Lagom Kaffe (已結業)

想係觀塘搵間坐得舒服嘢食唔差嘅Cafe，我經常都會去lagom kaffe，最鐘意冇限用餐時間，係我同朋友搵地方坐一日嘅恩物。台北燉牛肉意粉可以話係我每次再訪呢間餐廳嘅原因。 大大塊手掌咁大嘅牛肉非常足料，但就算冇肉淨意粉我都會嗌，因為醬汁非常特別，係好重麻辣味嘅肉醬，可以話係麻辣版嘅譚仔炸醬，總之味道帶一絲熟悉之餘喺出面食唔到，一試難忘。Fish & chips都係食過幾次，熱辣辣新鮮炸起，粉漿唔會好厚，係啤酒炸魚嘅柔軟口感，魚柳肉質都唔錯，嫩滑有魚味。 沙律並唔係為咗睇落組合完整而放落去，沙律菜真係新鮮爽脆，仲有藍莓同新鮮切出嚟嘅粟米，好有誠意。炸軟殼蟹牛油果Burger炸得非常酥脆，唔會太油膩，喺每一隻蟹腳都炸得鬆化嘅情況下，味道其實已經贏咗大半，加埋開胃嘅醬汁同牛油果，包都烘得香口，做得唔錯。

星期六有時食完飯行咗一陣就會想飲杯咖啡☕️嘆番個下午。星期六到處都好多人，所以我鍾意揀啲坐得好啲地方大啲嘅咖啡店。呢間觀塘咖啡店地方夠大，慢慢坐好悠閒。我哋叫咗小食、蛋糕🍰當然唔少得嘆番杯咖啡。▶️ 炸薯條🍟$68炸薯條份量好多。新鮮炸起，好香脆！係醃過嘅薯條，好味😋▶️ 美式朱古力蛋糕$38朱古力蛋糕幾大件，面上有好多朱古力醬。蛋糕朱古力味非常香濃，朱古力味甜甜的。▶️ 莫卡咖啡$48摩卡咖啡奶味香濃，咖啡有拉花！朱古力味比咖啡味重，甜甜的朱古力奶味。▶️ 埃塞俄比亞 Ethiopia$72呢個咖啡有堅果味，倒入透明杯幾靚。

觀塘地膽朋友約Happy Friday帶我去位於Two Harbour Square嘅餐廳，位置唔難搵，大廈大堂好似酒店咁靚，唔係朋友講我會以為去咗酒店，搭lift上一層就係Lagom Kaffe，餐廳門口裝飾都好靚。餐廳內部闊落，有室內同戶外部分，喜歡浪漫同帶竉物嘅朋友可以揀坐戶外。餐廳好有誠意有一個大雪櫃專門用嚟雪酒杯，大大杯Hoegaarden夠滑夠凍，冬天飲都好爽由於我同朋友都唔太肚餓所以淨係點左兩個下酒拼盤。炸魚薯條配青檸莎莎醬炸魚同薯條份量好足，炸薯條唔會太鹹調味啱啱好，唔點醬食都夠味，點茄汁或者莎莎醬會有唔同風味。炸魚皮脆肉嫩，放凍咗都仲脆，調味適中，完全唔腥唔點醬食都冇問題，點莎莎醬酸酸辣辣會更惹味。巴拿馬火腿芝士拼盤拼盤好豐富，有四款唔同嘅芝士、巴拿馬火腿、煙三文魚卷、麵包同餅乾。平時多數都係麵包夾芝士，第一次食餅乾夾blue cheese，味道好鹹香濃郁，用嚟餸酒一流。Cottage cheese多士芝士淡淡酸奶味配多士，朋友好中意。魚籽醬三文魚卷餸酒冇得輸整體嚟講Lagom Kaffe食物質素高，餐廳環境舒服服務周到，廁所乾淨（飲啤酒有個乾淨廁所好緊要），同朋友靜

今日同亞女好寫意地行觀塘海邊, 之後就食 lunch. 好有聖誕 feel, 再過兩個星期就係聖誕節 lu.間餐廳好大, 仲有室外, 原來可以帶寵物㗎, 預早講聲就 ok .白酒奶油三文魚意粉, 三文魚金黃香口蟹子有口感, 意粉又夠爽, 奶油味好香濃.糯米釀雞翼, 好耐無食過啦, 見到 menu 有這個小食, 二話不說就要 order.雞翼炸到外面皮脆, 點埋個微辣明太子醬 糯米夠煙靭亞女杯草莓奶昔, 好幼滑, 迷人 pink lady 我杯 mocha, 靚靚拉花咖啡味夠濃芒果乳酪芝士蛋糕我覺得乳酪成份多 d, 所以食落唔會太漏 悠悠閑閑嘆一餐, 已經好滿足.

星期六日想約朋友又唔知去邊度可以坐得耐啲，於是朋友就帶咗我嚟佢最鍾意嘅餐廳❤️✨台北燉牛肉意粉(微辛）燉牛肉好有牛肉味，而且肥瘦均勻！麻辣意粉都算第一次食！有好多牛肉碎，增加意粉口感！而且醬汁有啲似麻辣味的肉醬意大利粉！✨糯米釀雞翼味道係有少少辣味，配合埋醬汁可以消去油膩感覺！果然係手工野！呢個價錢有五隻都幾抵食！幾個朋友一齊分享幾好！✨炸泰式意大利飯佐莎莎醬(8粒）意大利飯入邊有啲香草，表皮出邊卜卜脆，感覺好新鮮！咬落去有兩種唔同嘅口感！😝呢個小食配上嘅醬汁都係有少少辣味嘅蕃茄醬！芒果乳酪芝士蛋糕芒果同埋乳酪味都幾突出，唔算好甜，成個芝士咁嘅樣造型好可愛！呢度氣氛又夠chill，而且枱嘅枱之間嘅間隔都幾足夠，又會開咗一對可以通往戶外嘅大門，所以有足夠嘅新鮮空氣流入餐廳！

放假想搵間靚靚cafe食下野，搵到呢間幾近觀塘海濱嘅cafe,食完野仲可以去散下步，所以就揀左呢間Lagom Kaffe。一入到黎有d驚嘆，呢間餐廳非常大，有室外露天位同埋室內，店員會問我地想坐邊，坐露天就好似chill d，但係呢排有d凍，都係坐室內好了😂但其實室內都好靚，空間感十足。餐廳裝修以木系為主，有d文青感。食物方面，揀左黑松露帶子奶油燉飯同埋白酒奶油三文魚意粉。黑松露帶子奶油燉飯，賣相唔錯，帶子幾大粒，好鮮甜。黑松露味好香，飯入面有d脆脆地嘅口感，好好味。白酒奶油三文魚意粉，三文魚個皮煎到好香脆，好味，唔會太咸，感覺幾健康。最後我地叫左個甜品，意大利芝士蛋糕，唔會太甜同埋太膩，食埋甜品就好滿足🥰星期六日黎休閑食下野都唔錯！

位於觀塘碼頭附近的Lagom Kaffe，餐廳佔地非常大，有室內室外位置，而且係Pet Friendly餐廳，露天花園可以同寵物共同用餐。用QR code落單，每款食物都圖文並茂，方便快捷！加拿大黑豚豬鞍伴焦糖蘋果豬鞍煮得剛好，不會過熟亦不會太生，內𥚃依然保持肉嫩，配搭焦糖煮過的蘋果，絕不油膩！伴菜有薯蓉、蘑菇及焗雜菜，非常豐富炸軟殼蟹鹹蛋意粉大大隻炸軟殼蟹，炸至卜卜脆，鹹蛋蓉分佈均勻，濃稠度足夠令每條意粉都能夠沾上鹹蛋黃，鹹中又帶有微辣，極之惹味！House White Wine 口感清爽，淡淡果香，配搭豬鞍非常適合！咖啡亦同樣出色，值得推介情侶嚟撐下枱腳！

Whenever we're in Kwun Tong, we're never really sure what to have for dinner. Lunch is easy as there are lots of options. But come night time, most places close and we are always a bit lost except for the usual mall places. And that we try our hardest to avoid. And that is how we came to walk towards the waterfront where we found a new building we not explored before. And it was here we found Lagom Kaffe.It was very large and spacious. Probably one of the largest cafes I've been to.They had an o

呢排黎多咗觀塘，發現觀塘嘅美食遠遠比想像中多😳今次呢間餐廳比較近觀塘海濱，設有indoor同outdoor 嘅坐位，仲要係🐶pet friendly 👍🏼✨白酒奶油三文魚意粉 $128意粉口感剛好，白酒奶油醬十分creamy, 而且份量很足🌟除了醬汁入邊加入三文魚肉之外，上面還配上🦀蟹子和一塊煎到香脆嘅🐟三文魚扒✨ 🐟三文魚皮煎到好脆，而且魚肉魚油豐富🌟✨黑松露帶子奶油燉飯 $168配上三粒大帶子，一邊煎到香脆，而另一邊保持帶子嫩滑嘅質感～濃濃嘅黑松露味燉飯配上一顆生熟蛋和香脆的脆粒，口感十足🌟 🍰芒果乳酪芝士蛋糕 $38係偏向厚實嘅質地，🥭芒果乳酪味酸酸甜甜😚環境：4/5餐廳用餐位置很大，四周牆壁還掛滿特色畫作。呢度係一個好適合三五知己詳談嘅地方～服務：4/5天氣轉涼，都可以提供熱水👍🏼qr code 落單，上菜速度適中～食物：4/5覺得我今次選擇嘅食物全部都係偏向奶油類🥲整體感覺較濟🥹但味道係不錯的～如果兩個人食建議可以點一個奶油類嘅意粉或者燉飯，再加沙律或者小食和飲品Revisit: Yes

💛 #觀塘 @lagomkaffe 收工同朋友去咗公司附近嘅cafe食飯，今日揀咗呢間商廈入面嘅「#樂感」食，餐廳分為戶外、戶內兩部分，日頭可以坐室外享受陽光同暖風🥰 我哋食晚餐就選擇咗室內座位，室內座位都好大，坐得好舒服㗎💓🐷 威士忌糖漿豬排配薯泥 焦糖蘋果 （$168）威士忌糖漿酒味唔會太重，而且好夠香甜，好味😋！ 焦糖蘋果超好食！豬排好厚肉之餘仲夠粉嫩軟腍🤭 薯泥就好似冇咁「結」嘅薯蓉，軟啲creamy啲更match軟腍嘅豬肉！🍝 台灣風味牛肉千層麵 （辛）（$148）雖然話要製作15-20分鐘，但結果比豬排更快上枱😳 千層麵好大個！ 蕃茄同芝士味超香，仲係超級拉絲㗎🤤 牛肉粒佈滿每一層，仲有少少麻辣香味～

Lagom Kaffe最近觀塘呢間Café超級紅，幾乎係附近返工的朋友仔都有提過呢間餐廳，我地今日去開觀塘做野，所以就黎試下有幾好食先~餐廳係好靚既商業大廈1樓，感覺很新很乾净，而餐廳都十分寬濶明亮，木製餐臺和主色調都十分令人放鬆，而且配置一個室外平臺用餐區域，更加別有放鬆的寫意。 店員都算有禮貌，第一感覺不錯不錯。食物方面，我地叫左：1）芝士蘑菇釀鷄翅 $68 呢個十分推薦！ 本來以爲都係普通釀鷄翅水平，但是！ 厨師十分有技巧地用糯米作其中一個餡料，再有少少辣味，加上蘑菇cheese碎混合在裏面，讓這個釀鷄翅的層次十分豐富！而且一共成5隻鷄翅，全部都鼓鼓囊囊的，十分抵食！2）特製蟹肉餅班尼迪克蛋 $138我宣佈呢個絕對是皇牌必叫！ 十分欣賞厨師係真材實料地比足兩塊蟹肉餅，好厚好大，而且微微煎過十分香口！蟹肉餅啖啖蟹肉！絲絲分明！再加上一個水波蛋係蟹肉餅上面，簡直是超級無敵好吃！加分位就係兩塊厚多士！用牛油焗到非常甜脆！呢個真係超級好食，絕對唔會令大家失望的餐！而且只是138蚊！ 爆推薦！！3）白酒奶油三文魚意粉 $108呢個我地望住餐牌的相片感覺好細份，但一上到黎，超級多意粉，雖然塊

今次又再踏足觀塘搵好野食，見到有間幾有空間感既餐廳就入去試下啦。店員好有禮貌問坐室内定室外，仲溫馨提示室外有活動，可能會比較嘈，非常體貼。餐廳坐位與坐位之間寬敞，有背景音樂，如果音樂細聲一點會更好。可以自助拎紙巾牙簽呢！平時鍾意影餐牌，呢間係QR code落單，所以無影到。見到有杯玫瑰蜂蜜手工氣酒寫住「超推薦」，所以試下。又真係大杯又好味，甜甜地啱女仔飲，不過就無咩玫瑰味。個杯好靚呀，好有feel。頭盤點了巴拿馬芝士火腿，份量比想像中多，芝士粒有成差唔多十粒，總共有三款芝士，仲用上比較貴既新鮮無花果，連餅乾同麵包都夠晒你配搭，唔錯唔錯！直得一提係三文魚上的蟹子，好新鮮食落好爽。另外點了個台灣風味牛肉千層麵，制作時間約15-20分鐘，呢個真係有驚喜！有少少台灣牛肉麵果種麻香味，但又唔會辣，千層麵唔會焗到太乾或太濕，而且有咬口，真係好啱我口味。芝士份量亦足夠。出面有啲舖頭用兩三層就算，呢到有五六層，好足料。原本好細食既我都食左好多下次想試下個台灣牛肉意粉，好期待呢！

今晚去朋友返工附近食晚飯 朋友介紹去食呢間🥰🥰 環境真係大有驚喜🤩 餐廳環境好大 好舒適明亮 主要分為室內室外區見天氣咁凍🥶都係坐返入室內區先 -餐廳食物款式主要以西式 crossover港式食物 好有創意💖💖最期待就係佢地嘅拉花熱飲😍 唔係咖啡都可以拉花 見到靚靚拉花超開心😍-🍝台灣風味牛肉千層麵 $148表面有好多芝士 焗到好香噴噴🤩 食落辣辣地 有啲似川菜嘅麻辣味道好惹味😋😋 一層層嘅麵 口感勁豐富🤓-🐷威士忌糖漿豬排配薯泥焦糖蘋果 $168食完辣辣地嘅食物 食返啲甜野先豬排用了威士忌去炮製 肉質好軟腍 配上香甜嘅糖漿及焦糖蘋果 感覺唔會好油膩☺️☺️ 薯泥質感好香滑 細密😋 不知不覺食晒咁滯😁 -🐥水牛城雞中翼（6隻）$78本身想食芝士磨菇雞翼 但太受歡迎已經賣晒啦😳呢款雞翼 味道辣辣地 雞翼好入味 但唔會太鹹👍🏻 表面灑上芝麻 賣相不錯👍🏻-🍫多明尼加朱古力奶（熱）$48用咗來自多明尼加嘅朱古力粉泡製而成廚師好有心思 拉咗一隻好靚嘅獨角馬🦄 奶泡好細密 拉花圖案做得好仔細😍😍 朱古力奶味道濃郁 帶有少少可可嘅苦味 但較易入口😋😋 -🍵焙茶鮮奶 （熱）$78一端枱已經聞到好香嘅焙茶

星期一到五繁忙嘅觀塘係weekend,原來都可以咁chill仲要係dog friendly停車場泊完車，一上去就係十分方便有寵物就去outdoor 位置十分空曠，依家天氣唔太熱，有風柴大爺坐得幾舒服可惜冇pet menu先黎飲品(左）莫卡咖啡 $53(右）加倍情濃 $47白酒奶油三文魚意粉 $108份量正常酒味香，三文魚煎得脆有蟹子，重芝士味台北燉牛肉意粉(微辛）$108重口味小小有亞洲風味嘅一個西方菜肉多過意粉肉醬最出色，個辣有麻

呢間餐廳係觀塘碼頭附近既商廈入面 空間感十足小食叫咗個Buffalo Wings 一份有5隻都大大隻嫁 個外皮幾脆口 個buffalo醬唔算好辣唔太食得辣既朋友都可以試下 蕃茄醬雞肉長通粉 呢個份量都幾足 雞肉有兩三大舊嫁都 個汁調味得好好👍🏻👍🏻👍🏻 Carbonara~ 同朋友一致覺得全晚最出色係呢個 啲煙肉同火腿勁香 啲汁都好濃厚 係個種比較正宗唔係落好多cream既carbonara!! 啲意粉口感都好好 絕對推介呢個意粉！！😋😋 火龍果smoothie~ 濃濃既火龍果味又唔會好滯～ 呢個係龍眼蜂蜜氣酒 飲落似係甜甜地既啤酒 都幾得意 應該係本地釀造既🤩🤩🤩 推介👍🏻👍🏻👍🏻