Kim's Spoon (海港中心) (已結業)

香港好少食到素食韓式料理，難得 Kim's Spoon 推出成個素食餐牌，梗係即刻要去食下！這個 Go Green 餐牌只在荃灣、北角和灣仔店限定推出，每間分店的餐牌有少許不同，部分菜式有蛋絲如果食純素記得要走蛋。這次來到 Kim's Spoon 灣仔海港中心的分店，去開會展或者行去搭船都方便。餐廳都幾大間有好多位坐。仲有打卡位添。這間分店有石頭飯、粉絲飯卷便當和兩款沙律，全部可以做純素。當然都有冷熱韓式飲品。柚子豆腐沙律 HK$58兩款沙律其實差唔多，一款用豆腐一款用新肉絲，兩個都有柚子和各式沙律菜，吃起來口味清新，豆腐這個還有些許黑醋再多點層次。柚子新肉絲沙律 HK$68沒想到新肉絲配柚子都幾好食，同平時食開的中式做法有不一樣的感覺。新蟹餅 HK$20這個是 OmniFood 的新產品，暫時未有零售只可以在餐廳吃到，想搶先試就記得加點，因為真係好好食！個調味本身都做得唔錯，仲有絲絲觸蟹肉的口感，輕輕炸過就已經好好食。水蜜桃檸檬冰茶 / 乳酸西柚橙汁特飲平日都比較少飲韓式飲品，配搭都幾新奇有趣，兩杯都幾好飲喎。新肉絲及粉絲飯卷豪華便當 HK$105這個亮點絕對係韓式粉絲，從來都唔知道

牛仔骨豪華便當 ($57.8)一打開便當 就見到放得好整齊👏👏各式各樣 色彩繽紛 既野食 有牛仔骨 5式前菜 炒粉絲 紫菜卷 紫菜粉絲卷😍😍😍好豐富 睇落水準認真唔錯✌️牛仔骨係韓式梨汁燒肉醬既味道 都幾軟腍😻前菜有 豆 芽菜 泡菜 冬菇 黑豆(?) 味道一般 勝在樣樣都有啲👏紫菜卷係辣炒豬肉卷 微辣🤏炒粉絲 微甜 容易入口 味道唔錯🤗紫菜粉絲卷 炸得脆卜卜 好好味 值得推介👍👍整體味道偏淡 是可以接受的程度🤔 合理價錢有齊 前菜 主菜 主食 食得飽飽 係幾抵食👍

正如標題一樣，伏伏伏伏。好耐冇食韓國嘢，當試吓。兩份餐，一份烤雞肉、一份泡菜腩肉飯。份烤雞，啲飯凍嘅。份泡菜腩肉飯，正確應該係泡菜湯飯，係一啲腩肉都冇，一啲都冇。打開門口做生意，唔該有啲良心同誠意。唯一好處，唔洗等位。

一入到黎呢間餐廳冇咩人，睇餐牌價錢尚算可以，下午茶50幾蚊有成個set食。嗌左三樣野。柚子牛肉沙律有驚喜！牛肉大大舊好林，同甜甜的柚子味好夾，配埋沙律菜好味個海鮮鍋裡面d料就比較hea，有豆腐、幾隻青口、蝦。另外個粉絲年糕都正常。

今日同同事去海港中心食lunch，揀左呢間韓國餐廳。等位都等左20分鐘😴，上菜算快，大約5-10分鐘。①烤牛仔骨鐵板(跟白飯)🐮🍚牛仔骨頗韌😥，一般，泡菜都普通②雞肉飯🐓🍚配糖心蛋🥚飯有少少椰菜同蘿蔔絲有啲口感，用黎拌飯唔錯。可惜雞偏鞋口，一啲大件一啲細件好似執頭執尾咁砌埋一碗😕…唔滑亦都無乜雞味，不過比牛好。問侍應拎左韓式辣椒醬撈左就好食好多，唔加應該成個飯都好難食😅…糖心蛋就正常不過不失。③香辣泡菜撈冷麵配烤雞肉🐓🍜冷麵掛到汁算係三個入面比較好既一個main，啲雞就應該同拌飯既雞一樣，所以都係麻麻🌝。④紫菜粉絲卷(3件)紫菜皮脆，入面就煙煙韌韌咁，不過無醬點就比較乾。野飲普通，凍飲加$4唔太值🙅🏻‍♀️。呢間其實都無咩服務可言，麻煩侍應拎碗仔都要我地自己去拎，但又要收加一服務費🤷🏻‍♀️……排隊又耐，建議外賣，有折比較划算又唔使等咁耐。唯一比較可取既係份量大，啱男士食。

之前試過外賣紫菜飯卷，不過不失；諗住堂食試下，要咗呢個泡菜豬飯配溏心蛋一入門口服務態度已經好差，我諗呢間野主要做外賣，外賣完全唔夠人手，等極都冇人答問題，但問題又唔清楚，每個職員都好忙咁樣整緊外賣；個飯啲飯太淋，溏心蛋ok，基本上成個飯係辣醬配飯；個辣醬，得個辣字，辣醬有少少滑潺潺嘅質地感覺真係好核突，辣醬又唔係韓國辣醬嘅味道，又唔係泡菜汁嘅味道純粹得個辣；豬肉片完整嘅得兩三塊超級細塊嘅，我食晒成個飯都竟然唔飽，我平時去其他餐廳係要嗌少飯，$74呢個質素真係好差，好後悔揀咗呢間

一心想要星期五食得開心d，所以試下去海港中心果間Kim’s spoon 買份韓國餐外賣填飽肚子。 呢間餐廳成日都有好多係附近返工嘅人去食，成日都排長龍，所以今日為可以快d有得食，而且見用open rice 外賣自取可以有8折優惠，所以就試下外賣自取啦。好可惜，第一次外賣自取就中伏啦！我叫左份泡菜豬肉飯外賣自取，一打開個蓋，雖然真係好香泡菜味，外表就咁睇都好似厄得下人，但係，當你望真d，成碗飯都只得兩三塊豬肉片！！！全碗飯豬肉片同泡菜嘅比例10:90！！！ 係10:90啊！！！外賣真係好中伏囉！！好揾笨！！ 8折完個價錢，係灣仔某茶記可以食到份飽到頂胃嘅燒春雞套餐啦！所以奉勸大家如果想外賣自取，就要衡量好風險啦！

今日同班朋友去咗食lunch.員工態度真係極之差又冇禮貌又冇講清楚所有嘢. 依家要du個安心先入得去餐廳,我就冇download咁既apps,就預咗要填紙登記. 跟住收銀嗰度又排晒長龍,第一次去食就以為要排隊落咗單先搵位坐。我哋四個人，我同其中一個朋友諗住入去搵咗位先再出嚟排隊買嘢食，個店員就勁大聲向全間舖頭講: “點解你可以直行直過要登記㗎小姐! 睇住你直行直過啊!!”第1你啲指示冇寫清楚，冇講到原來堂食可以直接坐低叫。第二 冇將登記填資料嘅位置放大亦都冇職員睇住安排秩序第三 用咁惡劣嘅態度同客人講嘢真係不知所謂 就算有人唔記得填都唔應該用咁樣嘅態度同語氣講嘢！仲要全間舖頭嘅人都聽到望住我哋🙄🙄🙄 嘢食多數唔使講啦價錢又貴 服務態度又差 係全部店員都態度差！ 冇一個係有禮貌！落單嘅時候:點啊要咩? 擺晒個不滿樣俾我哋睇冇比餐具我哋 問佢攞又好似我哋吹佢咁🙄 餐具又污糟😕啲食物質素又普普通通 啲食物又唔夠熱 d肉又老曬 。原本一直都好想食荃灣嗰間打經歷完灣仔呢間之後從此以後都唔會再食呢間餐廳。冇諗過依家啲人態度可以咁差

🐮鐵板牛肋骨定食 - $148 + 10%🦑釜山海鮮煎餅 - $98 + 10%（*以上標示均為原價）好耐冇嚟食啦！平時都係去Kim's Bowl買韓式粉絲早餐當lunch，但係佢哋改咗賣日式丼之後就冇再幫襯😂今次見到訂位app有半價，而且又喺公司附近，就決定book位試下🥰主餐牌選擇唔多，所以最後叫咗個定食同煎餅。🐮定食方面，牛肋骨上嘅時候已經起哂骨，係韓式比較甜嘅調味，食落好稔冇筋，後面嘅炒泡菜偏辣🌶️，可以加隔離嘅金菇中和返或者撈飯食😋🥘至於個煎餅，上菜嗰下我嚇親，成個pizza咁大，我以為得幾塊先叫😱😱😱，入面係好足料嘅海鮮雜錦，每一塊都食到，可惜粉漿太厚搞到中間有少少唔熟之餘亦唔夠脆，但個蘸汁世、界、級：鹹辣鮮俱全，一定要蘸埋嚟食！埋單半價之後$148（加一原價計），食到捧住個肚返學😂總結你咁啱經過嚟食可以試下嘅，不過未至於要去到專登嚟食，因為呢度都唔係好就腳，而佢都唔係好食到要專程嚟食😂

趁著假期最後一日，我就寫多篇食評，有些餐廳我會建議堂食，這間我比較建議外賣，因為外賣比堂食便宜，而且不需要加一，味道亦差不多，而那次點的是烤牛肉石頭鍋飯，或許應該點傳統石頭鍋飯會較好，感覺味道一般，而且配料不多，連流心蛋也沒有，只有牛肉，椰菜絲和紅蘿蔔絲拌飯，味道極之普通，如果不是加了韓式辣椒醬令味道有所提升的話，恐怕會是劣評，醬汁令石頭鍋飯提味不少，醬汁辣得來帶有甜味，拌飯來吃會較為開胃惹味。韓式拌飯，在韓國已有百年歷史，是傳統的米飯料理，又稱石鍋拌飯或古董飯，拌飯的材料有白飯，黃瓜，紫菜，肉類如雞，牛或豬，雞蛋，冬菇，菠菜，芽菜等，因為韓國人相信五行之說，所以一般石鍋拌飯有齊五種色彩 ﹣紅（紅蘿蔔），綠（菠菜），黃（蛋黃／小黃瓜），白（白飯／芽菜／雞蛋），黑（海苔／黑豆），再配上辣椒醬，所以口感十分豐富。 可惜這次食到的石頭鍋飯價錢不菲，但味道就令人失望，而我試過外賣雜錦飯，味道差不多，而且好像比堂食更加足料，感覺更抵食。 

邊個話呢個世界上冇免費午餐？疫情期間公司就有免費午餐俾我哋呢啲勤力員工每個星期其中一餐就肯定係食Kim’s Spoon.呢個韓式定食份量夠晒多，主食本身亦有多種配可供選擇，例如有牛仔骨，牛肉，五花腩，照燒雞扒等等，其他配菜例如韓式粉絲，卷物等等每次都係一樣。今日我就揀咗五花腩，其實幾肥但好好味

之前食過晚飯，覺得各方面都認真麻麻，價錢亦不特別便宜，即入黑名單。 之後，有朋友讚紫菜卷好食，作為紫菜卷狂人嘅我，就試一試啦!  🔸️價錢: 🌕🌕一條外賣紫菜卷要$58，都幾貴🔸️味道: 🌕🌕🌕🌕實則我一共食過兩次，第一次可能係剛復市，無咩人買，放耐咗，飯有點硬。 第二次，即今日再試，覺得好好食。豬肉不多，亮點係泡菜，辣辣地、好爽口、惹味。今次泡菜汁仲多到痴哂落飯度，好正! 🔸️環境: 🌕🌕🌗分外賣及堂食兩部份，店舖外表裝潢吸引，內裡實則與普通快餐店無異總括: 只推介外賣紫菜卷

週末的中午懶洋洋地起床後來到港灣中心，很多店鋪週末都關門，看到這店鋪還在開，而且沒什麼人就進來。這裏12點半前埋單離開可以打出7折，可惜我是12點半才進來衹能忍受正價。這裏的餐正價比較貴。一般都要80~100元不等。點了醬油豬腩公仔麵+菠菜+熱山薑茶共84元。公仔麵湯底的味道還可以，很喜歡吃韓國的公仔麵因為面身比較彈牙。但豬腩肉大部份是肥膏及骨頭完全不好吃。菠菜的味道有點奇怪好像壞了一樣。熱山薑茶中規中矩沒什麼特別。整體衹是一般。

今日天氣好好😆，所以同女朋友出咗去周圍影下相，行下行下行到去灣仔海旁睇埋日落， 順便嚟到呢間韓式餐廳食晚飯😊石鍋拌飯喜歡佢都幾多蔬菜食，有紅蘿蔔，白蘿蔔，芽菜，菜苗，另外有一隻半生熟嘅蛋，連埋啲牛肉撈埋一齊食都幾惹味，另外佢亦都提供一包辣醬，覺得唔夠味嘅可以加啲落去🤗荔枝梳打都幾有荔枝香味同冇咩藥水嘅味道， 覺得天時暑熱飲都幾啱啱好解暑🤤西柚乳酸特飲味道酸酸甜甜的，飲落都幾開胃😊總結，覺得價錢都唔算太貴，佢嗰邊比較少人靜靜地傾下計都唔錯😇佢哋嘅嘢飲都幾大杯，或者下次嗌一杯都夠啦

因為疫情，店舖都放置了隔板， 舉手叫待應時，她們也不太看到，舉了手很久才有人招待。我點了一個牛肉粉絲餐送柚子茶，並替還沒前來的同學點了海鮮湯飯連青橘子茶。結果半小時後，我同學也到了，在多番催促下，海鮮湯飯才送上。整體食物質素尚可。