Him’s (中海日升中心) (已結業)

嗌左個慢煮羊跟薯菜 再加個雞翼同魷魚酥個羊話有一磅 不過其實舊骨都佔左好多重量 本身都驚會唔夠飽不過其實佢都多肉 同埋D肉都好夠嫩 好淋身 同埋最緊要 夠膻!雖然係等得好耐 不過等都係值得兩件炸物都覺得over左少少 佢炸得都係偏深色 如果可以炸到金黃色 再香口少少就好啦!btw 個職員好好態度 第一次去食 佢都好有心機咁介紹我地食咩 或者呢個餐包D咩 果個餐又唔包D咩咁唔知係咪晚市太靜英英 所以對D客好好

咁啱係同一間食過早餐午餐，決定一次過寫食評食物選擇好多，適合大胃王同追求健康人士。不過可能難為左有選擇困難症既朋友早餐食左F餐，香辣牛肋骨米線，可轉烚蛋，圖片有兩只蛋，但其實Size只係比鵪鶉蛋大DD，多士可以轉全麥。開頭以為香辣會係紅色辣醬，所以一上黎認唔到係我個餐牛肋骨份量足夠，係個醬有少許失望，唔夠辣。Lunch方面：本身見到好多食評讚春雞抵食，諗住食春雞，竟然無左最後食左個H西冷餐。西冷好薄，表面多油；配菜豐富，有薯蓉玉米同西蘭花。前菜就係胡麻豆腐，清清地幾好。飲品選擇竟然有果醋，好少見到出面餐廳有提供，試左一口朋友既，幾好味。我自己飲奶茶（走甜），亦好香濃。總括而言好評，推介選擇多坐得舒服，比隔離食肆安靜，而且可以慢慢嘆，唔驚被人趕。PS 但Lunch就唔好叫牛扒餐，可有其他便宜之選。可以試下佢地個奶茶，的確唔錯。

剛剛食完，這間餐廳的西餐，極具賣相，味道中上，特色小食，極具創意嘅甜品，價錢仲好平民添，本人有少少意見，如果這間餐廳，能夠多幾款特色小食，同埋多幾款自家製特飲，咁就very good喇，每一間餐廳，有優點，自然有缺點，這間餐廳的缺點就是，例如我叫啲食物不是餐的，如果加嘢飲，要附加$18，其實這一點不合理的，我行埋去茶餐廳，只係叫一杯凍奶茶，都冇可能收我$18，如果加$5至$8，我覺得可以接受，總括來講，這間餐廳食得過！

之前冇疫情時，都間唔中黎Hims搵食。近排發現佢OpenRice 做緊優惠，有2個餐$38。我簡左日式燒汁雞髀飯。一打開，個雞髀size唔錯，仲有d蔬菜添，有驚喜。個日式燒汁好好食，雞髀都好滑，雖然望落d汁唔多，但用黎撈飯岩岩好。蔬菜睇落都幾新鮮，食落去，應該係就咁用水煮，無味精，好健康。今日個餐湯係蘑菇忌廉湯（飲落應該係），都係基本餐湯水準，唔會好稀，仲有d蘑菇粒咬下。我地仲用埋OpenRice 外賣自取優惠，所以呢個餐CP值高。

剛剛轉去觀塘返工唔知食咩好，無意中係OpenRice發現Him's外賣自取只要$38仲跟餐湯或餐飲，即刻order左一個咖喱流心芝士漢堡飯跟餐湯做lunch。餐湯係南瓜湯，味道唔錯，個湯唔係杰身唔係水汪汪果隻。至於個飯，咖喱汁比較少，想要黎撈晒成個飯食就唔多夠。至於漢堡扒亦都相當唔錯，雖然我晏左少少先去拎，但返到office切開入面既芝士都仲係流心。午餐既份量對於食量細既我黎講就剛剛好，唔會食剩浪費，味道亦都唔錯，以呢個價錢黎講真係好抵食! 

辣味大蝦炒意粉 $88可能係外賣既影響，所以意粉偏為乾身，但都幾濃味！如果食開bb 辣既朋友呢味可能食得會比較吃力皇牌原隻燒春雞 $99作為皇牌梗係要試一試，果然無令我失望，有大大隻雞而且啖啖肉，juicy 又有好香。而底下有粟米同西蘭花，粟米都意外地甜，絕對對得住呢個價錢。套餐-沙律日式沙律，用芝麻醬再配上沙律菜，正常味道，仲有一舊滑豆腐值得加分。套餐-餐湯是日餐湯為粟米湯，幾重粟米味，質地唔算濃稠但味道唔差。套餐-薯角正常發揮，加上外賣因素影響口感飲品：蘋果果醋，白桃果醋好少跟餐飲品有果醋，而且估唔到係熱飲嚟，蘋果味比白桃既醋更夾，係幾特別

今天同事介紹了一間外賣餐廳，用OPEN RICE 下單只需要$38。打開了APP，看到有2個$38餐，我選了日式燒汁燒雞比飯，可以配飲品、湯或沙律，我要了沙律。10分鐘後去最餐，回到公司吃，打開發現賣相不錯，雞比非常大隻。沙律是鴨胸沙律，用了麻醬，鴨胸偏SATLY，但都OK。雞比的燒汁比較濃，不喜歡濃味的人可以不吃皮，而雞肉都幾嫩滑，有咬口，$38 真是十分平宜。另外同時配有蔬菜，非常健康。

收工係觀塘做完gym成日都好苦惱食咩好，呢間餐廳係我成日會去嘅地方，因為佢嘅燒春雞實在太正太吸引！啱哂做完gym要補充蛋白質嘅人士除左有燒春雞，仲會有薯菜，通常我都會食唔哂。呢啲又平又靚嘅餐廳真係要支持！

第一次食 係食牛扒👍,派傳單姐姐力推😆,拉我入去,見佢勁有誠意,決定食1次， 牛扒拼薯菜,揀沙律，青梅醋 第一次其實覺得係勁正✌,因為塊牛扒啱啱好👍，切開嘅時候你會見到中間仍然喺紅, 肉質幼嫩,好juicy 💦。配薯菜～薯仔焗得剛好🥔 ，侍應 拎上枱 溫度唔高， 但食物熟嘅程度係剛好,食到～食物本身嘅質素。座位方面,其實都坐得幾舒服,因為佢個場係幾大,枱與枱之間有距離。所以夜晚黎,其實都可以食得幾舒服。侍應 態度～第一次食嘅時候其實服務好好,好專業,會問我想 飲咩湯，飲品有邊啲嘢選擇,雖然我聽落去都係 好似成個人未訓醒咁｡但佢都冇俾面色我睇。咁我又真係食野幾麻煩，鍾意問黎問去。成餐其實我都食得好滿足,到最後仲加12蚊，多件朱古力蛋糕拎走。件朱古力蛋糕其實做得幾出色，埋單120蚊。其實食得好滿足, 不過到夜晚黑,發覺係真係有點唔飽肚｡之後,我又去光顧第二次,豬手👍飯 6x蚊＋18蚊轉套餐，發覺 餐廳啲飯 口感唔多適合香港人食😔,似日本米多啲。 因為我有留意佢啲飯嘅大細，形狀，比較肥同圓 似日本米多啲， 日本米吸水時間耐啲，煮日本米 需要多啲心機同時間，所以唔喺間間都整得好食｡ 如果

晚上同朋友行到觀塘睇下有咩食，就見到Him’s出面寫住精選推介嘅菜式好抵食咁就比佢吸引左燒春雞隻春雞一上枱我同朋友都呆左，估唔到68蚊嘅價錢就可以食到成隻春雞，仲要燒得好惹味，雞似又嫩滑，絕對係必食All Day Breakfast呢個All day breakfast我將薯角轉咗做沙律，味道黎講不過不失，不過係第一次見到有朱古力蛋糕喺All day breakfast入面，相當特別總括嚟講，呢間小店相當抵食，絕對會回頭幫襯

觀塘工業區呢間Him’s都開咗一段時間，平日午飯時間都好多人幫襯，外賣餐牌比堂食平啲。近年習慣咗用外賣app落單，除咗節省等候嘅時間，仲有額外優惠，對於上班族嚟講慳得一蚊得一蚊。咖哩流心芝士漢堡飯 $38係甜甜地嘅日式咖哩，塊漢堡都算幾厚，入面真係有芝士，配菜就有紅蘿蔔、西蘭花、薯仔同翠玉瓜，每款各一件，食到最尾唔係好夠咖哩汁，得返白飯。而個白飯擺得係有心思既，唔係隨便’不’落去是日餐湯 : 南瓜湯🎃好濃郁，好重南瓜味，唔錯! 30幾蚊食到呢個質素，已經非常滿意

餐廳係觀塘工廠區，環境我會話似茶餐廳mix cafe，我當日3點左右去到，唔洗等位，份餐講唔上好食，但唔係難食嘅，最好食係個件蛋糕，杯白桃醋都好飲，同埋我欣賞佢每樣熱食都係好熱，呢樣係All day breakfast 好難試到嘅，同埋價錢真係唔貴。講開價錢佢有樣野好攪笑，餐牌上面午餐同下午茶都有呢個全日早餐，價錢係一樣，但係下午茶時間叫午餐有9折，而且午餐全日早餐仲有多個湯/沙律tim，我黑人問號左陣，究竟條數係點計😂😂

🍴皇牌原隻燒春雞 hkd68原隻燒春雞份量十足, 仲可以簡配飯/意粉/薯菜, 但只係$68真係超抵食!! 最緊要係真係燒得好好又熱辣辣, 外表燒得香脆, 但內裹又好juicy嫩滑完全唔會柴! 醬汁又好出色, 蒜蓉味重沾雞食超夾。餐廳仲好貼心會俾埋手套方便食用。而我地今次簡左薯菜就係炸薯角黎, 炸得好香脆, 真係連配菜都好出色。🍴招牌安格斯西冷牛扒配薯菜 hkd148呢個餐就配埋沙律/餐湯+日式蛋糕+飲品。牛扒都好大塊雖然比較薄, 但肉質不錯, 而飯又用珍珠米好味。整體食物質素有驚喜好食, 仲好抵食, 用operice book位仲會有折。

觀塘作為工業區之一，午市很多打工仔放飯，選擇非常多，而這間餐廳定位並不是普通的茶餐廳，而是主打日式西式，所以價錢比較高。午市時間排隊的食客非常多，所以有些客人會選擇他們的抗疫外賣套餐。最後等了大約十五分鐘才能入內。午市套餐整體為$60-80。不單只有日式三文魚丼飯、西式的帶子意粉，甚至有all day breakfast。辣大蝦帶子意粉味道正常，但配料不算多，只有少量海鮮和蔬菜。雖然包了飲品和餐湯，但是味道和份量不是特別吸引，不覺得是抵食，所以下次還是選擇其他餐廳。

大家想享受All Day Breakfast 的美麗外表又想有好味的內涵，但事實是大部分地方都！很！貴！不怕，跟亞比來觀塘去享用內外兼備而且價格平民的All Day!我都是第一次跟朋友來，那時正是下午茶時間，我一看下午茶menu有點選擇困難症。但看到最底有all day breakfast便決定試試！一來到，我真心驚喜！下午茶有南瓜湯、有沙律還有朱古力蛋糕（見到嗎？！）還有煙三文魚！包野飲（一陣再講野飲）而且湯是好味😋的，注意⚠️不是茶記hea湯喔！蛋糕🍰亦很不錯！真心好滿意，加埋個價錢更滿意！我決定都會介紹朋友來這吃All Day Breakfast!到野飲其實我和朋友來正是為了試它的冠軍奶茶！要另加錢。但由於食物性價比太優秀。我也不介紹加錢點這奶茶！不錯的！我本身愛飲奶茶。偏甜少少，但仍然好好飲！朋友點的小食魷魚穌也很惹味！推介