Linguini Fini (已結業)

Three of us came to dine in this restaurant after hearing some nice reviews. We have made reservations at 8pm, but the restaurant was quite full on a Saturday night, so we still waited for another 10-15 mins for the table.The restaurant has a really nice dinning atmosphere, good for having meals with friends as seats are quite comfortable as well.Pizza: 💛💛💛💛Size is MASSIVE compare to a lot of western restaurant in HK, and it tasted quite good as well! Its a real Italian restaurant, that provides

一個類似中菜羹嘅Pepperoni Pizza Zuppa雖然個賣相唔太好咁，但食落幾好食，又唔會話太咸都要嗌返個主食，Fettuce Funghi影落好似好細碟咁，其實份量ok😂好重菇味

意式菜你可能食得多，但港式意菜真心少見 仲要係咁經典既避風塘配料！本身都驚伏，畢竟避風塘要整得好真係唔容易，都考廚師手勢同功夫，但意外地，真係做得唔錯 Typhoon Shelter Crab Linguini Fini $179/1LF 意粉就不嬲出名啦，Homemade、爽口彈牙、新鮮呢啲都係基本，但鋪埋陣避風塘配料上去，成件事就更出色 配下新鮮蟹、香口辣椒、炒靚左既黑豆、爆香左既大蒜同搭少少葱油真係好好食 雖然係港式意菜，但佢仲保留左意大利既特色放啲 Gremolata 係面（即係用巴西里、大蒜、檸檬皮絲同橄欖油整成既醬汁)真係好正，誠心推介大家去食 

意菜食得多，但經典意菜就唔係度度都有。呢間餐廳雖然只係我第一次幫襯，但呢度啲菜式真係夠哂地道、夠哂「意大利」！ Meatball Parm Sandwich | $180/1一道我絕對無法抗拒既美式意大利經典料理！如果你第一次食意菜，呢款都係入門既唔錯選擇 意式肉丸係由牛肉同豬肉製成。呢間餐廳做得優勝既地方就係在於，你一食入口就知道原材料上承。牛肉保持到肉丸既新鮮嫩滑，而豬肉就可以令到肉丸咬入口啖啖肉，好 juicy。配上洋蔥碎，口感十足。除左豐富既口感，當然仲要加上蕃茄醬同埋少少白酒嚟吊一吊個味，鋪埋芝士，令到味道再上升一個層次，成功做到烤熟既肉魚依然多汁，抵讚！（最鍾意佢隔離配埋個薯條 ） Pork Milanese | $189/1新鮮豬排再 yum 啲蛋汁，煎香兩邊嚟食，而家望都流口水 雖然煎香左，但肉汁依然保在到，肉質非常鮮嫩，呢個都係我其中一個非常喜歡既菜式。除左食物之外，最 buy 呢度一個地方就係環境好夠 chill，靚得嚟又乾淨真係加唔少分。聽講呢間餐廳意粉特別出名，雖然今次冇嗌到，下次一定會幫襯試試佢 

天氣放晴！連日落暴雨真係冇哂心機出去玩、出去食好野，難得終於見到個地下係乾既，個天係藍既，梗係要出去行街食飯覓好西 呢間餐廳其實一直都係我 To-Go-List 到，一嚟出名，二嚟我都想試下意式菜，既然撞正我有 day off 天氣又好，就嚟試試先 如果你嗌呢碟送係 expect 想食蕃茄醬個種酸甜，咁就錯啦！因為佢呢款係加左 Vodka 落去中和左個陣味，呢種醬好罕有，你平時出去食其他意式餐廳都未必會見到。醬入面仲有落 'nduja 個種意大利肉腸，個口感層次又升左一級。如果你未試過呢種醬，真係值得一試。話明豪華午餐，就梗係唔會剩係嗌個意粉咁少啦。太耐冇出嚟食好野，食晏都要嗌 steak 食先！Dry rubbed 嚟講佢真係算高質，肉汁依然鎖死係到，肉質唔會話唔鮮嫩變「鞋」咁樣。佢個醬話就話叫「焦糖洋蔥蛋黃醬」，但其實唔係真係落焦塘落去整，而係落洋蔥、橄欖油同埋最緊要既一樣野 --- 耐性！因為個廚要用橄欖油去慢炒洋蔥，過程係足足需時成 45 至 60 分鐘。洋蔥就會由開始個陣既爽脆，之後慢慢變軟…需要經過廚師不停咁樣慢炒，如果唔係就會可以燶。最後炒到收乾哂所有水份、變左金黃色先算

通常簡餐廳個陣都係諗，嗯… 食西式日式定中式好？但如果我想食西式、意式、或者意粉既時候，係我腦海浮現既第一間餐廳一定係呢間。意粉新鮮不在話下，最緊要個環境同個服務都係令人好滿意、好舒適。蒜蓉包迷你肉丸 $59/1好開胃嘅前菜！帶少少甜酸既蕃茄醬配上佢新鮮既肉丸真係好 appetizing，佢個蒜蓉包烘得剛剛好，唔會太硬或者太軟，岩岩夠脆卜卜，加上蒜香同個肉丸，真係想嗌多碟。但連埋個意粉食既話，呢個 starter 都幾飽，先唔好貪心，食埋個意粉先講！奶油芝士意大利闊條麵 $159/1Parmensan 芝士加上鮮奶油，落少少鹽同黑椒整成既醬汁，再加上佢個意大利闊條麵，就咁睇你都知佢好食！個廚明顯係用足時間煮，因為你可以食到每一條麵都有好濃既奶醬！鋪埋個炸雞係麵，呢道菜真心冇得彈 炸得岩岩好，夠咸香夠乾身，但肉汁都依然保存到係到，肉質都係滑身嫩口個下好。大概以後，我每次想食意粉個陣都會諗起呢間野！希望佢地水準可以一直維持落去 

We were a party of 6 on a Friday night. We arrived at 7:30pm and we didn't leave till 10:00pm. The food took forever and when we followed up with the waitress, she howled at us and told us 'It's coming!' (without even checking the kitchen). We ordered 4 starters, 1 pizza and 3 pastas. The buffalo wings came out with steam, which suggested that it was just microwaved. The pastas all tasted the same. The only redeeming part of the meal was probably the pizza. 

美式西餐食得多，意菜就真係比較少食。通常食西餐都唔會期望會抵食，最緊要就係講求服務、食物質素。但不得不讚既係呢間真係抵食，份量大，但重量既同時亦都重質。首先嗌左呢款 White Gold Bars 打一打個底，其實即係炸芝士條 (Mozzarella)，但佢成功做到既係，口感唔肥唔膩。口感好鬼煙韌，沾埋佢個 Marinara Sauce 真係好食到不得了。跟住再嗌左呢個過癮既「咸蛋黃炸雞」!呢間餐廳雖然係一間美式意菜，但佢地有融入港式元素，成件事大大加分，其中咁多款我就嗌左呢個咸蛋黃炸雞，由鹹蛋黃、烤大蒜、香脆牛至加上檸檬同醃辣椒去烹調，非常惹味！最後，亦都係我覺得最好食既一味送，就係呢個 dry rubbed hanger steak。肉質好就固然係，口感肉香嫩滑，真係想嗌多碟食食佢。但成道送最值得 highlight 既地方係佢個個醬，我特別鍾意，同街既食落有啲唔同，好香口真係。呢個有齊平時西餐廳應該具備有既服務、環境同高質素食物之外，最緊要係佢抵食，個份量真係好足！

I am in love with Linguini Fini's Typhoon Shelter pasta and I think everybody in this world should give it a try. It's made of their homemade Linguini Fini pasta and cooked in pickled chili and crab meat with spring onions, black beans and garlic. It's a step away from the typical tomato or cream based pasta but it's so good and new that you'd ask yourself "Why didn't I have this sooner?"

久違好耐冇出街食過飯啦真係，日日都係頹飯真係好厭。係 openrice 搵到呢間好似唔錯，望落好鬼吸引。嗌個迷你肉丸做個開胃菜先！濃郁既蕃茄醬汁都都依然蓋唔住肉質既鮮甜，搭多個烘得岩岩好既蒜容包真係非常開胃 啲肉咁靚就唔執輸繼續食食食！嗌左呢個水牛雞翼，炸得非常香脆，聞到都已經流哂口水，沾埋佢個 cream sauce 真係好好食 薄切牛肉配上芝麻醬同蛋黃醬，真係好食到震，如果你鍾意食上面個款，呢個你都一定鍾意。環境好好feel，價錢嚟講好公道，大份、靚景、有服務，抵試。

呢間餐廳坐落係蘇豪區，撞正星期六，人流自然唔會少，好不熱鬧。但一個人食飯，你懂的，係容易搵位啲。之前聽同事講話呢間餐廳有啲好過癮既港式意菜，例如有咩咸蛋炸雞呀…叉燒意粉個類野，醒起就兜落嚟試一試佢。本身已經 mark 好左要試叉燒咖啦，但同事冇話我知有避風塘意粉喎！！！一個激動好鬼想試就嗌左個意粉同埋一個 starter。車厘茄呢，如果你調味做得唔好，同埋本身返貨就唔新鮮既話呢，你係好容易食得多就會有陣澀味。呢款就冇呢個問題，你望到舊芝士幾大舊，都唔駛多講。好新鮮好甜好多汁，好好食唔係講笑。最期待既畫面出現啦！就係想試呢個，意粉 + 螃蟹 + 醃過既辣椒 + 黑豆 + 蒜蓉 = 冇得輸佢真係做到避風塘個陣味出嚟，好鍾意佢個 dressing。佢乾身得嚟又唔會太乾，仲保留到意粉個陣新鮮。鍾意食中式野既呢個實岩你。食晏食到自己鍾意既野，侍應對你服務又幾周到，有個靚既乾淨既環境，成日流流長，心情都好啲。

要是一大群朋友聚會，通常為了迎合朋友的口味，總是會選擇放題吧？雖然這次用膳並非朋友聚會，但試食過後感覺要是一大群朋友來光顧，會是一個不錯的選擇。一來，他們家雖然是美式意菜，可是他們有融入一些港式風格。讓喜歡吃中菜的朋友也有想光顧的意欲。例如他們會有這款避風塘意粉：非常有趣，看圖上的調味料就知道是避風塘炒蟹那款吧？抱著「加上意粉會是怎麼樣的滋味？」的想法，嘗試了一口，這配搭意外地不錯！他們家的意粉據說是自家製，所以很新鮮。感覺不太喜歡吃西菜的朋友，也會喜歡這一道菜。另外是這款炸雞，這款炸雞是特別之處是在於他們用咸蛋醃製。還沒放進口，就可以嗅到陣陣咸香味道。要是你像我一樣喜歡濃味，也是一名「食肉獸」的話，這道菜你肯定會喜歡。最後肯定是要搭上一款甜品的，沒什麼特別，好吃。除了食物的選擇外，原因是，二來，他們這環境很不錯。熱鬧，可是不會太吵。而且裝潢格調很高，很適合朋友聚會。三來，要是朋友都在做文職，在港島這邊位置也真的是很方便。而且這邊侍應服務很好，所以性價比很高，抵食。

專程嚟呢度就係想食海鮮意粉既！因為聽講意粉好新鮮，就唔似話 Dried Pasta 咁，相對地就會彈牙好多。本身對呢啲野就比較講究，你知啦出面街太平就有可能中伏。呢個價錢公道得嚟，性價比仲高！因為係海鮮意粉，佢海鮮真係落得好足料，大大份好似唔駛錢咁。佢原材料本身新鮮固然重要，但調味絕對係重點！好香佢呢個意粉陣味，用左辣辣地既蕃茄醬，食落好惹味。兩條友剩係食個意粉固然就唔夠啦，但落單個陣位服務員就話而家嗌左個意粉可以免費享用佢地個 Lunch Buffet！咁抵既就梗係唔執輸啦，佢有新鮮生果同沙津，拿嚟打一打個底就實冇死。（啲生果好甜！兩個男人就咁都係唔夠既，就再嗌左多個 Homegrown Verdure Mista佢個車厘茄好 Juicy，你會食得出好鬼新鮮真係。我覺得呢度除左好食之外，最緊要係真係抵食。係蘇豪區你可以食個晏，嗌左個意粉之後就有個 Lunch Buffet 比你真係抵到爛。係繁忙既午膳時間侍應服務態度都咁好就更加係難能可貴，下次一定會返兜！

一支公係伊利近街行嚟行去想搵間晏食下本身諗住食餐頹飯就算 但行過呢間見到覺得好過癮又有咩避風塘意粉 又有個啲咸蛋、黃金蝦配料整既炸雞但明明係間意式菜 就決定入去試一試！一嚟就相中左呢個叉燒 Carbonara第一次試呢種意式菜 梗係試個穩陣既Carbonana 就一定安全啦點知唔係穩陣咁簡單 係真係好食！佢落左足料蛋黃落去 陣蛋味已經超級香再落左黑椒落去吊一吊個味 胃口即刻大增再搭雞肉同叉燒 好好好好好味！佢意粉好新鮮 你一食就會知係人手整唔係機整個種 十個好味！本身就咁嗌碟意粉就算 食完呢個覺得實在太好食想再 encore 但位侍應（好好禮貌）就話嗌左碟意粉既話就可以唔駛加錢咁有個 Lunch Buffet 送好抵！咁梗係食埋個 Buffet 先佢有好多新鮮既菜同埋生果 正好食完個意粉可以調和返 成件事好搭 ～

Came here for the pizzas which I heard from friends is true blue NYC-Italian good but ended up ordering totally different dishes off their interesting menu. Didn't regret it one bit. Turns out this place serves their homemade pasta. I had radiatore all vodka which was delicious and so was the strecetti di manzo. But the star of the show was their heavenly porchetta...what can I say I'm a carnivore.Will definitely come back for more of their pastas. I'm beginning to love this place.