Homeland (牡丹大廈) (已搬遷) 新店位置

呢間homeland一直係我to-eat-list好耐上星期四放工之後諗住應該少人啲所以夜晚同媽咪去咗試！今次終於唔洗排就入到去🤩！個人都幾鐘意個餐廳環境好色彩繽紛好有格調❤🧡💛💚💙💜🤎燈光橙黃色感覺又柔和又warm 真係有家個種溫暖溫馨既感覺🏠❤啲枱係木色望落去都好舒服好自然～staff幾有禮貌 全個用餐體驗基本上都好好❤！已經決定下次再食過！因為今次無叫egg benedict想下次試🤣🤣！🍟小食拼盤$108☆8/10：拼盤擺碟又靚又幾好味😆！有4種食物：芝士薯條，酥炸雞翼，魚手指，吉列廣島蠔～逐樣點評～薯條，唔知係咪我掛住影相放涼咗先食，食個陣已經唔脆了（仲好！唔使咁熱氣🤣）。不過薯條炸得幾挺身，點咗車打芝士後都ok既🧀！雞翼，炸得超脆身👍炸粉不會過厚，配上柚子醬酸酸甜甜，開胃醒神！魚手指，全碟我最鐘意既一樣😆❤👍。炸到外脆內軟，入面魚肉充滿鮮味又好鬆軟，感覺新鮮可口！蠔，又係炸得好脆，薄薄炸層包住鮮味十足既蠔，好滋味好滿足👍！btw個兩碟忌廉同茄汁其實我都無點用過🤣，因為食物原味已經夠哂好味！🧀肉醬芝士四重奏千層麵$118☆9/10：媽咪超級鐘意呢個邪惡的麵🧀💛❤！！！千層麵上

公司附近真係好多嘢食，又要開始返「寓工作於搵食」嘅大角咀篇喇‼️由於佢門面招牌colourful 🌈 真係好吸引到人注目，內裡裝修如一，餐廳除提供All Day Breakfast 🍴外，飯、意粉及漢堡梗有一款啱你胃口👅Lunch set 已包餐湯同餐茶🍔香城安格斯牛漢堡 $88大大份🍔份量十足‼️麵包鬆軟，細心用牛油烘過，每一口都麵包香脆有牛油香👍🏻加分✔️裡面都加入唔少食材，包括新鮮蕃茄🍅 沙律菜洋蔥，當然就有主角安格斯牛，店員落單時會問幾多成熟，佢亦建議五成熟，煎得啱啱好果然中間粉嫩，牛味香濃又juicy😋夾著半融芝士，perfect match 💯 旁邊薯條分量一啲都唔細但為食嘅我都叫多一份🍟脆炸粗直薯條配松露蛋黃醬 $48新鮮炸起薯條令人好難抗拒，再配松露蛋黃醬真係好好味！

之前去過幾次，今次dinner實在出色所以又出post記錄一下同朋友叫左個大角咀店獨家兩款signature, 冬蔭功海鮮闊條麵同惹味啤酒全雞前者有4隻大蝦，蝦肉結實爽彈。闊條麵唔會太腍，個sauce 調味剛好，擠左d lime sauce 加上香茅清香，幾fresh. 個人覺得如果可以加點辣度就更好啦後者想試好耐，上菜時視覺上堅震撼。全雞連埋個雞頭，燒得金黃金黃緩緩淌油。同時會上埋膠手套剪刀等方便食用，我地先切左雞翼雞脾部位。 入口個雞肉真係好juicy, 每舊都富肉汁，口感軟嫩。最impressive 係唔單止雞脾位，佢連雞胸部分都頗嫩，完全唔會乾鞋。而香料亦醃得十分入味，有部分肉塗滿左香料食落會咸左d. 個d部位刮少d 調味食就剛好。而且肉份量超多，真係啖啖肉食到好飽肚另外叫左兩款小食 酥炸白飯魚配柚子醋同焦糖菠蘿蟹肉餅，兩款都係餐廳推薦菜式。白飯魚炸得香脆而無咩油膩感，每啖帶白飯魚獨有香味，加埋微酸清新柚子醋味道唔錯。而蟹餅真係超足料，厚厚一片切開可見絲絲蟹肉, 帶蟹鮮味. 下面係甜菠蘿加左層燒過糖，不過就唔太做到crispy 個層焦糖，反而係黏黏痴牙，一齊食甜味亦有點蓋過蟹味

今日同同事lunch hour終於食到Homeland。餐廳設計別具特色，致力營造一種回到屋企嘅温馨感覺🥰。七彩繽紛嘅擺設加上充滿藝術風嘅牆畫🖼️同燈飾令人彷如置身於歐洲小屋。另外，餐具揀選方面都別出心裁。餐碟每隻款式都唔同，涷飲方型玻璃杯亦有唔同字句，充滿品味。我同同事叫咗4個lunch sets,分別係鮮蝦龍蝦汁闊條麵🍝、韓式熔岩芝士牛肉飯、迷迭香啤酒春雞配薯條、香煎西班牙伊比利亞豬肩肉配薯菜，以及係小食鹹蛋黃炸雞翼、炸薯條配松露蛋黃醬、炸吉列廣島蠔同芝士焗西蘭花。當中，我最鐘意嘅係豬肩肉配薯菜。豬肩肉肉味夠濃夠多汁，薯條🍟香脆可口。另外個熔岩芝士牛肉飯牛肉肥美，芝士濃郁香口，係別具特色嘅韓式牛肉飯🐂。至於個啤酒春雞🍗，表面酒味濃厚，內裏嫩滑多汁。除此之外，餐廳嘅小食亦好惹味。鹹蛋黃醬（自選配料）雞翼炸得香脆可口，表面醬汁亦調得恰好到位，唔會太鹹。芝士焗西蘭花亦落足料，入口啖啖濃郁芝士香🧀。下次嚟一定會試埋餐廳嘅噱頭菜-原味啤酒釀全雞（會站立嘅雞）！😆😋😋

呢間野好CUTIE,每個小部份都睇得出好有特色,藍色透明既杯好靚,小碟都有PINEAPPLE既圖案,彩燈都好有氣氛!叫左呢度既午餐,有乳豬,份量唔多,岩我一人食!擺盤精心。仲有大大碟既沙律。硯我叫左LESS SPICY!有個好CUTE既CONTAINER放SHELLS!好細心!飲品係凍檸茶,檸檬份量多,正呀!而且杯又有字,好有特色同好有正能量!呢度仲有3D PRINTING既DECORATION,好有賣點!

話說今日小弟同女友人又黎左大角咀呢頭買d野.. 咁黎開呢頭無理由去奧海城覓食架嘛.. 奧海城離不開都係d大型連鎖食鋪無咩特別。咁我地就係大角咀逛逛下就發現左呢有條巷仔既呢間Home Land.. 主打西式Fusion野咁我地就入去試啦.. 野食方面我地分別叫左泰式柚子蟹肉沙律，法式鮮蠔忌廉湯，鮮打香濃蘑菇湯，冬蔭功海蝦闊條麵，香脆德國鹹豬手同埋一杯 士多啤梨mojito... 味道方面個柚子蟹肉沙律好fresh, d蟹肉好有咬口.. 個鮮蠔忌廉湯就濃味到不得了同埋真係有隻鮮蠔係入面！ 好足料, 女友人就試左個蘑菇湯,佢就話都唔錯feel到淆左好耐,個冬蔭功闊條麵就好有fusion既精粹所在 辣辣哋咁好特別, 個德國鹹豬手就肉好冧皮都夠脆,最後飲埋杯士多啤梨莫唧途就好滿足飽晒..

HomeLand主打西餐，食物及飲品選擇頗多，而且有特色，亦係良心小店！爆炸楓糖三文魚柳配薰衣草忌廉汁$138三文魚柳嘅皮煎至香脆，三文魚肉夠嫩滑！最特別係表面加上少許爆炸楓糖，玩味十足！蒜香辣椒炒大蜆意大利粉（小辣）$108大蜆份量夠多又鮮甜，加上辣椒及蒜片，好惹味！芝士奶蓋草莓牛奶$36草莓牛奶好香甜，再加上芝士奶蓋，口感更creamy! 正！爆炸糖玫瑰荔枝梳打$36玫瑰味及荔枝味平衡，感覺清新！

Homeland❤️工業風裝修風格小店，擺設裝修都好有心機好靚，牆上仲有唔少掛畫，環境舒適，重點係menu選擇都幾啱我心水，同埋飲品menu除左一般飲品外，仲有酒類同奶蓋類特飲添～💡設有加一服務費🥐全日早餐 賓尼迪蛋“豐富全日早餐 價錢親民 除左egg benedict 仲有沙律 鬆餅 煙三文魚 腸添 流心水波蛋超正"🍔煙肉蛋安格斯牛漢堡“足料大大個漢堡 安格斯牛可以㨂幾成熟 今次就㨂左medium 食落夠juicy 配以佢地自家製既醬汁""跟餐配厚切重薯仔味薯條"🍰海鹽焦糖芝士餅“呢個飯後甜品唔錯 層次豐富 淡淡的海鹽味同焦糖既甜味都幾夾"☕️拿鐵"咖啡味偏淡😔沒有拉花"🍵海鹽奶蓋抺茶“海鹽奶蓋幾滑幾好味 上面仲有兩粒熊仔餅 不過抺茶味偏淡"

大角咀離旺角15分鐘左右，行去個邊發現有好多好野食，仲要人流無咁多，唔洗同人地迫，所以對我黎講都係一個幾唔錯既食飯地方😍😍😍🥢食物質素：9/101️⃣蒜香辣椒炒活蜆🎖尼碟硯絕對係全日既MVP🏆每一隻蜆都勁大隻，同隻鐵羹個size差唔多🙈食得出啲蜆好新鮮，完全無沙，加上硯肉好鮮甜，雖然用蒜蓉辣椒炒好似會好重口味咁，但仲食得到硯肉本身既鮮味💛💛💛必嗌！2️⃣牛油果煙三文魚闊條麵尼度主打手工意粉，闊條麵好有咬口，食得到同出面買到既好唔同！平時都鐘意食手打麵既我就超鐘意啦😋不過原來啲牛油果唔係同啲闊條麵一齊整，好似有少少分開左既感覺🙈3️⃣香煎西班牙伊比利豬肩肉（9成熟）第一次試9成熟既豬肩肉，肉質軟冧有驚喜！對比起個主角，原來啲配角仲出色，薯蓉好creamy好滑，加少少旁邊既酸菜真係好夾🥰🧹環境衛生：9/10地方雖然唔係好大，但裝修好靚，都比人一種坐得好舒服既感覺，同埋地方好乾淨，枱面仲會放埋搓手液，勁貼心💛👩🏻‍🍳服務質素：9/10員工見我地食完會主動幫我地收野，又會主動問我地洗唔洗再睇menu，服務態度好好！

之前食大埔分店佢俾咗張大角咀分店嘅coupon 我，估唔到咁快用得著🤣打開 menu 好多款都想嗌，今晚雖然試唔哂但來日方長實食到~香濃芝士焗西蘭花 🥦西蘭花上半part覆蓋住咸香嘅芝士，下半part因為焗到出水，浸住變到無咩味，要靠自己個口搓勻個味😂招牌明太子海鮮薄餅 🍕薄餅夠脆，明太子配海鮮又係 perfect match，只係我估唔到嘅係加埋紫菜同醬汁令我有種食緊章魚燒嘅感覺🤤肉醬芝士四重奏千層麵 🍝因為好耐無食過千層麵所以就嗌咗佢味道無中伏亦無驚喜，麵質軟硬適中👌🏻香煎美國安格斯牛肩膀扒 🥩嗌咗五成熟，基本上都無蘸過醬，因為本身嘅牛味加佢本身嘅奄料已經啱啱好，肉質有咬口唔會太腍/梅蘋果雜莓奶油酥皮撻 🥧初初見到兩旁嘅醬嚇親 (好實色成舊糖咁😂)個批面就係apple crumble嘅面，好香口同鬆脆，配埋酸酸甜甜嘅蘋果雜莓醬，食完一啲都唔膩☺️

人氣黃店Homeland於大埔及大角咀各有分店，提供多款手工意粉、手工薄餅、全日早餐等等西式美食。餐廳以白紋磚牆、木色桌子襯上色彩繽紛的擺設及燈飾，用作打卡美食不俗。上次與友人試過漢堡及伊比利亞豬，今次試試其他不同菜式。香辣番茄白酒煮藍青口 藍青口排列整齊的圍滿碟邊，中間放上香辣番茄醬。番茄醬帶有濃濃的番茄味，酸甜有致，味道吸引。藍青口肉質嫩滑，鮮甜可口，蘸上番茄醬，味道大大提升。匈牙利牛面頰燉意大利飯 如果餐廳有牛面肉供應，很多時都會點上一客。牛面肉除了燉飯中間的一大塊外，尚有不少碎塊混合於燉飯中。牛面肉味道濃郁鮮甜，膠質非常豐富，脂肪很少，燴得非常腍滑，入口即溶，燉飯吸收牛肉濃汁後味道更佳。燉飯用上紅黑色碟盛載，碟邊綴上可食用花瓣，襯色一流。招牌明太子海鮮薄餅 薄餅用上脆薄餅底，就算兩人分享份量亦不會太多。薄餅上面放滿三文魚碎、蝦塊、紫菜絲、木魚絲及芝士絲等，入口鹹香鮮味，每人三塊很快幹掉。

呢間好黃既店舖，每個角落佈置都有用心思，有好多小物件，盡量配合返佢嘅餐廳名有家嘅感覺。佢個三文魚凱撒沙律，擺盤好靚，用三文魚砌左個玫瑰花，忍唔住相機食先，份量都好足，而且啲三文魚同菜都好新鮮，鍾意食沙律既我，都推薦叫佢嘅沙律。另外，佢啲野飲選擇好多，出黎杯野飲都整得好靚，每隻杯嘅字句都有字句同埋都唔一樣，好有心思，好適合同朋友仔一齊打卡。

在這裡總會有喜歡嘅食物選擇！朋友是這樣說的，餐廳在已重建嘅利奧坊附近，一啲都唔難搵，因他的特色之一就係個五光十色嘅招牌，在黑夜裡一望就望到它！餐廳內座位都算闊落，工業Feel 主題，夠Raw!望望餐牌好快就有idea，先點了個泰式柚子蟹肉沙律，加多個小食拼盤，主食爆炸楓糖三文魚柳配薰衣草忌廉汁，飲品點凍檸檬一杯。上菜速度唔錯，一個接一個，唔會擔心上得快食物會凍了，泰式柚子蟹肉沙律上放滿了柚子肉同蟹肉，加埋個酸辣汁，真係除了苦味外，一入口就已經可以體驗到柚子肉爆開時嘅甜味，蟹肉嘅鮮味，混埋醬汁嘅酸辣味，十分醒神開胃！再來嘅小食拼盤，上面有我最愛嘅柚子雞翼，外脆內嫩嘅雞翼上還有香濃嘅柚子醬，還有香脆大條嘅炸薯條，上面沾滿了香濃芝士，真係十分惹味香口！除此之外，有酥炸吉列蠔，皮薄咬開時有濃郁嘅蠔味從中湧出，香脆魚手指配埋沙律醬入口又係一個絕配！主食爆炸楓糖三文魚柳配薰衣草忌廉汁原來係店舖限定，只有這間先有，三文魚皮煎得十分香脆，魚肉肉質剛好入口嫩滑軟熟，最特別係上面嘅配料，入口時會有卜卜聲嘅出現，估不到呢個創意同口味都十分配合，加埋三文魚下個牛油薯茸，今晚真係十分滿足，連甜品都沒有空間了！下

今晚黎咗大角咀既小店homeland，入到黎叫咗杯爆炸玫瑰荔枝梳打，入面有三粒荔枝同爆爆珠，職員仲提供咗包爆炸糖比我，飲落去真係有爆炸既感覺，鐘意試新嘢嘅朋友一定唔可以錯過。頭盤叫煙三文魚凱撒沙律，面層有大大份三文魚卷，卷得好靚，啲醬溝得好均勻唔會一啲好淡一啲好濃 ，重點係啲蔬菜真係好大碟，$58真係好抵食。跟住叫咗個招牌明太子海鮮薄餅，個pizza餅底好薄，咬落好脆，明太子味道食到十分濃郁，估唔到明太子同Pizza都好夾。呢到仲有其他菜式都好吸引，下次有機會要再黎試。

之前去大埔特登幫襯過佢地，覺得食物質素係幾唔錯，而且餐廳環境同食物賣相都好colourful😍今次就去左大角咀分店，位置方便啲市區人，夜晚去嘅話個門面好靚，係遠處已經可以見到間餐廳😂**********<冬蔭功海蝦寬條面> $128依個冬蔭功海蝦寬條面係Homeland大角咀店舖限定，意粉係自家製由麵粉整成麵條嫁🖐🏻寬條面嘅口感係偏向爽口但又唔會好硬，不過就無想像中嘅煙韌感🤣**********<焦糖菠蘿焗蟹肉餅> $98菠蘿用焦糖燒過，所以有脆脆甜甜嘅味道，上面嘅蟹肉餅係由真蟹肉打成，所以都幾扎實足料🦀**********<香煎西班牙伊比利亞豬肩肉> $148見到幾乎每一枱都有叫依個豬肩肉，口感完全唔係平時啲豬扒，而係有少少似豬頸肉，可能因為都係差唔多嘅部位，調味同肉質都幾好🐷另外薯蓉加左啲未壓碎嘅薯仔粒，幾鍾意有啲粒粒嘅口感🥔**********<黑鳶 DIPA> $68<香蕉朱古力> $38Menu上有好多款本地手工啤，黑鳶嘅原料係麥芽，加左三倍啤酒花，所以飲到明顯有啤酒花香，入口係幾舒服的🍻香蕉朱古