LM Cafe (已結業)

星期五晚同友人去放鬆一下聽朋友講LM Cafe 好抵食樣樣都大大份 咁樣唔去試下點得牙！極力推薦個星級雜扒去圖!個星級集扒真係好星星星星星升級！有唔同嘅扒啦當中除左有西冷牛扒同雞扒仲有三文魚，英式腸同埋帶子添呀!多到就滿瀉。呢個組合真係好特別唔單止咁仲有好多唔同嘅汁可以配搭黑椒汁，芝士汁，蒜蓉汁，茄汁，龍蝦汁等等 ，(小妹簡左龍蝦汁) 味道一流又特別。跟住仲可以用優惠價加＄20就可以食到一個凱撒沙律嗰啲麵包糠仲要脆的大大碟，又多料，唔會因為你套餐價減少咗之後仲要一個芝士汁奄列意粉配魚柳魚柳脆皮，唔會太厚粉啲蛋仲係流心嘅係流出芝士汁出嚟啊係一個好大嘅驚喜 !最後仲有小食土匪雞翼好好食，又新鮮滾熱辣啱啱係焗爐焗出嚟嘅每一隻雞翼仲好Juicy tim朋友真係好介紹，大份夾抵食。

在觀塘上班經常都會四處覓食。今次來到富港式味道的龍城冰室，坐在二人卡座，吃一塊西冷，喝一杯熱朱，感覺多自在。牆上的LM CAFE字樣用lego砌成，吊燈既時尚又有格調，年輕化得來又不失傳統風味。來到冰室當然要吃鐵板，點了黑椒汁西冷扒配薯菜 $80，跟餐送上沙律及羅宋湯，羅宋湯份量不少，比一般餐廳的份量多一倍。吃鐵板西冷扒特別有味道，黑椒汁遇上熱辣辣鐵扒，發出滋滋聲，煙霧瀰漫，大大份扒充滿黑椒汁，香噴噴。薯條放在扒的底部，好讓鐵扒不會因為過熱令西冷全熟，滿有心思的考慮。另外還點了帶子意粉，一碟4粒帶子，吃得津津有味。這裡的招牌熱朱更是老字號，濃濃的朱古力，配上可可粉，落足料的甜度，喝下去，暖暖的，很舒服。

今日晌公司做野上有啲唔如意，想一個人靜下去食個lunch, 所以lunchtime 放甩班同事，有咁遠行咁遠，想自己靜靜地諗下嘢，最終嚟咗呢個LM cafe 睇過佢餐牌其實都感覺lunch價錢都可以接受，大約40-50到，但為咗食大份啲令個人開心啲，叫咗個set, 同晚餐size一樣，樣樣都算大份沙律唔錯，可能我個人like粟米，同埋都真係大，我初初以為喺幾條沙律菜，但估唔到食完都少少飽肚之後個湯都誇張，似平時茶餐廳食公仔麵個碗咁大，唔係平時踞扒餐湯個size, 味道都幾濃，但就辛辣咗少少主菜白酒蜆肉煮意粉，意粉入口仲有彈性，味道唔錯，清清地，白酒味唔係幾濃，但如果少啲菜就好啲😂😂不過餐飲個西洋菜蜜呢⋯⋯師傅好似太重手，好甜，個底越嚟越甜😂不過整體上都滿意，唔錯唔錯，下次叫埋同事嚟

在觀塘返工，知道呢間餐廳都幾多人食野，今晚加班無返家吃飯，想來吃鐵板餐。七十幾蚊一個鐵板餐，算抵了。真正鐵板上，熱到呢，雞扒好大塊，煎到好嫩滑，完全無雪子藏味，加埋D放落去就”咋咋聲”的黑椒汁，好食又唔會好乾。有隻太陽蛋，打破佢流晒D蛋汁出來，再蘸那條煎香的香草腸仔，正！另外，配上邪惡法式薯條，香脆可口。另外叫埋芝士焗西蘭花，芝士焗到起焦，西蘭花有點脆口，食到濃烈的芝士味，蓋到那些草味。咸檸樂也好好喝，咸檸又咸又香，配上可樂出奇地好喝。今餐鐵板餐抵食又好食。

第一次食呢間野裝修幾好，但係食物質素極差第一次食就踩中雷個韓式鐵板一黎就知瀨野！首先d雞黑哂！仲黑過文生啊d飯一patpat！ 難食！真係做估唔到可以咁難食！完全比openrice d食評呃左！叫左黑牛，d雪糕太少，冰太多，倒左可樂落去不單止冇左可樂味，仲變淡咗喊出黎！真心自己去買球雪糕加可樂溝仲好味btw menu無影到，這張是借的，因為唔記得呢碟野嘅名所以參考吓完全劣食加垃圾另外，上菜速度極慢！！！出面仲要裝修緊勁嘈d凳又有水！最後以失望兩個字來總結呢餐飯

聽朋友講觀塘呢間「LM Cafe」有live Band，去到門口已經見到好多人等緊位，入到去有卡位，仲有可以比多人坐嘅長枱，環境都幾寬闊。我哋坐低左就叫咗個「牛奶炒蛋」同埋「瑞士雞翼」試吓。「牛奶炒蛋」好大件，咬落去非常有口感；「瑞士雞翼」好入味，而且肉質好「林」。之後我哋再叫左一個「蛋奄列炸魚柳意粉配龍蝦汁」，意粉好大碟非常足料啊，而且炸魚柳非常大件，食落去口感脆卜卜，好惹味，意粉再配埋龍蝦汁一齊食，好match。「西冷牛扒香草腸仔鐵板餐」配以餐湯「蘑菇湯」，再加埋我最鍾意飲嘅「熱鮮奶」，好豐富呀。「牛扒」切落去好鮮嫩嘅肉質；「牛奶」飲落去個胃好舒服。由於我比較鍾意食辣，所以我哋叫咗個「麻辣肥牛米線」，果然不出我所料，麻辣嘅味道足以令我嘅嘴唇麻痹了，不過好刺激，而且牛肉好新鮮，咬落去肉質鮮嫩，滿口牛肉味道，不錯。食雞翼唔夠喉，我哋叫多咗碟「蜜糖雞翼」，「蜜糖雞翼」望落去賣相非常吸引，而且成碟都係蜜糖醬汁，好特別嘅蜜糖味道。「雪糕紅豆冰」有我最鍾意嘅雲呢拿雪糕係上面，飲落去消暑解渴，正。食咗咁多野都係三百幾蚊兩位，價錢合理，位於觀塘工廠區附近，難怪放工一族都會來呢度食晚餐。

呢日同fd去左觀塘，想搵間cafe休息下，就搵到呢間cafe，都幾難搵haha，一入到黎環境唔錯，現場仲有live band。live band music 幾好聽，入面都幾有feel...佢本menu都設計得幾有心機，幾靚。我地叫左個鐵板牛扒，牛扒同炸蝦都好新鮮，個黑椒汁幾香。薯菜亦都好香脆，仲有好fresh既配菜。同埋我地就叫左個窩夫，朱古力雪糕好好味，佢個窩夫亦都好香脆，配上香蕉食真係一流，而且窩夫好飽肚，岩哂大食既我地。下次再黎要再叫呢個窩夫，真係好香脆，極力推介。

今天同家人行經觀塘，發現駿業街有間「LM Cafe」，裝潢很西式格調，美食好吸引，家人至愛都是食西餐，大家相討之下，決定進去見識下美食，一家人歡眾是很好的聚腳地。 門外就像普通的茶餐廳，地理位置方便，地方很自在舒適，很有家的感覺，適合一家人前來共渡開心愉快的一個晚上。 位於觀塘區，入面高樓底感覺很寛敞，周末這裡十分墟冚，很多顧客前來捧埸，所以我和家人早點過來覓食。 進入餐廳後，先看到餐牌，餐牌美食多，相當吸引，如客人有需要，侍應會推介菜色給客人，態度十分細心。 鐵板餐 $95 星級雜扒分別有西冷扒，雞扒，英式腸，煙三文魚及炸帶子，配上薯菜，選擇龍蝦汁連餐湯，鐡板很熱，熟度拿捏得很好，一陣香味傳過來，西冷扒及雞扒大件厚身，容易切開，切開後啖啖肉咬下去鮮味撲出來，肉質很嫰滑，紮實彈牙，肉汁好豐富，彈牙煙靱的英式腸及煙三文魚，香脆的薯條及炸帶子，配合龍蝦汁，非常合拍，齒頰留香，值得推介。 流心奄列餐 $50 我選擇了豬扒，配上芝士汁及意粉，豬扒份量挺多，十分嫰滑，意粉彈牙，食下來感覺嚼勁，黏性剛好，不會太硬或太軟，配合香濃的芝士汁，口感很好，香氣四溢，味道可口。 流心奄列餐另

近排成日黎觀塘，事關呢頭真係有好多平靚正既小店，值得推介! 呢間龍門冰室就係其中一間喇。 四式芝士意粉 真係好芝味，好濃郁，食得出有幾種唔同既芝士，估唔到夾埋有咁既效果，鍾意芝士既我都覺好芝果。鐵板 - 星級雜扒 配龍蝦汁飯 好多款呀，有西冷扒，雞扒，英式腸，煙三文魚，炸帶子，95蚊真係抵食，滿足左我5個願望，雞扒煎得夠香，牛扒唔會太熟，呢個配飯真係一流！叫一個食到飽飽！最後到甜品 - 自選班戟餐 估唔到份量咁多，不過甜係第二個肚！點左蜜糖醬，藍莓醬，朱古力雪糕，綠茶雪糕，重點係班戟好夠蛋香味，真係好好味，推推推!!! 最後歎埋杯靚茶 - 地中海之戀 靚靚杯，好清香既花茶

星期六同媽媽去食吓飯，諗住簡簡單單係屋企附近，朋友話呢到食得幾舒服又便就過黎睇下呢一個凱撒沙律簡簡單單幾開胃好啱做前菜，同埋呢因為後面食嘅肉類比較肥膩，所以呢有呢啲菜可以中和一下叫咗呢一個髯鬚雞早前菜佢嘅髯鬚雞同外邊有少少唔同，有隻幾香既粉，但我個人覺得其實一個鐵板加甜品加沙律都夠，呢一個又好似食唔晒太飽啦😂我叫左呢一個黑椒西冷扒香草腸，西冷扒呢個價錢來講啲肉真係算係好好味,而且佢嘅香草腸非常有驚喜，佢既肉汁好正好juicy !!仲要有薯菜加餐湯。媽媽就叫仲有一個美國雞扒，我覺得佢啲藥好軟熟好好食而且呢佢嘅粟米呢好甜配買一啲雞扒食個口感又再豐富左而且真係好平呀個價錢!我最最最鍾意嘅就係呢一個班cake啦佢哋班cake非常之軟熟，而且又夠厚，我平時唔鍾意某快餐店嘅班cake因為太薄啦，呢一個又夠厚而且佢嘅醬同雪糕配埋落去真係好夾，仲要可以俾你揀幾款唔同嘅醬窩夫都唔錯啊幾軟熟同埋我揀咗蜜糖配落去都冇架

去完觀塘開倉，經過L M cafe就入咗去食，呢間餐廳環境大，有唔少年輕人都係度食。芝士黑松露焗西蘭花入面有西蘭花、有菇，仲有仲有好多好多嘅芝士。夾一舊西蘭花，就會見到一個芝士拉絲嘅效果，好治療。焗完既西蘭花，仍然保持水潤，唔會乾渣渣。黑松露味淡淡地，朋友唔鐘意食好重黑松露，佢超鐘意食呢碟菜。椒鹽雞翼用呢個碟裝住啲雞翼上碟，覺得好似啲雞翼啱啱新鮮出爐嘅感覺。雞翼大大件，味道濃郁，啲味滲晒入去雞翼度，入面仲鎖住啲肉汁。流心奄列配龍蝦汁魚柳飯好大的一碟，呢碟有唔同既汁可以配，同三款肉可以揀，雞肉，豬肉同魚肉。炸魚柳炸到脆卜卜，好脆口。呢碟飯太大，食咗好多前菜，好可惜食唔曬碟飯。甘菊花茶見到呢壺茶，即刻拎部手機出黎，呃like 既時間到啦，扮下文青先。不過揀呢壺茶，係因為餐牌寫可以醫失眠，呢排既天氣搞到我幾日訓得好差。菊花茶既茶香，聞一聞覺得放鬆心情，味道淡淡地。但醫唔醫到失眠，就不清楚了。

老公轉左新工作咁耐，都未去接過佢放工難得今日放假又無咩野做一於去接佢收工比個驚喜佢先（好彩無變驚嚇）老公見到我勁開心，話帶我食飯觀塘區佢咁熟，一於佢帶路帶左我去一間叫龍門冰室既餐廳睇名勁似茶餐廳，但入到去又唔係wor裝備好企理樓底又高，似輕食餐廳多d wor最驚喜既係佢有live Band呀一路食飯一路聽歌仲可以點歌Tim 叫左杯波蘿冰，酸酸甜甜，夏天飲好解渴老公叫左杯黑牛，用既係朱古力雪糕，未飲雪糕已經比我食哂芝士汁雞扒奄列飯個雞蛋超滑，入面仲有勁多芝士汁，夾埋飯一齊食，好食但又唔會好膩雞扒都超乎想像既嫩滑，咬落仲爆肉汁牛扒拼香草腸牛扒漸味道超濃，而且一點都不硬香草腸超香香草味！而且唔會太鹹黑松露薯條薯條係即炸嫁，熱辣辣黑松露醬似沙律醬+食松露，好食女人果然有第二個胃本身已經飽到想嘔（因為佢d野全部都勁大碟）但見到甜品自然又食得落，窩夫質地綿密，咬落好香蛋味，夾埋雪糕同cream一齊食，好罪惡但真係好好食茶餐廳價錢，Cafe既級數怪唔得爆哂場啦同老公又多個撐枱腳既好地方啦

落單之後等左九個字都未有任何野食，隔離遲落單但反而有野食先，完全唔跟order先後次序追單又無人理，催三四次先上個湯最後成個鐘先上完野食野食就一般，唔係特別好食，但都對得住個價錢。但服務實在太差，唔會再嚟。

簡潔：磚塊、木材雙重搭配，高樓頂，寬走廊，簡單舒適多選擇：由中式茶餐廳的公司三明治，去到Cafe既全日早餐，西餐廳既鐵板都應有盡有！價錢仲好大眾化！超級齊全既All-day早餐 $68 （炒滑蛋、紐倫堡腸、煙三文魚、煙肉、大蘑菇、薯餅、焗豆、多士）飽到聽朝都唔洗食。食材新鮮，大蘑菇入味（牛油），香口。薯餅外脆內軟，最怕就係食出一陣油味，呢個唔會，好乾爽。。炒蛋超級大個，應該有兩個蛋。。。但係炒得不夠香滑，食到後面會唔想食。。多士都好大一份，但夠熱，OK整體來說，賣相不錯，幾吸引，咩顏色都有！食材無異常的地方，烹調方面，偏鹹、不夠細膩。這麼2人份量的餐，價錢都好適中，對於我這個早餐控來說 7分。鐵板餐 $80。牛扒夠大塊，初食覺得好入味，但食到後面開始要飲水，應該是醃製太耐，偏鹹。。鐵板放下雖然沒有「CHA～～」但是都夠熱的。另外香草腸煎得時間剛剛好，肉質不會乾憎憎，唔錯啦。薯條數量多到可以分朋友👬食羅宋湯。濃郁，菜多，鹹度適中。芝士焗西蘭花 $28來之前見好多人都有食呢道菜，果然不可貌相，簡單的西蘭花配上一堆芝士產生中和效果，每一個·西蘭花都啖啖芝士，表層微微起焦，碟菜放低一陣都仍然傳

去親觀塘，可能大部分人都係去咗工廠大廈但其實樓下都有唔少嘅好餐廳，等住我哋去發掘 餐廳有常餐、快餐、西餐、同埋甜品供應選擇都幾多元叫咗一份全日供應嘅常餐配炒蛋烘底多士 多士加上滿滿的牛油，簡簡單單既小幸福奄列內部仍有水份，不會太乾蜜糖雞翼 雞翼size 中小型 用煎PAN上幾特別，出了風頭而且洒上唔少蜜糖，甜甜的味道配上香脆雞翼外皮 卡邦尼意粉 卡邦尼意粉係餐黎既，會配埋餐湯同沙律，幾抵食㗎 卡邦尼意粉醬汁好惹味，滑溜意粉配上CREAMY醬汁特別之處係打左隻生蛋，不過就比我朋友雪一聲吞左煙肉咸香，點綴整碟意粉 吹水吹得耐咗，又肚餓返就試埋呢度嘅甜品 pancake 呢度既pancake 勝在選擇多、配搭多 可以要兩球雪糕、兩款醬汁、一種生果 ，滿足到大家嘅要求香蕉係新鮮切，所以仲係白雪雪的醬汁揀左草莓同藍莓果醬PANCAKE四塊都是大大的，厚度中等質感偏實身，內部仍保持濕潤，也算不錯