HIPOT (已結業)

是日睇戲完場九點，諗住呢間九點後有些食物有六折好抵食就試下好多人等位不過我地多人坐大檯，其他人應該細檯掛所以下一張就到我地不過等呀等，一張都等好耐，但明明到達時已見到入面有張大檯冇人坐終於忍唔住問個女帶位，她回覆：係喎係喎!! 然後才絲絲然的安排入座有位坐算了，畫好紙，一煲莞茜皮蛋湯($48)，一煲沙爹湯($48)，和其他食物但礙於還有其他湯底想試，於是問其他一名女侍應湯底有否雙拼她很有心地答覆可以，咁我地就快手加埋個冬瓜湯底拼去莞茜皮蛋湯女侍應又說：這樣要加廿蚊，再想就咁拎紙走人當然繼續追問她為何又要加廿蚊啦她才很好地說沙爹湯加莞茜皮蛋湯才不用加錢，其他配撘都要加錢的然後我們繼續追問：點解唔可以莞茜皮蛋湯加沙爹? 然後一個冬瓜湯呢?她竟然唔奈煩地答：又係你地自己話要咁既噢，唔講都唔知要加嘛，不用這麼惡的喔仲有我地其中一人裝左杯野飲，原來又要加哂咁多個人頭囉，一早又冇講野飲種類又少，好似俾人呃左咁，眼見其他客人出去拎野單上卻沒有注明會收費，真係管唔到咁多最後只是想要幾張濕紙巾，叫左幾次．．．．望出去那個侍應都在執檯那個時間外面等位人客已經冇乜，拎一拎很難嗎?食物一般，服務更加不在話下，

見佢晚上9點後有六折咪去試下lor...仲以為好平啦,點知d野食來左之後,發覺每碟都得果小小,好彩得兩個人,如果多人,同1款要叫幾碟先夠分到一人一樣試下味= =都吾知正價係咪都系甘少lor,如果系真係好貴wo,出面d打邊爐雖然價格比呢度貴小小,但人地大大碟ga ma,我地系甘以叫左幾樣就$160啦,我仲要食左好少wo,唯一可以講系d野食吾會吾新鮮lor

今晚差唔多10點先黎到決定去食飯落左apm到打邊爐.. 好耐都無黎過觀塘.. 所以都唔知開左呢間野..HIPOT" 我第一次食呢間野.. 稻香集團旗下品牌又幾好食wor... 一人一個小鍋, D料都好新鮮同湯底好濃味! 加$10每人可以任添飲品.. 汽水之類好多野都係自助式, 所以感覺都唔錯.. Service又一流.. 一句講晒好正..! 其實都食正好多野囉..由於我地9點後去食.. 全單6折.. $198食到好飽!

5.28我同男友去食個日是星期四, 公眾假期端午節。去到拎埋飛, 等埋位, 已經差不多10 點了。本來星期四宵夜時段應該有特價, 不過侍應用是日假期為由, 指是原價收費的。不過他們特價的紙張上並沒有表明假日是沒有優惠的。雖然不是貪他那小小特價, 不過白紙黑字沒有寫清楚, 很容易令人誤會。入去坐低劃紙仔落單。2個人都叫了2個不同的湯底, 想試清楚嘛。印象中, 一個是沙嗲, 一個是蕃茄豬骨, 來的時候, 沙嗲只有半滿, 像被人偷飲了一半。個陣印象已經麻麻。叫了一碟牛肉, 一份溫室豆苗, 一份生菜, 一份墨魚芝士丸, 一份忘記了。牛肉麻麻;豆苗新鮮, 不過份量少;問題在於墨魚芝士丸, 開頭見放在另一張紙上, 而且索價$48, 以為是手打的墨魚丸釀入芝士。來到時, 發現是街市冰鮮芝士丸。 仲要收我$48 加一。真係食水深, 抵佢賺錢。2個人食左小小野, 埋單都好貴, 每人差不多要$140。這樣的價錢, 這樣的質素, 我不會再願意花錢惠顧!!

2點有8折專登同細食男朋友泥呢度試下食完...我好好奇點解會有咁多人泥排隊既？好明顯大家係覺得佢好平啦...我淨係覺得呢間野既服務無質素可言!等左廿幾分鐘入去叫左2個$48既邊爐+$12肥牛明明門口menu有得話可以揀奶茶果d...入到去冇.\_/."2個爐就好快泥到...d野食就得碟肥牛囉等得太餓唯有食住胞牛先啦...唔錯喎!!我地揀左沙爹同蕃茄豬骨...2個湯底都冇味!!!!我地發現佢嚴重唔夠人手,服務態度惡劣-___-d野食一般啦最好味都係碟肥牛！不過就幾抵食既下午茶！

　　今次我第一次食hipot，但係我真係覺得d人真係好攪笑，個帶位小姐見我一入門口就問我幾位，佢就好好咁帶左我們入去坐D要撘枱的長枱，請記住佢係（已經帶左）我地埋張枱就開口問我們介唔介意撘枱，我隨口答佢話介意，問可唔可意轉枱，佢立即話唔得，無枱。我真係好奇怪，佢又唔係有得比人揀坐邊，又無枱，咁仲咩問人地Ｄ咁無聊既問題啫！真係攪爛gag！　　個時係下午3:00下午茶時段，但係個個待應都好忙，唔係拾抬就係掃地都無人serve到你。等左大約5分鐘，終於成功咁落左單，但係落左單成15分鐘先有個湯底到，但係兩個湯底又來錯，等到收番兩個湯底之後，連D火煱配料都來埋啦，個湯底又唔黎，都唔知佢想點！好啦到個湯都黎埋，又唔知點解又送多兩份湯料來！！哎……都唔知個廚師同D樓面攪咩攪到咁亂！總之就一團糟啦！　　仲有可能下午茶時段比較麻煩，因為佢地會清潔，會拖地雲石地，但係個地掃就扭得唔夠乾，攪到一地都好油同濕漉漉咁，個地好滑，好易跌到Ｄ老人同細路。所以有意去食佢地下午茶時段既要小心Ｄ！　　不過，講真係真係有一個時段去食真係好抵，就係11:30前食，佢有一個餐係食客飯咁，有一碟中菜+一碗飯+一碟灼菜+一杯飲品

返工後開始落大雨, 凍凍地想話去打邊爐做LUNCH(2個餐3人食),然後發現有新野, 就係$28/粥餐:同事A:南瓜粥底, 駝烏肉, 菜苗餃(3隻), 雪梨茶同事B:菜乾粥底, 鯪魚滑, 叉飽拼馬拉卷, 雪梨茶我:菜乾粥底, 桂花蚌, 叉飽拼馬拉卷, 雪梨茶(桂花蚌配粥, 好OK!!!)大家起初以為係一碗碗粥,點知一上就發覺大件事, 係成煲上!!仲附上(林)油炸鬼蔥花送粥,粥料要自己淥熟,好多好多, 真係食唔晒, 3個人叫2個就OK!再加埋個點心, 飽到上心口.乜都好, 只係杯雪梨茶甜到飲唔落口...

唔再多講~今次又叫左好多野食~要睇,睇返我上一篇食評啦~麻辣火鍋~今次辣返d啦~正!金菇都係咁正~最緊要係唔會打打下..唔見哂2碟8蚊肥牛今次唔知點解厚左呀..d肥牛..食唔哂所以手打烏冬$28蚊6折有2個烏冬~我男朋友話好食呀!好食到打包添!黃金蝦丸<--冇6折既$4x哈哈~我中意食咸旦既~所以覺得好好食,不過唔會有折既我會平時先叫~6折叫蝦丸好啦~d蝦丸係手打既~好好食!珍珠山根山根真係珍珠咁既size喎~好味!雲吞男友至愛啦又係...佢話皮薄蝦彈!墨魚滑比較下...我覺得蝦滑好食d囉~墨魚唔夠爽~男友食完仲以為未熟墨魚丸丸..仲衰過墨魚滑芝士腸又唔係好食到有芝士o必出黎喎....可能係平價芝士腸貢丸男友一食就話正..不過我覺得一般..因為貢丸唔係手打嫁嘛蝦丸正!+10蚊任飲+糖水

今日家庭日 我一家人就去左HIPOT食火煱 本來我想食佢2:00果場下午茶 因為有8折~低好多ga!但 我右訂左戲票睇3:15 所以只好1:00去食好了(正價)我和老婆 一人叫左一個lunch set (52蚊x2)個女就叫左個學生set(28蚊x1)我問d公關 我女兒沒穿校服沒有書包 也可以叫學生set嗎??她說:當然沒問題啦!(e個答覆我中意) 在吃火鍋時 我加左3個人任飲飲品同糖水 5蚊一個人(5蚊x3)再加左2碟8蚊肥牛(8蚊x2) 佢d肥牛真係比好多地方好得多份量也好足夠一碟有7-8片!(正爆)我地3個人食晒所有野 真係飽到上心口~好低食 味道都好好~good! 晚飯時候我重好飽><今日正價食左163蚊 如果食到下午荼130蚊 就正啦==========================163蚊3個人食火鍋 真係超值 (出面d任食火鍋都要110一個左右啦!)就算自己係屋企買料 都唔只e個價啦~重要洗餐死添!所以我一定會再去

公司每個月都為該同份生日的同事出去食飯,...前排有好幾個同事生日,又見AMP開左間HIPHOT專食火鍋..就去食啦...地方唔錯.. 醬料任拎..^^叫左好多野食... d肥牛好味!但d丸就唔好....名就多...但個款系一樣..=﹏=蠔好鮮! 不錯!!

食第2次啦已經~其實我並不喜歡打邊爐因為我覺得都係就咁烚熟d野姐~而且次次食完我都飽足2日...所以都係中意bbq/韓烤多d~但無奈男友同我岩岩相反~而呢間係我在hk食過最好食既既一間火鍋店~抵食不在話下~最緊要係好食!上次咁岩去apm見到咁多人食~試過一次嫁喇~今次慶祝朋友生日~我就帶左大家黎左呢度食~選了麻辣+醉雞湯底2個我之前都叫過~醉雞仲有埋雞食~22蚊一人份量抵呀!最值得讚既係佢唔會加水~唔夠佢會加雞湯比你~咁d味唔會淡哂啦~而且麻辣更加係頂呱呱~比起hk既其他麻辣火鍋出色囉~e.g寧記,海港,福苑等..不過唔知點解呢今次個麻辣湯完全唔辣~上次我食佢個湯底係非常辣嫁!仲搞到我用左5張紙巾!自問係食得辣既人~但居然呢間辣得黎帶少少麻~同我台灣食過既一樣好食!豬肉丸etc新鮮的~好味!墨魚滑,蝦滑抵!不過唔係我食過最好味既!鬼馬牛肉(台式)即係油炸鬼+滑牛~成枱人都話好食!特別又入味~大根xxx(唔係好記得個名~台式野)但係用白蘿蔔片+其他材料整既~幾得意8碟$8肥牛~每碟都有7塊左右~好食過出面38蚊碟果d~又抵又唔差!駝鳥肉新鮮喎我覺得!好似d生牛肉片咁!好味~友人叫左個北寄

見到open rice 都幾多人話好加上見雜誌都有介紹過,所以就去試o下!星期日唔知係咪因為mothers' day 關係,都幾多人o下,要等位,等成10幾張,不過around 半個鐘都有位,算快.又唔知係咪因為mother's day 關係,枱枱都送一盒蝴蝶餅,味道都算唔錯!咁o岩o個日入坐時間唔太o岩,我o地8點入坐,要9點入坐先有6折,不過算啦,都唔理,照order.我o地2個人點o左一個麻辣湯同莞茜皮蛋湯,平時肥牛只係$8,我o地就要$36,量同$8 一樣,最鐘意佢o地有o的食物可以選擇雙併,咁就唔會想叫唔同款既食物但又怕太多. 大部分食物既價錢分$18,$28同$38.. 一人加$10 有飲品任飲+糖水任食,係自助既, 不過一加就要成枱加,所以如果有時候一枱有好幾個人,個個都加$10,但又唔係個個都會飲佢o的o野同食糖水既話,就唔太化算..如果唔加$10 就只可以叫佢俾水你,因為佢o地冇茶供應. 醬料區都係自助既,有好多好多唔同醬料可以選擇,自己鐘意點混醬都得..醬油都有辣同唔辣提供..最值得一讚既係service真係好好,server 會自己走過o黎同你加湯,o個日雖然多人

稻香旗下的新品牌，標榜一人一鍋，又來嚐新。我們兩人分別點了兩份一人餐($52)，另加一碟$8肥牛。兩個湯底分別點了麻辣湯和蕃茄豬骨湯。麻辣湯是愈滾愈辣，而蕃茄豬骨湯味道比較清淡，不過卻沒有蕃茄味。$8肥牛︰顏色和肥瘦適中，不過只有五片。一人餐的內容有豬肉、蝦、丸、菜、烏冬、餃等普通火鍋料，穩穩陣陣，一人吃份量已經足夠。比較留下印象的是三色餃，因為包餃子的皮很煙軔，不錯。另外腐皮包著一些餡料，吃起來也蠻特別。而火鍋也提供各式混醬，可以自行調較，可以玩可以吃。雖然天氣回暖，但客人並不少，我們兩點之後入座，有八折，都算吃得過。

之前見呢間野晚晚人頭湧湧, 門口排哂隊咁, 諗住應該唔錯, 所以搵晚就同d同事去試下, 一試先知唔掂, 主要有兩大致命傷:1. 食物貨不對名Menu上除左一般打邊爐野, 另有一d個名幾特別o既食物, 例如「紅酒墨丸」, 「朱古力豬肉丸」, etc... 我地叫黎試下啦, 但係無論外觀同味道, 我地都發現唔到同普通墨丸豬肉丸有乜分別, 極度失望, 有被搵笨o既感覺。2. 上菜速度奇慢當晚六點入座, 唔洗等位。一坐低就order左第一輪十幾碟野, 但係上菜係前所未有地慢, 食到七點半都未黎齊, 足足個半鐘! 叫第二三輪o既野當然都要等... 大佬, 打邊爐已經唔洗你煮定先, 點可能咁慢? 湯底我地揀左「沙爹+蕃茄豬骨」雙併, 大家一致認為兩樣都唔夠味。其他食物質素普通啦, 可以一提係肥牛好扺, $8碟有七八塊, 都OK。海蝦上到檯仲識郁, 夠新鮮。總括黎講, 唔會再黎食。

尋晚等老友放工食飯, 見好耐冇打邊爐, 於是走咗去6樓一間明知要等位的hipot。等咗40分鐘到, 下一張叫到我, 點知排我前面0個個突然出現返, 攪到要等多一張, 個經理即刻鞠躬say "唔好意思"! d 服務態度都唔錯。入到去叫野食, 個女waitress仲好招呼, 我唔知d特價野點計, 佢逐一講解, 非常有禮貌。最後叫咗一份 $238海鮮set, 包咗2個細湯, 有半斤海蝦(約20隻), 螺片, 油甘魚片, 仲有魚滑添。另外再叫咗d 有6折的火煱料, 點心紙上的 $18, $28, $38 item逢星期日至四都有6折, 非常抵食。 賣飛佛0既美國肥牛都係 $8一碟, 大概有7-8塊, 都算ok, 唔韌, 而細細碟可以逐少叫, 試多d款嘛。另外再每位加 $10就可以任飲汽水酸梅湯。不過下次我再2個人食就未必會叫 $238個set, 因為太多份量, 變相食少咗其他野, 埋單 $373, 都唔算太貴, 而且坐得好舒服又唔限時, 可以慢慢歎。