LM Cafe (已結業)

成日聽話觀塘好多工廠大廈美食，今日同朋友去開嗰頭想食個早d既晚飯，就上OpenRice搵到呢一間睇落唔錯既工廠區cafe。裝修好靚，好整齊，好有格調，空間都幾寛躺。咁既環境就咁睇以為價錢都會有返咁上下貴，但竟然係相反！！！我地大約五點半去到，仲係下午茶時段，下午茶勁抵，常餐都只係$21！我同朋友見到咁平真係唔食唔得！我就叫左蕃茄湯通粉配叉燒同炒蛋，仲要送熱飲，咁抵邊到搵！！係等緊既期間，望下餐牌，其實都平有平食，貴有貴食，除左常餐，有啲高級啲既意粉，又有得据扒，價錢同選擇都好多樣化，抵讚！！.時不宜遲即刻開餐，其實所有野都係正常水平，但份量幾好，加上呢個價錢係抵食既。但最值得提既係個窩夫！原來配餐係半價！即係$24有一個大大份既甜品，有多款窩夫、雪糕、配料同埋醬汁揀，配搭豐富，大大份，好滿足！！.下次經過肚餓又想經濟實惠啲，就一定會黎呢到！

夜晚收工約左朋友係觀塘食飯，經過中海日升中心見LM cafe門口有餐牌選擇都多，係西式茶餐廳，就決定入去試下。入面裝潢設計簡潔為主，地方寬敞，比人舒服嘅感覺。咸牛肉芝士玉子燒配炸蝦意粉，份糧真係非常多！玉子燒大份得黎又軟熟，火喉控制得啱啱好，入面有大量咸牛肉芝士。炸蝦都有成4隻，大大隻好彈牙，炸完都好juicy！黑松露薯條，份糧有成2盒M記薯條有多，新鮮炸起熱辣辣，條條都金黃香脆，配埋個黑松露醬，真心正！雖然叫嘅嘢食唔係好多，但都食到好滿足好飽。

今天行經觀塘，發現駿業街有間「LM Cafe」，裝潢很西式格調，很有家的感覺，我叫左個星級雜扒，分別有西冷扒，雞扒，英式腸，煙三文魚及炸帶子，個黑椒汁幾香。薯菜亦都好香脆。一陣香味傳過來，西冷扒及雞扒大件厚身，容易切開，切開後啖啖肉咬下去鮮味撲出來，肉質很嫰滑，肉汁好豐富，彈牙煙靱的英式腸及煙三文魚，香脆的薯條及炸帶子，齒頰留香，值得推介。特別推介羅宋湯濃郁，菜多，鹹度適中。呢個配羅宋湯，夠Match，都有小小辣，個湯好多蔬菜味，蕃茄味亦濃，好多菜係入面，真材實料。最適合食肉獸!

Office位於觀塘區，地理位置方便，放工一個人靜靜咁食一餐，入面高樓底感覺很寛敞，坐得好舒服，餐廳環境採用白色磚牆同木材為主，簡潔舒適，進入餐廳後，先看到餐牌，餐牌美食多，相當吸引。員工們也很注重衛生，客人離開後立即清理，很乾淨。我叫左個黑松露雜菌玉子燒配薯菜，貌相雖然普通，但，重點就係個蛋。外圍炒得岩岩熟，而中間仲有少少流心，一咬落去，蛋汁就流出黎，未食已經覺得好吸引。食落就知有調味，唔係就咁炒兩隻蛋出黎，有小小鹽味同黑松露味，但唔會蓋過蛋味同雜菌，恰到好處。頭頭尾尾都坐咗超過個半鐘，又食到嘢又坐得舒服，係一個適合自己靜靜咁食一餐嘅好去處！

同朋友好耐無見，約在她公司樓下晚飯一聚，呢間餐廳唔使等位，非常好。Order 左一個鐵板 set dinner，有餐湯，主食，沙律菜同飲品。非常抵食！朋友叫左雜扒鐵板，話唔錯吾錯，份量好足夠，仲有薯條。我就因為食左下午茶唔太肚餓，就叫左甜品set ：有waffle,生果，醬，雪糕可自由揀味道，同飲品。由於waffle 有足足 4 塊咁多，我同朋友share 都食唔晒。整體黎講以咁既價錢，真係好難搵。

去開觀塘附近就黎左海日升中心地下既LM cafe係類似西式茶餐廳餐牌有非常多既選擇眼花繚亂流心蛋奄列配炸魚柳配飯一黎到有嚇親份量非！常！大！魚柳係新鮮炸起好熱好脆而且有兩大塊推介配龍蝦汁玉子燒餐黑松露野菌玉子燒配炸蝦 撈丁同樣係份量非常多炸蝦有成4條十分脆口玉子燒好厚實入面有大量黑松露野菌好香黑松露味真材實料黑松露芝士野菌焗西蘭花一上碟已經有好香既黑松露味黑松露十分濃配上芝士 更加香呢度都有apple cider飲架仲做緊買2送1添總括黎講非常抵食大份女仔既話最好叫少飯如果唔係會食唔哂

食物的價值並不在於冷冰冰的標價有多高，而是在於平凡的食材也能熱騰騰地刺激最多味蕾。今天我要介紹就是這間裝修平凡，但食物質素及服務水準起捧的餐廳– LM Cafe。忙裏偷閒，上週五與女朋友下班後，便不經意地第一次光顧辦公室附近的這間餐廳。剛進行商店，便受到待應主動及周到的服務，縱使店內食客眾多，待應門都會以笑容和及時的辦事效率來為我們點餐。我們一同點了一份鐵板星級雜扒套餐及以白汁帶子麵為主餐的套餐。約十五分鐘後，點餐進枱，這一刻真的十分喜出望外。鐵板星級雜扒套餐不單用料新鮮豐富，而且配汁味道適中，不會蓋過雜扒及煙燻三文魚的味道。除此之外，白汁帶子麵令整個用餐經驗錦上添花。不管從賣相、用料以及味道都超出價錢。整體上，主餐我會打個滿分。不能不提的是其他配餐，有沙律配盤及餐飲提供，前者用料並不吝嗇，選用真正的沙律菜，而餐飲的份量適中，不會過多或過少。總括而言，總對值得大家一試。

今晚與同事開OT，那就順便一起食晚飯才回家。大家都知道，觀塘區就算去了夜晚都是很熱鬧、很多人。無意間，我們發現了中海日升中心裡面的一間地鋪，裡面樓底高，而且座位多，地方大。大家都想開完OT之後想靜靜地吃一餐舒服的晚餐，LM Cafe 幫到你。入到去，我們決家吃到飽。我們分別叫了卡邦尼意粉及星級雜扒餐。每個餐都有餐湯，今晚是羅宋湯，微辣，但很惹味。卡邦尼意粉餐還配上沙律，的確健康，而且沙律菜尚算新鮮。卡邦尼意粉: 用上香濃的芝士蛋黃醬汁再加煙肉及一隻生蛋，送來後我將生蛋搞均，那就令到意粉更加有張力，蛋黃味更濃郁。星級雜扒: 叫到「星級」，一定是很有份量，有西冷扒、雞扒、英式腸、煙三文魚及炸帶子，而且還可配飯/意粉及薯菜。西冷扒及雞扒都很大塊，每有雪味。英式腸煎得香脆。而意粉真的很大碟，我吃到非常之飽。晚餐還跟餐茶，很大杯啊!最後，我們看見MENU上的窩夫非常吸引，所以我們決定叫了一客香蕉朱古力窩夫。窩夫外脆內軟，配上香蕉及雲妮拿雪糕，十分好味。

妹妹家姐好少一起行街，今次行觀塘，行完街要在附近食好西了。地點在觀塘，環境很美麗，家人好滿意。椒鹽雞翼 – 雞翼大家都大吃起來，椒鹽香味好，如多一點會更好吧。(黑松露薯條)–看似容易，實做得好，香脆薯條，有黑松露更正，醬汁各有人鐘意。鐵板餐 -主菜來了，十分大件呀，來時夠熱又好味，鐵板餐幾種扒，又有意粉，扒嫩滑，好鮮味，中上之作，至愛扁意粉幼幼的，原來都不錯吧。(芒果布甸)芒果肉多，入面多芒果，美味又飽肚。 

剛剛同閏蜜去完日本旅行，返到嚟香港，隔咗一個禮拜，就忍唔住要再見面啦，大家都係觀塘區工作，所以近近地，今晚就揀咗呢間LM Cafe 食dinner, 呢間餐廳環境坐得幾舒服， 卡位又寬躺，完全冇壓迫感，啱晒我哋有排傾慢慢坐 ！食物方面，我哋見價錢咁平，兩個女仔竟然叫咗勁多嘢食，放滿枱面何其壯觀！🤣🤣🤣🤣炸帶子黑松露野菌玉子燒飯套餐，包飲品都係$55個玉子燒都做到滑蛋流心嘅感覺，裡面包括左濃濃嘅黑松露野菌，都唔錯，味道幾匹配，炸帶子仲有四粒咁多。黑松露焗芝士野菌西蘭花$48我哋兩個都係黑松露控，忍唔住當然要叫埋佢呢個黑松露焗芝士野菌西蘭花！呢個極力推介，因為焗得好香脆芝士味同黑松露味都非常香濃，10分鐘我哋將成碟野清左。做得出有芝士拉絲嘅感覺：卡邦尼意粉套餐，包野飲$68欣賞佢意粉上邊有一隻鍋蛋，誠意十足⋯⋯唔錯！兩個閏蜜傾左成兩小時，越傾越多嘢講，又忍唔住叫多個甜品！自選pancake套餐都係＄55！一上枱嘅時候，我哋比個份量嚇到呆咗，總共有4塊厚厚嘅pancake！朱古力雪糕仲要有兩球！我哋兩個絕對唔使爭！要讚一下個朱古力雪糕 ，夠晒凍之餘，仲要係特濃朱古力味雪糕嚟，真係估佢唔到，另

一直都聽過龍門冰室不過屋企附近無，所以都無機會試到，今日朋友約左我黎lm cafe 依到，原來都係龍門冰室，不過係環境就靚過茶餐廳好多，有啲似cafe 同茶記嘅mix! 想食茶記食物又想靜靜地坐低傾計嘅話，係個唔錯嘅選擇我地見成個餐牌嘅野都十分抵食，所以一次過叫左好多碟首先講講個羅宋湯，蕃茄味濃，不過辣度比一般嘅羅宋湯高好多，唔食辣嘅朋友要留意一下而本來以為依個價錢嘅沙律，質素應該一般般，點知三個沙律啲菜食落都好新鮮，絕對無將貨就價，唔錯而我最中意嘅係佢嘅黑松露芝士焗西蘭花，黑松露醬同芝士都絕不孤寒，落得好重手大大pat響啲西蘭花上面，食完真係又滿足又幸福至於個意粉同牛排嘅份量都好多，非常抵食值得下次再黎

去觀塘拎團購就緊要去覓食見到LM café 個menu好多款野食一入到去個感覺好舒服間餐廳都好大我同個朋友就坐左係卡位我覺得呢到服務都好貼心因為就算兩個人都唔會逼我搭枱可以兩個人坐好大張枱雖然有好多選擇但我都係鍾意食意粉所以就揀左蒜香牛油意粉餐加一個小食兩個女仔share應該差不多佢d小食都好吸引我就揀左芝士肉醬焗薯條個侍應仲特登同我講有得+$10有一碟炸雞不過我已經叫左一個dinner set加小食我就無加到叫完無幾耐湯就送到了個羅宋湯真係好香一食落去仲食到好足料咁煲有一陣陣辣味雖然我唔食得太辣不過呢個辣恰到好處原本唔太鍾意食椒既我都食左幾多之後就到薯條了估唔到$28既薯條係咁大份量真係好多食第一啖真係好有幸福既感覺啖啖都係芝士而且仲可以拉絲嫁真係好正d肉醬同芝士好夾唔會搶左芝士既味道佢真係一焗完即食所以好熱辣辣真係要比like到我既主菜了呢個反而有點失色好似只係普通既香蒜意粉蒜香味濃有五粒中型帶子帶子煮得好林好易入口食食下就黎左個跟餐既沙律其實已經好飽都唔太食到了好鍾意飲品用呢款杯好得意！

見介紹 流心omelette 好似幾吸引，特來一試。 餐廳叫 LM cafe, 其實叫做龍門冰室 Lung Mun cafe.星期六12pm, 餐廳得幾枱客，約3成滿， 見有多張卡位枱閒著但放咗"留枱"指示， 偏偏被安排坐在門口四方枱，問可坐卡位嗎？ 服務員只係搭坐細枱。。 見有一張卡位枱， 啱啱有人食完，未執枱， 秒速坐下😜，好彩。茶餐廳 style, lunch set 約$40~50.  叫咗個豬扒奄列跟意粉 和 蔥油雞扒意粉。坦白講以茶餐廳嘅價格， 份量非常多， 味道亦佳， 可惜奄列同餐牌嘅賣相實在差太遠了😂，"零"流心，純煎蛋.

放工後跟同事去了觀塘試左呢間價錢大眾化得來, 店內又精緻既小cafe - LM cafe龍門冰室! 佢地個裝潢好得, 一入去已經睇到出菜位成幅牆用Lego show 「LM cafe」好別緻, 然後每次上的餐具都係五顏六色襯反返晒好有心思。由於價錢大眾化(份量仲大), 我地三個大食怪叫左四個餐食「星級扒餐」、「吉列豬扒推介飯」、「卡邦尼亞意粉」、「瑞士雞翼麻辣湯粉」餐, 份份都好足料淨睇個「吉列豬扒推介飯」, 塊吉列豬扒同我隻手一樣大，「卡邦尼亞意粉」來到時好熱, 熱到可以見到隻面上隻蛋邊滾下滾下岩晒天氣轉凍, 我最欣賞佢地個「瑞士雞翼麻辣湯粉」, 賣相好得之外非常野味!

係中海日升中心地下行入少少就見到大大個龍門BANNER係門口常餐扒餐西餐都有得揀！每餐都食多D菜！叫左凱撒沙律好足料，加左好多面包粒，食落好有口感跟餐GE沙律同羅宋湯叫左鐵板餐GE雜扒配意粉，雞扒同豬扒都份量好大，淋上香濃GE蒜蓉汁，正。跟餐碟意粉都非常之大碟！飽晒LEE個鐵板餐係好抵食老婆就叫左英倫風GE ALL DAY BREAKFAST，賣相都好掂好豐富滑蛋炒得好靚好誘人，外層蛋液係呈半熟態！入口非常滑嫩多士烘到好脆，入面查滿左牛油同奶油，無論係單食定夾滑蛋或姐香腸黎食都一流食飽就飲支 APPLE CIDER，甜甜地帶少少酒精