Italian Tomato Café (創紀之城五期(apm))

营业中

休息中

日本鮮白桃芝士忌廉蛋糕🎂($56/$180/$350/ $560)分別有件裝, 11cm, 15cm, 21cm呢4個Size 可以選擇咁就可以幾多個人都食到😍 海綿蛋糕配上白桃練乳忌廉同新鮮白桃果肉時夾層, 蛋糕面仲放左新鮮白桃果肉配白桃味啫喱, 口感軟綿又帶有濃濃既白桃香同清甜, 好味得黎食完又唔會覺得漏☺️白桃撻🍑($30)一片片清甜多汁既白桃果肉包裹住杏仁吉士忌廉同紅桑子果醬, 酸酸甜甜好開胃清新, 撻底鬆化易入口🥰白桃既甜品真係唔會伏, 只要好好利用自身既甜去做就會一流喇😎

今日午餐專程早點去，怕晚了又人多。呢間cafe 地方不大，經常要等上半個鐘，好彩今日早去，可自由選擇位置。有午市套餐，或可選擇主食再配套餐。選擇了一個意大利麵，追加$32包餐湯和飲品。日本南瓜忌廉意大利麵日本南瓜味道比較濃稠，煮得軟腍，變得有點似鹹蛋王質感。再配合忌亷，每條意大利麵都沾上醬汁，非常味美.....。餐湯是蕃茄什菜湯，酸酸地，充滿蔬菜鮮味。餐飲點了招牌咖啡，香濃有點焦香，果然是品牌咖啡，好飲。

晚餐時間，人流唔多，不用排隊就可以進入。三人行，選擇了一個二人餐及加多一個主食。🍅忌廉蘑菇湯🫕份量偏少，只有碗嘅一半多少少，湯比較稀，蘑菇濃度低。🍅煙三文魚凱撒沙律🥗三文魚只得兩塊，只得生菜🥬，幾乎原塊菜上，有啲求其。🍅特製肉醬意粉🍝味道係唔錯，可惜意粉硬及碎，芡汁稀。🍅芝士卡邦尼意粉🍝意粉硬，味道一般。🍅芝士煙三文魚海鮮蘑菇白汁焗飯🍛味道唔錯，足料，啖啖三文魚，唯一就係份量少，飯少。🍅藍莓芝士撻🫐🍰無想像中好食，藍莓甜嘅，可惜芝士唔夠滑，芝士味一般。🍅櫻花白桃焦糖忌廉蛋糕🍰無焦糖味，蛋糕內有白桃果肉粒，有少少驚喜，表面嘅忌廉帶有微微的海鹽味道。上菜速度快，但可惜意粉未腍，帶硬，感覺製作比較倉猝，好彩有蛋糕甜品作結尾，挽回些少分數。

晚上約6時在店內享用4人套餐，餐湯不夠熱，份量只有碗的一半。煙三文魚凱撒沙律，煙三文魚只有兩塊。漁夫海鮮意粉，份量只有每人兩啖。廚師精選薄餅，真的是薄，而且還是乾硬化。安格斯西冷牛扒，落單是七成熟，上枱是全熟，簡直多根超硬。另外，散叫一份芝士焗西蘭花，不知是否近來的芝士漲價，所以廚師帶著為公司慳家的心態，只落了微量的芝士，西蘭花簡直與健康餐一樣…「白烚」最後，值得一讚還是你們的蛋糕，維持正常水準。整體而言，「劣」兩大(女)兩細(男)，都不夠飽，試問4位年青有為的男士，真的夠嗎？到底是想以優惠套餐招徠客人？還是想以難食倒米呢？還是廚師賭馬輸錢？若果還未掌握到鹹食的部分，還請多花心機於甜點中吧！最後，很好奇散叫的食物，無論份量或味道是否會有不同，不過已經回不去了，沒有下次。

[ Italian Tomato ]想食士多啤梨蛋糕，應該會聯想到Italian Tomato，因為喺店家嘅皇牌產品👑宜家喺士多啤梨當造嘅季節，緊喺要訂來食吓😋✿ 士多啤梨開心果忌廉蛋糕 15cm $320店家用咗新鮮日本士多啤梨，所以食落特別香士多啤梨味，夠哂清新香甜🍓再配埋厚厚嘅開心果忌廉，採用咗法國忌廉👍🏻👍🏻呢款蛋糕喺期間限定，推廣期由1月13日至2月16日，想食快d去訂喇😻😻總結🫦鐘意食士多啤梨&開心果嘅必試，用料上乘，千奇唔好錯過喇！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿全線Italian Tomato@italiantomatohongkong✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

🎂以前經常食Italian Tomato嘅蛋糕，作為高級日本手作蛋糕，近期又有新口味推出啦，主打香甜士多啤梨🍓士多啤梨蛋糕一直係Italian Tomato最受歡迎系列蛋糕，正值士多啤梨當造季節，特別選用日本士多啤梨 + 法國忌廉，加埋蛋糕夾層嘅白玉麻糬，口感煙韌豐富🍰韓國雪香貓士多啤梨麻糬脆脆🍓冬日限定款，用上韓國農場直送雪香貓®士多啤梨，鋪滿蛋糕面層，雪香果肉鮮嫩多汁，內層朱古力蛋糕加入咗士多啤梨果肉醬、海鹽焦糖脆脆，再結合埋煙韌黑糖麻糬 ，好多嘢食口感豐富🍰士多啤梨開心果忌廉蛋糕🍓賣相色彩繽紛，面頭有士多啤梨、有開心果忌廉，夾層係鬆軟海綿蛋糕、士多啤梨片、士多啤梨蛋糕口感濕潤幼滑，開心果忌廉有果仁香，孚多士多啤梨夠甜夠juicy🚩Italian Tomato Café (觀塘APM) (觀塘) @italiantomatohongkong 📍觀塘觀塘道418號創紀之城五期(apm)5樓L5-6號舖

第一次食呢間cafe，下午四點半左右到，無需排隊，由於中午沒有吃飯，一人叫左個明太子意粉、一件cake、一杯咖啡。明太子意粉🍝份量不多，唔知係咪未熟，超級硬。勉強食左一半，就食唔落。朱古力蛋糕🍰朱古力味好濃郁，正咖啡☕️Cappuccino不過不失，比較細杯。

同太太放假拍拖👫行APM, 咁多食店，佢竟然選擇了呢間。佢提起10多年前我哋喺尖沙咀分店食過$120任食。所有餐牌上意粉🍝、pizza , 蛋糕🍰都可以任點任食，講起我又有啲印象，真係時間飛逝。😁我哋order了一個意粉，一個燴飯，另加$58便有餐湯，餐飲及一件$45或以下的任點蛋糕。另外叫了一份$25蒜蓉包，有3片。煙三文魚蘑菇蒜香意粉：好重蒜香味，材料有煙三文魚、煮過的三文魚粒及蘑菇，幾美味，意粉都煮得軟硬適中。日本南瓜海鮮忌廉意式燴飯：南瓜打碎溝啲忌廉煮意大利🇮🇹飯，我在家中都試過煮，加了些洋蔥🧅碎、蕃茄，魷魚🦑、青口，味道都唔錯。蒜蓉包焗得香脆，蛋糕就不用多說，有一定的水準。藍莓芝士撻及士多啤梨芒果蛋糕🍰都十分滿意。三百零蚊性價比幾高👍👍

上一次食呢間餐廳應該可能二十年前，當時好細個，仲見倒名星，喺名星幫襯嘅光環覺得特別好味。今次再到訪係感覺大衆化好多，下午茶時間三個人都點咗cake set ， 60蚊嘅cake set 真心唔貴，不過加呢樣加嗰樣下埋單當然唔係每位60🙄其實朱古力士多啤梨蛋糕加2蚊真心攪笑，銀碼細加得好奇怪，其實每款蛋糕成本都唔同，做得cake set 都預咗拉上補下，加2蚊實在真心估唔倒🤔，蛋糕每件都有透明包裝紙包好，即使堂食都係咁，實在唔環保同無必要，士多啤梨🍓都幾大粒，甜就麻麻，始終而家都唔係季節。餐飲大部分都要加錢，我杯抹茶latte 其實無奶味。

平時都係買蛋糕，主食真係第一次幫襯，入面環境以木系裝修為主，坐得好舒服。· 明太子魷魚忌廉意粉望落好似冇乜特別，淨係聞到忌廉好香，用叉撩下撩下撩到好多明太子出嚟，好開心😂😆魷魚🦑爽口，意粉份量適中，忌廉味濃郁· 加配餐湯應該係忌廉湯黎，唔會好似水咁稀，不過份量可以多啲🫣· 鮮果千層夾心餅&王牌士多啤梨蛋糕士多啤梨蛋糕忌廉超多🤤除左頂層的士多啤梨之外，中層都有新鮮士多啤梨🍓夾心餅係seasonal ，啲餅好脆，都好食，不過都係鐘意士多啤梨蛋糕多啲

一向有食開這間蛋糕店的蛋糕，依我了解一直都可以保持高水準。今次在母親節時在這間蛋糕店訂了一個母親節蛋糕，有驚喜水準十分高。有兩大朵康乃馨作裝飾，蛋糕有花香味，而且蛋糕很有蛋味，日式奶油有奶味又軟滑，下次會再訂蛋糕。

📍 Italian Tomato Café (創紀之城五期(apm)) (觀塘)觀塘觀塘道418號創紀之城五期(apm)5樓L5-6號舖👉蘑菇湯，好似罐頭湯➕水…好普通✍🏾評分：1分（5最高）👉風乾火腿黑松露忌廉燴飯，就係上面個個湯煮嘅飯….個火腿都ok嘅，黑松露無咩，食唔出…✍🏾評分：1分（5最高）👉卡邦尼意粉，唔錯幾好食，煮意粉軟硬適中，味道唔差✍🏾評分：4分（5最高）👉藍莓芝士蛋糕，幾好食，芝士濃郁，藍莓🫐甜，唔酸，仲有個藍莓cream不過就甜左d，整體唔錯✍🏾評分：4分（5最高）👉士多啤梨蛋糕，最招牌，士多啤梨有d酸，蛋糕整體都ok嘅✍🏾評分：3.5分（5最高）價錢：以上共284.9（2個人）

#HKFH西式介紹Italian Tomato Café 地址：觀塘觀塘道418號創紀之城五期(apm)5樓L5-6號舖.1.煙三文魚千島薄餅（$96）唔錯不過呢間嘅Pizza得一款餅底 好似餅乾咁脆😂然後佢個千島醬唔似其他餐廳嗰隻味反而似甜甜地嘅芝士味三文魚唔錯推薦指數 👍🏻👍🏻👍🏻👍🏻2.吉列炸蝦芝士忌廉意式燴飯（$86）🍤炸蝦幾好但啲汁唔係特別多不過成個味道都幾夾推薦指數 👍🏻👍🏻👍🏻👍🏻3.香芒忌廉雞絲意粉🍝（$58）味道還好但係又覺得怪怪地怪在於食唔出個意粉係咩味未試過呢個汁嘅味嘅意粉🤔推薦指數 👍🏻👍🏻👍🏻.人均消費: $60港幣以上整體推薦指數：👍🏻👍🏻👍🏻👍🏻.此Page主要紀錄在香港吃的食物🍽任何類型及國家的食物都會嘗試😋如果有好介紹也歡迎留言/ DM🤩也歡迎其他地方的美食介紹🤤.#西式 #hkfoodie #吃貨日常 #hkeat #hkig #hkfood #hkgirl #美食 #美食打卡 #foodstagram #foodblogger #foodlover #ItalianTomatoCafé #ItalianTomato #西餐 #pizza #煙三文魚

今日同朋友去咗「Italian Tomato」食生日Tea，等咗十分鐘就可以入座！☺️我地叫咗一個沙律🥗、兩件蛋糕🍰、兩杯宇治抹茶🍵！合共$198！🥗蜜桃沙律$52正常發揮😂🍰法國海鹽焦糖純米蛋糕$40甜中帶鹹，蛋糕鬆軟👍🏻🍰朱古力慕絲蛋糕$40朱古力味香濃，慕絲幼滑，甜度適中，朱古力迷必點😍期待下次試下其他蛋糕！😊

尋日，試左法國海鹽焦糖純米蛋糕。唔知點解叫純米。上網睇原來係用左日本米粉。食到咖啡味，海綿蛋糕唔會太乾，鬆軟，同忌廉既香味配合得好好，食到最後，得返cream既時候有d太甜既感覺。之前有食過Italian tomato 既士多啤梨蛋糕，朱古力蛋糕同朱古力慕斯蛋糕，感覺呢個口味最有特色。服務員態度好好，環境衛生。