LM Cafe (已結業)

早餐來來去去都係果幾款㨂了沙爹牛肉麵，炒蛋白，多士沙爹牛肉麵鮮牛肉做，鮮味突出。質地滑溜不乾不鞋有趙口。沙嗲汁打得香帶微辣，仲有點熱放落熱騰騰既出前一丁上面，感覺成碗湯麵都都熱辣辣麵質係過腍邊緣，有點粉粉感覺，免強入得口。凍齋啡我要走甜不過無走甜，咁唔該換過杯走甜比我，麻煩晒呢度有6至七大塊真係有牛味又有沙嗲味既既牛肉 認真講 因為平時茶餐廳既沙嗲牛肉麵 沙嗲汁係另加落個麵度，並非同牛肉一齊煮 相對味道就真係爭好遠啦 牛肉都唔入味 沒有沙嗲味可言 只是扮沙嗲牛肉麵 而且這裡炒蛋白配牛油多士 正啊！地方乾淨，招呼就普通勝在價錢平，所以經常光顧早市同午餐時間經常要等位

今晚又黎左駿業街呢頭揾食 呢間CAFÉ都係第一次黎話說佢個裝修又幾有偽文青FEEL雖然餐廳名有CAFÉ呢個字 但MENU既款選擇絕對吾係café程度大把野揀 ALL DAY BREAKFAST, 撈面餐,鐡皮餐,西式飯面,炒粉面,PANCAKE甜品真係估你吾到黑洞我發揮大食本能 要左個星級扒餐有齊牛扒,雞扒,腸,炸帶子,煙三文魚仲可以配飯/意/薯菜一上菜個鐡板真係FULL到爆我要讚下佢個蒜蓉汁好香蒜味幾塊扒肉贊都幾冧 我特別中意佢條腸吾係一般廚師腸 而係白色有香草個款好味好多餐湯羅宋湯都有小小辣喎另外朋友仔叫左個特色餐 吞拿魚芝士玉子呢個組合都幾特別 如果中意食玉子既朋友可以諗下佢佢份玉子勁大 中間放滿吞拿魚個餐仲有得多個餸 估吾到餐肉佢會俾3塊食肉獸應該好滿足 不過我都覺得真係多左D肉最後叫左PANCAKE餐結 件PANCAKE好香牛油味1碟4件都真係吾少野 大家可以諗諗SHARE食呢餐肥仔餐係好完滿

今晚去左觀塘做野，做到肚餓，就搵野食醫肚。見到呢間龍門冰室，好似幾受觀迎咁，咁就揀左呢間～～咁岩係星期五晚，間餐廳好旺，入面已經幾乎坐滿晒人，有好多著住校服既學生，同埋有好多情侶食緊～～ 咁講真，間餐廳既設計，暗暗地既燈光，又幾適合談天說地既～～^_^我就叫左個「香蒜白酒蜆肉意粉」～～ 我叫呢個餐，係因為呢個係套餐，跟沙律、餐湯，仲有野飲添～ 我見有幾枱都係叫呢種set dinner個意粉，份量夠多，好香白酒味，d蜆肉佢應該炒過，所以好香口。個沙律d菜好新鮮～ 個餐湯係羅宋湯，好夠料wor!!! 仲有杯好正既熱柚子蜜，柚子味濃，勁滋潤，岩晒依家乾既天氣～ 好好食呀～

觀塘一直都餐廳林立，商場或工廈內都有不少臥虎藏龍，''龍門冰室''就是觀塘友其中之一的聚腳地牆邊掛有一點心思的擺設餐廳都蠻多座位，繁忙時間非常熱鬧我們先叫了一碟''黑松露薯條''，非常澎拜的一大碟。薯條熱騰騰炸起，沾點濃郁的黑松露醬十分惹味，作為前菜小食的不二之選飲品分別點了''紅豆冰''和''熱柚子蜜''主菜點了''茄汁奄列魚柳''將奄列蛋微微戳破會有茄汁流心我則點了''黑松露雜菌玉子燒配炸蝦撈麵''黑松露雜菌玉子燒做得很不錯！玉子很軟熟，黑松露加雜菌味道細膩

黎觀塘行街，行完就係附近食埋飯。LM CAFE 呢到環境都幾靚，而且價錢又經濟實惠Cafe以西餐為主，有意粉有扒食叫左個香蒜白酒蜆肉意粉沙律菜很新鮮，個醋酸酸地好醒胃跟餐的羅宋湯，辣辣地先正，飲落都幾多料香蒜白酒蜆肉意粉到啦，好多蜆肉係個底到寶物尋歸底蜆肉意粉清清地鮮味十足淡淡嘅蒜香同白酒呢個配撘無得彈～飲品嗌左咸檸七冰凍咸檸七鹹鹹甜甜，開胃生津嗌多左個甜品食 自選班戟餐雪糕係雲呢拿同芒果，醬料就揀左蜜糖，仲配左一碗新鮮藍莓班戟係即叫即做，新鮮熱烘烘，一上菜就聞到好香好香牛油味～配雪糕黎食一凍一熱非常滋味

哩間cafe完全被人低估左佢既實力👿D野食真係好好味！又大碟又抵！環境又大！叫左個芝士焗西蘭花 蜜糖雞翼 咸牛肉芝士玉子燒 同個黑機露雜菌意粉（包埋湯同沙律） 加埋都係$200蚊埋單！ 真係又大碟又抵食！仲要野食係真係好味！坐得好舒服！坐位好闊！佢個芝士焗西蘭花好多芝士 勁濃味！完全食落係拉絲！蜜糖雞翼焗得岩岩好 吾會膿 d肉又入哂味！簡直👍👍 最推介哩度既玉子燒！！整到好實 食落吾會散開！ 好香蛋味同芝士味濃！ 配埋出前一丁 飯或者意粉 同埋1d炸物！如果女仔 一個人都食吾哂啊！相反個套餐就比較細份 但係料超足！ 擺耐左d粉整埋一舊都一樣咁好味！佢配既羅宋湯係辣架！同出面好吾同！但感覺更加正宗！一間CP值超高既觀塘cafe

今次又係做運通前嘅日子，做運動之前唔可以食嘢，但係做運動前一個鐘都要食啲嘢，如果唔係嘅話做完運動太肚餓食返好多嘢食都係會搞到個人變得肥。喺附近嘅一間Cafe就叫咗個常餐五香肉丁通粉優惠時間＄24（其實係一個set ,不過我要享受所以每樣野都加幾蚊升級）五香浴丁味都幾香，不過都係罐頭野啦多年，但係我就覺得自己傻傻地唔小心茄汁湯加＄3五香肉丁茄汁來講，五香肉丁嘅味道就濃郁啲，不過下次就唔會升級，一時醒唔起叫左肉丁，我估計正常人都唔會好似我咁叫吧⋯影左相但唔知點解唔見左...就唔POST了=[Frd加左錢飲羅宋湯...好大兜!!好味=]轉做奶油豬加＄5 （因為轉咗做豬仔包）口感香脆，裏面有啲奶油份量正常啦，不過不失，作為餐前包係唔錯的。隔離其實仲有個炒蛋，口感尚算香滑，不過味道未算突出，同茶餐廳分別不算很大。菠蘿冰跟餐加＄6菠蘿同平時嗰啲分別不大，不過裏面個糖水飲品就同出面有啲唔同，有少少甜，或許是這裏的特色～

朋友在觀塘區工作，說要帶我去吃一間很抵食的餐廳。來到的時候才知道是間茶餐廳式的西式餐廳，價錢也十分相宜。我們先點了兩個晚餐，送上了兩個餐湯和沙律。是晚的餐湯是羅宋湯，很足料。我點了份全日早餐，有炒蛋、香腸、大蘑菇、茄汁豆、三文魚、麵包和薯餅，份量十足！朋友點的西冷扒拼香草腸鐵板餐，同樣吸引！西冷扒大大的一塊肉質也香嫩，配香脆薯條，性價比高。甜品點了朱古力窩夫配雲呢拿雪糕，窩夫蛋味香濃，外脆內軟，味道與雪糕很夾。嘆杯熱飲為這頓晚餐作結。

今日約咗朋友喺觀塘附近傾野，就去咗駿業街中海日升中心嘅餐廳食下午茶，由於唔想食太飽於是叫咗啲輕食。呢度嘅環境都唔算太嘈，而且價廉物美，適合我哋呢啲年輕人。一望到個餐牌見到餐牌成吋厚，無論係野飲、薯菜、意粉等都樣樣俱全。我就叫咗個蜜糖雞翼，羅宋湯同埋日式沙律。呢幾款都好似係晚餐嘅前菜黎。哈哈，原來都可以獨立叫。呢度又有無限免費上網，適合要喺度處理文件同埋公司嘅朋友。不消5分鐘，我個羅宋湯就到咗啦，羅宋湯比較重黑椒味，有啲似辣嘅茄醬，不過質感稀少少，裏面亦都有好多雜菜，10多元嘅羅宋湯都絕不馬虎，真材實料呢。職員亦很細心安排了一個碗仔給我的朋友一起喝。之後我個日式沙律亦都好快到咗，日式沙律嘅份量都幾多，夠晒兩個人食。而且佢有豐富嘅日式油醋汁！我最喜愛食油醋汁，加上新鮮嘅蔬菜，包括粟米、生菜及沙律菜，令人覺得很清新，很快我就把整碟吃光了。蜜糖雞翼由於需時，所以最後出現，沒有令我失望的是竟然出現六隻雞翼！太感動了，平常在其他茶餐廳最多只有四隻，這裏的價錢真的相對便宜。雞翼被滿滿的蜜糖汁浸著，我毫不猶豫地把叉擺進雞翼中，我把整隻雞翼的身軀也沾上蜜糖，非常惹味，有點像燒烤中的蜜糖燒雞翼！火候十足，

今日夜晚平平哋食咗呢間係觀塘嘅LM cafe~ 呢度距離地鐵站都有成5-10分鐘到嘅路程，不過勝在環境夠清靜，地方又幾寬敞，所以呢個晚飯都食得幾開心！😋我哋夜晚六點幾近七點嚟到，人未算好多，仲有小小位剩，不過到我哋走嘅時候呢度就坐滿晒人啦～睇完份Menu之後，覺得呢度好多嘢食都好吸引，不過最後我就選擇咗鹹牛肉芝士玉子燒配雞翼同埋撈丁，而男朋友就選擇左入流心奄列餐！首先嚟到嘅係男朋友點嘅流心奄列餐（$50），拼魚柳（+$2）、芝士汁同飯。芝士汁嘅份量控制得啱啱好，如果多得滯個飯就會好鹹好重口味，但係太少嘅話食到最尾就會口淡淡，但係佢就啱啱好可以送晒啲飯咁食，正🤤之後就到我份鹹牛肉芝士玉子燒（$55），本身以為玉子燒餐嘅份量應該多極有限，食完都唔會飽，點知跟餐配嘅撈丁都幾大份，雞翼仲有成三隻咁多，搞到我又食唔晒分咗比男朋友食🙈🙈🙈個玉子燒入面嘅芝士可以拉到少少絲架，而個雞翼都醃得幾入味，如果撈丁醬汁嘅份量可以更均勻就好啦👅飲品方面我哋就揀咗一杯北海道3.6牛乳（+$6）同埋黑牛（+$8），不過因為冇朱古力雪糕，所以就換咗做雲呢拿，但係都同樣好正！因為其實我都係志在食雪糕😝😝最後又到甜品嘅時

今次都係第一次嚟觀塘呢間食，搵咗一陣就到咗，今次我哋想傾野就搵咗一間cafe食，我哋每人叫咗一個鐵板燒餐，分別有魚柳鐵板燒、雞扒鐵板燒同埋豬扒鐵板燒……估唔到份量都好多同好大，而且價錢都很便宜wo~味道也不錯,仲可以坐耐啲又得~傾耐啲又得~食耐啲又得,傾野係一個唔錯ge選擇~人流唔算太多

LM cafe一早已經聽講過好多人，所以同同事一直都無機會試🤔襯今日可以早食lunch，決定黎試下！雖然時間都算早，但都開始有人排隊等位，好彩等左唔係好耐就有位本餐牌好厚，好多選擇，同同事都揀左好耐😆最得我地都嗌左個香蒜牛油帶子意粉（$72）跟餐有沙律，好開心😆仲跟羅宋湯，個湯好入味，熱辣辣好好正之後餐飲green tea latte都送上，呢間既green tea latte唔洗加錢，好扺同好好飲，我勁中意飲😍之後主菜就送上，個意粉好入味，蒜香味好夠，帶子份量亦唔少，值得一試總括黎講，如果早放片lunch 都會再黎食，下次想試下好多人嗌既常餐

間唔中都會幫襯，因為真係平!靚!正!下午茶3pm開始仲有餐飲無限refill ,同朋友食野傾計就啱曬。今次試“佬“水雞肶配芝士火腿西多士，一上枱即刻食左一囗(唔記相機先食)。西多士係用了厚多士，外層沾了薄薄蛋醬，炸後入囗鬆軟，同火腿芝士夾埋不會太油膩。“佬“水雞肶size正常，夠曬味，不重我覺得少少少偏咸。餐飲點了綠茶鮮奶(不用加錢，其他餐廳簡呢樣通要加錢)，refill則點了熱檸茶，冇因為係refill而偷功減料，都有幾多片檸檬

上OpenRice search 到呢間叫LM Cafe ,見啲相好似唔錯，就來食個晚飯。點知來到門口先知原來呢間係龍門餐廳，原來LM係lungmun....等我同男友仲一心情願以為佢叫"留名cafe "😂😂😂龍門餐廳，其實之前食過官塘另一間分店既，又無話覺得特別好或差既,所以當我企係門口個時都真係抱住好又一餐，唔好又一餐既心態入去食。但點知一入到餐廳，就覺得個裝修好舒服呀！個樓底好高，地方好大，座位好大好闊，同我去另一間分店好唔同。野食都有好多選擇，真係苦了我，真係乜都想食。結果男友點左個鐵板雞扒配黑椒汁餐，有湯有野飲有飯都係55蚊咋，仲要係晚餐！有兩塊大雞扒咁多呀！無偷雞架！但我聽佢講話啲雞扒就整得乾身左啲，食落好鞋。我地兩個都係餐，有跟野飲，凍飲就加兩蚊，男友嗌左凍檸茶，我就係凍檸茶少甜，我飲過兩杯，少甜個杯真係淡好多！👍🏻有跟指引照顧到顧客需要👍🏻好評呀！我就嗌左個大過塊面，厚過手指公同炸皮子薄既吉列豬扒飯！味道好，啖啖肉，男友都話好食，而我呢因爲好肚餓，哦飯食剩四分一咋！不過真係好大碟好抵食！

今日同同事去開觀塘出duty，之前聽friend講LM Cafe幾抵食，上餐又快，啱曬食完Lunch 又要返工嘅打工仔。入面環境唔錯幾舒服，空間幾大，位置又多，所以12點幾去到都好快有位唔洗等。我叫左香蒜牛油帶子意粉，帶子份糧都幾多，食落幾鮮甜，意粉軟硬度啱啱好，再加埋香蒜嚟炒，味道好夠又唔會油膩。套餐跟沙律同餐湯，沙律清新，羅宋湯酸酸地幾開胃。餐飲可以揀特色飲品，試左Green Tea Latte，好濃好滑，真心推介一試。另外，蜜糖雞翼煎得皮脆好香，入面好juicy,配埋蜜糖一齊食，令人越食越想食。