Little Fresh Cafe & Bar

营业中

休息中

中午約了朋友食飯，要搵一個安靜舒服嘅環境，食下野傾下計，在開飯網找到一間小型法式餐廳，位於18樓，好骨緻的餐廳，有個靚女姐姐熱情招呼，安排在窗邊的位置，望到跑馬地馬場，視野開闊，一片綠色的樹林非常養眼。今日的午餐非常豐富有龍蝦蕃茄湯，田園沙律，廚師推介有俄羅斯牛柳飯，仲有幾個主食都是健康清新，三文魚扒配香草番茄汁最岩我。墻上兩部高清大電視播著電影，放著輕音樂， 等朋友時就可以睇下電視，聽下音樂，輕輕鬆鬆，悠然自得。注重健康的我們不約而同都揀了三文魚餐，我揀三文魚扒配薯條，朋友仔就揀左青瓜煙三文魚燴意粉。今日的湯非常出色，喺蕃茄龍蝦湯，仲有兩塊香脆蒜蓉包。田園沙律好新鮮， 最中意係有新鮮蕃茄同香草配搭。三文魚扒煎得香脆，裡面係鮮嫩多汁，薯條新鮮炸起，份量好大，點茄汁食超美味。青瓜三文魚意粉都好大碟，朋友仔都話好好食。 午餐價錢超實惠，兩個餐加埋只係＄166，仲包埋飲品。餐廳到了下午茶時間都係滿座，生意非常好，可見好受歡迎。下次約人食飯都會再揀哩度，性價比高，服務好食物正 。

Located in hectic CWB, Little fresh cafe and bar provided a cozy and welcoming ambiance, making it a great place to relax and enjoy a mealSaladThe salad is fresh and flavorful and the dressing is light and refreshing.French onion soupThe French onion soup is is rich and hearty, with a savory broth and perfectly caramelized onionsPan-fried Barramundi fillet with Gremolata sauceThe Barramundi fillet is cooked really well - crispy on the outside and tender on the inside. The Gremolata sauce adds a

一直都想試下呢間cafe，今日晏晝特登過嚟青瓜煙三文魚燴意大利扁麵($78) - 煙三文魚好香，意粉汁配有青爪、洋蔥、香草等嘅配料，味道香濃而不膩，扁意粉亦好好咬Today Special - 俄式酸忌廉牛肉飯($78) - 係好特別嘅菜式，喺其他地方未食過呢個味道，酸忌廉汁配磨菇、香草等香料好香好好食，珍珠米粒粒分明好好咬，牛肉又一絲絲，味道好之餘口感好有層次好豐富餐湯係羅宋湯，牛味好香，有好足料嘅雜菜，伴碟嘅蒜蓉包好香脆，熱辣辣沙律菜新鮮爽口，配橄欖油同辣粉食，味道都幾特別幾好食飲品點咗凍檸茶，茶濃之餘檸檬香好出，非常解渴環境舒適，座位闊落、乾淨同好坐，一邊有排大窗，望出去個景幾開揚，咁啱遇上藍天，感覺好心曠神怡，周圍嘅裝飾都幾用心餐牌好靚，聽店員講佢哋每兩個星期換一次lunch menu，今次試嘅款都好食，食得出餐廳嘅用心，份量亦足，好抵食，期待下次再嚟試其他嘢

之前光顧過油麻地店，是間誠意滿滿的小店。偶爾發現原來最近進駐了銅鑼灣，便相約朋友再度光顧。我們各點了一個set：**法式經典油封鴨髀 ($238)友人點了Today Special，鴨髀經過油封烹調，低溫慢煮的方式讓鴨肉的風味完美地保留下來，肉質輕輕一切就撥開了，咸度剛好，吃到鴨髀鮮香，酥軟美味。搭配上薯蓉、粟米和蘑菇，能中和一下味蕾。**蟹肉忌廉汁燴意大利飯 ($178)意大利飯的口感綿密，每一啖都充滿了新鮮蟹肉和濃郁忌廉汁的味道。整體恰到好處，不會過於黏膩。**前菜：洋蔥湯 / 田園沙律洋蔥湯味道甘甜，濃郁而不膩。蒜蓉多士十分香脆可口。沙律菜很新鮮，配上醬汁十分開胃。整體食物依舊高質，店員非常友善，店舖雖小，環境舒適，值得再去。

呢家店的氛圍好輕鬆，環境乾淨，而且裝修都好浪漫，同埋播左rnb風格的歌！前菜係是日餐湯同埋菜園沙律，湯係雜菜湯，味道較清淡但都好清甜，入面有好多雜菜粒粒。而菜園沙律味道啱啱好，唔會好膩，酸甜夠開胃。到主菜叫左四樣菜式，首先係拿破崙辣肉腸燴義大利麵，一上碟就有一陣芝士味，有少少辣粉，但又唔會好辣，面的熟度啱啱好，唔會好淋或者好硬，仲有加香腸片。然後係香草慢煮雞胸配迷迭香莎莎，雞胸肉我覺得煮得啱啱好，唔會好老都唔會生，加埋薯蓉好有奶香味，隔離仲有迷迭香番茄仔蘑菇做陪襯，賣相都夠靚。第三道係蟹肉忌廉汁意大利飯，啲飯口感不錯，好濃蟹肉味！第四道係Today Special—鴨胸肉，我地簡左七成熟，我覺得七成係啱啱好，軟硬度適中。到飲品方面，叫左芒果菠蘿沙冰、士多啤梨沙冰、蜜桃荔枝沙冰同埋檸檬蜜桃水果茶，芒果菠蘿沙冰既香草，店員會用火槍燒香草，令佢既香味更突出。整體黎講唔會太甜又有水果香。店員服務態度都唔錯，有機會會再黎！

餐廳由旺角分店開到嚟銅鑼灣🚝鋪面雖然細細地，但都坐得幾舒服😌午餐Set有蒜蓉包同餐湯，個湯又幾足料唔求其的🥣🥣酸忌廉牛柳飯🍋好好食，酸酸個味道好清新都好開野胃～另外啲肉質都唔錯👍🏻青瓜煙三文魚燴意大利扁面🍝好juicy夠多汁，煙三文魚都好香口，不知不覺就食曬😆同一座其他餐廳都$100💰💰一個lunch set, 呢到$80左右免加一，味道又幾好食，性價比算好唔錯👍🏻👍🏻👍🏻

喺銅鑼灣行到超級攰，想搵間餐廳慢慢坐下同埋食吓好嘢！誤打誤撞搵到呢間餐廳！六時正過嚟，職員都有細心咁介紹餐牌！✨頭盤：蒜蓉包即叫即整，而且熱辣辣！表皮香脆！中間充滿蒜蓉味！✨泡菜海鮮湯微辣，而且入邊都好多蔬菜！✨沙律沙律菜超級新鮮！而且蕃茄都幾鮮甜！我哋嗌咗2號4號餐✨法式香煎育鰽魚配檸檬香草汁鰽魚肉質結實之餘，都幾柔嫩！入邊一啲都唔乾，而且沒有魚腥味！下低有超級滑嘅薯蓉！牛油味非常重！薯蓉香滑，簡直有大師級水準！✨拿破崙辣肉腸燴意大利麵分量幾大，而且好多肉！意粉質地剛剛好唔會太硬或者太軟林林！份量味道來講，絕對對得住呢個價錢！飲品✨橙汁用高腳杯來品嚐橙汁，完全係夠晒氣派✨檸檬茶超級大杯，六月天氣熱辣辣，飲落口好爽

呢間餐廳喺旺角嗰陣時候都已經同朋友食過幾次，今日約朋友喺銅鑼灣，諗唔到食咩好，所以又再encore！餐廳座位都闊落，同朋友食飯傾偈都坐得好舒服。是日餐湯 -韓式泡菜海鮮湯佢嘅餐湯泡菜味濃郁，裏面仲有好多海鮮好足料。田園沙律田園沙律份量都幾多，沙律菜好新鮮。蟹肉忌廉汁燴意大利飯首先一讚嘅係佢意大利飯煮得啱啱好，帶少少口感唔會好淋，燴飯入面有唔少蟹肉同埋蘑菇，佢哋蟹肉係有炒過既，所以個香味會仲出啲。佢嘅忌廉味道豐富，除咗蘑菇外仲會加上洋蔥等等，食得出有心思。法式香煎盲鰽魚配檸檬香草汁香煎盲曹魚，魚皮煎到脆口，上面加上唔同嘅香料，令到更加香口味道有層次。魚質幼滑，配菜有驚喜，用上西式經典常見既椰菜仔（Brussel Sprouts）、蕃茄仔同埋薯蓉，睇得出廚師有心機配搭。橙汁 咖啡最後一讚，餐廳職員好sweet 好nice ❤️

今日同朋友去左銅鑼灣百樂中心嘅樓上西餐廳Little Fresh Cafe & Bar.我地一人叫左一個set dinner 再share食。Set配餐湯/沙律，今日餐湯係忌廉蜆湯，味道唔會太重，有微微嘅胡椒味，蜆肉冇沙或者腥味，唔錯~餐包暖熱，外脆內軟~沙律嘅菜都好新鮮，份量剛好，配上莎莎醬，有少少辣味，幾開胃！主菜其中一個叫左法式香煎盲鰽魚配檸檬香草汁。香煎盲鰽魚，外皮煎得好香脆，魚肉肉質嫰滑，幾有鮮味，配上檸檬香草汁食落好清新。薯蓉食到粒粒薯仔，燒蕃茄同忌廉汁煮菇好好食！另一個叫左蟹肉忌廉燴意大利飯， 份量都幾多，飯嘅軟硬度適中，食落啖啖都有蟹肉嘅香味。忌廉亦唔會過濃，食落都唔會好膩。而飲品一杯叫左iced cappuccino.咖啡味好香濃，而且店員好細心問要唔要cream同糖，值得一讚！另一杯叫左青檸薄荷梳打。薄荷份量好足，一飲就有好明顯嘅薄荷香！餐廳細細，幾安靜，如果想避開太多人嘅地方，靜靜地食餐飯係唔錯嘅選擇~

朋友食過旺角Little fresh cafe & bar ,話幾好食叫我一定要去試下，咁岩係銅鑼灣行街睇下附近有咩好食，見到嗰名咁熟🤣就係你啦 今日一定要試下❗️雖然係樓上鋪但環境都算舒適，坐位都算多，而且仲痴住黃豬poster😳大家記得多多支持下✨✨日餐湯是日餐湯洋蔥湯，洋蔥湯望落好清，飲落幾甜唔太苦澀，而且湯落左牛肉粒作調味，令到味道更香濃，蒜蓉包香脆但蒜味不夠突出。✨法式香煎盲鰽魚配檸檬香草汁果然係招牌菜色香味俱全，香煎盲鰽魚香脆可口，魚肉肥厚肉質鮮嫩多汁，份量都幾大，底層用左薯蓉及茄子作伴菜，整體出色！👅👍🏻✨蟹肉忌廉燴意大利飯燴飯濕潤度剛好不會太乾，飯粒飽滿，忌廉味香濃食落creamy ，蟹肉都多配埋蟹籽和洋蔥粒，食落更味道加豐富✨草莓水果茶 熱新鮮水果製作既水果茶，不過飲落有d 甜，建議可以問可否少甜。✨橙汁橙味香甜扑鼻，一點也不酸

星期六出開銅鑼灣行街 但又唔想係咁嘈吵的餐廳食飯 樓上Cafe 變左一個好選擇 百樂中心係我多次造訪的大廈 有好多唔同國家的菜式 今次決定食西餐💕六點鬆d比較早上去 避開少少食飯的人流 大約七點左右人客都陸續入座同朋友一個選左一個set 包前菜/Main 和飲品前菜： 沙律/餐湯沙律菜清新健康 配上沙律醋酸甜開胃法式洋蔥湯 （含牛肉成份）餐湯甚有驚喜 入口洋蔥味濃 帶有牛肉香味而不油膩 主食：紐西蘭天然放牧草飼PS肉眼扒餐廳可以選擇3/5/7 成煮法 我地選左5成肉質鮮嫩 色澤均勻 肉汁亦都保持到 配上蘑菇雜菜等伴碟更襯托返主菜肉眼的香濃口感蟹肉忌廉汁燴意大利飯係一個傳統的意大利飯配搭組合 火喉控制得唔錯 飯粒唔會過於淋糯 配上Creamy ge忌廉汁和彈牙的蟹籽粒 飽肚感十足最後配上兩杯餐飲可以俾客人慢慢飲住傾下計 係鬧市中的一點舒適

今日嚟咗銅鑼灣呢間樓上西餐廳食，結果都幾有驚喜。假日午市時間都有幾枱幫襯。Lunchtime set menu, 最平個餐係$168.另外都有圖文並茂嘅menu睇我同朋友一人叫咗一個set.是日餐湯係洋蔥湯，落咗牛肉熬，食到洋葱清甜得嚟又帶d肉香，而且個湯好清唔肥膩。蒜蓉包微微烤過，好鬆脆。朋友就點咗沙律前菜，上面落咗d莎莎醬，特別開胃。蟹肉忌廉汁意大利飯 ($178)第一啖食已經有驚喜，食到好鮮甜嘅蟹肉味，仲落咗飛魚籽。risotto 飯煮得啱啱好。法式香煎盲鰽魚配檸檬香草汁 ($218)賣相幾靚。個魚皮煎到好香脆，入面魚肉嫩滑有汁。魚肉下面係牛油雜菌同香滑薯蓉，仲有少少車厘茄伴碟。最後叫咗一人一杯americano作結

銅鑼灣分店新開張一個月，like 社交平台page可享減$10優惠是日Today's Special 係豬扒($208)，第一次食煮至7至8成熟嘅豬扒，中間仍見粉紅色肉質🙊 店員表示餐廳採用西班牙豬扒，煮至全熟會嚡口，有需要的話可再煮熟一點。豬扒肉質好嫩滑，蕃茄仔經酒漬醃製及慢焗，非常香甜，好好味！另外點咗香草慢煮雞胸配迷迭香莎莎($198)，雞胸肉肉質略嚡，伴碟配菜跟豬扒相同😍套餐有法式洋蔥湯，味道香甜帶牛肉味，不錯👍🏽 亦有蒜蓉包，香脆好味😋 跟餐揀咗橙汁

今日放工同朋友嚟銅鑼灣行行下街肚餓，聽聞銅鑼灣開咗間樓上Cafe好高質就入咗去試👍🏼 上到店員好快安排咗個窗口位俾地，見我有兩聲咳問我要唔要暖水，好貼心🤩 Menu上面有好多選擇，款款都想試😍 同朋友選擇困難症，最尾都係叫咗dinner set🤣 最後我前菜我哋兩個都揀咗忌廉蜆肉湯，入面啲蜆肉多到嚇親，好良心😚仲配埋四塊蒜蓉包，好香好邪惡😍 到主角 main dish 我哋叫咗店員推薦嘅today specials 紅酒燴牛扒同埋蟹肉忌廉汁燴意大利飯👍🏼 想講份量比想像中大，男仔食都一定夠飽！risotto味道濃郁，加上parsley點綴成件事好夾，同朋友食到停唔到口😍 牛扒超級入味同有口感，店員推介係有道理嘅！另外我哋叫咗兩杯特飲，分別係蜜桃荔枝沙冰同埋迷迭香芒果菠蘿沙冰，只能講十分高質🍧 店員同我哋講係新鮮菠蘿即刻整，仲係我哋面前點迷迭香，即刻覺得個人都放鬆啲💆🏻‍♀️ 最後唔少得甜品！叫咗個雲呢拿雪糕法式多士，西多士即叫即整，加埋開始用嘅雪糕一流👍🏼 係完美嘅一餐，又好食服務態度又好！😍有機會會再返嚟幫襯

今日出銅鑼灣times square 行街，因為要揀買份禮物俾人，買完禮物之後，行到攰攰地又有啲肚餓，即刻問吓有冇朋友一齊食飯，咁我就搵咗間樓上Cafe坐低等朋友。見到呢度好多好評，同埋俾個名吸引到就揀咗呢度☺️想大讚服務勁好，成餐飯侍應姐姐不停fill 水😍我同朋友都叫吃個dinner set， 有湯或者沙律，一個主菜，再加一杯嘢飲。今日嘅餐湯係牛肉雜菜湯，好好飲，好足料呀，牛肉切cube,啲雜菜洋蔥就切碎粒，一大塊肉桂葉，好香！仲要讚佢嘅蒜蓉包，熱辣辣，勁香，烘得勁脆！我揀左today special， 呢個係每日唔同架，今日係煎鴨胸，原來鴨胸係可以做到又嫩又juicy！再配埋蘑菇同埋薯蓉，仲有好特別嘅花鹽，有花香味嘅鹽，好夾呀！朋友揀咗蟹肉忌廉意大利飯，有好多蟹籽同蟹肉，好味好creamy!!好開心今晚揀咗呢度同朋友食飯，一定會再嚟！