Ideas Dessert (已結業)

睇度荃灣新開左間dessert 店，仲全部好評 咁一定要來試下啦但有可能睇完食評對佢太大期望，今次真係幾失望本身想試宇治雪山，但咁岩佢greentea 雪糕部機壞左，得番milk icecream,唯有作罷...最後試左店長推介既mango waffle with milk icecreammilk icecream texture 同味道同我想像中有幾大出入...偏甜，快溶，唔夠滑，最重要係佢既味道完全唔係香濃牛奶味，而係白兔牌牛奶糖既味........甜加上像係人造，假既牛奶味。呢個雪糕係成個dessert 一大敗筆ps 題外話一下，我開始以為佢既牛奶雪糕會係日本北海道牛乳既香味，所以都幾期待～因為我之前係tst 一間叫i-mag 牛奶雪糕，就咁食都已經超香超滑，從此愛上了牛奶雪糕另一個失望係，唔或者係我個人唔太欣賞，waffle 偏硬唔香，一舊野咁講到waffle，我都係鐘意外脆內軟，製作途中已經好有牛油香味既waffle今次食甜品真係幾失望，好唔滿足下次會試多一次greentea dessert, 希望唔會令我失望

小時候，很想有一間雪糕店在我家樓下，每天下課都可以吃雪糕。當然這個只是主觀願望，因為就算真的有這家店，家人也不會准許我每天都吃雪糕。長大後，搬離了老家，沒想過這個小時候願望會在今天實現。早前發現老家附近開了一間新的甜品店ideas Dessert，本來是和我的願望談不上邊，但今天來到，卻發現原來店子有軟雪糕售賣！還要是我喜歡的抹茶味啊！小店坐位不多，但富麗商場勝在人流少，坐在門口，或坐在商場裡也不會有大問題。不過，這個商場是不設冷氣的，所以如果太熱，還是坐在店裡比較好。這天晚上，在老家附近吃完晚飯，就和家人來到這裡吃飯後甜品。這裡的甜品，最吸引的，是抹茶系列，之前已經有朋友來試過，評價很高，所以，我今晚也是鎖定了我心愛的抹茶。點了兩款心太軟，在等待的同時，也研究了一下餐牌。原來店長也是抹茶控一名，所用的抹茶是來自京都山政小山園。如果是真的，賣這個價錢，其實不算貴呢。題外話，其實有很多人都不知道抹茶和綠茶的分別，想多了解，可以看看餐牌上的解說。朱古力心太軟是小瞳自己選的，除了剛焗好的心太軟外，還有一球雪糕，一些藍莓、草莓和棉花糖。以叉子一切，已經予人驚喜，溫暖的朱古力溶漿慢慢流出，這個心

周六下午，放假時間輕鬆一下，也趁等候朋友的空檔，走到荃灣的 >>>Ideas Dessert<<< 吃個甜品。店舖位處街角，就在富麗花園A商場出入口旁邊。店子雖小，但招牌相當清晰易見。內裡座位不多，較適合三五知己分享甜點。店主好喜歡抹茶甜品，但發現好多人混淆抹茶和綠茶，特意在餐牌介紹兩者分別。除了抹茶甜品，也有許多不同選擇。冰最終揀選店主推介的芒果牛奶列日窩夫 (HKD46)。等了大概十分鐘，可以開動喲！窩夫上有高高的一圈圈軟雪糕，味道相對清淡，質感較稀，偶有微細冰粒，沒啥奶味；但這卻又突出了窩夫的香甜。窩夫以酵母製造，口感比較均勻扎實，不似一般窩夫的外脆內軟。另一個最大賣點是混和在當中的珍珠糖，不會溶在窩夫內，非常有嚼勁而又不會過硬，提升窩夫甜度和口感層次，上邊不用外加太多糖漿或其他調味。所以店方也只是輕輕加上芒果漿，作為點綴修飾賣相，以及加強芒果香味。芒果果粒份量可以再多一些，皆因冰相當喜歡吃芒果的說；味道是徹底香甜，大抵曾經浸了糖水？翳焗炎熱的初秋，吃過冰涼甜點，身心也暢快。

大窩口、荃灣裏的食肆特別多, 要突圍而出必要多多ideas。在這個舊區內要開甜品店, 還要走國際路線的, 相信只得這一間。店子是細間了一些，檯只得五張。餐牌上有介紹過, 店主是學傳統甜品出身的, 又因為自己是抹茶控而鑽研抹茶甜品並搜購優質抹茶用料。甜品店內職員主動送上清水, 難得。甜品款式有中、西、日，居然連比利時圓形的列日窩夫也有售 (問過店員是真的有加珍珠糖在內)。抹茶千層酥配抹茶雪糕 $46三層酥皮分別夾入抹茶忌廉及紅豆蓉，鬆化的酥皮與軟滑忌廉質地形成對比；抹茶味道有回甘的清甜，亦靠甜蜜蜜的紅豆蓉來平衡味蕾 (酥皮有入口化的感覺)；抹茶雪糕茶味香濃，味道郁香，是茶味較重的成人款雪糕。紫薯沙冰 $38啜到有紫薯蓉，軟雪糕是採用北海道3點6牛奶，特別在軟雪糕是店方自家製，雖然說是沙冰但入口嚐不出冰碎，全融合在一起，帶黏黏的奶滑。以上兩樣甜品的ideas很不錯，早前說店主是學傳統甜品出身的，相信在這方面也不會太差。

新的學期又開始了, 當天我和太座帶著升 F.1 的第三女, 到荃灣的一個 shopping mall 購買開學用品, 順便在該區行行 ~步入了一條我們不太熟悉的街道, 竟發現一間其門面和附近的食肆不大相同的新式甜品店 ~ 招牌使用英語的新潮甜品店, 而附近的食肆招牌差不多全都是中文的茶記/粉麵檔 ~先看一看大餐牌, 看有什麼食物出售 ~餐廳面積不大, 約可容納20人, 裝修沒什麼花巧, 卻洋溢著青春氣息 ~Menu ~雪糕宇治沙冰 $36沙冰打得夠碎, 抹茶味道濃厚甘香, 亦有適量的回甘味, 軟雪糕是用 日本北海道 3.6 牛奶製成的, 入口既軟綿又香滑 ~ 抹茶迷萬勿錯過 ~招牌蛋白杏仁露 $28這一碗蛋白杏仁露是超水準之作! 味道比坊間的所謂傳統糖水舖更勝一籌! 杏仁味濃郁之餘, 還竟然有杏仁的回甘, 口感細滑柔順, 而且非常純厚, 蛋白亦細嫩 ! 真好味到目定口呆 ....  正 !以當天的用餐經驗來說, 這間甜品店的食物是非比尋常的好味! 我 Dog Gor 很少這樣說的 .... 這甜品店當然談不上是天下無敵, 但我相信必定打通街, 無敵手 ~

係FB 見到有介紹抹茶租品~! 即刻心心眼~~~一定耍試~!我一向好早食飯~咁就可以早D食甜品~唔怕肥~~~晚上8:00就去到啦~位置係熊貓酒店附近~都容易搵~~唔洗待位直入~~小店都幾光猛~坐得好舒服~睇下有咩食先~~好鬼多雪糕呀~好吸引~~~~心大心細之際...店員應該見到我個煩惱樣就介紹我食抹茶心太軟~又有心太軟又有雪糕~~好啦~!信你~!男人叫左個雪花園~椰汁味好香呀~~~D豆花又好滑~正~!等左約10分鐘~心太軟到啦~~~~YEAH~~~~抹茶同綠茶唔同~入口唔會有個種甘甘地既味~個雪糕仲好香茶味~~~抹茶迷內心歡愉中~~~XD值得一提係伴碟既白玉...同我平時係香港食既唔同~!竟然唔係粉團一PAT野...係Q彈家~!!!食到咁上下...阿"店員"走黎問我意見....我先知原來佢係老闆呀~!!!佢地仲好有誠意~原來D材料全部日本返家~!!!唔怪得D白玉咁好食~XD加油呀年輕人~~~我會再黎家~XDXD下次我要食抹茶雪糕~!!!

前幾日收到張傳單，話新開甜品店今日得閒就去試試下晝4，5點無咩人，即刻有位好似話軟雪糕幾得，本身又中意食芒果: )一於叫左個芒果牛奶列日窩夫雪糕好香奶味，芒果都好甜，窩夫就ok la, 夠熱夠脆小店有小店嘅好，老闆特別親切，一來就親自送水，又推介咁傾傾先知，原來係年輕創業，值得支持下!最後憑傳單仲有9折