Lucy Coffee n Food (已搬遷) 新店位置

很久以前已經有留意這間小店 喜歡偽文青的你還是喜歡甜品的你 記得要到這裡幫襯了🙂☺️小妹很喜歡吃漢堡 是個burgers控 所以今次是點了這個全麥黑豆漢堡配切角薯仔及紫心薯條🍔🍠🍟店員端上枱便會溫馨提示要趁熱吃👍🏽👍🏽材料很新鮮 麵包外脆內嫰 吃得出有全麥味而黑豆味的味道不算突出 漢堡扒即叫即整 吃起來感覺很鬆軟的 是自家製作 很不錯咧 而且薯仔及紫心薯條也有足夠的味道 雖然本身已經有鹽 但也能吃到薯仔的味道甜品方面很精緻 數量不多 但質素非常好 完全是自家制作👍🏽😋以上是檸檬糖霜戚風蛋糕及宇治綠茶杏仁蛋糕🍋🍰🍵🍰 先講左面的檸檬糖霜戚風蛋糕 蛋糕口感很鬆軟 蛋糕上還有一片檸檬 吃起來甜甜的又帶點酸酸的 是很清新的味道 感覺很開胃 而右面的是宇治綠茶杏仁蛋糕 這蛋糕充滿綠茶味 不會有苦澀味 另外還有杏仁粒 蛋糕的口感都很鬆軟 兩款也推介 值得一試😀😀小妹很幸運地遇上這個名為白酒香料燴🍐杏仁撻😋😋賣相極度吸引外 當然味道也很好 杏仁撻很鬆脆 焗得很好 而🍐很香甜 吃起來也有一種清新的感覺 配搭很夾 小妹很喜歡 推介 值得一試👍🏽👍🏽另外也點了一杯伯爵茶味熱豬古力 這杯熱飲味道適宜 不會過甜

白酒香料燴梨pancake（$82）👅靚到一個點😍😍😍無錯！佢就係我黎既原因☺️☺️啤梨酒味岩岩好，但林身啲會好啲🤓🤓白色個層係Greek yogurt,酸酸甜甜幾夾👍🏻👍🏻Pancake比想像中好！係用椰子油同日本蛋整🤗有微微蛋香，厚身之餘夠鬆軟，唔會乾真真咁👍🏻👍🏻啲花係食用花黎嫁🌺🌸🌼岩哂我呢啲發花癲既港女👸🏻

係ig見到人地po呢間野d食物覺得好靚好吸引就引唔住想親身試下啦🤗一去到果然連環境都好靚，櫈同枱都係本造，四圍都有一d乾花同擺設，成個感覺好舒服。講講食物先:白酒香料燴梨pancake ($82)呢個簡直係一個Art Work!🌌為左佢山長水遠⛳️入荃灣🙈佢唔係得外表，味道都唔錯嫁💁🏻 個梨🍐幾香酒味🍷，而且好清甜，pancake同一般唔同，呢個口感比較紮實👄偏向蛋糕既感覺，我就幾中意啦😙食落香蛋🍳同麥味，配埋Greek yogurt同楓糖漿，更加好味👍🏻橙酒朱古力蛋糕 ($68)同平時既brownie差唔多，只係多左淡淡既橙味🍊朱古力🍫味好濃，口感算綿密，普通啦💁🏻我比較喜歡個雲尼拿雪糕🍦多d，有香草籽同果仁，幾好味👅不過個人覺得價錢有d貴🤔未好食到值得收呢個價錢~Iced Peach ($58)見杯飲品成五十幾蚊諗住應該會有一大壼可以斟黎飲又或者一大杯🤔一黎到見咁細杯😯仲要一大舊冰係裡面....之後就諗可能好好飲呢🤔點知淡茂茂☹️似係snapple溝左好多水💧💧💧peach味🍑冇乜👎🏻咁既質素賣五十幾蚊未免太略水😓整體黎講，食物靚就靚，但係都偏貴，而且又冇話好好食，都係岩相機食先多d🙈

有性格又有Heart的Cafe位於工廠大廈內，所以比起荃灣區一帶的咖啡店比較有空間感，起碼不會背脊對背脊。餐枱坐位一般以木製家具，冇大沙發冇大班椅，但都可以接受。店員都會比好大嘅空間客人，但當你需要協助嘅時候他們都有問必答。我跟朋友order左兩件蛋糕兩杯咖啡。抹茶蛋糕內有杏仁粒，口感非常豐富，十分重抹茶味道。橙酒朱古力蛋糕，店員清楚說明蛋糕內是沒有麵粉的，再配一球雲呢拿雪糕，蛋糕口感好Rich，配以雪糕口感啱啱好。以上兩款的蛋糕，我都未試過在外面品嚐過，應該是這咖啡店的特製手工蛋糕。因為我比較鍾意飲濃味的咖啡，所以我order咗Piccolo, 咖啡味道偏果味，有輕微帶酸味。我覺得咖啡店最有性格是，咖啡唔准加糖，其實我本人飲咖啡都唔加糖。下次去等我試下佢其他食物先

小店藏身荃灣工廈，第一次來可能要花點時間才找到。位置偏遠，但真是隱世美食嗎？店內裝潢走木系風格，開放式廚房以及簡約的佈置都予人舒適的感覺，看見幾位年輕人埋首沖咖啡、做甜點，令人滿心期待小店出品☺️單看餐牌上每道餐點詳細的介紹，以及中高檔次的定價，令人期望食物質素能與價錢成正比。純素漢堡伴烤手切紫薯條及薯角。$98漢堡一端上桌，令人有點詫異😦。份量也太小了吧？香港租金成本高昂而調高售價無可厚非，但以這地段如此收費會否過於進取？🙄除了份量小，味道也不算驚為天人。首先，漢堡聲稱用上自家製全麥包，誠意十足，可惜麥香不足，偏白的包身及鬆軟的質感，令人懷疑全麥粉比例是否不足🤔？筆者還滿心期待品嚐到全麥麵包原始的麥香及粗糙的質感，頗為失望😓至於素漢堡扒的味道也毫無特色可言，鷹嘴豆泥加入中東香料調味會較為理想（falafel?）而且質感鬆散，一切開漢堡素扒就溢出來，吃起來有點狼狽，賣相也不佳🙁漢堡中還夾雜alfafa、牛油果及番茄，清新的蔬菜平衡了偏鹹的素漢堡扒。至於素蛋黃醬也不予置評，份量之小實在可有可無，完全嚐不出任何味道😑伴碟的薯角需時30分鐘新鮮焗製，味道是否比坊間預製的出色實在見仁見智，對筆者

去一次就夠了，食物質素一般，環境一般，店員態度：（ 由下單點餐到上飲品的時間，差不多半小時，店內只有一座客人。朋友點的食物已到並享用完畢，但我點的再多等半小時仍未出上餐，重點，點的餐與朋友是同一樣，為何上餐時間差甚遠？詢問店員 是否漏單？ 回應是 去跟一跟張單，事後並沒有向客人交代什麼回事，讓客人無了期等待，最後才衝忙地送上食物。

我17:55打電話問方便去食。(我只是頂多五分鐘就到)心想也不知是否可以多賣。聽電話的男人直説"我們六點關門。"我說"現在是17:55。"他才説"我們五點半 last order。"心想那店老闆也真辛苦，又要從火炭搬去荃灣，又請唔到好員工。我無食過，除了服務一星外，其他都是 N/A, 不過 Openrice 無這選擇。

工廈越來越多特色食肆，週末又是到處覓食的時候。荃灣工廈平日很少會去，而 Lucy Coffee n Food 不近地鐵站，要走了一段路才找到。以為地點偏遠不會很多人，怎知道高朋滿坐，等了約十分鐘才有位子。這裡的食物強調健康，連麵包也是自家製。原本想點全麥素漢堡，但已售罄，餐廳中午12點開未到3點已售完，可想而知有多受歡迎，可惜無緣一試。最後選了羽衣甘藍藜麥沙律及煙三文魚egg benedict。羽衣甘藍是近年興起的超級食物，市面的零售價高昂，這裡的沙律真的整碟都是羽衣甘藍，配上牛油果、無花果、車厘茄、秋葵、藜麥及紅莓乾，全部食材都很新鮮，清新好味。至於煙三文魚egg benedict, 少有的沒有加上荷蘭醬。但其實egg benedict 的蛋黃與煙三文魚及麵包已經很相襯。再來一杯 piccolo latte, 夠香滑，有驚喜。這裡的裝修格局很文青，但由於人太多，氣氛變得似茶餐廳，只好把焦點放在食物而不是環境上。

入到店內見裝修ok但問題發生享點餐後成一個小時仍未有追問下原來漏單都不緊要，立即整回便可但眼見仍是出其他客人的菜而問店員又黑面（加掉野，發哂皮氣咁），同佢講道理但又駁咀服務好差我心諗行左咁遠黎你呢間小店遭到咁既服務我諗好快執

麵包自家製有原創的味道，配搭沙律菜煙三文魚牛油果番茄新鮮非常，精心焗製份外有味道。不能嚐到的獨特味覺。麵包不膩不硬軟軟容易入口，賣相很美。配搭Long Black 聽住輕鬆音樂，放漫步伐享受Tea 吃完三文治試試甜品友善的服務員逐一介紹選了賣相出眾的土耳其的無花果鬆餅嚐了第一口非常意外，無花果的微微鮮甜配合餅底的鬆軟加獨特的果醬，不會太甜。真好味道，這種味道幾難忘。

我地三個人最後走左冇食到，本身地點已經比較隔zip，特登走到入去想試下，一入門口冇人理，我朋友話三位呀唔該，冇人理，咁我地咪自己揾位，行多兩步，個女待應黑住面喝停我地：等下得唔得呀？？？，本來以為佢會帶位，原來唔係! 只係比個menu我地自己拎番埋位，佢只係怕麻煩，怕我地坐低左，佢要喺個open kitchen 走出拎個menu比我地! 之後我地坐低幾分鐘諗諗下唔鋸就走左!

話開十二點，十二點半都未有影。有十個人係出面等。半個鐘唔係多，落晒閘又睇唔到，但根本唔知你開定唔開。門口得張紙話人手不足準備時間較長，又無寫日子，咁究竟係咪今日貼住？無食過啲嘢，不過請留意下呢方面，工厦係無風扇無窗，唔該！

想試好耐， 之前見到 ig 見到呢間餐廳有素食嘅甜品，呢日終於試到。星期一行咗過黎，點知經隔舖嘅人先知道lucy 星期一唔開。 但因為太想試，所以星期三再過嚟。呢個地方離荃灣地鐵站幾遠，但唔算真系好難揾，一入到去，店員好親切咁比咗個餐牌比我地，仲見到好幾種好靚嘅蛋糕，其實我比較想試佢嘅慕絲蛋糕，發現冇慕絲系有啲失望，但眼球深深比佢哋嘅大大舊好似雪芳蛋糕嘅蛋糕吸引住，可能因為好想試佢嘅甜品。店鋪位唔多，但系廣闊嘅空間令人覺得好舒服，而且因為客唔多，所以唔驚冇位坐。坐底冇耐，我地就叫咗一個素食嘅鷹嘴泥漢堡同一件係店員細心介紹同得知蛋糕嘅材料之後所叫嘅素食朱古力 muffin，因為本人唔食得牛嘅產品，所以呢件蛋糕絕對係無有怕嘅甜品 。店鋪嘅餐具都系自助形式嘅，即係需要自己攞餐具， 而嘢食就由店員攞過黎，店員好細心咁同我地講要襯熱食， 覺得真系好 warm 。 可能我地唔系好肚餓，而且甜品上枱先，所以等個漢堡30分鐘冇難度。 甜品到後，試一試味道，唔太甜但有香而唔澀嘅朱古力味，最開心係有朱古力碎係入面，更加加分，就算冇奶嘅甜品好好食，食到食完都仲想食，不過如果怕乾嘅蛋糕嘅朋友呢個就可能唔系好適

最近很想扮一下文青，決定來這間樓上cafe，看看書，吃蛋糕，坐一個下午。我最想吃的抹茶杏仁蛋糕賣光了，友善的店員推介我吃香蕉蛋糕$28/2片。當年中學家政科考試的作品就是香蕉蛋糕，因為我非常喜歡吃香蕉，造法也很簡單。簡單卻不代表可以馬虎，以我多年吃香蕉蛋糕的經驗，用香蕉油還是新鮮蕉肉，我一看便看穿！一般餅店賣的香蕉蛋糕顏色較淺，甚至帶黃，口感偏鬆軟，像雪芳蛋糕般，因為加了人造香蕉油和梳打粉。而這件蛋糕色澤暗沉不均，口感紮實，正正是因為用了新鮮蕉肉！如果大家有用過攪拌器自製香蕉奶，便會發現蕉肉接觸了空氣後會慢慢變得深色，正如這個蛋糕一樣。職員很貼心的用焗爐翻熱了蛋糕，熱騰騰，香噴噴，仿如新鮮出爐；邊皮微脆，但內裡仍能保持濕潤；很多蕉肉，配上果仁口感十足。很偏心的給了這蛋糕五粒星，其中兩粒是給我最愛的香蕉，哈哈。期間發生了一段小插曲，我以為已點了製作需時的veggie burger，但等了良久才知道沒有下單，溝通上有一點誤會。其實我完全沒有介意，但店員再三跟我道歉。離開時他叫我等一會，原來他正在準備一小件檸檬蛋糕給我外帶，很窩心！蛋糕雖小，但檸檬味非常清香，本來不愛吃檸檬蛋糕的我也覺得很好

極力推薦....氣氛滿足感100分！食物美味度100分！悠閒感100分！播放音樂放鬆感100分！咖啡適中100分！....只是座位有點硬及高度失衡！扣返20分！ 下次記得要選有椅背的櫈子！