Lex Coffee (已結業)

想黎呢間藝術風cafe好耐😍😍cafe環境闊落舒服，每一個角落都經過精心設計，有唔同既藝術品～～食物質素都好好，同朋友黎食晚飯好enjoy❤️❤️🥩招牌安格斯高級肉眼牛扒(10oz) $218✨牛扒order左5成熟，煎得啱啱好！！食落牛油味好香，油脂分布均勻，夠哂肥美😋😋蘸少少紅酒汁食都好match～～伴碟有烤蒜🧄、薯條🍟同沙律🥗烤蒜味道好香，啱哂重口味人士🙆🏻‍♀️🙆🏻‍♀️🍝虎蝦意粉 $178✨擺盤好靚，好有藝術感🤩🤩意粉口感煙韌，用新鮮蕃茄醬煮過，味道濃郁！！虎蝦亦都好彈牙，推介👍🏻👍🏻🍫海鹽朱古力香蕉冰雪世界 $68✨朱古力味好突出！海鹽更加帶出到香蕉甜味💕💕口感好滑，好順口😋😋☕️意式提拉米蘇 $78✨果然係招牌甜品，幾乎每一枱都有order～～蛋糕好軟綿，有咖啡酒香☕️☕️忌廉質地輕盈，一d都唔膩！推介大家試試🥰🥰

今日同一家大細試呢間餐廳叫咗四個主菜一個甜品總共九百零蚊買單牛扒好抵食$218好大份 龍蝦意大利飯同🐯蝦意大利粉very good 全日早餐就冇乜驚喜但都可以嘅呢間嘢一定唔會再來 佢可以話差唔多冇Service嗰位姐姐仔冇笑容非常冷漠好似爭距好多錢咁叫佢加水佢完全唔會俾反應你不過佢都會做嘅雖然佢嘅價錢唔係話真係非常非常之貴但係咁嘅服務質素我唔會再嚟 之前已經有食評話佢哋啲侍應係好冷漠嘅 諗住網上食評都可能係個別事件姐但係真係深深感受其實佢所有嘢都唔錯唯獨是服務態度真係好差食飯食到冇心情 間餐廳幾有藝術幾靚都冇用啦

💁🏻‍♀入左去西環覓食，真係好少去西環，地方細細估唔到都搵到高質西餐廳！無論裝修及食物都唔錯，店員都幾有禮貌，而且食物賣相夠晒吸精先係重點呀！🙌🏻🥰以下係詳細嘅食評..▫️招牌安格斯高級肉眼牛扒⭐️ 強烈推介⭐️不愧為招牌菜！味道有驚喜，order左5成熟，肉質剛剛好，唔會over cook，仲好鮮嫩!10oz嘅牛扒份量好足，牛扒幾有牛脂香味，油花不俗，肉汁仲保持到～而且原焗蒜頭同薯角都好好味，令成碟菜式更加加分，另外紅酒汁唔會太濃搶左牛肉味，整體都唔錯.▫️Tiramisu⭐️ 強烈推介⭐️ 又一推介！以Tiramisu一貫傳統作法，利用咖啡同冧酒淋落手指餅上，既濕潤又軟滑，充滿可可粉，同芝士味，忍唔住一口接一口食晒，都幾高質.▫️龍蝦意大利飯($198)值得一讚既係廚師超級細心地將龍蝦拆左肉，令食客食起上黎唔會好麻煩，龍蝦質尚算爽嫩，而且龍蝦頭仲有幾多膏，咸香得黎令意大利飯更加再昇華整體都不俗的

餐廳採用落地大玻璃，擺咗好多畫作同收藏，樓底好高，食物價格較高，食物選擇唔算多，但係平均水準唔錯❃ 招牌安格斯高級肉眼牛扒 $218要咗七成熟，牛扒份量十足，上枱時已經聞到好香切開依然帶有粉紅色，口感軟冧多肉汁，牛扒嘅部位係帶有肥膏，所以油脂感十足，食多幾舊就會有啲膩配菜薯仔有口感，蒜頭亦烤得香軟～❃ 溫泉蛋卡邦尼扁意粉 $158蛋唔算好流心，裝飾嗰塊烤煙肉好香脆意粉唔算多汁，剛剛好夠掛到麵條，味道不過不失都係之前食過嘅龍蝦意大利飯好食啲！

糅合古典與與當代藝術，fine dining 與coffee shop結合的餐廳，坐落在西環其中一個角落☕️這間以藝術打印咖啡作招徠的地方，加上濃厚的文藝氣息，長期吸引不少青春少艾、俊男美女前來打卡～～環境🌴具英倫風的設計概念🇬🇧：寬敞的落地玻璃，黑色的門框，都是外國常見的建築特色；內裡主要用金黃色作主色，包括牆身、廚櫃、吊燈等，感覺非常華麗💁🏻餐廳內部的左手邊差不多放滿了不同款式、主要是美國知名藝術家Kaws的藝術作品，其中一款就是很多人都見過，但又講不出作品名字的米芝蓮車胎人，令人眼界大開👀同時，木櫃放滿了林林總總的玻璃瓶、滑板🛹、毛公仔🧸、杯具等；餐廳的右手邊，則掛有不同種類的圖畫🖼食物🥟提供不少fine dining 食品，它的前菜、主菜或甜品均很有特色；餐廳更有名的，是它的藝術打印咖啡。不過我們去的當日，很多飲品均沒有供應，包括打印咖啡，令今次行程留下遺憾😥😞1. 慢煮西班牙八爪魚🐙（$78）🔸 八爪魚口感煙韌不難咬，而且鮮味十足，配車厘茄、橄欖及淋上蒜蓉汁，味道香口😋2. 蟹肉蟹籽芒果沙律🥗（$128）🔸 豐富的芒果肉及蟹籽，淋上柚子醋，再配以火箭菜及紫椰菜，感覺很fresh

這裡有Edan的Fans嗎？•͈⌔•͈⑅作為爵屎的朋友為了見到印有Edan的拉花，專程而來˃᷄˶˶̫˶˂᷅-招牌安格斯高級肉眼扒 $218肉眼扒厚厚一大塊，配料有焗蒜🧄、薯角，調味可以再多d😌不過健康就真。-慢煮四支骨羊架配紫薯蓉 $238慢煮嘅紐西蘭羊架，質感軟嫩可口，調味偏健康🙂加上紫薯蓉好特別。-Tiramisu $68呢度嘅signature之一，咖啡同酒嘅份量都相宜，唔會搶味。-藝術打印朱古力 $88只要將你想嘅一張相send比店員，就可以將張相整做拉花啦🥳真係好有趣🌟而身為爵屎嘅朋友就印左edan個樣上去😆

今日係中環同朋友食完午飯之後，想找個地方靜靜地溫一溫書，因為細個係堅尼地城住過一段時間，記得附近都係一些菜館和茶餐廳多 ，但近幾年自從多左外國人住同埋開左地鐵之後，多左好多西餐和咖啡店，所以揀左西環係一個咖啡店溫書， 順便重回舊地懷緬一番。最後揀左網上正評很多的Lex Coffee。地點好方便找，就在堅尼地城地鐵上行幾分鐘就到。餐廳的其一賣點應該就是充滿藝術氣息的環境。牆上掛滿畫和藝術品，特高的樓底。我一走進門口，店員就出來招呼，並提示平日的用餐時間是90分鐘。我來到的是平日的中午，只有兩三枱客，我在想為甚麼還要限制用餐時間。最後選擇了門邊的位置，好讓可以靜靜地欣賞餐廳的環境。因為已經吃過午餐的關係，我只打算叫一杯飲品，見到一杯雪橙冰紅茶吸引了我。店員送上來的時候一壺茶，一個杯裝著冰和橙片。店員提到可以先享用熱茶，兩分鐘再倒落冰當凍飲。一次過體驗兩種飲法是後特別。加上是用上black tea 再加上橙的微酸，很提神又清新。總括來說，環境是舒適，有格調，飲品亦是有特色，但一杯飲品價錢是86元（有加一服務費），而且限制了用餐時間，性價比不高。

看了網上十分推介此coffee shop，決定一試。裝修有格調，枱與枱之間有足夠空間讓顧客愉快地進餐，亦乎合防疫需要。想要讚的是他們的服務。從進門口安排座位到介紹食物飲料，及主動詢問是否需要幫忙拍照等，都感到他們很有heart. 食物及飲品選擇也很好。值得推介。

唔好笑我，雖然在港島住了15年，就係冇去過堅尼地城Kennedy Town。原來KTown 好多美食，今次朋友帶我來食好嘢👏🏻Lex Coffee 蟹肉蟹子芒果沙律Crab Meat and Crab Roe Mango Salad $128.沙律菜配上一絲絲蟹肉和一粒粒橙紅色嘅蟹子，加上橙黃色嘅鮮芒果粒，酸酸甜甜口味清新。虎蝦意粉Tiger Prawn Linguine in tomato sauce $178.意粉軟硬適中，蕃茄味香濃，虎蝦肉質飽滿鮮味十足，肉質爽口彈牙。美味可口。意式提拉米蘇Tiramisu $78.酒香味和咖啡味拿捏得恰當好處，不會過濃，也不會過淡。咖啡味中滲出淡淡酒香和奶香，大滿足啊！玫瑰洛神花茶Rose Hibiscus Sabdariffa Tea$58.酒紅色的已令人心醉，花香味令人精神放鬆。令人身心舒暢。雪橙冰紅茶Blood Orange Iced Black Tea$78.此茶可冷熱兩飲，加冰香橙味濃郁，熱飲又別有一番風味。

友人是九龍區人，甚少到堅尼地城，今晚專登帶她來逛逛，順道食晚飯。堅尼地城自從地鐵開通後，各式各樣的食肆應運而生,選擇多。友人見呢間餐廳好有英倫風格，便要試一下。樓底高，感覺好舒服。蟹肉芒果沙律清新健怡的沙律。蟹肉蟹籽都幾夠份量。虎蝦意大利麵意大利麵的味道好和諧，軟硬度適中。虎蝦質感又爽又彈，滋味。雪橙冰紅茶嚐過熱飲，重點有橙香。凍飲就清涼味美。Tiramisu酒味，咖啡味香濃顯著，綿滑口感，停不了。

好幾次經過這間店，位於堅尼地城街角，玻璃的門面看到入面寬敞的環境和充滿藝術的氣息，掛滿奈良美智的作品，是curator k11 musea的姐妹店，一直都想入去試試慢煮西班牙八爪魚$78 香氣撲鼻， 柔軟的八爪魚肉，用了洋蔥碎、蒜蓉、香草、胡椒等調味， 還加入橄欖和蕃茄仔，味道和口感都十分豐富，好味不能再挑剔安格斯高級肉眼扒$218，厚身，五成熟，有豐富的肉汁，不過偶然吃到筋，最喜歡的是上面放了半個烤香的蒜頭，非常道地的義式料理，配牛排食好味到難以抗拒厚切吞拿魚三文魚籽菠菜汁意大利飯$168既清新又唔膩，旁邊清甜的芒果和鹹香的三文魚籽偶爾刺激味蕾，令意大利飯不再單調這裏的 Tiramisu$78真的要食，不是一杯杯在雪櫃做好的，而是新鮮即做，把用咖啡酒浸淋的手指餅上再淋上 mascarpone cheese 和朱古力粉，甜得嚟唔漏，不過個人更喜歡重酒味的

bookmark左lex cafe 已經好耐，為左呢杯打印咖啡同tiramisu😍 驚喜既係食物都好岀色，雖然價錢比較貴，但質素真係幾唔錯~-🍝波士頓龍蝦意大利麵 ($198/ lunch set)☕️Flat white (+$15)🥩招牌安格斯高級肉眼牛扒 ($218)☕️藝術打印咖啡 ($88)🍮意式提拉米蘇 ($68)-Lunch套餐可以揀是日濃湯配十穀麵包或都沙律🥗 好少食沙律既我就揀左薯仔煙肉湯，好濃稠好好味😋波士頓龍蝦意大利麵係蕃茄忌廉汁扁意粉，creamy得黎帶啲蕃茄既酸甜味，好惹味好正，加上龍蝦夠新鮮爽口彈牙，仲有蝦膏！！肉眼扒燒到係啱啱好，揀左medium well，外面燒到微香脆，個肉汁仲可以鎖住係入面，食到juicy既牛扒～提拉米蘇既做法同觀塘一間cafe好相似，諗緊佢地係咪同一間但唔同名🤣 2層用左浸完espresso同咖啡酒既手指餅，加上個mascarpone cheese 係整到比岀面再creamy同滑啲，加埋可可粉，成個味道係無懈可擊打印咖啡可以選擇自己鍾意嘅圖片，鍾意用自己個樣都得🤣 然後嗰base係凍咖啡又或者凍朱古力～ 我印左minion 勁得意，完全

呢間Cafe裝修唔錯，樓底高加上有落地嘅玻璃窗，空間感充足，感覺幾舒服。.佢哋嘅藝術打印咖啡有得俾客人自己揀相或者圖片，即場airdrop俾店員，就可以印喺咖啡(或者朱古力)上面🤩我梗係揀我最愛嘅肥桃😍真係好可愛😍雖然要$88一杯認真係唔平嘅，但係真係幾過癮😛藝術打印咖啡上面嘅圖案其實係好濃厚嘅奶泡，所以杯咖啡整體飲落會好重奶味😚男朋友杯朱古力特飲好濃郁，就係一杯好飲嘅凍朱🥰跟住我哋仲嗌多咗個雜莓朱古力冰塊配熱牛奶($68)，每次記得到少少熱牛奶落去就夠，都幾特別，朱古力味濃郁之餘又有少少莓味。.食物方面，我哋叫咗一份羊架同呢到好似幾出名嘅Tiramisu試吓。慢煮羊架肉質軟嫩，唔錯😆Tiramisu個樣望落唔錯。食落就幾濕潤，酒味同咖啡味都唔算好濃。

呢間西環CAFE 出名靚 而且食物都好高質 好值得一去再去同朋友來影相打卡真係好正蟹肉蟹子芒果沙律-好多蟹肉蟹子加上芒果的甜甜酸酸 非常開胃夢幻早餐 -就咁睇已經覺得好多料的all day breakfast  有toast 蛋 芝士腸 沙律 菠蘿 蕃茄仔其實下面仲有個大啡菇同茄汁豆超級豐富 食完都好飽好滿足慢煮三文魚扒- 呢個係估唔到煮得咁好 魚皮香脆 入面仲煮得好嫩滑 充滿肉汁 好鮮味 加埋side dish的蔬菜同sauce 1d都唔油膩 洋甘菊柚子茶-呢個茶就比較普通 唔係好覺柚子味 是日蛋糕-竹炭抹茶蛋糕- 抹茶mousse cake 都幾滑有茶香 唔會太甜加埋一球vanilla 雪糕食 味道豐富

去呢間咖啡店最大原因係想print 姜姜的樣子在咖啡面上本身打印咖啡最基本係梵高嘅星空畫面，如果想打印自己想要嘅畫面，需要加錢，畫面算高質，本身打印咖啡唔係太便宜，所以可以偶一為之，但感覺都得意，未到有兩個選擇，朱古力同埋Latte，味道都幾好飲，另外嗌左雪糕Waffle同埋法式燉蛋，法式燉蛋夠嫩滑，蛋味夠重，雪糕窩夫上枱時窩夫還是熱的，所以雪糕嘅用法速度較快，窩夫邊是脆口的，有三塊，都夠飽肚，雪糕係用Moverpick, 啱我口胃。餐廳樓底較高，所以都唔係太應聲，係吹水嘅一個好選擇。