Ideas Dessert (已結業)

一直以來Ideas Dessert都在我的To-Eat List中排行榜首，尤其是抹茶甜品特別好評如潮，奈何荃灣的地理位置對我而言實在不太方便，難得到訪這區當然要趁機一試。宇治森林 ($46)抹茶雪糕的而且確沒有使我失望，甚至出乎預期地好！質地綿密軟滑，絕無絲毫冰粒甚至冰感，而相對下質感較抹茶雪糕佼佼者的Via Tokyo輕盈，Via Tokyo的則較為厚實，不過抹茶味同樣濃郁醇厚，帶有回甘！配料方面也毫不遜色，白玉軟糯煙韌，較為腍身，不如ViaTokyo的白玉般實。抹茶曲奇不算非常香脆而比較鬆化，抹茶味香但不夠濃烈，與雪糕同吃便容易被雪糕搶了風頭。底下更有自家製豆腐布丁，豆味十足，竟然在如此濃郁的抹茶雪糕之下仍然非常出眾，香味沒有被遮蓋。最底層的紅豆蓉香甜而粒粒飽滿，整杯芭菲的層次豐富之餘味道一流，大杯抵吃！抹茶Tiramisu ($54)單人匹馬本來只打算點個雪糕作罷，然而款款抹茶甜品實在令人垂涎三尺，看到這款人氣的抹茶Tiramisu，照片中體型甚是迷你，於是便多點一份甜品。我將本來跟配的一球雲尼拿或朱古力或石板街雪糕另加$6轉為抹茶軟雪糕，更可以加$4轉做牛奶或抹茶牛奶扭紋軟雪

最近紫風成大熱🔥無論鹹食或甜點，各大小餐廳都紛紛推出各紫薯🍠做嘅菜式講真📢我對甜吃確是一般🙄主食鹹吃比較多，但自從跟咗2位為食友周圍食後，佢2個就我鹹食之餘，我都要滿足他們甜吃，久而久之不其然慢慢愛上😌但都比較偏愛花香或清新甜品類<雪糕紫薯沙冰> 🍠$36 轉抹茶雪糕+$4呢杯嘢確是好味😋首先紫薯味恰到好處，唔會過份濃郁或得個甜字，而喜出望外係佢個抹茶雪糕真心正😍完全唔輸而出名的抹茶店

日資百貨公司周年際，朋友相約我去購物，滿載而歸！吃完晚餐後意猶未盡再續攤食甜品～小小的甜品店晚間時份很多人大駕光臨～甜品種類繁多，實在太難以去選擇～不過有個Top 10甜品可以作一個良好的參考！近收銀處放了一個小黑板，寫了出是日推介的甜品！另外亦有手錶售賣喔～翡翠冰島 - 高踞第一位引發我的好奇心，所以便點來試試。綠茶牛奶雪糕奶味濃而充足，不過綠茶味偏淡，溶掉速度亦非常快～配料方面份量不少！白玉的骰煙韌，紅豆軟稔而帶點微甜有咬口，抹茶啫喱茶味偏淡不過質感滑溜～刨冰冰感十足，不過挫得不算幼細，偶爾會有細碎粗冰粒～紫薯心太軟 - 不幸地綠茶及豆腐味雪糕售罄，店員有呍呢嗱、曲奇及榴槤味單球雪糕可供選擇～細問下得知榴槤味不用加錢，當然二話不說選擇！紫薯心太軟流心程度不過不失～食落紫薯味甚濃，熱騰騰食份外惹味！雪糕奶味適中，榴槤味亦頗濃郁，溶掉速度亦不快，不錯呢！

今晚食完dinner，朋友仲未滿足，佢話平時少黎開荃灣，點都要食埋甜品先走😂佢想食ideas dessert 好耐，不過唔太熟路，咁岩dinner完行去唔太遠，正好完成佢既心願。翡翠冰島係呢度no.1，當然要試下啦~ 抹茶雪糕牛奶味較重，抹茶味則一般。配料抹茶凍反而較有茶甘味，紅豆頗甜，白玉都幾煙韌。刨冰可以刨得再幼滑啲，本身刨到幾粗粒下，但就冇咁易溶。我好掛住某間甜品店既紫薯心太軟，一直都嘗試其他店會唔會搵番呢種味，所以見到呢度又有自然叫黎比較下。紫薯流心度都ok，有餘溫，紫薯尚算香甜，外層唔太軟腍，但未到我最鐘意既味道。旁邊榴槤雪糕卻吸引我，濃郁榴槤香氣，令我諗起馬來西亞時所飲既榴槤咖啡味道，最值得叫係呢球雪糕。

住向附近咁耐都未試過向附近食甜品，今晚食完飯行返屋企突然想食甜品，經過呢間甜品店好多次都未食過，於是同老公入去試下。見到入有綠茶軟雪糕而且仲用上日本小山園嘅綠茶，所以叫咗杯翡翠金時再加老公最愛嘅榴連甜品（榴連小丸子），綠茶雪糕好香滑而且綠茶味濃郁，而榴連小丸子好重榴連味而且仲有一大舊榴連肉，老公超鐘意呢個榴連甜品，仲話以後可以晚晚落黎食一碗

夜晚食完飯就去呢間食甜品，夜晚9點都幾多人，好彩等左一陣就有位，店舖坐位唔算好多，不過都座得舒服。佢主打綠茶甜品同芒果甜品，以我性格二話不說就緊係叫返果綠茶雪糕既甜品先我叫個果係叫宇治金時，佢雪糕比較快溶，我本身諗住等埋我朋友個糖水到先一齊食，見佢都溶得快影左一兩張相都已經食定先。雪糕都幾重抺茶味，加上佢既紅豆真係好正，小圓子都幾Q口，不過我覺得我朋友個糖水既宇圓再正啲我朋友個碗係宇圓蕃薯糖水，佢話好正有姜味可以癖寒整體都唔錯，價錢合理，味道又唔錯

想食心太軟, 荃灣區有好幾間食過都麻麻地, 所以專程去搵呢間唔係太就腳既甜品店試下。雪耳燉雪梨 - 食落OK, 唔會太過糖水~清清地幾好。抹茶心太軟 - 等左都有廿分鐘~主角黎喇, 賣相唔錯~將佢切開睇下流唔流......心先=-=OK流架, 食落茶味濃, 配紅豆+雪糕食口感更好,至於個三粒丸子好一般, 個人認為同心太軟唔係太夾總括: 食物幾好~ 唯一係入面既坐位比較迫D要扣少少分。

間甜品店就係我屋企樓下，見佢開咗之後都幾多人幫襯於是就去試吓鋪頭位置唔算多，得幾張枱，小小逼因為本人好鍾意食心太軟，於是就叫左個抹茶心太軟，因為心太軟要即刻焗嘅，所以都等左20分鐘左右我覺得心太軟流心嘅效果都做得幾好，但係整體偏甜，冇咗沒茶嗰種甘香嘅味道。而心太軟嘅外皮就比較林，冇咗蛋糕嘅感覺。野食不過不失，可能新店啱啱開張，所以有好多野都未熟手，有待進步

嘩！一層層鬆脆的酥皮❗️擁抱著濃厚杰稠的抹茶醬😍簡直係抹茶控的極致呀！🤑抹茶千層酥 🍵 ($46) 咔嚓！一咬落去真係超級鬆脆架😳呢個千層酥真心好出色👏🏻一咬落去秒速散開😱真係見到入面有好多層架❗️口感層次爆燈啦！👄抹茶醬飽滿圓潤🍵完美品嚐到抹茶微微苦澀味！🍃質感稠密。濃郁綿滑☺️抹茶醬中間夾雜千層酥脆片👻食到朕都lam哂脷呀！👅又點少得抹茶的好朋友呢？🍧登登登登！紅豆出場喇❤️紅豆醬入而佈滿大大粒紅豆！😍口感軟滑中帶點點嚼感💪🏻再加埋勁濃Almond雪糕🍦真係一流的抹茶享受呀！💚

第二次食呢間既甜品，第一次食左抹茶心太軟，覺得又抵又好食，但另外試左抹茶tiramisu，覺得好麻麻，加上地理位置不太方便，所以有一段時間冇黎了。 今次試下紫薯心太軟🤔$48。據說係用真紫薯蓉整成的，所以冇咩流心既效果， 味道都ok的，但紫薯味吾夠突出，同埋甜左少少，雪糕係就頹雪糕，食左兩啖都放棄了🙈 但價錢抵食！可以一試☺️ 煎餅金時 （吾係好記得個名）😂 $34綠茶餅仔好食！抹茶雪糕ok，不過都係溶得快，紅豆同平時食開既一樣，但價錢抵食👍🏼

< 至潮至 in 就係你 >當甜遇上鹹係咩感覺？感覺咪就係同當貓遇上狗一樣囉 😳 今次 Ideas Dessert 破天荒同華園合作整個 crossover 又鹹又甜既品！咁究竟係鹹既甜品，定係甜既鹹品呢 😖 媽呀好亂呀，不如一槍打死我啦！話知叫鹹甜品定甜鹹品啦，總之好食就係良品啦！佢地出左三款新既項目，各有各特色，而且仲係期間限定去到 8 月尾，潮爆既你仲唔快啲去試下！唔係話我 hard sell，的確有驚喜值得一試 😋< 櫻花薯下 $48 > (Score: 8.5/10)呢個櫻花薯下真係真心推薦既 😍 大杯、飽肚、抵食、好味、靚靚！影相真係好靚 💜 由上到下同大家介紹下，首先最上面既係 3.6 牛奶雪糕，然後係面上面灑左靚靚既紫薯粉，旁邊高高既係櫻花蝦脆片，好靚靚 ga 呢，配埋雪糕食就好似 M 記既薯條點雪糕食咁好好食，雪糕周邊有幾塊士多啤梨同蜂辣花生，啲花生係帶啲蜜糖味同少少辣味，我覺得撈埋雪糕食又好好味 😂 唔食辣既朋友仔可以同佢地講聲走花生喔，而下一層就係最喜歡既紫薯蓉，啖啖紫薯好幸福呢 😚 再下一層就係牛油蛋卷同雪糕，好特別又幾夾喎 😳

吃過心夜來潮，當然是甜品時間了。透過搵食搜尋器，我們鎖定了目標 - Ideas Dessert。坐下一看，小店與華園食品Crossover，用齋燒鵝、豬肉鬆、沙爹豬肉片、蝦片、辣味花生和蛋卷等炮製成獨一無二的零食甜品，如Ideas 3吋鬆鬆餅、香芒齋燒鵝班戟和櫻花薯下雪糕新地等。櫻花薯下$48的賣相最為吸引人，軟雪糕是用北海道3.6牛乳製成，香滑不在話下，奶香也頗為突出。軟雪糕配上鹹香且脆卜卜的櫻花蝦片、香脆牛油味濃的蛋卷碎、辣味花生，以及味道香甜的紫薯，層次和味道極為豐富，值得一試。不過，紫薯份量頗多，尤其是杯底一大層紫薯布甸，頗為飽滯的。兩人同享，也有吃不消之感！小米家族$32則有椰汁、黑糯米、紅豆、椰果、黑珍珠、芒果粒和雪糕，口感豐富，嚼勁十足，真材實料。糖水夠冰凍，且香而不甜，椰香盈腔，值得推介。

我order 左一個士多啤梨千層酥，個千層酥來到係燶既，焗到黑炆炆，食完成口苦味，吉士醬係咩味都食唔出，我唔會再幫襯！男朋友order 左朱古力心太軟，話ok，但我已經成日苦味食唔出好唔好食

見到OPENRICE好多呢間甜品店既好評，所以搵次晚飯後同家人黎試下。當晚黎到先知道原來店面好細，枱要放到餐廳出面。我地都等左約十分鐘先入到座，係出面行下既時候見到旁邊都有間韓食小店，好似試得過啵。呢間店既甜品選擇好多，以店面同廚房面積咁細黎講，每款食物都處理得真係唔錯。楊貴妃係典型芒果甜品。相比之下，翡翠冰島同紫薯心太軟真係好有驚喜。翡翠冰島上的軟雪糕係重點，我諗下次會單要抹茶軟雪糕唔要雲哩嗱，因為佢既抹茶味真係好濃，亦好重牛奶味。唔知佢係自己整，定邊個牌子架呢？而紫薯心太軟亦好食過好多其他出名既店，因為佢既時間同粉處理得好好，所以流心稀稠度係無得挑剔，相信呢間店既其他心太軟質素都好好！讀大學時，學校附近都有好多呢類高質素小甜品店，我同朋友好鍾意幫襯佢地，尤其係因為有時師傅會問我地既意見去改良食譜，作為食客我地覺得有被聆聽感覺好好。就算而家，我都經常繼續支持呢一種小店的，尤其係我既生活中真係唔可以缺少甜品。但我望住呢間店既枱開到店外，無哂位再開，而且座位真係逼到郁唔到，我就係度諗，究竟呢間店應該繼續只此一家，定快D搵地方expand呢？如果選擇左後者，會唔會係不久既將來發展到好似糖百

等左咁耐，終於約齊一班好友入荃灣試呢間平民版嘅京林屋，就係呢間抹茶出晒名好食嘅ideas，小店標榜係用山政小山園嘅抹茶粉去做宇治金時 - 大大杯嘅抹茶雪糕，味道香濃帶少許回甘，配上好有咬口嘅白玉，紅豆就甜左少少，不過配埋雪糕食就剛剛好。牛奶可可 - 呢到除左抹茶出名，佢地嘅牛奶雪糕都做得唔錯，因佢地係用北海道3.6牛奶去整嫁，加上朱古力脆皮醬，好正！招牌宇治雪山 - 故明思意就係抹茶刨冰，配料有紅豆，椰果，白玉丸子，抹茶雪糕，刨冰上嘅抹茶汁仲係呢間小店自家整嫁，怪不得每一口刨冰都係好香濃嘅抹茶味！翡翠冰島 - 翡翠其實係講緊果d一粒粒抹茶啫喱，味道依然好香抹茶味佢地每一樣抹茶甜品都好好食，食到好滿足！巨人雪山 - 嘩嘩嘩，一上枱真係好震撼，份量真係好大份，足足多三四個人食。呢個刨冰上面全部都係生果，有西瓜，蜜瓜，哈蜜瓜，菠蘿，橙，藍莓，芒果，火龍果，樣樣都好新鮮好味！最驚喜嘅係，食到底原來都仲有野食，下面仲有一球雪糕同涼粉，真係估你唔到！草莓千層酥 - 酥皮焗到好香脆，吉士好滑，配埋一齊食，好正！大滿足丫，呢到每一款都好好味，個個都食到飽晒！聽聞黎緊佢地有新甜品出，有機會要再黎試下。