Little Fresh Cafe & Bar

营业中

休息中

約左朋友去銅鑼灣睇戲，所以喺銅鑼灣附近搵食，上網揾到呢一間Cafe好評都幾多，所以一於試試佢😋餐廳唔算大但成個感覺好chill好舒服我同朋友order左2份lunch set Lunch set會包頭盤（可選湯或沙律），主菜及餐飲頭盤-雜菜湯配蒜蓉包🍲天氣咁凍🥶所以我同朋友都揀左湯，雜菜湯比較濃味，點蒜蓉包簡直絕配😋要特別讚即焗蒜蓉包，熱辣辣又好軟熟香煎肉眼扒配薯菜 🥩$118賣相靚，肉眼牛味濃再配埋個汁，好倉😋side dish好豐富，有西蘭花、翠玉瓜、車厘茄以及薯條，薯條超級好食，炸到好香口😋菠菜忌廉汁三文魚扁意粉 🍝$98份量超多🤣🤣我同朋友都兩個人食都食唔晒菠菜忌廉汁意粉十分掛汁，每一啖都食到汁同扁意粉，好食👍🏻👍🏻水牛城雞翼5隻 🍗$78雞翼炸到香口，加上醬汁，有少少辣又夠惹味，令人想食完一隻又一隻😋凍朱古力&熱檸水凍朱古力賣相好靚😍飲落超濃朱古力味🍫最後埋單2個人食左$298整體嚟講，餐廳環境舒服👍🏻食物質素高，價錢合理👍🏻lunch set抵食👍🏻推介大家嚟銅鑼灣可以試吓😋

百樂中心好多好野食18樓仲有間little fresh cafe&bar可以chill下 唔洗去地下啲bar☺️地方不算大但佈置乾淨企理有氣氛，檯與檯之間有一定距離，沒有逼夾感，令人有一種簡單舒服的感覺，係個適合同朋友暢所欲言嘅地方忌廉西蘭花湯配蒜蓉包清甜好飲，有淡淡西蘭花味，配上即叫即焗嘅新鮮蒜蓉包火魔醉蜆打卡又好味嘅一道菜蜆肉鮮甜，加上辣椒、蒜頭、牛油一齊爆香，超級惹味每隻蜆都渗有酒味而且份量不少，值得推介蟹肉明太子忌廉意大利麵擺盤好靚，未食已經聞到淡淡蟹香味，充滿期待蟹肉明太子份量非常足，每啖都可以食到，唔會食食吓得返意粉意粉汁配有香菇、洋蔥、香草等嘅配料，味道香濃而不膩，意粉軟硬適中，加上粒粒明太子，口感豐富有層次慢煮紐西蘭草飼肉眼扒肉眼扒經低溫慢煮，令肉汁不會流失，火喉控制得得宜，肉質嫩滑有牛味手打薯蓉香滑充滿牛油香，另外仲有粟米、翠玉瓜、西蘭花平衡返味道埋單時收到優惠碼B43889 ，用作訂座有9折優惠餐廳無論食物、環境、服務態度都非常好，我同朋友都非常滿意，值得再訪

星期四約左舊同事慶祝佢生日，去左銅鑼灣Little Fresh Cafe & Bar食lunch。我地各自揀個lunch set，包前菜、主菜、飲品。田園沙律大大兜，沙律菜唔會唔新鮮。是日餐湯係粟米忌廉湯，配有兩小塊蒜蓉法包，粟米湯味道濃郁，好飲。瑞士汁德國鹹豬手意粉鹹豬手已經切成一片片，方便進食，肉質軟腍，唔會過鹹，意粉滑身。慢煮三文魚扒配香蒜奶油汁三文魚煎得幾好，個汁唔錯，鍾意有唔少蔬菜伴碟，份量又足夠飽肚。飲品叫左凍美式咖啡同熱檸茶。

呢間黃店一直由旺角開始幫襯到銅鑼灣，雖然地方細又唔係靚裝，價錢亦冇話特別平，但食物質素（曾經）係的確唔錯的。直至最近兩次幫襯，都發現員工服務態度極差，以為自己係唔洗比錢嚟食飯。仲要出餐極慢（等足一個鐘都仲未上主菜）講緊現場都係得兩場客。叫左set杯餐飲又係等足成個鐘，要叫佢先識上嘅檸檬茶，咦檸檬茶冇檸檬嘅，呢個畫面似層相識（同百x百嘅咁似嘅）只能說再幫襯真係智商稅。

朋友聖誕節去咗呢間食就推介咗俾我，原來佢而家只要訂位嘅時候講優惠碼B439889，埋單就可以九折，冇訂位唔緊要，即場like 社交平台都可以平$10 ！🤩晚市套餐點咗田園沙律同餐湯紅菜頭雜菜湯各一，沙律菜新鮮爽口，好開胃，雜菜湯味道濃郁，配蒜蓉多士好味，主菜點咗慢煮法式香煎鮮鴨胸$218，鴨胸煮得好稔容易切開，慢煮可以完美鎖住啲肉汁，油脂感香溢，200蚊有呢個舌尖上既享受好正，鹹味醃得啱啱好，非常入味，連配菜薯蓉、西蘭花、蕃茄仔、豆角都好好食，媽子點左蕃茄忌廉汁蟹肉燴長通粉，一上枱都嚇親，份量好足夠，長通粉口感恰好，蟹肉同茄汁混合一齊，酸酸甜甜又惹味，另外小食點左白酒煮青口，大力推薦，白酒好香，青口大大隻連湯汁一啖咬落去超正，有煙肉同香草調味，最後甜品食埋檸檬撻，好好味，媽子平時唔食甜品都中意食，因為佢味道有層次，面頭有蛋白，檸檬皮點綴，整體嚟講餐廳嘅質素都好高，而且環境舒服，staff又有禮貌🥰

今日約朋友去食飯同行街🍽️1️⃣ 田園沙律🥗新鮮沙律菜配上酸酸甜甜的汁幾開胃2️⃣是日餐湯洋蔥湯配蒜蓉法包個湯清清地又有少許辣，而個包蒜味十足，又好脆，好味😋3️⃣ 24小時法式慢煮BABY PORK RIB肉質好soft，冇牙都食到😆用叉輕輕刮已經離骨，而煙燻醫汁味俾肉吸收曬～所以好入味🤤4️⃣ 紅酒慢燉牛面肉燴意大利飯牛肉好嫩滑、醬汁好濃郁，個飯不硬不軟剛剛好，而且掛滿曬汁，食到好爽😌🌟大優惠🌟‼️打電話訂位時講優惠Code：B43889 可享9折優惠‼️

上星期係銅鑼灣附近教完學生補習，覺得肚餓就周圍行吓，睇吓有咩好食，見到呢間西餐小店好似不錯。首先，套餐會提供田園沙律，新鮮嘅蔬菜搭配特製醬汁，加上蕃茄粒，每一口都充滿健康嘅滋味，絕對係一個清新開胃嘅選擇。🥗🥗🥗然後，我點左廚師十分推薦嘅24小時法式慢煮baby pork rib，真係感受到烹調的巧思，經過超長時間慢煮，令到肉質入口即化，非常入味，肉汁醇厚，每一口都充滿濃郁嘅風味。🥓🥓🥓朋友就點左法式香煎鮮鴨胸，鴨胸內嫩，搭配法式煎法保持了肉汁，加上特製醬汁調味，上面灑滿香草和黑椒，令人回味無窮。🦆🦆🦆最後，品嚐到他們的玫瑰拿鐵，飲落帶有淡淡花香的拿鐵，令人心情愉悅。奶泡柔軟順滑，咖啡香氣搭配玫瑰香味，具層次感。另外，朋友表示佢點嘅嘅果茶都好飲。🌹🌹🌹

今日去咗一間銅鑼灣樓上充滿人情味嘅小店💛呢度賣既都係手工、誠意西餐⭐️叫咗兩個套餐一個叫咗是日餐湯🥣另一個就叫咗田園沙律🥗今日嘅餐湯係洋蔥湯🧅配有熱辣辣脆卜卜嘅蒜蓉包🍞新鮮嘅蔬菜上邊有適量嘅黑醋、蕃茄粒，食落好開胃都好舒服👍🏻主菜係- 24小時法式慢煮BABY PORK RIBS 唔好睇小呢個豬肋骨- 係有煙熏嘅味道、煙燻嘅顏色、煙燻爐效果- 肉質喺爐中慢煮後至半融化，一咬就離骨，豬肉滲滿煙燻木香，厲害骨肉分離👍🏻唔使用刀叉都可以一次過食晒- 慢煮法式香煎鮮鴨胸🦆- 平時都好少食鴨胸，鴨胸肉既美味係黎至於脂肪皮層，熱鍋將豐腴的鴨油逼出，令到鴨皮脆口焦香～ 另外，鴨肉部份好多汁！！最後叫多杯餐飲，舒服晒🤲🏼

今日Happy Friday 約左同事出去食lunch, 揀左間係公司附近既餐廳，位於百樂中心樓上cafe餐廳唔算大，不過有景睇，好光猛，枱側邊有個掣可以叫人點餐/埋單，幾方便我同同事揀lunch set, 包前菜、主菜同飲品前菜我揀左粟米湯，睇落好似好稀，但味道好香濃，仲有粟米碎粒，配有蒜蓉包，幾香口朋友揀左田園沙律，沙律菜配黑醋幾開胃揀左兩款pasta都係用自製蕃茄醬，先講today special 香草雞肉扁麵 ，令人感覺眼前一亮，香草雞肉以法式慢煮因此非常嫩滑，扁麵處理也十分完美，硬度適中。由於雞肉表現出色，若然下次再嚟也會想試吓菠菜忌廉汁慢煮雞扒。另一款煙花女海鮮意粉亦十分有誠意，材料豐富有大蝦、蜆肉、魷魚，整體來講海鮮味道濃郁。意粉正好吸收醬汁當中精華，另有一番風味。飲品方面，我點了凍既芒果水果茶，裏面有蘋果粒，好fresh另一杯玫瑰奶茶拿鐵是頗有特色的飲品，暖苙苙最適合秋冬天日子。原來玫瑰香氣與香濃拿鐵是相當好的配搭。餐廳雖然較小，但不會感覺焗促，我哋坐近窗邊位置，感覺較為開揚。作為樓上cafe，不失為跟朋友小聚的小店。

今日朋友約我上這樓上餐廳吃晚餐，食完覺得又飽又滿意，值得推介和再訪。餐廳細細間，擺了六張枱左右，裝修簡約，音樂悠和，坐得舒服。餐牌介绍話店主有一次買外賣覺得很難食，所以決定自己開店，做一間提供有質素又美味食物的餐廳。店主相信只要用心去煮，客人會感受得到。我們叫了兩份晚餐。前菜可選餐湯或田園沙律，我們都選了粟米湯。粟米湯清甜開胃，有粟米茸增加纖維和口感。跟湯的蒜蓉包好味道，微熱。主菜我們選了today's special 油封鴨腿和12小時法式慢煑baby pork rib。油封鴨肶慢煑12小時，鴨肉微咸，肉質香軟有輕微煙燻味，點些芥辣吃更有風味。Baby pork rib的肉質都好嫩，醬汁酸甜微辣好夾味。配菜也出色豐富，有薯蓉，西蘭花，菇，車厘茄，豆角等，顯出店主用簡單靚食材用心製作美食給客人享用，我們尤其欣賞美味的手製薯蓉。餐凍奶茶和凍檸茶都不錯，有茶味，又大杯。下次訂位時，只要提供優惠code可享9折優惠，在店的社交平台 like and share，可獲贈$10優惠。靚女女店員服務態度很好，讚廚司專心煑美食，我和朋友都感受到，小店值得支持。

叫咗兩份套餐，先黎沙律菜，有好多唔同新鮮蔬菜，有蕃茄、火箭菜、山菜等等，醬料調配非常好味，香香酸酸，好開胃。餐湯放咗有好多唔同種類嘅蔬菜，配搭脆脆法國包啱晒。蕃茄忌廉汁蟹肉燴長通粉，非常滋味，開胃嘅蟹肉蕃茄醬汁，有茄香同蟹肉嘅香味，長通粉煮得硬度剛剛好，好彈牙，粉入邊填滿醬汁，可以大膽大膽食。24小時法式慢煮BABY PORK RIB，豬肋骨，經過全日慢煮，肉質鬆軟，易入口。碟上鋪滿薯蓉同蔬菜，健康配搭。 凍檸茶少冰少甜得，好大杯。

食過呢間嘅旺角分店好多次，覺得好好味之前都有寫過review，上個禮拜食完埋單嗰時話兩間餐廳都可以用promo code有10%Off，所以就約咗朋友去銅鑼灣分店就佢放工地點～—————————————————————📍 Little Fresh Cafe & Bar地址: 銅鑼灣耀華街3號百樂中心18樓1801室✍🏻/食評/◍ 紅酒慢燉牛面肉燴意大利飯 $198呢個義大利飯食得出用咗好多紅酒，雖然煮嘅過程中酒精都揮發得七七八八，但係都好重紅酒味，酸酸甜甜個人幾鍾意～慢燉牛面肉煮得好juicy好淋，成個飯份量偏多◍ 蕃茄忌廉汁蟹肉燴長通粉 $188長通粉煮得軟硬適中，蕃茄味濃但忌廉汁唔太重，蕃茄味偏高，蟹肉碎份量都唔少，個人認為呢個比起紅酒慢燉牛面肉味道冇咁濃，適合鍾意清淡啲嘅人士◍ 迷迭香芒果菠蘿沙冰 +$38 + Rose latte +$28迷迭香芒果菠蘿沙冰每次黎都會叫，職員上檯後都會點著rosemary令香味更突出，芒果加菠蘿比例啱啱好，好甜好好飲。Rose latte都幾大杯，latte飲得出有淡淡玫瑰味，表面厚厚奶泡好creamy！

在時代廣場背後的商業大廈樓上有一家小店以平民價錢炮製出有質素的法國菜🇫🇷能品嚐出廚師用心烹調的味道環境舒適 十分適🈴️與朋友閒聊🫕Daily Soup法式洋蔥湯味道香甜🧅順口沒有油膩感🐖12 Hours Sous Vide Baby Pork由於慢煮的關係十分容易切開肉跟骨一切分離🤤肉質嫩滑彈牙而且十分入味👍🏻值得一試✨✨🍝crab penne tomato cream sauce 蟹肉份量相當慷慨香濃蕃茄味道酸甜開胃🍅長通粉軟硬適中彈牙有口感🫖Lemon Peach Fruit Tea滿滿的水果壓榨而成🍋🍑新鮮同時果香味道突出🍹Lime Mint Soda酸味適中 青檸味道出眾十分清新 refreshing 🌱而家仲有好多優惠 CP值相當高✨相當吸引😆

我們最近造訪左位於銅鑼灣既一家Cafe，Cafe位於樓上，環境清靜舒適，提供左一個放鬆身心既場所。我們選擇左2份週末set lunch，有紅酒牛面肉煮意大利飯和慢煮豬肋骨配粟米薯蓉，並另外點了一份出名既火焰煮蜆。餐飲方面，品嘗左一杯玫瑰咖啡同一杯熱水果茶。值得一提的是，這裡的服務人員非常親切和健談。紅酒牛面肉煮意大利飯。牛面肉經過紅酒慢煮，肉質鮮嫩多汁，與意大利飯完美融合。這道菜口感豐富，讓我們在每一口中都能品味到牛肉的鮮美和紅酒的風味。到慢煮豬肋骨配粟米薯蓉。豬肉經過慢煮處理，肉質鮮嫩多汁，唔使用力咬到，都骨肉分離，同濃郁既粟米薯蓉完美結合，薯蓉口感綿密，十分好味！除了set lunch，我們還點了一份出名既火焰煮蜆。服務人員在我們面前點燃了火焰，炮製這道菜品。喱道菜係成餐飯嘅一個大亮點，令人印象深刻！在飲品方面，品嚐了玫瑰咖啡和熱水果茶。玫瑰咖啡帶來迷人花香同淡淡甜味，有種浪漫既感覺。熱水果茶則帶來了清新的水果香氣，令人愉悅。最後，要強調一下喱家Cafe既服務員非常親切和健談，令我地好感受到熱情既款待。佢地亦好樂於回答我們既問題，並提供左一流既建議和建議，這種友好服務態度令我們有宾

Lunch hour係銅鑼灣搵位食飯都唔易，所以我地搵下樓上鋪，就發現呢間新開食物質素價錢好似唔錯。 Lunch set 都幾抵食，包餐湯同餐飲。今日餐湯係羅宋湯，側邊個餐包好食呀。我地每人叫左一個意粉。其中冬陰公係todays special，店員話每日限量得幾份。味道比起一般冬陰公湯甜少少同creamy。另外係波菜汁雞扒意粉，好香olive oil味。 銅鑼灣呢個價錢質素lunch我覺得唔錯，靜靜地坐下離開公司都好。下次想試佢d甜品。Corkage fee我地都問左$150，可以夜晚再黎。