HIPOT (已結業)

十二月廿五日(星期四)HIPOT是稻香集團的新食肆,除了剛開業時,報章雜誌的大肆報導外,他們自己的宣傳攻勢亦十分強勁,由書到港鐵都可以感覺到HIPOT的存在,"火鍋新發現"差不多每個早上都聽到...由此看來,稻香都放了不少心機在HIPOT身上,可能想試試市場,一人火鍋能否發圍,就看看HIPOT了...上次同老公仔經過已經想試,但是肚子都沒有空位!今次難得過來APM,當然要一試啦!侍應生都十分熱情地介紹LUNCH SET,有一人火鍋餐,還有焗飯,炒麵等熟食,款式多元化!可見,夏天都有其他食物供應!果然有策略!兩口子都要了午市一人前火鍋套餐($52),如果是2PM之後有8折!我要了竹絲雞湯底,老公要了蕃茄豬骨湯底火鍋船有:三塊肥牛,兩條蟹柳,三件瓜,三個冬菇,三件鳴門卷,三粒貢丸,三隻蝦,生菜,金菇,烏冬先說火鍋湯底,推介竹絲雞湯底,比較濃!蕃茄豬骨沒有味道火鍋料中比較特出的是貢丸,爽口!大粒!其他火鍋料都尚算不俗,一向稻香的火鍋料都算中上!午市一人前火鍋套餐包一杯飲品,我要了凍檸檬茶,茶味濃!火鍋後,要了一個爆玉米蛋花梳乎厘,感覺很特別!面是泡狀物,裡面是甜甜的,似燉蛋,加上一粒粒的脆脆

某一晚三人行到HIPOT食火鍋,18:00到等咗15分鐘就有位,而再過15分鐘即18:30到相信要等好耐,所以要早D到其實今次介紹包羅萬有調味站,有齊晒調味料,仲有甜品及飲品自助吧,(除咗豆腐花有專人協助)其他要自已來,每位要加$10任食有甜品有4款而飲品4款,除咗火鍋料新鮮款式多,最值得介紹甜品,制作不馬虎,各位食家記得留番個肚食甜品

選擇這間的原因係 想試下新野, 睇下佢有幾特別囉, 睇報紙介紹話稻香開呢間舖係主打年青人路線, 又想睇下佢點去迎合年青人口味我和男朋友 兩人 星期一 夜晚 7點9去攞位 等到8點半左右就有位啦其實攞位嘅情況都幾混亂 因為冇得 book 嘅關係 所以有好多人係企晒係門口等d人成日係度問 叫到幾多號 仲有幾多張到佢地咁~~ 由於冇得book位嘅關係 所以真係唔知等幾耐先有得打嫁~~~坐位方便真係坐得好唔舒服囉 好迫 兩個人打對面咁坐 但側邊係一d三唔識七嘅人其實好多人都係齌吹水 唔係食野多 d人坐係你側邊傾計 既聽到晒人地講野之餘 又搞到好嘈 搞到我同我男朋友全程齋食 冇talk食方面其實唔太低食 因為份量好少....可以睇相作參考整體而言 真係食過一次 試過一次就夠啦 真係寧願去大家樂囉....

約咗喪食兵團去《HIPOT》打邊爐, 六點幾到唔洗等位, 坐四人卡位。我哋餓到個肚 “鼓鼓” 聲, 快快脆睇吓有咩食先, 望住張火鍋紙揀料, 毫無頭緒食咩好, L揀咗個 “一人前火鍋餐” 包括湯底 ($98), 侍應話份量都幾多下, 夠兩個人食, 我同Y唔叫嘢住, 耐心等候L個餐, 睇睇有幾多嘢先, 如果抵食就叫餐。個餐嚟到, 都唔係好多啫, 又冇烏冬, L話自己一個人都唔夠食啦, 仲話夠二個人食, 實在太睇小我哋。湯底方面, L要蕃茄豬骨, Y要皮蛋莞茜, 我要海底椰竹絲雞, 個煲咁細, 湯底嘅材料份量自然都少, 豬骨得一件, 莞茜有幾條, 竹絲雞得二件, 其實食唔到有咩材料味, 同清湯無乜分別。唔知點解每張枱都無Menu, 見到隔離枱有彩圖Menu睇, 即刻問侍應攞嚟睇睇先, 有相睇果然係唔同, 食欲大增, 好快就揀到想食嘅嘢。瘋狂地剔剔剔, 一次過叫咗．．．．．．極級肥牛($48)雪花蚌及珊瑚蚌($38), 雪花蚌幾爽甜鮮蝦丸及墨魚丸($38)魚皮餃及米餃($28), 米餃外型似水餃, 原來用糯米做饀, 幾特別鮮滑肥牛($28)粟米及秀珍菇($18)炸魚皮($18)脆鯇片($18

之前0個個星期, 同實實梨都約唔到時間食午餐. 今日終於約到啦, 當然搵d 有特色0既食店啦, 因為觀塘真係冇啖好食, 我地諗0左好耐, 最後決定去APM 0既<HIPOT>, 嘗試午餐打邊爐的感覺, 哈哈!!! 因為我地之前訂0左位, 所以唔洗點等就入得去啦. 其實環境真的唔錯, 而且衛生都不錯, 加上我地兩個人坐四人的卡位, 勁舒服, 但係座位與走廊沒有玻璃擋住, 貴重物品就要睇緊d, 而獨立的醬料站都幾乾淨!!! 邊爐午膳套餐 ($52) ~ 配料包括肥牛、蝦、蟹柳、豬肉丸、魚、日式魚旦、金茹、金菇、瓜, 仲有半份烏冬及一杯飲品. 其實呢個價錢都真係幾抵, 有飲品, 而且唔需要加一, 配料又咁多款式, 除0左魚比較麻麻地之外, 其他都好好味的. 雖然看似份量唔係好多, 不過食落去就真係0岩0岩好, 同"lam""lam"脷!!!整體評價：一生人總要試一次(午餐打邊爐)

自從知道佢新開,一直都好想去試架喇...見佢一人一鍋,set好晒d電磁爐,都好似幾好咁...但係呢,佢冇得book位,唯有早d去搵位,可能係兩個人食,一入去就好彩有位,佢好多卡位,圓台,但係兩個人呢,就安排左去一張大長台...撘台囉...同隔離唔識o既人非常之close,感覺仲差過去左大家樂,因為大家樂美心都係便嘛,預左坐位唔會好,而家講緊係去稻香旗下o既 hipot喎,點解要客人坐到好似撘台呢?? 感覺非常之唔好,大家都好多微言,同隔離台可以傾計囉,大家都研究緊有d咩野要改進,大家都覺得lei間野進步空間好大....佢落單o個方面,都好唔清晰,都唔知 $98蚊一人鍋有咩野食...加10蚊話可以任飲汽水食甜品,佢應該講明係指定飲品同指定甜品,咁樣可能好少少...講返野食,都係平時稻香打邊爐咁啦,就有d野便少少,有d就差唔多,我地叫左一個98蚊一人鍋,再加野食,個98蚊餐呢...就真係麻麻地啦,有蝦餃喎,丸呀,腸仔呀,雞牛豬呀,蝦呀,每樣三件咁啦...個湯底,我地叫蕃茄豬骨,點知黎到,個鍋得一舊仔蕃茄,我問個waiter,乜唔係個湯橙色架咩,佢話...唔會架,蕃茄係一個個架....O,吹

今日同家人去呢度打邊爐。去度等一陣就已經有位，可能時間尚早啦。入到去好快有位坐，都可以望到街景既。今日叫左個南瓜同黑椒煙肉湯底。其他食物有：紅酒墨魚丸、香草豬肉丸、牛柳料、肥牛、蝦滑、烏冬、田園一碗蔬等等啦。我地三個都有加10元任飲汽水、糖水。(呢個係硬性要加既)食物都OK啦，牛肉好新鮮啦。南瓜湯底既味道普通啦，黑椒湯底就幾好，真係好正，配烏冬真係好入味。另外，紅酒墨魚丸幾好食，紅酒流出來，真係好好食。蝦滑就無乜特別啦，食物整體上都唔錯啦。而糖水方面有紅豆沙、杏仁露、芝麻糊同豆腐花。我試左紅豆沙同豆腐花。紅豆沙好重陳皮味，但都好夠味。豆腐花都幾好食啦。總結，真係可以去多次。服務都幾好，一見到食哂既野，好快幫你收番。一有要求佢地都好快作出回應。今餐食左$444，真係幾抵食啦。而家夜晚無得訂位，要自己walk-in。

尋日凍凍地~又餓餓地~又早早地收工~咁去apm食呢間啦發神經~等左超過半個鐘law~我諗大部份人都係同我一樣~因為新屎坑law等到呆左~原來太多人嚟的話~唔可以一人一鍋的~~我地2個人就ok佢有好多個set~同埋散叫~用左d頭筋先得~因為如果只係散叫~太貴了如果只係叫餐~又好悶wo咁我地叫左一個餐同一d散叫叫左$98的餐then散叫個湯底係$18~d嘢食係$18, $28, $38咁~有四十幾同百幾的~但當然係食平少少嗰d啦當你見過街市係5蚊有一大包生根的時候~你係唔想用$18去叫一碟仔生根的所以我地叫$28為主有雙拼手打肉丸~~有8大粒咁多有手吱魚麵~~好大支~叫嗰盤牛肉反而唔錯~而$98的餐~真係乜都有少少~~~但唔似要$98 law湯底試左芫茜皮蛋同埋海底椰雞~其實.....冇乜味...好彩佢有好多配料~而且加$10~可以任飲汽水~酸梅湯~同糖水~(雪梨水好難飲)其實2個人~埋單都要$230唔係真係話抵嫁酒樓都做到呢個價嫁~佢唔平d~好快做唔掂..........員工又太新...d廣東話又聽唔明.....唔太得~

我之前從來未留過言, 為了這間餐廳破了處!睇左幾篇報導, 好似有D特色, 講到好好食, 又吾係貴, 重要係可以泊車, 於是去了一試! 點知好失望!豬骨湯底 - 淡, 無乜味安格斯牛 - 跟普通牛一樣, 仲要係雪到硬牛肉粒 - 幾好, 有牛味, 但原來肉粒用來打邊爐好難掌握, 一係過熟, 一係內裡仲係雪心蝦滑 - 幾好墨魚滑面 - 垃圾, 難食其他真係冇乜特別, 係大角咀求其找一間都應該好過佢! 真係好想去的朋友: 可以去, 最好不要有期望諗梗去吾去的朋友: 可以吾去, 冇謂失望想去又怕等座的朋友: 可以遲些去, 因為只要維持水準, 好快吾駛等座

開放式的裝修，抵食的價錢，是一間不錯的火鍋店。Hipot沒有任何茶芥加一，醬料亦是免費的。醬料很齊全，是自助形式的，有醬油、辣椒豉油、蔥、蒜蓉、花生碎、沙茶醬......真的比足你了。火鍋湯底有八種，招牌湯鍋、馬來沙爹鍋、蕃茄豬骨湯鍋、皮蛋莞茜湯鍋、南瓜洋蔥湯鍋、黑椒煙肉湯鍋、海底椰竹絲雞鍋及相撲鍋。一人份量$18，標準份量亦只需$48。火鍋配料基本分為$18、$28及$38三種。另外亦有一些精選推介如安格斯肥牛、紅酒墨魚丸、黃金蝦丸、果仁墨魚丸、香草豬肉丸、田園一碗蔬.......價錢則為$22-$88不等。兩個人要了一個標準相撲湯底($48)，火鍋配料點了安格斯肥牛($88)、紅酒墨魚丸($42)、田園一碗蔬($22)、鮮瑕丸貢丸雙拼($38)、豆卜($18)及炸枝竹($18)。湯底的雞肉是分開上的，湯滾時才把雞放進去，確保了湯的鮮味，很好。安格斯肥牛肉質不錯，有牛肉鮮味。田園一碗蔬有粟米、蔬菜、瓜類、菇類等，份量足夠三人吃。眾多配料當中，最喜歡的是手打丸，吃得出是新鮮手打，真材實料及相當彈牙。紅酒墨魚丸味道都幾得意﹐咬下去的時候真的有紅酒流出來，要小心辣口呀!飲料方面，加$10就

午餐去吃飯，有SET LUNCH。當中包了劍魚腩/肥牛/蝦/蟹柳/日式魚蛋/生菜/金菇/黑椒豬肉丸/冬菇 九款食物另外還有半個烏冬 和飲品一杯湯底任選不加錢, 如食物不夠的話可另加(當然要加錢)味道比大X樂的一人一爐好一點.我們起初以為那份SET對男仕來說是不夠的，誰知我們當中的男仕們都說夠飽.不過最不好的是, 我們本來己訂位, 但到達的時候郤說我們沒有訂. 是他們MISS左, 令我們又要再等. 一小時的午餐結果吃得很急之餘又拖長了時間.

聽講佢係稻香集團既，所以都想去試下！一心打電話訂位，但 full booking ?? 要 walk in ...心諗...咁誇張?? 難怪的！新開嘛 ....結果我就六點半去到 walk in ...門口的姐姐話要起碼八點先有位 .... 叫我地行完先返來 ......結果唯有行下啦 .........行到腳軟唔想再行返上去睇下有位未結果真係差不多八點就有位喇 ~~~無叫到佢的 $98 餐 ... (唔岩食)結果散叫叫d自己想食既野~~~~叫左碟 $88 和牛 ！正仲有個值得推介的田園一品蔬 ~~~ 已經有好多菜、粟米叫左個紅酒墨魚丸 ..... 本人覺得麻麻 ....墨汁墨魚麵可以一試 ~~~~總括來講，服務未至於咁差喎d 哥哥仔 & 姐姐仔會建議你點食！邊樣抵邊樣唔抵 ...又唔會夾硬要你食貴野略嫌個爐太細 walt 喇 ....呢個唯一一個原因點解出面d人要等咁耐 ....

尋日同屋企人去apm食飯，6樓有一間新開既火鍋店。之前經過都想試下ga 喇!!但次次都一堆人企向度等，所以都係冇食到。但今次媽媽話想食咪試下囉!!7點都未夠，已經有10個8個人等，本來一心諗住試下一人一鍋。向香港好似真係好小有一人一鍋~但始終都係坐圓枱，唔想等~~地方都幾舒服，而且位同位之間都唔會好近，出出入入都ok方便。竹絲雞鍋：清清地，但唔係好味濃味，不過媽媽就好鍾意。紅酒丸：必食推介墨魚丸算彈牙，而且咬落去流左d紅酒出黎，好香，但唔會好重酒味，女仔食ok黃金蝦丸：有一粒咸蛋包左個蝦丸入面。蝦丸幾爽，但咸蛋唔知係咪煮太耐，硬硬地。如果打碎d咸蛋混埋入蝦丸一齊，我諗會香 d杞子釀花膠：估唔到甜甜地，d翠玉瓜好甜，好新鮮，我自己好鍾意香草豬肉丸：鍾意香草既必食田園疏菜：$22 好抵好大碗，都唔使叫其他菜其他火鍋料，同一般火鍋店錯唔多，但尚算新鮮。要提提既係，原來加10蚊可以任飲任食糖水，d糖水重ok 得，足料。自己就好想試下個南瓜湯底同一人一鍋。但爸爸就話會好奇怪。

見新開, 同d同事去試下, 已經一早訂咗位7:30, 點知去到仲要等, 入面有幾張8人大枱竟然得兩個人坐, 等到我d同事都頂唔順同個經理嘈, 個經理先調動d枱畀我地, 成八點幾先坐低, 都已經有d冇咩mood.冇mood都係要食, 湯底冇咩特別, 係有個叫相撲鍋, 話有半隻雞咁囉, 所以叫番皮蛋香茜算. d料都好齊, 分$18, $28, $38, 有d特式丸要成$49都係得8粒, 佢推介個海鮮拼盤$238, 不過好少海鮮, 底全部菜, 仲叫咗個菜籃同6, 7碟配料.所有醬汁自己出去自取, 都幾好. 另外加$10可以任飲 (有酸梅湯, 汽水) 及糖水 (有紅豆沙, 芝麻糊, 杏仁糊), 咁都幾抵, 因為打邊爐唔覺唔覺都飲好多下.6個人埋單位位$120但唔飽, 其實入面都ok, 希望佢安排坐位改善下, 但短期內都唔會再去.

成日同女朋友去APM睇戲都會路過呢間HIPOT，女朋友好鍾意打邊爐，猛話要試下，於是我地禽晚就去試。六點九去到食到十點幾，兩個人叫左：1個招牌湯底，1個海底椰烏雞湯底。$138套餐屯包括6隻蝦(唔識郁)、少量金菇、大量白菜仔、4舊日式魚蛋、2條平價蟹柳、4舊肥牛、4舊珊瑚蚌(有沙)、4舊薄切帶子、4舊冬菇、4舊黑椒貢丸、4舊青口(有沙)。1客紅酒墨魚丸8粒，真係有啖紅酒響入面，可惜唔覺得好食。1客脆鯇，約有6件。女朋友話好脆，我就冇食到。1客特級肥牛，約有8片。唔新鮮。總結及提示：1.相同價錢可以食到更豐富的火鍋，呢間野算貴。而且，我唔發現呢度有任何特別好食嘅野。2.一碗蔬只售廿幾蚊，呢個抵食。就我現場所見人人主要都係食菜，但係我覺得如果以食菜為主又何須一人俾百幾蚊？3.每位加十蚊任飲汽水酸梅湯蔗水仲有糖水，但係個酸梅湯超甜，蔗水冇出過場，汽水係夠汽的。十蚊叫杯凍奶／檸茶好飲Ｄ。紅豆沙及芝麻糊都係失敗之作。4.海底椰烏雞湯底打完邊爐之後飲非常好味。5.我睇旁邊Ｄ食客叫豬骨湯底似乎唔錯，好大舊豬骨俾你啜。6.招牌湯底其實就係清湯，我叫左先知o賴野。7.坐得非常狹窄及唔舒服，因為椅背只去到