Him’s (中海日升中心) (已結業)

通常一大班人 十個人就會建議黎呢度食飯因為在工廠區 地方大 很易找到位置次次都會黎食燒春雞好大隻好抵食男仔都會話食唔哂 我今日見到有新菜式就係安格斯牛肉鍋 就即刻叫左一試料很足 很飽 有質素👍🏻

食物質素唔差，只是餐牌實在需要時間去閲讀，價錢有分堂食或外賣，堂食又分凍飲加$3，特飲加$6；但外賣又會係冷熱飲品同價。實在令人頭暈眼花.點了堂食雞脾飯，叫他汁另上，冇做到，以為凍飲唔駛加錢，就係睇錯堂食要加。另外點了紅酒牛肉飯，的確食物質素好，牛肉稔，醬汁好送飯，雞肶冇雪咪。唯獨價錢令人混亂而已！

近期觀塘中海日升中心，多左好多食肆，今日開完會2:30 tea time ，又去睇下有咩好食先！見呢間店大，座位闊，價錢又唔貴，抱住試新嘢嘅心態又試下先！見到下午茶款式有D唔同，仲有刺身飯添，價錢仲唔貴…… 侍應態度好親切， 速度又快， 以後又多個選擇了😃

同同事黎搵食，財政緊絀之下睇左個午餐餐牌好似大部份都過70蚊。終於喺特價餐搵到個咖哩吉列蝦薯餅配飯，要左個南瓜湯，熱檸水。56蚊還可以吧有同事食意粉，評語係食到底見到成碟油。有同事食燒春雞，評語係就係一隻好普通既雞。不過我地點個陣已經淨返最後一份，我諗都幾受歡迎。食完傾左陣計好快就趕客，環境有啲迫，不過間野都幾大，生意唔錯，我地12點半左右搵到位。呢個價位拍得住牧xxx，食物賣相呢間唔差，但衡量埋個環境黎講我會揀果間。

星期五嘅team lunch去咗呢間Him’s 餐廳食， 話就話係team lunch, 其實得四個人。 大約1:15到， 去到都有好多人等位。 等咗大約10分鐘就有位， 其間， 斜對面有間餐廳可能冇乜人幫襯， 個阿叔好落力叫人唔好浪費時間， 浪費公錢， 叫大家過去幫襯喎、但佢把聲實在大刺耳， 頂唔順！ 未正式安排入坐時已經點好野食。 是日叫咗牛扒配cuttle fish sauce(唔記得中文係咩）配飯， 餐湯同埋沙律之間，我揀咗沙律。一坐低，沙律就即刻送上枱面，沙律係沙律菜加豆腐配日式芝麻醬，味道不過不失， 舊豆腐都幾滑。 主菜好快就上枱，食咗一啖飯先，覺得個飯有少少味道，唔知點樣形容，我同事話有味嘅原因係冇洗米， 不過都接受到嘅。 塊牛扒冇肉味，食粉落多咗小小、而個墨汁醬就變咗日式燒汁。 買單連凍飲93蚊， 呢個價錢可以有好多高質選擇。 但呢間餐廳有做善事幫有需要嘅人， 比返個like你啦。

星期四悶悶地，又係時候同同事發掘食飯新地方，經過見到Him’s，佢既lunch set好似都幾多選擇所以就入去試下。坐低好多款lunch set都岩我心水，我揀左香蔥炒安格斯牛肉飯，加錢配佢地出名既金裝樽仔奶茶。果然冇令我失望，佢既汁配埋啲安格斯牛肉好出色，平時食得唔多既我都食晒成個飯。😋另外令我驚喜既係佢既特色樽仔奶茶，佢好的骰細細支，但茶同奶既比例調配得好好，茶味香但又唔會搶左奶既味道，兩者相輔相成，黎開觀塘既一定要黎試試呀！

今日約朋友Dinner 去左觀塘工廠區。入左一間名睇左好耐先見到佢個名 其實成你個商場都好多食肆不過見佢都好似寬倘 想同朋友傾計。所以選了這間佢價錢唔貴。dinner 最貴都係78 的魚生飯 或 9安士的牛扒我叫了個牛試下 78唸住細細塊點知一上。有驚喜。大塊 擺碟靚食下去肉質不錯 雖然薄少少 但整體不錯佢加前菜及飲品加18okok 加啦佢有南瓜湯 或 豆腐沙律要試一定要試餐廳的湯 佢的南瓜湯都真材實料。打個南瓜湯 南瓜多。 有雞湯味 不過略嫌鹹咗少少同佢講完佢就玩個沙律俾我啦之後加$28要咗佢個唐揚魷魚鬚份量細細地不過佢嘅炸醬同埋整體都好食之後叫多客$16嘅芝麻雞翼熱辣辣好好味又夠juicy佢要+1嘅不過佢哋服務都好好對比整體好值得推介嘅

星期六番工lunch 通常都會食貴dd 同埋平日大排長龍果dhim's 新開左幾個月，今日終於有得試相入面湯同奶茶已經食同飲左d,等到主菜黎先影見到有特價牛扒set, 可以揀黑椒汁或者日式汁（同事反映偏鹹）前茶有沙律或者湯揀，湯比較水，蘑菇味有都唔算濃，沙律個汁唔錯牛扒無得揀熟成度，食落已經係at least 八成以上，不過都唔會好韌同鞋，算接受到牛味唔算重，不過78 set 價錢黎講，已經收貨但估唔到有驚喜係個南瓜薯餅，好重南肉味，又夠淋，好好味奶茶佢地推廣係冠軍奶茶王，熱既唔駛加錢，凍樽裝跟餐加12, 奶茶好滑， 奶同茶比例大概一比一，但個人比較鐘意茶味重d,本身已經落左糖，所以試下味先決定再加唔加糖呀其他lunch set 都至少6x, 相對依個比較抵食

Him’s 呢間餐廳係lunch hour都幾多人排隊，但就因為咁每次都食得好趕，仲趕過食茶餐廳。整個用餐時間唔知有無半個鐘就比人趕走左，野食既質素一般啦，唔錯既，但份量比較少。但已經唔重要啦，咁樣趕左已經另呢餐既experience 減到去0我個口明明仲食緊野，碗上面仲有最後一啖既時候就比人收走左我個餐...之後仲會用唔同既方法去趕你走，例如係 收走台面既餐具/收哂你既餐/最後更直接拎張單過來叫你埋單。我覺得如果想贊多d既話 你一係開大間d一係開分店，唔需要咁樣趕客囉

今晚去觀塘順便喺度搵嘢食～夜晚9:00都冇乜人 落order好快就上菜主食：咖喱流心芝士漢堡飯 - 飯偏少 咖喱少少辣 薯仔煮得夠耐 整體黎講都好味🌀香蔥安格斯牛石鍋飯 - 都幾大碗 飯無飯焦 牛肉都幾大塊 偏多油 普通小食：🌀三文魚小卷 - 三文魚唔係特別新鮮 普通🌀吉列炸蠔 🎖 - 有驚喜 🤩 我出街好少叫炸蠔 原因好簡單 怕多粉 呢個炸蠔粉啱啱好 蠔都幾鮮美 飲品🌀蘋果果醋 - 甜甜地 無咩特別🌀青梅果醋 - 酸酸甜甜 同蘋果果醋差唔多整體來講 餐廳環境算👌🏻乾淨 食物質素唔錯 價錢都抵食

聽家姐講呢間餐廳本身係鴻圖道個邊既，可能租約問題就搬左黎呢邊開，佢話質素都唔錯既。呢間餐廳有日本菜同西餐食既，咁啱收工經過想去食南記，見到四眼哥仔係門口搵客又聽到有T骨扒，就埋去睇下MENU，睇返價錢又幾抵咁，一於試下佢睇返MENU佢有分日本餐同西餐。日本餐有日本丼飯、壽司拼盤揀，西餐就有一個咖哩飯、意粉、石鍋飯同肉食揀。T骨扒就寫住係澳洲產地配上日本山賊汁 (即係有少少甜類似燒汁咁既味道) 配薯菜，包一個湯或沙律，飲品同甜品。落左Order就好快黎左湯同飲品啦~湯就係南瓜湯，湯就唔需要太高要求啦，不過碗湯只係微暖，個人認為可以熱返少少。飲品原來凍奶茶就只有餐廳既皇牌樽仔奶茶，要加$12 除此之外，都有咖啡檸茶檸水之類，最特別係有得揀果醋仲有分凍熱。我就揀左凍白桃味果醋試下，只要加$3凍飲錢，俾著出面啲餐廳應該會當係特飲價錢計算，同埋真係未見過有其他餐廳有果醋揀~都幾特別話咁快個T骨扒黎到啦塊扒都幾大，幾乎蓋過成隻碟！伴碟既薯菜都好有分量，薯角熱辣辣脆卜卜，仲要大大隻！都應該有差唔多十隻！配菜就係一堆牛油粟米同兩舊西蘭花同車厘茄，牛油粟米都幾香甜。不過好明顯係一早整定哂，粟米上面既牛油

是日星期日，係觀塘有d野要整就係附近搵食，本身想食譚仔，不過冇開就再睇下有咩好食，見呢間未食過環境又不錯，見有位就入去。侍應都有禮貌，我地見到格離枱個壽司定食好似都幾好wo，就叫左2個刺身拼盤定食，先黎左個沙律，基本野實ok👌，不過到刺身拼盤一到，我第一眼就感覺到唔夠凍既，而事實都覺得唔夠凍，不過叫左都係要食啦，我諗可能自己要求太高者...其實係好抵食$118 有6款野每款有2舊，仲有拖羅tim.... 講起舊拖羅食第二舊既時候夾起反轉左見到黑黑地...... 其實到底係因為有炙過所以咁？定係....算啦我... 都唔想諗...最後我返去係肚痾既😅仲要好趕住去果隻（不過我係好易痾既）

在觀塘區工作，一次發現這間餐廳，無論食物和服務質素也不錯。這次Oder 了一份安格斯牛扒午餐，味道很好，價錢也合理。👍🏼👍🏼👍🏼餐牌內也看到有日式料理，期待下次再嘗試。😘

喺觀塘做完嘢 又去左附近搵食~哩間餐廳裝備簡約踏實 少少西餐感覺但又有啲茶餐廳風味 破格得嚟帶點樸實 選擇頗多有西式日式 加上價錢大路親民 晚飯時間幾清靜可以傾下計😊-☆ 蒜香白酒藍青口炒意粉 HKD$76聞到有少少酒味幾香，意粉食落濕濕地唔會太乾，落左黑椒辣辣地幾易入口，藍青口都算彈牙有口，不錯吃👌-☆ 日式咖哩流心芝士漢堡飯 HKD$72漢堡厚實有肉汁，漢堡高質肉味香濃👍，內裡切開非常流心，芝士有如心太軟咁不斷湧出，芝士味亦出色。至於咖哩似港式咖哩味道，日式咖哩正常應偏甜，少少失色做唔出嗰種味道，幸好流心漢堡挽回不少分數。-☆ 加州卷 HKD$45餐廳好特別有得食壽司刺身，加州卷比想像中新鮮好味，餡料有蟹柳蛋同青瓜絲，蟹籽十分脆口咬到索索聲，估唔到都幾高質，抵讚👍。-☆ 吉列廣島蠔 HKD$48/4隻熱辣辣外層香脆炸粉唔會好厚，廣島蠔大大隻幾軟熟，配埋側邊既沙律菜一齊食無咁油膩，幾好食👍。-☆ 蘋果果醋＆紫貝天葵蘆薈冰糖雪梨 HKD$23/$27酸酸甜甜幾醒胃，前者味道較酸，後者有蘆薈粒幾特別，可以一試。-◇ 總括而言味道尚算滿意，特別日式食物猶為出色，性價比頗高，附近

是日亮點係晚餐送的甜品—日本空運到港的茶漬梅日本黃瓜芝士餅，真係不得了。質感濃厚的芝士餅，內裡的梅及黃瓜的微酸，解左芝士的膩，令到整體口感食得好舒服。上次個朱古力蛋糕已經好好食，今次呢個更加不得了。我唔好甜品都覺得好食。老細話個餅的成本高，但為左提供有質素既食物，貴 d 都值。個西冷排，有肉味，煎得岩岩好，汁是微甜，好食。伴碟的粟米有牛油味，薯角又熱又脆，好食。個蘑菇忌廉湯，夠 cream 又夠蘑菇味，正。成個餐加埋一都只係$155。CP值高呀！