LM Cafe (已結業)

今日下午茶時間有啲肚餓，落樓本身諗住去龍門冰室食個茶餐，點知實在太受歡迎太多人，心灰意冷間，見到有間Cafe既易拉架，LM Cafe, 諗住是但食啦，原來間野應該都係龍門開，唔怪之得叫LM 啦同老細嘅就有晒期待啦！茶餐嘅選擇都好多，左邊配右邊咁選擇，驚茶餐細份唔夠食，仲可以加其他嘢例如炒蛋仲有甜品滑蛋餐肉班戟餐，幾特別，下次約叫黎試下紅豆朱古力西多士 + 滷水雞髀 （$27）咖啡都有拉花架真係好邪惡好邪惡好邪惡裝修同同系嘅茶餐廳完全唔同風格，就真正cafe路線

今天放完新年假，第一日開工團拜就在觀塘總公司舉行，互相祝賀和指定動作派利是之後就放工，大家都肚餓，我們就到附近的餐廳食嘢，行入中海日升中心，有間餐廳名字好熟，我在其他地方也食過，就是龍門冰室，味道不錯而且價錢大眾化，細問之下，原來面前這間是高級龍門冰室，又名LM Cafe，餐廳地方雅潔，座位舒適，其中最重要的就是侍應的熱情招待，令客人食得開心！黑椒卡夫芝士雞扒飯：，厚肉的雞扒入味，成塊卡夫芝士放在雞扒上，加上濃濃的黑椒汁，配飯食令人胃口大開，十分美味！吞拿魚芝士玉子燒配炸蝦、撈丁：滑嫩的蛋包住吞拿魚和芝士，加再些燒汁，切開蛋條，很多的芝士吞拿魚流心而出，將之撈丁一起食十分惹味，滑滑的蛋和吞拿魚，爽口的麵條，還有酥脆的炸蝦，蝦肉彈牙，真令人食不停口。瑞士雞翼：晚市特價10蚊有五隻，雞翼嫩滑又入味，底食！流心芝腿西多士：厚厚的西多中間夾有芝士和火腿，切開後有流心的效果，西多面加有糖漿所以味帶甜，中間芝士和火腿就有鹹味，食落甜中帶少許鹹味，好特別，不防試試！Kronenbourg1664 Blang，同事喜歡啤一啤，啤酒也有多款選擇。雪糕紅豆冰：又多又林甜的紅豆，加入了椰奶已經好好飲，現再加

觀塘真係多野食到呢🙈🙈今日黎到呢間..今日同朋友叫左意粉加常餐..肉醬意粉..係兒時味道丫🙈🙈🙈好濃番茄味..肉碎係勁多..好正..朋友個常餐仲有得轉辛辣麵..勁正...常餐炒蛋唔少得..我囡仲食唔停口...仲見到對面啲人食果個常餐勁大份丫...依家呢個時勢.價錢同食物成正比真係好難搵..呢度係真心抵...凍飲仲用鐵杯裝...飲完勁涼..夏天飲仲正..完全係可以反兜既食店..佢晚餐餐牌都好吸引..下次一定試

某日經過見到好似好好食就入左去食左個晚餐，現場仲要有band彈唱，氣氛都幾好，叫左個韓式石鍋飯食，但可能多人關係等左勁耐，咁一般人等既時候都會玩下電話，但竟然收唔到上網，係我地一行三人都收唔到，咁問店員有無wifi提供，佢唔係答你有定無，竟然答你wifi唔係比你用只係我地店員自己用，咁你點解唔答我無呢！？淨係呢種態度已經減左分，味道算好都幾好食，但再好都無分咁既態度加上收唔到上網已經唔想再幫親。。

前日公司有活動，所以我同個同事要去觀塘幫手，我地收工就係附近食埋晚餐先走啦行到中海日升中心就見到間LM Cafe幾吸引，價錢又幾抵原來都有幾多野食餐湯係超級大碗既羅宋湯，味道有d辣，幾好飲香蒜牛油帶子意粉賣相好靚有好多粒又大又鮮甜既帶子星級雜扒同我地平時食開既雜扒餐有d唔同，呢個雜扒有齊西冷扒，雞扒，英式腸，煙三文魚同炸帶子，感覺係豪華左而且個價錢都只係$95 好抵！醬汁我地就簡左特別d既龍蝦汁，味道都好濃郁兩個女人食飯點可以唔食甜品叫左個窩夫配蜜糖，再配雲尼拿雪糕同紅豆，份量十足！窩夫熱辣辣又夠香，紅豆又大大粒，好好味！$48既價錢可以食到禁既質素，真係不錯！凍朱古力都好大杯，而且仲加左d朱古力粉，令到朱古力味更加濃食到飽一飽，就飲下茶消化下茶既種類都有好多款地中海之戀，個茶具超靚超有貴氣既感覺！飲落係好香既花茶味，仲有點水果味，好正好值得推介比大家去呀！價錢抵，份量大，賣相靚，特別係個茶具，如果可以，我都想買返套擺係屋企

朋友介紹龍門冰室好抵食，所以今次就試一試佢。冰室裏面嘅環境比一般茶餐廳市正， 座位都算寬闊。裏面嘅燈光昏暗，頗有格調，設計上都幾有特色。餐牌有好多選擇，set同埋小食都有...朋友推介芝士肉醬薯條一食之下真係覺得冇得輸！好多芝士，完全係覆蓋曬啲薯條，食每啖薯條都可以食到芝士，真係超正！！必食！韓式鐵鍋珍珠飯豬頸肉配炸帶子 呢個飯既種類都幾豐富，有菜有肉有海鮮，口感唔錯。 黑椒牛扒焗意粉 呢個焗意粉就相對失色喇！牛肉比較乾同冇乜牛味，意粉都係相當乾，硬硬哋，好難入口

每月最少都會有兩日LUNCH嚟呢到食, 不過呢邊都開咗好多新食肆, 所以呢到比之前等位既時間係快咗, 因為都搶咗唔少生意, 所以最近佢地都新出咗款三重滋味套餐, 睇落都幾抵食, 所以今日叫咗嚟試, 平時就叫開常餐豬扒飯配芝士汁 - 賣相還可以, 但食落就麻麻地豬扒公仔麵配咖喱汁 - 賣相可以, 咖喱汁撈公仔麵都係第一次見, 味道都唔係太差, 都可以三重滋味套餐 - 格仔餅可以自由選醬汁, 士多啤梨醬都可以, 奶油, 奶醬呢兩款一定唔會差得去邊, 朱古力醬就麻麻, 多啲醬會好啲, 雞翼都好味, 沙嗲牛肉麵, 同常餐既一樣, 沙嗲味唔算好濃, 公仔麵都有彈口, 但未做到爽口感覺凍檸茶 - 茶底好濃, 冇乜檸檬香味凍奶茶 - 荼底濃, 幾好飲, 有茶既苦澀味

今日難得放假去左觀塘工業區開倉買平嘢，買到停吾到手啊，行到5点幾先記得下午都未食，拿拿淋搵緊好嘢食下先，記得係附近返工既朋友介紹過依度，即刻嚟試下先！ 位置方面佢係個商場入邊，一啲都吾難搵，裝修行簡約風格好清新，坐位得好舒服吾迫夾，抵讚！ 行到超級口乾啊，點左杯黑牛，好細個既時候過，估吾到係度可以揾返童年回憶 餓到爆即刻點左個瑞士汁雞翼麵，個瑞士汁整得好正吾會太甜，雞翼方面完全入曬味，至於麵煮既時候剛剛好吾太硬亦吾太淋，撈埋啲瑞士汁真係一流 甜品就整左個窩夫食，估吾到係餐廳都食到咁高質素既窩夫，上枱仲熱辣辣，加埋cream同埋雪榚一齊食真係甜到入心啊 下一次黎開依頭貨一定再嚟試下其他正嘢

昨晚同同事收工之後，去了觀塘行apm，之後食飯便到附近的駿業街揾嘢食，行行下，行到56號，有個大廈有好好林林總總的餐廳，我地就揀左轉入去的LM cafe（龍門冰室）。入到餐廳，裝潢似一些外國cafe，由於我地都比較早去，所以便可以即時入座同坐卡食，去到7點半8點人流開始多，座無虛席，到時等位會有點難。我地揀左兩個主菜加兩個小食，share食，我當日揀了一個西餐，當日餐湯是雜菜湯跟一個輕沙律，雜菜湯很足料，味道香濃帶少少辣，而沙律菜種類多，有少少酸底方便開胃。主食揀左香蒜牛油帶子意粉，份量也很大份，蒜香味足，牛油味出很重，很好味。而我同事就揀左呑拿魚芝士玉子燒配炸帶子撈丁，切開玉子燒芝士流心再加上帶子同出前一丁，味道很有驚喜。我地仲叫左兩個小食，一個係芝士焗肉醬炸薯條和黑松露芝士焗雜菌西蘭花。薯條有先炸底再焗，好有心思，而且很好食，至於西蘭花配上黑松露之後，味道更突出，更好味。餐飲方面，我揀左綠茶鮮奶，我同事揀左mocha。綠茶用了日式抹茶，雖抹茶有點苦，但餐廳加添甜味之後，調配得很適中。mocha我也有飲了幾啖，喜歡飲mocha的朋友都會好鍾意飲。

今晚好朋友係觀塘某party room攪bb百日宴。因為一早講明得少量cupcake,零食同飲品，所以上去前就約左個朋友係附近食d野打左底先見到貌似茶記，但又四正d, 裝修唔錯既LM Cafe,就入左去食Tea嘞外表係厚切西多士實情係邪惡芝士流心西多士切開d芝士真係流出黎架多士外面少少脆，入面好鬆軟。芝士香滑，但唔漏，好好味黑松露薯條用粗波浪薯條已經要加分加上佢係即叫即炸 熱辣辣，完全無油益味，香脆可口。呢個黑松露醬不得了不得了！！超濃黑松露味，又香又滑不過我朋友話薯條點都係襯茄汁好，哈哈。仲好，我點哂又係邪惡甜品出場香蕉朱古力窩夫拌芒果雪糕。窩夫好味，略嫌唔夠脆。不過有超濃朱古力醬同幼滑Cream補番，依然正！最後歎埋呢杯經典紅豆冰雪糕本來紅豆冰係無雪糕球的，但問左店員原來加$13可以要雪糕，梗係加埋先完美啦個雲呢拿雪糕球真係好正～～紅豆硬度又適中，有d咬口，好飲！

餐湯係羅宋湯，味道濃郁，冇味精味，個湯有少少辣，辣味加上茄味，而且暖暖地好開胃。凱薩沙律跟餐加錢可以叫多個沙律，就選擇左凱薩沙律，沙律上面既麵包粒脆卜卜，蔬菜夠新鮮爽口，加上煙肉粒，好食。流心蛋包飯配雞扒見到流心蛋依三隻真係好吸引，仲可以配其他扒或者炸魚。配埋雞扒好似一個另類親子丼咁，雞扒非常好食，夠厚肉，而且好入味，雞扒兩面都煎得好香，但又唔會令到雞扒乾哂。咖喱比預計中出色，味道唔係太辣，但有香濃的椰奶香，非常惹味。流心蛋包真係有蛋液流出來！而且係混合左少少咖哩，味道好香好好食。

觀塘開左唔少食肆, 除左APM、工廈, 什至新建既寫字樓地下層都開左D平價新興茶餐廳, 附近返工既打工仔多一個用膳地方選擇。係觀塘返工既朋友今晚帶左我去一間比較隱閉既新興茶餐廳CAFE食DINNER。MENU上款式選擇令我花多眼亂, 而且價錢出奇地平!!! 什至價錢比起連鎖式快餐更加抵!本打算order兩個小食邊食邊慢慢傾, 點知上檯時, 真係呆左!!! 呢個份量不算是小食吧?! 即叫即焗, 芝士份量不少, 表面焗至金黃, 賣相吸引。【黑松露芝士焗雜菌西蘭花】HK$48西蘭花爽脆有口感, 淡淡芝士味配上較濃味既黑松露, 再灑上少少芝士粉增加芝士香, 配搭很邪惡!  【芝士肉醬薯條】HK$28其他餐廳ORDER一個小食薯條份量通常只有呢度既一半, 即叫即炸, 很脆, 加上少少蕃茄肉醬, 唔洗點茄汁, 味道都剛剛好。【玉子燒】HK$55呢度既玉子燒有幾款唔同既款式/配搭, 而我地就揀左"吞拿魚芝士配炸帶子跟撈丁", 玉子燒以蛋層卷起吞拿魚芝士, 芝士有輕微漏漿, 入口好滑, 少少鹹既吞拿魚亦沒有完全覆蓋蛋香味, 撈丁偏硬, 如果個汁可以再多一點, 味道會更好。好耐都有見過食鐵板餐有呢個價錢

之前已經黎過呢間架啦，不過只係試左下午茶，今次再試埋晚餐！😋不得不提真係好多選擇，搞到我地揀左好耐！😂.我今次就決定食鐵板餐，諗左好耐，最後都係揀左牛扒配炸蝦，但好可惜今次無炸蝦，轉左炸帶子。鐵板跟蒜蓉汁，一黎到就聞到好香，個汁上面超多蒜粒，真材實料！🙌🏻成個份量係好多，塊扒又大，炸帶子又多，薯菜份量都唔少，整體真係幾抵食🤤。塊扒味道都幾好，唔會好似出面嗰啲醃到無晒牛肉味，炸帶子就正常既素帶子，加埋啲汁好好味！😼.另外同朋友一齊叫咗個黑松露薯條小食🍟，薯條新鮮炸嘅，好香脆，特別係個黑松露醬汁，似係自家調製，有獨特嘅風味，淡淡的黑松露味配合埋本身沙律醬嘅味，真係會令人忍唔住越點越多，好快就清晒成碟！.最後一定叫嘅就係呢度嘅窩夫😍，價錢適中，大大份，有唔同嘅窩夫味道、雪糕、醬汁等等選擇，可以俾你自由配搭，有咁抵食嘅窩夫真係為呢餐劃上一個完美既句號！

同朋友一齊行過觀塘，見到呢間CAFE好似幾多人食，就決定入呢間試試佢！入到去又真係幾多人下，裝修都唔錯，感覺幾舒適。一睇餐牌，哇！真係好多選擇！蛋包飯，鐵板，意式既主食，甜品等等，應有盡有！我就叫左個意粉，朋友就叫左個鐵板。今次叫左個蒜蓉帶子意粉，一黎到已經聞到陣陣既蒜香，賣相幾好，幾有高級餐廳既感覺，帶子份量都可以，入口幾鮮味，意粉軟硬度都適中，仲可以見到好多蒜頭，係真材實料先可以咁濃蒜味，唔係淨係用蒜粉就算，抵讚！另外叫咗個雪糕紅豆冰，點知嚟到有驚喜，紅豆冰啲紅豆整得好好味，皮薄、大粒、飽滿、起粉，唔似出面啲紅豆煲到得返層皮。同朋友一齊嗌左個黑松露薯條，薯條新鮮炸嘅，個醬汁好特別，似係自家製嘅感覺，配合埋新鮮炸嘅薯條真係特別好食，又會減去咗啲油膩感，我哋勁快就清晒成碟薯條！最後梗係甜品時間，呢度啲甜品真係好抵好好食。我同朋友點左個窩夫，有唔同窩夫口味、雪糕口味、配料等等俾我哋去選擇。價錢尚算合理，分量超多，個窩夫係新鮮整嘅，上嚟係熱辣辣，再配埋冰凍嘅雪糕，一凍一熱嘅感覺真係非常之滿足，亦都為呢一餐畫上完美嘅句號。

頂級格雷伯爵紅茶套茶具好精緻好靚,視覺已經加分,飲落有佛手柑既甘甜且帶果香!!!凱撒沙律羅宋湯,偏濃偏辣,好大碗!!!鐵板西冷扒香草腸,西冷幾嫩咬落唔韌!!!黑松露芝士焗西蘭花,唔會話焗到乾曬身,黑松露個種獨得既"煤氣味"真係好正!!!黑椒豬扒拼炸蝦黑椒汁芝士汁流心蛋配煙肉流心蛋,流出既芝士汁都幾得意幾得特色!!!雪糕紅豆冰,士多啤梨同雲哩嗱味雪糕,粒粒紅豆,口感好豐富!!!甜品Tiramisu奶凍,個陣咖啡味的確令人食完精神振作起黎!!!