龍蝦生蠔面包蟹，供應源源不絕唔使排長龍，味道仍是5星級之作是日老婆請食buffet,佢平時都少食海鮮今次佢竟然對海螺賺不絕口鵝肝即煎即有 入口即融片皮鴨一添再添環境舒適闊落，面對無敵海景侍應們服務專業咁嘅dinner buffet open rice仲有7折找數每位500都唔使帶埋2個小朋友都免費(雖然食得唔多)超級抵食個肚已經飽晒，埋單時仲送埋天山雪蓮甜品好味到唔捨得食淨

尼間海逸酒店由我同老公相識既第一年生日就來吃了老公的至愛也變成我們每年生日他或我就來一次吃個自助晚餐🥣我和老公最愛吃這裡自助餐的生蠔、鵝肝和片皮鴨每次來都會吃的。這間每次都有折扣優惠，今年有65折，之前大概7折左右吧晚巿自助餐時間6點半到10點真的可以慢慢吃如果想靠海邊座位就先訂座基本上好多年都坐差不多位置今年來沒有了鵝肝變左煎鴨肝還要限每次拎2件不過即煎既關係也不錯👍🏻鴨肝夠大入口即溶另外排隊必拎既片皮鴨好吃😋鴨皮夠脆同埋即切夠新鮮生蝦夠大隻超甜生蠔水準沒變也夠新鮮龍蝦也夠大隻三文魚也夠厚同鮮甜今年除左牛仲多左羊肉不過我還是喜歡吃牛的所以沒試雪糕沒變還是moevenpick12款口味每款我都咁喜歡最愛吃咖啡☕️同焦糖想清新點有水果 、冧酒等口味另有配料可加今年甜品比之前好食左好多款款都無失望全部食晒落肚想吾肥都難焦糖燉蛋意大利慕絲杯極推食左2杯忍吾住而栗子🌰同朱古力蛋糕都好正啊甜品細細件可以食多幾款水果都夠新鮮食到好飽之制仲送每人一客燕窩燉鮮奶不過燕窩就略少燉得夠滑，不過好飽食吾晒另外依家多左自助飲品區有咖啡☕️茶同果汁🍹 以前沒有只有每人一至兩杯飲品又改善左不錯吃得好滿足

以前係炮台山返工，港逸君綽係同事們慶祝既飯堂。可惜隨住愈來愈多人，質素愈來愈一般，已經幾年無幫襯喇。適逢今個月姐姐生日，想搵間見得人拜得神又平平哋嘅lunch buffet同佢慶祝。見到呢間折左之後＄300一位都唔使，仲送埋生日蛋糕可拎走，決定俾多次機會佢。以前未試過星期六食，原來星期六都幾好，因為可以由12點食到三點，一d 都唔趕。食物質素唔錯，生蠔 蟹腳 龍蝦鉗 都令人一添再添。象徵式食下熱盤之後，（熱盤一向普通，不過今次發現laksa 有驚喜，湯底濃郁！）再來movenpick雪糕加waffle結尾。16款口味既movenpick 非常吸引，同行既屋企人食左9球🤣🤣仲有任飲果汁同咖啡或茶～～可能星期六無平日咁full, 服務唔錯，態度好好結論係：性價比高，不錯不錯，可以再去！！