Kiss The Tiramisu (已結業)

早在前陣子就留意到韓國的TIRAMISU雪糕,今天難得來到附近當然要試試。一共有3種口味,原味,士多啤梨和香蕉味,選了前兩款。高貴的金邊香檳杯,顯得份外有格調,而且手持柄的部分可以預防手的溫度加快雪糕融化。原味:底層是Mascarpone Cheese,還有cream cheese,餅碎,咖啡,可可粉軟雪糕,單是賣相已加分。多重材料已相當還原Tiramisu味道,軟雪糕夠細滑,不時吃到餅碎增加了口感,吃到一半時建議拌勻再吃,配上底部的芝士,味道更上一層,感覺上半部是初階,下半部更適合tiramisu愛好者。士多啤梨味:底層是Mascarpone Cheese,還有軟雪糕,自家製士多啤梨醬,士多啤梨醬感覺真材賓料,沒有加太多糖分,感覺和軟雪糕更夾,亦沒有藥水味,同樣吃到一半要拌勻,cheese+牛奶+士多啤梨都算夾。不過稱為straberry cheese 口味更為貼切呢。

放工後去了屯門市廣場探個朋友，雖然剛剛過了中秋，但天氣都幾熱，行到累經過一間「kiss the tiramisu」的韓國雪糕店，陳列了三款口味的用了金色高腳透明膠杯裝滿了的tiramisu 軟雪糕，有原味、士多啤梨及香蕉味一共有三款味可以選擇，最後我也被它們吸引買了一杯原味來吃。首先，當客人order 時，店員會即時製作那杯tiramisu軟雪糕，店員先將有mascarpone cheese的杯子從雪櫃拿出來，加入了軟雪糕，再放入了餅碎、滲入了咖啡味的酒，再灑上了一層可可粉。其後又再加了一層軟雪糕、melting cheese 及咖啡味的酒，最後再鋪滿了可可粉及即刨朱古力碎，可見製作的過程非常認真，用上了一隻透明金色高腳杯，可以清楚看見雪糕及其他配料層次，層次感十分豐富，賣相真是高貴優雅。先舀第一口雪糕，已經滿口都盡是可可粉，有碎碎朱古力增加了嚼感，入口已經即溶化，雪糕奶味都好厚滑奶香，當中的咖啡味都是甘醇濃郁，也有天然咖啡微微的苦瀝，還有吃到一些已渗了咖啡酒的餅碎，食到mascarpone cheese的部份時，店員都預先提醒我們先將mascarpone cheese及雪糕攪拌才吃，

沙田和屯門的Kiss The tiramisu ，是一間韓國來的雪糕店。沙田車站圍1號Citylink R樓15號舖屯隆街3號屯門市廣場一期1樓1001A號舖雪糕以提拉米蘇為主題，tiramisu愛好者必來吧媽媽喜愛tiramisu，當然要帶她來一試。一埸來到，吃了三種味道。原味提拉米蘇雪糕$43原味的貌相為三杯中最吸引，店員把雪過的杯子先放上軟芝士後唧上雪糕和可可粉，更刨下朱古力碎。先吃一囗，滿佈朱古力粉雪糕，朱味特岀。雪糕軟滑，但奶味不重。把雪糕撈上軟芝士，味道更像提拉米蘇蛋糕。士多啤梨提拉米蘇雪糕$46血紅色的士多啤梨味也不錯，士多啤梨醬甚多，酸酸甜甜當中更有不少紅莓，增加囗感。香蕉提拉米蘇雪糕$46香蕉味雪糕最不像提拉米蘇，內裡有香蕉脆脆粒，配上蕉味醬的雪糕。

之前已經有留意依間甜品鋪，聽講係韓國好受歡迎，今次過江黎香港，開張後一直見到好多人排隊，所以希望等到熱潮過後少d人再去食，終於係中秋節當晚等到～  有三種味道選擇，原味、香蕉同士多啤梨，打算試下新味道，點了個香蕉tiramisu同人分享，店內有三名員工不斷工作，所以唔洗等好耐就有得食～外觀上真係好靚，個杯其實係用膠造，好輕身，食完我都帶左番屋企用～ 店員都好貼心，見我地有2個人，主動給我2個匙羹～店員介紹話個甜品分為上下兩層，上面係軟雪糕，而食下面時記得要搞勻～軟雪糕配上香蕉醬味道只屬一般，感覺同食某連鎖快餐的雪糕新地一樣，唔係差，但唔會俾到人叮一聲的感覺～ 下層cream佔大部分，但是芝士味不足，亮點係餅乾碎好脆口，口感不俗～整體而言，味道只屬一般，如果計埋價錢（$46）同排隊的時間，則令人大失所望～

聽聞呢間係韓國出名既雪糕店，雖然去韓國個時冇食過，反而而家係屯門可以食到。雖然叫tiramisu ,不過似雪糕多啲。店員叫我地食左上面啲雪糕，然後再攪拌下面黎食，開頭都唔太明白，上面係香軟既牛奶雪糕，十分好食，唔太甜，反而食到下面，有更香濃既牛奶cream，可惜太甜，我一直以為下面會有會有tiramisu 蛋糕底，咖啡酒，原來都冇。所以店員叫我地攪拌，否則真係太甜太膩。索價$43其實都幾貴，不過個高腳杯又幾靚，食一次又何妨。

早幾日朋友入黎屯門探我，而身為超級韓迷既佢得知屯門開左韓國人氣爆登弘大kiss the tiramisu，又話要去朝聖食下佢既tiramisu雪糕咁先不枉佢此行。Kiss the tiramisu menu一目了然，有三種口味，原味tiramisu，香蕉同士多啤梨味。朋友鐘情tiramisu，所以二話不說就揀左原味。同一般外賣雪糕有所不同，kiss the tiramisu用長型杯盛裝雪糕，除左方便拎黎住食之外，外型美觀既杯更係女仔selfie時至愛😍為左令雪糕可以冰冷一啲，鋪頭將杯放入雪櫃之中，令雪糕冰凍感更為持久。Tiramisu軟雪糕唔似一般一唧就ok可以食，成個過程好似真係整tiramisu蛋糕咁，逐層逐層整，先係杯底外圍整幾圈雪糕，然後再係中間加入芝士，餅碎，朱古力粉，跟住上層再唧多幾圈軟雪糕，唧啲咖啡酒，灑上朱古力粉之外，仲即時磨朱古力塊係雪糕上，加強朱古力味道。朱古力同咖啡酒味道濃烈，雪糕牛奶味重，軟滑程度一般，不過食到杯底時將雪糕攪拌黎食真係幾似食tiramisu蛋糕味道。至於我上次食唔到士多啤梨味，今次一心想試，點知又賣哂，所以試下香蕉雪糕可唔可以吸引到我，士多啤梨味

吃飽晚飯心思思想食甜嘢，行經新開甜品店，立即加入排隊行列。曰前响雜誌介紹過的韓國過江龍，今天試試有幾好味。在櫃台呆企五六分鐘，一店員忙著整tiramisu,另一店員茫然漠視買單的顧客只在數甜品杯，另一店員好像遊魂一樣走出走入但沒人收錢。😡再等一會，終於有人回收錢櫃位，我點了一杯原味。雪糕份量中等，面層是幾滑的牛奶軟雪糕加可可粉，混合中層的咖啡同忌廉芝士之後，又發覺幾好味噃！十足tiramisu 的味道，無咁膩，質地絲滑，凍冰冰，甜甜地又唔會太甜,幾正喎！

同女朋友仔途經屯市，佢話有間韓國好紅既甜品喺度開左，專賣"提拉米蘇雪榚"，好多人食架，點都要試下咁話。黎到門前已經見到人龍，主力三隻味，第一次食一定係食原味啦。落完order承惠43蚊，姐姐真係幾有心機一層層咁整，終於攪掂食得，一食就...嗯，味道ok la，但應該唔係特別出眾，未食過可以一試既。咁可能我唔太好甜品，應該唔會再專程去食丫...差啲漏左講，就有隻杯係幾靚既

久久已聽聞這間雪糕店在韓國大排長龍，今天來到屯門朋友二話不說帶我去食～去的初時只有小貓三四隻，不過等待途中人流漸漸變多，排隊與領取雪糕處出現重疊情況，個人覺得應該要有指示把人流清楚分配，避免導致混亂！士多啤梨味不幸早一天已售罄，唯有選擇食最原始的原味Tiramisu～左邊有sample雪糕可以令客人了解份量及雪糕外觀！製作過程其實不算繁複，不過職員慢工出細貨！唧了約四圈的雪糕之後，混入芝士、咖啡粉等的配料，到最後以刨的方式批出朱古力絲便告完成。原味Tiramisu軟雪糕 - 耐溶程度高，相機食先數分鐘亦絲毫不見有溶的情況！雪糕質感厚實，奶味頗重，滑身程度就一般般！食到一定份量再把配料與雪糕撈勻，口感變得更豐盈～

韓國又引入新甜品．點可以唔去試下？皆因起朋友口中聽閒起韓國好出名好好味．所以起香港開左就去試下啦！去之前都好驚要排好耐隊．結果去到都唔算太多人😌就排下啦。。。門面好簡潔．而且原來可以揀既種類只有三款．真係有D意外．起香港呢個租金咁貴既地方．只得三款味道到底能唔能夠撐得住呢下🙄三揀一既情況下．．．選擇左香蕉TIRAMISU軟雪糕🍌🍦個樣外貌無原味果款咁靚．因為無左朱古力粉起面．有D失色．影幾張相後已經開始溶😳即刻開始食．．個味道奶味都幾重．個雪糕口感真係好滑．香蕉味加埋落去個味完全勁似韓國人最鐘意飲果款香蕉奶咁味．食完上面層雪糕後就到下面既TIRAMISU．但其實完全唔多食得出係TIRAMISU．無咖啡味既🙄如果話果D餅碎就當係既話．．都幾勉強．但加埋整體上係好味既．但呢個價錢就貴左小小．只能夠講遠度而黎既過江龍．好過要你親身飛去試啦😏

食飽飯，當係食甜品啦！屯門好hit既kiss the tiramisu😍成日排長龍，不過呢，值得既，因為真係好好味呀～～原本三個女仔每人一款味既，但係士多啤梨味賣晒😢咁就叫蕉蕉味同原味share食，其實睇住佢地整係非常吸引人，好好既宣傳策略，簡直引發視覺同味覺享受。首先講佢地好貼心既，cream cheese連杯雪，用高身杯無咁容易溶。原味呢，睇住佢一層芝士又加朱古力又加脆脆又唧啲酒又有磨朱古力碎又加朱古醬又唧雪糕又朱古力粉，嗱，齋見到咁足料已經開心死！😍食果時每一口都因為組合唔同，啖啖驚喜，勁～～～好味！蕉蕉味道其實似鳳仙，好蕉但無原味口感咁豐富，都好味，不過我都係原味支持者。

這個夏天魚子醬一家沒吃太多雪糕，可能是口味變了？我們商量過後覺得反而是商場、餐廳冷氣好大，如果再食雪糕就不得了。屯門市廣場帶來韓國的人氣雪糕店 Kiss the Tiramisu，既來之 則安之，反正在身邊，順道一試。 Kiss the Tiramisu 位處屯門市廣場一期與時代廣場的天橋口，也對正二樓的扶手電梯，由朝到晚也不愁人流 魚子媽沒追韓流，多年前去過一趟泡菜國後已放棄，但身邊喜愛的人多的是。餐牌上只有簡單的三款選擇，分別為原味Tiramisu、香蕉及士多啤梨的選擇 因為小店落在人來人往的通道，所以舖面只限落單及出餐，所有想買的人都要在店面對面靠牆排隊 ，少擔心，整條通道近百米。在開幕後首個weekend 到訪，中午時段維持在10-20組人排隊，不算太耐；魚子醬專心等待「叮」一聲，代表可以過去落單啦！yeahhhh 所有雪糕杯都放入雪櫃預冷，是頗有誠意的，原味Tiramisu雪糕，是由牛奶味雪糕加上餅碎、幾圈咖啡、芝士忌廉，再唧半杯雪糕後就灑上可可粉，再刨朱古力碎，即成。雖然份量頗多，但索價$43還是有點少貴，魚子媽認為這價錢可以有更多選擇 而士多啤梨雪糕根本不存在

今天晚上經過這間店舖，如果是下午時間一定會排長龍，不過現在是晚上，比較少人排隊，所以我便排一排隊試吃這個雪糕。價錢方面，原味Tiramisu雪糕$43，其實十分昂貴，而且又沒有位置坐，值得嗎？賣相方面，這杯雪糕的外形不錯，個杯很漂亮。不過味道方面，雪糕十分冰凍，而且都算滑，奶味就一般，但其實個人認為……和麥當勞的雪糕有分別嗎？雪糕的賣點是Tiramisu，但其實只是在雪糕上加一些可可粉和咖啡粉而已，沒有什麼特別之處，個人認為只是普通雪糕一杯，值得$43一杯？總結來說，本人完全不追隨韓流，$43一杯雪糕真的十分昂貴，而且又沒有位置可以坐，要周街吃雪糕，但味道和麥當勞差不多而已，個人認為完全不值得！

原味賣相唔錯，士多啤梨味賣相就差d。雪糕味道一般，唔香唔滑，我個人覺得麥當當會好食過佢。底層似cream，完全唔覺得係芝士~貴，唔值得再去~今次中晒伏，好彩等左5分鐘啫~

因為剛開業來到都吾少人黎食，今次平日四點幾去都人吾少喎（14個左右），大約等左15分鐘就有得食。佢地會將杯放入去雪櫃令到杯子溫度偏低其實幾窩心，但無奈一放一入作用不大原味Tiramisu軟雪糕 $43不論外型和味道都酷似韓國弘大（韓國弘大的售價是5000won左右）Tiramisu，一杯女生吃完其實都有飽感首先表面有不少可可粉（小心食，因我食到整污糟左），一吃食到幾滑身的軟雪糕，食完上層就有可可粉隔住有芝士、餅乾碎、可可粉，咖啡酒和芝士醬，所以拿甜品時會提醒，記得拌勻底部的mascarpone cheese和軟雪糕，先食到精髓……比上面軟雪糕偏易溶而口感比較厚身，有少少溶關係似奶昔，幸好加上餅乾增加回少少口感。但芝士味比心目中低，最後食到芝士醬就芝士味即返晒黎，但只限一匙左右分量這價錢和品質都類近韓國都不錯，絕對可以一試，食完這隻杯還可以帶回家添