La Cobi Restaurant & Tapas (已結業)

灣仔美食多, 一日食一間都有排食, 行到玩具街差不多盡頭位置,找到一間 外觀看似是酒吧, 細看下是西班牙餐廳.店面只有一位靚仔哥哥侍應, 落單上菜埋單, 一腳踢, 很做得 (勤力) 喔! 食客不多, 我沒有訂枱都能夠即時入座 (1:00pm左右).Lunch set $118 (免收加一服務費)前菜: 青菜沙律 材料豐富, 車厘茄, 青蘋果, 生菜, 紫椰菜, 青瓜… 等, 新鮮清爽, 很有健康感, 若不選擇沙律, 可以選擇是日精選餐湯 (今次沒有試餐湯).新鮮自製番茄麵包口感鬆軟, 麵包配上番茄醬汁, 感覺天然清新.主菜: 香燒春雞配沙律薯條燒雞份量十足, 上枱一刻, 立即嘩然起來, 差不多有半隻燒雞的份量, 原隻雞髀 (好吸引呢~ ), 雞肉水份保留，嫩滑juicy, 雞胸也有啖啖滑肉之感. 而伴菜有沙律, 與前菜的青菜沙律一樣, 還有香脆薯條, 大滿足.餐飲: 熱咖啡我猜想是機沖吧! 不論是機沖還是手製, 它的香濃咖啡香味, 入口甘香, 自己倒上泡泡奶, 不懂拉花的我, 都感覺不錯呢! 為我的豐富午餐劃上句號! 如果有一塊少少的曲奇餅配上這杯咖啡就更加好了!食後感: 我會再黎

有日朋友yo我去食西班牙菜，西班牙人就見得多，西班牙菜都係第一次食，心情緊張得黎，又興奮。原來La Cobi個位有d僻，地鐵站出去後要兜啲小巷先去到，感覺好神秘咁。火腿本身有股鹹香味，切片薄身唔會太大份，脂肪同肉既比例一流阿! 令我對西班牙菜留下美好第一印象！然後就緊係嗌返杯cocktail先啦~飲落鹹鹹地，過多兩秒酒精味充滿喉嚨，層次幾有趣呢個煮蜆同平時日本餐廳既好唔同。日本餐廳既清酒煮蜆有d淡淡地，又有少少海水味。而呢道菜既汁就帶出蜆本身既甜味，好味到連d汁都想lam乾淨！平時比較食菜多過食肉，閒閒地屋企開飯果陣都會食幾碗菜。平時出街食啲菜都好油膩，不過呢道菜完全無油膩既味道，反而蔬菜變得好鬼juicy好回味無窮！係我咁多道菜裡面最鍾意既一道~甜品係用另外一個胃裝，女人食飯，甜品當然少不了啦~一定要記住佢個名，佢叫churros，真係不得了。原來一條西班牙油條配搭甜度適中既朱古力（係齋食碟朱古力醬都唔會覺得膩)，會係天造地設既一對。微甜的朱古力配搭鬆脆的油條，係人間享受餐單:飲品:

朋友係灣仔番工，揾佢食飯，帶左去附近麥加力歌街，轉彎位有間酒吧餐廳。我同朋友都被裝修吸引。裝修富有歐洲風味，顏色鮮豔奪目，較有特色，感覺舒服。就連餐具都色彩繽紛，真的令人感覺像外國般。再細心睇，餐牌是西班牙菜。今次想食海鮮為主，所以就問待應介紹一下。餐牌英文為主，再夾雜西班牙文顯示。Grilled Scallops with mashed potato $128頭盤小食叫左燒帶子，火喉到位，面層煎得夠乾身，但內裡鮮甜嫩滑。Seafood Paella $238西班牙海鮮炒飯，食西班牙菜每次都必叫。真的每間餐廳做法味道都有不同。今次意間餐廳味道較像當地食到的味道。味道帶點點辣，香口濃味又惹味，份量兩人食剛好。蒜香大蝦配香腸意碟係隔離枱叫，味道吸引，所以我地跟住又叫，的確惹味香口。Roasted Suckling pig with Pear Sauce 又係叫左西班牙菜必叫西班牙烤乳豬配梨醬。有些餐廳要需要叫好大份量，意道一碟三件，真的適合2-3人淺嚐一下。乳豬皮十分香脆，肉質嫩滑，十分入味。正^_^最後點了Churros with 56% Chocolate Dip 西班牙特色甜品作結炸

在灣仔，食西班牙菜價錢不會太平，但竟然亂打亂撞找到一間抵食兼味道不錯的西班牙菜餐廳。 之前襯有時間跟朋友到灣仔玩具街想找一些玩具給仔仔，意外發展在轉角的小巷有一間小店是食西班牙菜。差不多lunch time，見不用等太耐，便走去試試。 Lunch set以灣仔這旺區來說，不算貴，HK$98-$138之間，有麵包、沙律或餐湯、主菜及飲品，加$18更可以點一客New York cheese cake。 是日餐湯是忌廉蘑菇湯，有打碎了的蘑菇，味道不錯！ 餐包配上自製的新鮮蕃茄蓉醬，很特別！ 沒有仔仔在場，點了我最愛吃的肉眼扒，更是medium rare，慢慢嘆! 香煎紐西蘭肉眼扒配西班牙椒 用上厚身的肉眼扒，但依然juicy，肉質幼嫩，很好吃。 更重要是真的是medium rare，沒有因錯手將它變成medium~ 以lunch的價錢來說，這個質素非常不錯，而且很抵！ 完main course後很想嘆甜品，但我不吃cheese cake的，問店員後點了這個傳統西班牙甜品，「西班牙油條Churros」。 我本身很怕食肉桂的，但這裡的Churros令我大大改觀，鬆軟、微甜，很好吃呀～

雖然返工係黃竹坑, 但係有時我都會約朋友落灣仔食LUNCH而且係有左地鐵既情況下, 出去仲更加方便!!!今次係灣仔返工既朋友仔就揀左係玩具街入面既西班牙餐廳 La Cobi Restaurant & Bar地方眼見唔算好大, 一望就見到有個酒吧位置;原來佢地仲有 2樓架, 一張長台, 一張圓台, 都可以坐都幾多人!!亦可以做 private Party~~Set Lunch 都有4款選擇~仲有餐包, 餐湯, 餐飲, 主菜, 仲可以加錢食埋甜品;價錢都只係 HK$118-$138, 都唔算貴!!當天是日餐湯係蘑菇湯~~個湯都OK, 有粒粒蘑菇碎, 飲個時增加了口感!!飲完都幾飽肚下"*餐包係餐廳自家製既蕃茄麵包~麵包軟軟的, 加埋蕃茄醬都幾開胃下~主菜我就揀左西班牙海鮮燴配鱈魚柳~除左鱈魚柳外, 仲有青口, 蝦, 蜆肉等等海鮮!!份量都幾多"*鱈魚柳啖啖肉又夠滑身;而個汁都幾搭配, 有D似忌廉汁咁~每個 SET LUNCH 都有跟餐飲~可以揀汽水, 果汁, 咖啡或茶, 而我就揀左蘋果汁啦!!最後我仲加左 HK$18 要埋個紐約芝士餅~令成個 LUNCH 變得更完美, 真係十分滿足!!間唔

久不久都會出去灣仔跟舊同事食飯，灣仔也有很多特色的小店， 今次跟舊同事來到的是合和附近的西班牙菜，舊同事說她吃過不錯的， 樓下就高檯、Bar檯為主，樓上就有普通的檯，對於我這些矮個子，還是樓上比較好啦～ Set Lunch 有湯、麵包、主菜及甜品，好似還有沙律，不過我不吃，整體來說很划算， 一般麵包配牛油，今次吃的是鮮蕃茄醬，我不吃蕃茄，就直接吃麵包，鬆軟，味道上有少少香草味，還不錯的。 蘑菇忌廉湯，切碎蘑菇一粒粒，口感不錯，味道還算濃郁的，不過就偏咸了小小。 主菜是我最愛的肉眼扒！ 以 Lunch 來說百三元左右，是有點貴的，但我覺得是物有所值， 肉眼扒份量不細少，而且是偏厚的。 我點的是 Medium，切開見到粉紅色的嫩牛肉，火喉控制很好，而且切出來血水不多。 入口咬開噴出肉汁，非常 Juicy，牛味濃郁，肉眼扒肉質軟稔沒什麼筋，整體來說不錯的。 甜品是 Churros，是加錢點的，Churros 就有點似油條，不過沾滿玉桂糖， 玉桂超香，不點巧克力醬沒問題，非常夠味，外層脆卜卜，內裡軟稔。

細個係灣仔讀書，重回舊地，同老婆行過玩具街，再行入麥加力歌街。見到有間餐廳，係門口睇到餐牌，原來食西班牙菜，睇到環境幾舒服，就決定入去。裝修富有特色，牆上五顏六色，十分吸引。感覺置身係外國一樣。蘑菇湯，質地香濃，香味撲鼻，味覺有層次。Argula salad with manchego cheese 配上黑醋，十分開胃。Garlic Fries with Truffle Sauce 大蒜薯條松露醬即炸薯條十分脆口，配上蒜香松露醬，味道十分香口惹味。Grilled Squid with Garlic herb sauce 烤魷魚配大蒜香草汁推介，夏天食特別開胃，味道清新醒胃，帶少許辣味。醬汁真的一流，酸甜適中。Grilled 12oz USA Prime Rib Eye 燒肉眼扒，功夫到位，燒到剛好，五成熟，燒到內裡粉紅色，肉質嫩滑，肉味濃，調味適中。Carbonara with Ham & egg 温泉蛋卡邦尼意粉，味道夠，加上温泉蛋的嫩滑，令整個意粉增添一份香滑。西班牙飯後甜品，芝士拼盤Cheese Board ，有四款不同芝士Manchego、Blue cheese、Red win

我平時去開嘅地方都係食平嘅野多今次有朋友邀請去試吓食西班牙菜覺得自己都係時候要開下眼界約左班朋友直接係餐廳等都要搵一搵先知道係邊始終個位置唔太開揚，不過靜有靜嘅好可以同朋友好好傾計睇menu揀野食，價錢都唔算平而且有d英文睇唔明就叫侍應介紹下有咩食咁佢都好nice介紹左幾樣野食俾我地於是我地四個人就叫左5樣野第一道係西班牙火腿（因為一入門口就見到嗰隻大髀）侍應放低果時仲話係48個月薄薄的一層但食落好有肉味如果怕就咁食太重口味就連埋脆多士一齊食跟住上嘅就係蒜片蝦我就最中意因為蝦肉又大隻又彈牙仲有好香嘅炸蒜，拎黎送飯都得之後上西班牙豬肩肉賣相幾精緻豬肩肉好'林'身有一pat野伴係側邊原來係將cheese打成cream狀當係食豬肩肉嘅sauce而另一個汁係雪梨汁兩樣都好好食呢味叫veggie combo中文唔知叫咩其實係炒雜菜同菇各式各樣嘅素菜放係一齊，顏色鮮豔個蘑菇超juicy仲有好多一塊塊炸蒜估唔到素菜都可以咁好食最後就係西班牙炒飯朋友話食西班牙菜一定要食呢個炒飯不過個飯比較咸，一般般我地坐左成4個鐘先走一直都唔算多人但環境同食物都幾價錢就偏貴啦，但都值得再黎嘅情侶或者幾個好朋友都岩黎呢

每逢出糧，我同老公都外出食餐好的，以慰勞一下自己呢個月ge辛勞。聽我的"吃貨"朋友說，位於灣仔的La cobi restaurant很不錯，主打西班牙菜色。而我兩公婆從來無食過西班牙菜..平時食茶記or日本野居多，所以抱著一試無防心態去試下，咦? 又幾好食bor... 哈哈~ 起碼我個fd 子無昆我🙈就我個人而言相當滿意🤗一直以來西班牙菜被以為貴價食物，心諗食一餐都要成千幾蚊...原來又唔係bor, 我特別影埋張菜單..不貴得黎又大份..呢樣值得一讚👍 仲有試諗下呢間餐廳位於灣仔呢高尚地段，而唔係我住開ge深水埗呀…大佬! 而店內氣氛良好...百零二百蚊一道菜亦真係抵食😆講左咁耐，係時候說食物😍我最喜愛ge菜色係西班牙海鮮飯，賣相吸引够大份，飯粒粒分明之餘又充滿左海鮮味..最最最重要係飯上ge海鮮唔腥!!! (因我最怕腥味架啦…😣) 隻大蝦好鮮甜多汁! 連我老公都食到唔停到口..🤗另外有個甜品..好似叫肉桂卷..(Sorry ..唔係好記得個名😅~) 食到飽一飽ge 我地，食呢個甜品岩晒，夠清! 起初睇個賣相似為好甜，食落去微甜only, 夠fresh! 食多左都唔會濟😃Anyway,

去灣仔接朋友放工之後食飯，搵下附近有咩可以坐耐d嘅特色餐廳，見到呢到食西班牙野好似唔錯咁，就跟住個地圖照住搵，但搵呢間都有點困難，因為地點比較偏一d，行份內街又九曲十三彎咁，兜兜下終於搵到。呢到果然係比較靜，搵就要跟住地圖啦，可能因為唔太熟路啦，但環境就唔錯，唔太嘈吵，可以係到飲下野，傾下計咁我地都算早黎，6點到，餐廳都無咩人，一入門口就見到隻風乾火腿係到做生招牌，裝潢都幾有特色。我地叫左幾樣野食，幾樣野味道都幾好，有點出乎意外。Menu寫呢道風乾火腿係48個月，食落去油脂好香，肉味濃郁，伴著一片脆多士一齊食感覺無咁鹹呢個炒蜆睇落就同中式差唔多，但食落好惹味，而且佢有辣肉腸，蒜同蔥一齊炒，同中式嘅豉椒炒係兩種感覺。朋友好中意食海鮮，所以除左個蜆之外，仲order左呢個蒜片蝦，上菜嘅時候，侍應特別介紹係用新鮮蝦，而我地食落又覺得蝦肉味新鮮，肉質都有彈性，加埋蒜片炒係提升多一個層次，多士都好好味呢個我就唔記得確實叫咩名，但食落味道就好得，好似係張塊多士切條咁，但入邊包住芝士，西班牙火腿，仲有黑松露呀！！三樣野都係好濃味，食落就出哂三種味道，我最中意嘅就係好香嘅黑松露味😋仲留係口腔內一段時間

在灣仔，食西班牙菜價錢不會太平，但竟然亂打亂撞找到一間抵食兼味道不錯的西班牙菜餐廳。 之前襯有時間跟朋友到灣仔玩具街想找一些玩具給仔仔，意外發展在轉角的小巷有一間小店是食西班牙菜。差不多lunch time，見不用等太耐，便走去試試。 Lunch set以灣仔這旺區來說，不算貴，HK$98-$138之間，有麵包、沙律或餐湯、主菜及飲品，加$18更可以點一客New York cheese cake。 是日餐湯是忌廉蘑菇湯，有打碎了的蘑菇，味道不錯！ 餐包配上自製的新鮮蕃茄蓉醬，很特別！ 沒有仔仔在場，點了我最愛吃的肉眼扒，更是medium rare，慢慢嘆! 香煎紐西蘭肉眼扒配西班牙椒 用上厚身的肉眼扒，但依然juicy，肉質幼嫩，很好吃。 更重要是真的是medium rare，沒有因錯手將它變成medium~ 以lunch的價錢來說，這個質素非常不錯，而且很抵！ 完main course後很想嘆甜品，但我不吃cheese cake的，問店員後點了這個傳統西班牙甜品，「西班牙油條Churros」。 我本身很怕食肉桂的，但這裡的Churros令我大大改觀，鬆軟、微甜，很好吃呀～

好耐無出動係港島搵食 ，今次朋友介紹去左呢間位於灣仔嘅西班牙菜。舖頭牆壁嘅瓷磚好靚，坐係前面影相一流。因為好多人食左好多野~1)Garlic Fries with Truffle Sauce $68個人偏好粗身薯條多啲 不過呢個即炸都好正2)Grilled Squid with Garlic herb sauce $98個魷魚酸酸地 好開胃3)Grilled Scallops with mashed potato $128帶子好大粒 質地又實肉 👍👍4)Grilled 12oz USA Prime Rib~Eye $328熟度焗得剛剛好 好嫩有肉汁 個伴碟薯蓉有黑松露 好香 😍5) Seafood Paella $238呢個一定要叫!!啲飯吸收哂海鮮啲汁 好鮮甜丫!!!超好食6)Cheese Board $158Manchego Blue cheese Red wine cheese Smoke cheddar呢個係西班人會當dessert甘食 個blue cheese味道好濃烈 但可接受 有4款芝士 所以有一片山渣糕可以清清口腔再試下款 個人幾鐘意smoje chedder 有淡淡煙

有晚無啦啦有朋友問要唔要試下西班牙菜，因為之前未試過，緊係say yes啦！所以去La Cobi之前已經充滿緊張同期待。老老豆豆，La Cobi食物質素幾唔錯，我估以後都會繼續試多d西班牙菜。不過可惜既係，佢個地點比較少人，有d靜（不過都岩三五知己約埋傾計既~）

中學時的暑期工曾在一家西班牙餐廳工作，對於Tapas、Paella這些字眼亳不陌生，不過在香港好的西班牙菜不多，但朋友卻找到灣仔隱角中有家西班牙餐廳，我們便相約下班後一試。餐廳位於玩具街街尾的轉角位，若果平日逛玩具街的話都不易發覺這個位置。無湯不歡的我先點了Daily Soup ，這份黑松露奶油蘑菇湯不但賣相精緻，蘑茹粒配上松露味令人不能停口，而旁邊的小片脆包令口感更豐富。Garlic fries with truffle sauce - 作為黑松露狂當然要乘勝追擊，這份幼身蒜香薯條配上松露醬令人胃口大開。Grilled 12oz USA Prime Rib~Eye- 作為牛魔王的我看到這份外脆內粉紅的牛排非常心動，吃下去不但有咬感，而且肉質鮮嫩，相信是慢煮而成。Seafood Paella- 之前在不同的餐廳都有吃過西班牙餐廳，但我敢說這是我吃過最正宗最好味的。餐廳用平底鍋直上，內有極多海鮮，除了大蝦外、更有青口、 魷魚等，對於喜歡吃偏軟飯的我覺得口感恰到好處，飯的味道濃郁之餘亦不失海鮮味。Churros with 56%chocolate dip -甜品尾聲怎能缺少品Churros

往昔，灣仔有一條著名的『囍帖街』，不少新人都喜歡在那裡訂購他們的結婚囍帖，中式西式，一應俱全。不過，早年政府把灣仔來個番新工程，市區重建，把昔日純樸簡陋的『囍帖街』，變成如今 新景點。 其實，灣仔市區重建又豈止改造了『囍帖街』，太源街，又名玩具街，早前街上的小攤檔亦重新粉飾，令這街道更添了不少色彩，而這街道的盡頭，接連著短小的麥加力歌街，這次，BeautySearch 來到這裡的《La Cobi Restaurant & Tapas》小店，品嚐西班牙風味。 店子是以開放式設計，放置了不少 門前設有大大的吧桌，聽說這兒越夜越精彩，Happy Hour開始，便有不少打工一族前來消遣，不過，這夜下起大雨來，反而成了我們閒聊相聚的小天地。 由於晚間以售賣酒為主，所以不設晚餐供應，我們只好散點自己喜歡的菜色。 連日來都下著雨，時宜綿密、時宜傾盆，就算帶著雨具出街也難免沾濕衣服，甫座下，雖在開放式的餐廳裡，還是有點寒意。還是先來一碗熱湯，暖暖胃。磨菇湯 HK$68 氣味十分香濃，粒粒磨菇，很有口感，加上以蛋白製成的泡沫，除了成了視覺享受外，亦添上了另一層口感層次。 Ham Croquet