Ideas Dessert (已結業)

< 翡翠金時 $34 >由山政小山園抹茶雪糕 + 抹茶啫喱 + 紅豆製成既一線甜品，話說 EatLaBaby 好中意呢間既抹茶雪糕，用山政小山園抹茶粉製造，濃郁回甘，最重要係冇果種死甜，好岩我口味！而抹茶啫喱亦唔錯，濃度中等，冇過苦或死甜情況！紅豆就係用上台灣紅豆，以往出面食開啲紅豆好大部分都好甜，呢到既紅豆掌握得好好，絕對唔會食到甜到漏！最後大眾化既價錢仲非常親民，值得一戰！

天氣炎熱，晚飯後想繼續吹水一定要去這間食甜品啦！朋友介紹我黎過第一次後，就即刻愛上！呢度既綠茶雪糕味！配以低下的沙冰，旁邊的紅豆，綠茶湯圓，椰粒……真係十分好味！夜晚係多人到要開枱坐出面食，大家都要試下喇！！

又忍唔住探下idea啦，好開心 今次去出左新野，不過都忍唔住食返個烘培宇治金時。d"舉約"同沙冰都係烘培茶味，前者較濃後者較淡。加上牛奶同綠茶味既雪糕，真係好滑，每一種既配料都係咁夾。好好味 新產品，紫薯心太軟，紫薯依家野真係好好好好味既其實好少食到，最多都係淡淡既薯味，都冇太大既期望，我甚至有d唔想食。但真係期望愈低，希望愈大丫 痴線嫁，好好味丫！！！ 超濃郁既紫薯，直情好似咬住個蕃薯一樣 無得輸丫！！！絕對可以放心試，堅好味！！唔洗再揀d穩陣實冇中伏個d啦，一於試紫薯啦！！！

呢間野位於小妹屋企附近，吾系住呢區既人要搵呢間小店系有難度😂 因為佢並吾近荃灣市中心。雖然話呢間甜品店好近小妹，但直到今晚先系小妹第一次食🙈🙈同兩個朋友系附近食完飯之後就過黎食糖水啦～呢個系小妹叫既 #寶石森林 🍵 （$46）主要系牛奶同抹茶雪糕兩溝，配料有焙茶同抹茶啫喱、抹茶脆餅、紅豆同埋脆粒。雪糕軟滑，抹茶味夠濃，不過牛奶果邊覺得甜左少少。焙茶啫喱幾出色，有回甘😍 要彈下既系...最底既紅豆好甜🤔🤔🤔🤔朋友叫既楊貴妃（$34）入面包括左楊枝汁、芒果啫喱/布丁、水晶珠、芒果粒、小丸子、椰果同雪糕，都幾足料。芒果肉幾多，而且大大粒。丸子細細粒幾煙韌，西米用既系大粒既款式，軟硬適中。不過朋友話個甜品整體甜左d....呢個榛子香蕉列日窩夫（$46）都系朋友叫既，面頭系3.6牛奶軟雪糕，咁上面都有提及過個雪糕系偏甜。窩夫份量夠大，富蛋香，吾錯。根據朋友形容，佢話整體個甜品都系偏甜。小妹認為佢呢度既抹茶甜品都好似幾出色咁，遲下要黎試埋其他抹茶野！😍😍

【鎮店之寶】抹茶心太軟+3.6抹茶軟雪糕 ($52)外層焗得香脆，一切開抹茶漿馬上湧出來，超級流心，好吸引呀！心太軟採用宇治山政小山園的抹茶粉製作，抹茶味濃郁，回味回甘。配上香滑的抹茶軟雪糕(比得上Sweet house cha cha) , 極力推介！以後去荃灣吃甜品又多了一個選擇！ ♥✏ 美味指數 8.5/10 (心太軟好味！紅豆白玉普通)✏ 推薦度 8.5/10 (抹茶心太軟配普通雪糕只是$46, 值得一試！) 

店舖環境尚算清潔明亮，佈置較為遜色，帶點茶餐廳的味道。略嫌椅子偏小，並不舒適。 靜岡焙茶心太軟($52)，當初因為好奇什麼叫作''焙茶''，所以點了一個試試看。焙茶心太軟顏色較為深色，賣相不給綠茶的光亮，略遜一籌。伴隨數顆小丸子，質感很'煙韌'，帶有不錯的咬感。其次是小量的紅豆蓉，配合心太軟流出來的流心，茶的回甘味加上紅豆的甜味，十分合襯。焙茶的味道更為香濃，回甘味不及綠茶的香，卻更為清香。最後，3.6軟雪糕也值得一試，幼滑的質感加上香濃的牛奶奶香，吃完茶味回甘的焙茶，補上一口香濃幼滑的軟雪糕，十分滿足。甜品評分:7/10店舖評分:4.5/10

放工來到荃灣覓食, 食完熱辣辣的魚煲, 當然要降降溫, 去食甜品啦.網上找到資料, 這間平民小店有高質甜品. 我同友人就決定去試.店子小大約坐到20人, 白色牆身木紋枱櫈, 燈光鮮明, 裝飾簡潔乾淨. 打開餐牌發現款式很多, 大致上口味分別有抹茶/芒果/焙茶/紫薯(紫薯只有心太軟及沙冰).還有中式糖水等等 .翡翠冰島$46, 扭紋轉抹茶+$2 :由於第一次試這間店, 所以點了比較多變化的翡翠冰島.有抹茶刨冰, 紅豆, 白玉, 抹茶啫喱, 椰果, 抹茶軟雪糕. 材料好豐富.紅豆不會過甜, 白玉煙韌軟燸, 抹茶啫喱很有茶甘味, 軟雪糕抹茶味好夠濃, 而且軟滑厚身不易溶. 抹茶的甜品做得好好, 很高質. 只係刨冰很日式的碎冰粒, 硬硬不夠碎, 很結實的.多芒丸子西米露 $28 :芒果果肉很多, 感覺很抵食. 而且味道香甜. 丸子細細粒很軟淋帶點煙韌. 西米是比較大粒的款式, 煮得剛剛好, 不會有硬硬口感.糖水和甜品都不會過甜, 食完不會膩. 賣相不算很華麗但簡單好看, 味道更有質素. 性價比高.地點不近市中心, 要行遠一點才到.

抹茶雪糕真係開到成行成市, 荃灣呢間小甜品店都係主打抹茶, 點左個招牌宇治雪山, 好大份, 2個人share都得.抹茶軟雪糕味道幾濃, 冰感較重, 下面係刨冰所以雪糕唔會溶得好快, 刨冰唔係線線冰果隻, 所以食到底會好淡, 但開頭食既時候抹茶味都夠, 刨冰加埋紅豆粒食無咁單調, 喜歡旁邊既白玉好煙un, overall好多料,都算抵食.

上枱時賣相已經好吸引 有一球vanilla雪糕、幾粒白玉同紅豆蓉拌碟~一切開心太軟 抹茶漿就涌出黎 真係超級流心 店家用既係山政小山園既抹茶粉 抹茶漿甘而不苦 亦都唔會太甜 ；而蛋糕外殼都好鬆軟 不過表面就唔夠脆 太濕潤令個蛋糕好易塌雪糕都幾幼滑 甜度都適中 雲呢嗱味都會太假~白玉夠煙韌 質感唔錯 但係抹茶味個粒就唔太食到佢既味 白玉配紅豆一齊食就最好食又想食焙茶又想食綠茶 依家咪可以一次過滿足兩個願望 雙色雪糕真係好靚好啱影相 自家製既雪糕真係幼滑好多 奶味同綠茶味都好濃 缺點就係快溶；焙茶刨冰冰粒仲係有d大 如果可以碎d就好 不過佢真係整個刨冰都有焙茶漿 唔會食食下冇味~；白玉味道就冇乜 不過勝在夠煙韌 配埋紅豆蓉食就夠味啦；最驚喜係焙茶啫喱 茶味好濃 唔甜 又滑溜溜咁 配雪糕好夾四十幾蚊一個咁豐富既甜品真係好抵 質素亦不錯 真係大滿足

又黎到我最喜愛的糖水鋪啦~~~~知佢出左新野當然黎試啦~!又係由於早既關係先唔洗等位~其實兩個人叫3個甜品都唔係咁過份姐~~~新品紫薯芭菲~!!!超豪華呀~~~~~好靚呀~~~~味道當然都好OK啦~!雖然我唔好紫薯....但呢個芭菲杯試得過~D雪糕食落有好香紫薯味~!焙茶千層酥~~~我最愛之一呀~~~好耐無食過啦~~~呢D先叫千層酥家嘛~個皮脆家~~~~無食飯...叫窩夫填飽個肚是常識吧~~~佢個烈日窩夫真係無得頂~夠香蛋味~仲足料大大份如果我住附近就好啦...可以成日走黎食...(雖然依家都成日黎)下次試下個香蕉心太軟先~!!!

朋友推介的荃灣綠茶雪糕晚飯後就由千色匯行過來, 其實一條直路走來都唔算遠, 但應該夠較人來這邊晚上8時多, 只有我們一台客, 到9時多開始多人4個人點了4款甜品我選了這個, 朋友說出名雪糕嘛雪糕茶味足夠, 尤其那塊綠茶餅不知道是否自家製?? 紅豆都很"淋", 加起丸子味道很好, 綠茶丸子很有茶味新出的培茶心太軟, 不是很多地方用培茶做心太軟味道不錯, 但流心的顏色的確有點像...不知道顏色可否調一調呢朋友讚雪糕很重牛奶味道這個我吃了一口千層酥味道忘記了...但印象中幾好食這個沒有試過我見到bar 枱面有水壺同杯, 不知道是否為客人準備如果是的話, 值得稱讚如果在荃灣食飯, 我會再來食甜品

沒想到荃灣有間抹茶味道不錯，靜岡焙茶心太軟$52：焙茶香而濃味，加上3.6牛乳雪糕一起食，竟然不太甜之餘味道還可以保持在口腔內。雙色金時$34：綠茶味比較淡左少少但都合格，牛乳味重而滑，紅豆吾太甜，份量一人剛剛好。推介好味道而價錢抵食。必會再來的荃灣甜品店

朋友住大窩口，一直推介依間甜品，終於都試到。款式選擇中上啦，都算多野揀，只係多數都綠茶，烘焙茶，芒果，由佢地再演變唔同類型。四個人食，嗌左四款，依個係烘培茶沙冰，曾經要求個雪糕轉全綠茶不過唔俾，but唔緊要，小事啫。整體好味，底下係烘培沙冰，雪糕好味，因為綠茶味唔差，最重點我覺得係旁邊個兩粒黑啡色既野，嘩，烘培茶既精髓，我覺得超正佢係最濃烈既茶味，帶少少苦，唔係好苦，成舊都用烘培茶整出黎，冇得頂。依個唔太記得名但都係烘培茶味既千層餅黎。左邊係合桃雪糕，個雪糕又幾特別，好少見依隻味，仲要食同睇到成粒合桃重點又黎啦，個餅冇得輸，一個人食都有難道，何況四個人，因為好難切，唔係硬，唔係林，真係酥丫！！入口講不出聲～～講不出聲濃濃烘培茶味，個千層皮脆到，好fresh丫！！絕對好過中環川字頭再黎一個烘培茶心太軟，雪糕同沙冰一樣但普通味，但心太軟令我人都軟化烘培茶真係出色，佢一定用到最濃既茶先做到，濃郁，唔太甜，整個茶味出晒黎，最重要係做到流出黎到依個綠茶心太軟，比出面綠茶好得多，雖然冇令我飄，但絕對要食，唔係商業化味道，做到流心，兩樣都有好唔容易嫁，有d心太硬到。。。有d個綠茶苦到。。。依間，四

荃灣區甜品店有很多 作為抹茶控既我更係要黎試試哩間有好多抹茶雪糕配搭既甜品店啦！店舖不在荃灣市區, 比較難搵! 餐廳地方不算太大, 可能係新年一去到就有位啦!甜品名叫做翡翠金時...即係抹茶雪糕+抹茶啫喱+紅豆但其實個MENU既相有D唔同, menu 相入面個雪糕好似有d脆脆係面咁!不過唔緊要啦, 甜品來了~賣相 顏色都好吸引...抹茶雪糕味道濃郁 好濃好重抹茶味... 另外我問店員綠色一粒粒果d係乜, 原來係抹茶啫喱, 食落清涼感覺...不會甜...好似涼粉咁law...配埋紅豆 總括好好味呀！-唯一唔好係質地不夠結實 影影下相溶溶地咁...-

有了小朋友後，已經很少機會可以過二人世界，所以，我們特別珍惜每年僅有的幾天提早休班。今年除夕，吃完一頓豐富晚餐後，我們兩口子就到ideas Dessert，在回家前享受一刻甜蜜。早前因事回老家一趟，順道來這裡吃一客抹茶軟雪糕才走。還記得數月前第一次到ideas Dessert，一試便愛上這裡的兩款心太軟，最後還追加了一杯抹茶軟雪糕才走。抹茶味道甘香濃郁，唯獨雪糕溶得比較快。今天吃另一款煎餅金時，抹茶甘香不減，軟雪糕質地卻大有改進，變得更幼滑結實，也沒有那麼快溶，配上脆米、紅豆、抹茶煎餅，很好吃。臨走之時，看到ideas Dessert快將推出焙茶系列，早已盤算何時再來。除夕夜，正好和愛茶的太太，試試這個焙茶新系列。太太鍾情抹茶，招牌抹茶心太軟始終是她的首選。但今天的抹茶心太軟焗得有點失手，未端上桌，心太軟原來已經穿了，放到我們面前時，抹茶流心已經正在流出。雖然有點失望，但不想浪費食物並不是我們性格，而且這又不會影響味道，還是裝作沒看見吧。單說味道，抹茶心太軟的確沒有令我們失望，抹茶比上一次更濃厚，新增的抹茶白玉同樣不錯，但可惜雪糕已經不再是抹茶雪糕，是因為成本問題嗎？如果可以的話，真想