LM Cafe (已結業)

官塘工業區有好多新式ga工商大廈，裡面有各式各樣ga餐廳。今日想食啲簡單港式野，上openrice見到呢間個menu好似乜都有就試下啦。星級雜扒餐，首先黎ga係羅宋湯，好大碗，香濃番茄味！鐵板有兩條大大條ga英式香腸,雞扒,三文魚,西冷扒和兩粒大大粒帶子，加埋雜菜，好大份抵食！另外叫左個流心奄列餐配魚柳，啲蛋好滑，一啲都唔老，魚柳又好脆口！👍最後叫個窩夫雪糕甜品作結兩個人食有一杯特濃咖啡配個朱古力窩夫，滿足呀！

朋友帶我去觀塘一間叫 LM Cafe 食晚餐，佢講喜歡佢的像西餐廳的推介餐牌，佢都怕要等位，即刻馬上趕去食完晚飯先，才去附近商舖行街買野。叫左個燒得好香的蜜糖雞翼，果然雞翼味道幾好食出雞翼帶有蜂蜜味，是大家不可以少的喜歡食物。黑椒汁西冷牛扒併香草腸，熱的黑椒汁令西冷牛扒肉汁更豐富，令人食得有滿意度因會同牛扒切開好順暢掛鉤在一起，跟香草腸是不錯的配搭，叫呢個扒有部份原因是被香草腸吸引視線。叫了個特色飲品黑牛，又有熱朱古力。

觀塘區有好多時裝店同商場，最岩收工去行街食飯，晚上在LM Cafe食飯，見店的餐牌有好多菜式，像是港式餐廳，夠大眾化。食芝士薯條，見熔化芝士在著條面，真是好外熱薯條內脆，呢款小食好合胃口。令我叫韓式炸雞，因令我想起韓風，雞肉剛炸熟，有大件雞似特別有口感，唔同形狀雞件有唔同部位咬感。肉醬玉子燒併炸蝦撈丁，好快先品嚐肉醬玉子用刀切開，本來食玉子會較飽肚但竟然今次不會亞，炸蝦好似食緊蝦捲般是美味的選擇，當然唔少得配上撈丁。

今日去開觀塘工作，收工誤打誤撞搵到尼間LM CAFE，其實工廈區好多好野食！一入商場就已經見到招牌了，相當搶眼！尼間LM CAFE其實係由屯門開過黎既！ 餐廳環境不錯，而且帶點氣氛！收工時間都坐滿曬，證明質素得到一定認可！先黎碗羅宋湯，味道濃郁，材料十分豐富套餐既沙律配上醬汁相當開胃今次點左一個 芝士肉醬玉子燒配炸帶子，玉子燒相當大件，而且肉醬份量十足，加上芝士的配搭，令成個味道非常有層次！另外點左一份黑松露薯條，份量非常非常多，配上黑松露醬非常可口！非常喜歡尼個醬😍最後點多一個雪糕紅豆冰，紅豆陪多，雪糕亦好大個，簡直黎左一個完美的結尾👏👏👏👏

同朋友食好多次了每次晚上約人傾計首選這每人一個焗飯加涷飲兩個人埋單一百元有找出面茶餐廳都吾得其實重點係晚上八時後很清靜你傾幾耐無人理你出面茶餐廳人流多你坐得耐阻住人地做生意我地叫焗飯通常等十五至二十分鐘我地又可以消磨多些時間上檯面時熱辣辣香噴噴朋友食白汁，我今晚茄汁加白汁我地親熱食，汁夠多魚柳是龍利柳份量不多不少補哂上個飯面，飯當然炒過雖然有汁，食得出飯粒乾爽每次都叫佢地多汁，做得到這裡招呼普普通通勝在坐得耐吾洗比人趕

今日喺觀塘行完街，揀咗LM cafe 試一試～ 餐廳幾大，裝修不錯，我地坐咗卡位，幾闊落～ 餐牌好多選擇，我地點咗星級雜扒餐，芝士肉醬焗薯條，韓式炸雞，甜品點咗自選班戟～ 星級雜扒餐$95鐵板餐熱辣辣，有西冷扒、雞扒、英式腸、煙三文魚、炸帶子，我地揀咗龍蝦汁，西冷扒比較薄身，都算淋，雞扒厚身，皮都幾香脆，英式腸細細兩條，味道正常，炸帶子和煙三文魚味道不錯～ 整體份量算多～芝士肉醬焗薯條$28賣相不錯，好大份，熱辣辣，芝士好足料，味道濃郁，肉醬味道亦不錯，薯條則有點淋，可能係因為太多芝士肉醬的緣故～ 韓式炸雞份量足，雞炸得好脆，而且保持到肉汁，又唔會太油膩，底下有蜜糖可以點，味都唔錯～ 上面加左一啲沙律菜，感覺清新～ 自選班戟$55班戟都一樣，好大份，有四塊，又有兩球雪糕，兩種醬料，我哋揀咗綠茶味同朱古力味雪糕，蜜糖醬同朱古力醬，生果揀咗士多啤梨～ 班戟好有蛋香，軟綿綿，熱辣辣，唔錯～ 配上雪糕同醬料都好好味～ 食完超級飽～

餐廳是在一條小巷裡的，一入去就見到有招牌啦！甫進裡面見到環境好精緻，地方都好大，而且座位都好寬敞！餐廳裝潢不多，只是簡單的佈置，襯托出簡約、輕鬆的感覺！點了份黑松露牛油帶子意粉。牛油味同黑松露味道很香，配合埋帶子嘅清甜真係好正，加埋有雜菌在內，非常香口！睇落份量好少？其實岩岩好岩晒一人份量的。突然很想試下瑞士雞翼，唔知係咪因為浸住嘅關係，所以咸左少少，不過都係好味嘅！雞似很滑、而且都好大隻呀！呢個份量嘅薯條真係無得輸，岩晒幾個人一齊分享呀！當然都唔少得嘅係黑松露醬嘛，非常香而且creamy !

琴晚同老公相約在Apm,記得朋友講話觀塘工廈有不少cafe,就上open search下有無又便又抵食的cafe，點知就搵到呢間龍門cafe。由APM行去都唔洗5分鐘，都好易搵，係地鋪，當時7點幾都不用等位。我一打餐牌就揀左好耐好耐，因為有太多選擇啦最後我揀左個常餐，有厚多士配3.6北海道牛乳炒蛋，叉燒意粉。多士中的牛油，太多，多士唔熱，炒蛋太熟，反而個叉燒就幾淋，湯底好味。老公食雞扒流心奄列飯跟芝士汁，雞扒夠大件，不過可再煎香D,奄列無流心，芝士汁都ok，最好就係夠份量。食物整體都一般。最失望就係晚市無特色咖啡，只有即磨咖啡。環境就幾好，有花心思佈置，座位與座位間闊敞，又多位，價錢好抵，搵地方坐下傾下計，都唔錯。

係觀塘行開，想試下新野，就入左黎。我同朋友就嗌左個湯，兩個餐，一個餸同兩支1664。嗌左個羅宋湯，羅宋湯偏辣，但好濃味，仲有好足料，正！我地嗌左呢個星級雜扒配蒜蓉汁鐵板餐跟飯，呢個星級雜扒有西冷扒，雞扒，英式腸，煙三文魚同炸帶子。佢仲有d栗米同蕃茄，非常足料，好飽肚。我中意佢夠多款餸，個蒜汁好香，同個扒好match。因為食左好多肉，我地就嗌左個黑松露芝士焗雜菌西蘭花，佢都係好大碟，好香芝士味，加埋d雜菌，呢個配搭一流！我地仲嗌左個爵士西冷扒拼香草腸配黑椒汁鐵板餐跟薯菜。佢個腸好外脆內軟，牛扒硬軟到剛好，加埋薯條，非常足料好抵食。野飲就嗌左兩支1664，值得讚賞的間店好細心，因為個啤酒杯係好冰好涼，飲1664時特別爽。

LUNCH時間一定唔好去, D侍應禮貌差到爆, 碟飯食到一半就問你係咪唔要,你不如個飯一開始黎到問我係咪食飽唔要,  杯野飲完唔夠2分鐘就即刻叫你快少少飲完走, 明白繁忙時間係好多客人等緊, 但前後用餐時間都唔夠半個鐘就趕你走, 禁不如你係門口寫到明用餐時間限制20分鐘啦...要做生意我明白,但唔係禁樣囉.....如非必要唔會再去

當晚大約七時來到餐廳，幸好有座位，後來客人愈來愈多。餐牌上的食物林林種種，有all day breakfast 、有排、有玉子燒、台灣食物亦有西式意粉和飯、當然唔少得有小食同甜品既選擇對唔知道要選咩菜式既朋友仔係極度推介😂😝一次過滿足大家選擇，餐牌既價錢around 40-80，晚餐來講絕對係高度推介，食物一d都唔遜色！！今次叫左兩個main dish，德國腸配肉醬意粉，前菜有沙律同羅宋湯。因為我本來係唔鐘意食出面一堆蕃茄肉碎又咸既肉醬意粉，友人叫我嘗一口，對一d唔鐘意肉醬意粉既人來講竟然覺得好味。味道非常特別，少少酸既蕃茄亦有淡淡香味，友人都話好好食😁。餐湯有少少辣，因為有青椒，但非常足料，又有蕃茄同洋蔥，亦唔係普通罐頭羅宋湯既味道。另一個係黑松磨菇玉子燒配雞翼撈丁，超級超級味道令人驚喜！！$58 有甘既水準，份量又多，必食推介！玉子燒燒得熱熱簡直係食過番尋味☺️ 友人幾乎要搶左我果個食！

一向都知道觀塘多特別的餐廳，不過就好小機會去，LMCAFE出名多種類又抵食，今次終於都試到喇!位置唔算易搵，MTR 落車都要行一段路先到，入到去發覺空間都好大，同埋裝修幾可愛，我覺得好適合放工約埋三五知己去食野傾計。身為小食愛好者當然一坐低就叫小食啦，一並叫左四款小食，分別係黑松露芝士焗雜菌西蘭花，蜜糖雞翼，椒鹽雞翼仲有黑松露醬薯條。個人最鐘意就係焗西蘭花，有哂我最鐘意既菇仲有芝士！全部小食出黎都係熱辣辣，非常新鮮。朋友就鐘意兩款雞翼，話夠哂野味呀！食完小食我地就叫左花茶同兩款甜品，waffles可以自己揀味，雪糕同配料都可以揀，好大自由度，咁就唔洗驚有自己唔鐘意食既野啦。呢度仲有酒賣，酒既種類都好多，食哂野之後仲叫左兩枝蘋果酒，繼續傾計，店員都好好唔會話坐得奈會趕人走。

第一次去lm cafe果陣以為會好似旺角果d咁逼咁密 會好細間！去到發現位置好好！ 又大又闊落！7點去食已經食滿人咁滯我地兩個人叫左個咸牛肉玉子燒配蝦同意粉！一個照燒雞排滑蛋飯 同蜜糖雞翼！全部都好好味！ 完全意想吾同啊！個玉子燒直頭係會流心！ 個牛肉配落去吾會咸！好香！好結實！平時係一田食果個都要成50幾蚊！哩個配埋個蝦球同意粉 加野飲都係差吾多價錢 真係抵到喊！個蜜糖雞翼甜甜地咁上碟！size 細細隻岩岩好！真係好正！ 個皮甜而不膩！好香口！ 一碟都有成6隻度！ 食完都想再叫啊！個雞排飯都係好好味！略嫌多汁左小小！ 2個人叫3野樣食都覺得有d多食吾哂！ 因為碟碟份量都好大！ 好抵食啊！

同朋友係觀塘行到咁上下見肚餓，去到呢間LM CAFÉ都算出名，一來夠多選擇，二來夠經濟，價錢又唔算貴下午一黎到都已經好多人，等一等左冇耐就入得，拿拿聲叫番幾樣野黎醫肚！朋友叫左個咖哩吉列豬扒，咖哩汁好多，味兒少微，吉列豬扒炸得脆口而且好大塊啊，一啖豬扒一啖飯都夠，超級飽肚而我就叫左個鐵板雜扒，有睇有雞扒有西冷有薯條呢D，雞扒西冷肉夠嫩滑，腸仔肉唔會太鹹，炸帶子炸得香口，另外薯條可能因為比D汁浸左陣所以林林地，不過都好食，加埋上面隻太陽蛋，流心效果一流，好好食，呢份同樣份量都好多，一個人都夠哂飽冷氣有少少凍，飲番杯熱野，當堂暖哂，不過人太多，都不好意思坐太耐有時得閑冇野做過黎食下野都好，大把選擇，三五時食都唔會怕厭啊！

難得相約好久不見嘅好姊妹出來吃飯，實在有太多事情要跟她分享，特意想搵間冇限時間及有美食嘅cafe， 於是上openrice找一找，找到一間近好姊妹工作地方嘅cafe ~ LM Cafe (觀塘)。LM Cafe 位於觀塘apm附近，地方易找，我和好姊妹六點已到，內裏裝修簡潔，燈光柔和，地方寬敞， 還有很多張卡位供客人選擇， 配合cafe播放嘅歌曲， 真的是一個傾計嘅好地方，怪不得這個時候已有很多客人。看看餐牌選擇非常多，有精選晚餐，推介飯/撈丁/意粉餐，流心奄列餐，鐵板餐…… 各款小食…… 窩夫甜品等等; 飲品選擇也多，除了一般奶茶咖啡外，還有咸檸七，檸檬利賓納，啤酒，紅酒等等。我和好姐妹不是太肚餓，揀了一款dinner set~香蒜牛油帶子意粉($72)~ 意粉唔會太乾身 帶子用牛油煎得香嫩美味， 同香蒜配合得好好， 套餐配有餐湯，沙律及飲品，餐湯係羅宋湯，甜辣適中， 沙律清新， 飲品係凍朱古力，Cafe絕不吝嗇，落咗好多朱古力粉, 絕對唔會淡茂茂 (凍飲加$2) ; 好姊妹叫了一杯龍鳳檸樂($18)，現代嘅餐廳好少有此飲品，是新鮮檸檬切片及腌漬鹹青檸配合嘅可樂飲品， 可口可樂嘅甜美