Macaroni Dessert Bar (已結業)

去左搵朋友食晚飯，搜尋左哩間環境唔錯，裝修幾靚，店鋪唔算大，但通道好闊落，我地叫左一份set再加少少散叫，食左$430價錢合理，都幾多野食。餐前食物：煙三文沙律，三文魚約有三片，唔會太鹹。粟米忌廉湯，後面塊包先係精髓，搽左黑松露醬，味道幾好，口感上有點似食牛油質感。生蠔，好似係新張期間每位客人可點2隻，1蚊一隻，真係好抵，而且仲好鮮甜。主角出場：軟殼蟹漢堡包，成個包大約手掌咁大，隻蟹脆卜卜，好正，麵包搽左牛油係入面好香口，兼且好鬆軟，薯條亦好夠熱。黑松露帶子燴飯，帶子厚肉好大隻，個飯用左黑松露煮，唔識點形容味道，但堅好食，仲有菇粒增加口感。甜品：鮮果拿破崙，賣相已經好吸引，碟面上有花瓣碎，仲有士多啤梨乾我食過，幾好味，拿破崙好脆，連埋中間d吉士醬一齊食更正。朱古力心太軟，當日食既雪糕味係提子冧酒，心太軟焗得好出息，朱古力流心唔會太甜或太苦，蛋糕好軟熟。

舊年跟好友慶祝農曆生日晚餐果間上海滬因租約期滿而結業，所以我決定今年帶好友到新開的小店品嚐西式晚餐慶祝~~~ 呢間小店因為新開張全店9折，仲有生蠔送，對於愛吃生蠔的好友來講間直係最開心的事我們見到晚上套餐價錢都不錯，所以就點了兩個晚餐~~~裡面環境令人感覺幾舒服~~~一開始上生蠔，喜歡吃而又係壽星的好友當然好開心咁食的飲凍檸水，好友飲凍奶茶~~~餐湯配的餐飽，感覺幾好食~~~雜果沙律和煙三文魚沙律，我個人覺得配搭幾得意，塊煙三文魚卷曲的花都幾好睇~~~好友點是日餐湯，而我就點粟米忌廉湯，感覺好飲得來唔會過咸~~~我點的熊本西冷，雖然不是鐵板燒，看上去美觀之餘，食落去啖啖肉仲滿有牛油味，肉質鬆軟，仲配粗大的薯條，令我食唔停口好友點了蜜汁黑椒烤豬手，肉質鬆軟加啖啖的豬肉味，每喜歡食肉的我就算被蒙了雙眼都能分辨出是屬於那種肉的味道最後上係甜品意大利蛋糕，味道唔太甜，當佢係好友農曆生日蛋糕埋單時發現張單有人均消費一欄，如果一班朋友外出用餐要夾錢可以不用拎計數機計數咁麻煩

今日係紅磡轉車過港島， 順道周圍遊下先走 遠處見到間野幾正， 一於黎話下啦！入到去氣氛都唔錯，座位也相當闊落因為想試多幾樣野所以叫左set dinner 首先當然上個沙律細細碟幾開貴 煙三文魚更是精綷 忌廉粟米蓉湯配黑松露多士 個湯好正粟米味勁濃郁配埋黑松露多士勁match ~~~半熟刺身帶子黑松露意大利飯 帶子超級大粒 食兩粒完全唔夠喉 more more 不過啲飯有少少乾， 如果多小小汁仲好味啦香煎龍蝦配牛小排+燒烤汁 而個價錢方面就有小小貴！ 不過一上枱就好吸引了龍蝦唔係好大隻嗰種， 但食得出佢好實肉~肉質唔係淋身個種黎既！ 仲有一塊牛小排， 點埋小小燒烤汁幾好味喔甜品方面， 第一次食鮮果既拿破倫，水果新鮮但蘇皮方面牛油味勁重， 朋友比較愛吃見佢仲有d lunch set ！ 好想去試下個b餐啊哈哈哈

9月24號中秋夜，觀賞演唱會前來到了位於紅磡蕪湖街的Macaroni Dessert Bar，係一間集西餐同甜品於一身的西餐廳。裝修環境頗有格調，而且樓底高，座位與座位相隔有一定距離，空間感十足，非常適合朋友聚會或情侶用餐菜單是非常先進的用平板電腦顯示，選擇不算很多，但每款都各具特色迷你皇室和牛漢堡，總共有三個小巧迷你的漢堡包，三個都分別塗上了不同的醬汁。和牛肉漢堡扒都幾厚身，約7成熟，肉香軟林夠Juicy，但略嫌漢堡包內層烘得比較燶。伴碟的炸薯條熱辣辣，非常新鮮香脆焗柚子三文魚扒，三文魚扒外層塗滿柚子醬然後去焗這種製法挺創新！魚扒外表帶清新柚子香，甜甜的，內裡魚肉頗鮮嫩，不錯不錯香煎龍蝦拼牛小排配燒烤汁，半隻開邊龍蝦加上兩大塊牛小排，份量十足的哦！龍蝦肉不算多，但勝在幾夠鮮甜。牛小排肉味香濃，但略嫌韌左少少。兩款主菜都有附上新鮮雜菜，感覺健康，值得一讚喔

Macaroni座落紅磡蕪湖行，就近何文田地鐵站。餐廳大約50座位，無論牆身、餐桌，都以raw灰色格調做主調，一邊牆有幅磚牆做feature wall，成間餐廳都好有特色。餐牌方面，由前菜、沙律、主菜到甜品都有，main course 都好陰選擇，牛扒、三文魚扒、risottos 都有。main course 餐牌價錢加$60仲可Set dinner ，真係好抵食！Salad🥗: 煙三文魚沙律/鮮什果沙律新鮮沙律菜，什果有藍莓、士多啤梨&青提子，配黑醋，prefect match!Soup🥘: 是日餐湯-薯茸湯/粟米忌廉湯 配黑松露芝士法包。兩款湯都打到creamy，配埋飄出陣陣黑松露味餐包，完全冇得輸！Main Course: 半熟帶子刺身黑松露意大利飯($98)帶子外熟內冷，鮮味夠！黑松露夠香，成個飯都好好味！安格斯肉眼($152)7成熟肉眼，眼部比較多筋，肉有點點難切，但食落都好味！ 唔記得影相😣😣Dessert🍨 :Tiramisu🍰 用心擺設，香濃tiramisu，好想再試！Drink: 檸水，另有汽水選擇。

約左表妹食飯，佢系紅磡地膽，當然由佢話事，佢帶我去左間好正既西餐廳，要同大家分享一下。一切美好系從沙律開始，煙三文魚品質好優，入口冇渣，好厚切，擺盤似朵玫瑰花，好浪漫🌹餐湯系南瓜忌廉湯，搭配蒜蓉包，蒜蓉包一定要特別贊！香酥到位。軟殼蟹黑松露野菌意大利麵一整隻軟殼蟹十分有霸氣，仲要系一切開全部系膏，好正吖！黑松露野菌意粉就十足松露味，好creamy,伴有野菌，令人好滿足。焗柚子三文魚扒，呢道絕對系健康營養之選，我好喜歡佢地既黑色餐盤，好時尚，令擺盤可以發揮得更好，有藝術氣息🎨，似調色盤咁，將食物最美的一面展現比客人。三文魚焗到正好合適，份量也都足夠，柚子的甜蜜為三文魚增添滋味，絕對系perfect match,好掂！燒法國春雞配紅酒燒汁，呢道菜就需等時間25分鐘以上，雖然等左好耐，但見到的時候超級驚喜，相機食先系指定動作。不由自主的相機對住隻春雞咔嚓咔嚓咁影，真系好吸引人目光，隔離枱都嘩然。原隻春雞真系極吸引，雞皮金黃不薄脆，連我原本唔食雞皮既人，都忍不住食落去。真系超好味。擺盤又糸冇得輸，而且價錢好合理，雞脾又滑又嫩，配上紅酒燒汁，味道又再昇華。最後系tiramisu 做為甜品，為今晚

中秋放假 b先生話帶我去食隱世性價比高西餐廳 佢帶我由黃埔地鐵站行丫行 行左10分鐘度 佢唔帶我黎 我真係唔知有間餐廳係度7點黎到 都坐滿人咁制 好彩岩岩有人埋單✌🏻樓㡳好高 裝修走型格風Menu 係用ipad睇 都幾方便野食選擇都幾多 main course加60就有set dinner 有前菜 湯 甜品加野飲而家做promotion 生蠔$1 隻 每人最多叫2隻 當然我地係叫左4隻啦 另再加一個蜜汁黑椒烤豬手 升級變set dinner 半熟刺身帶子松露意大利飯雜莓沙冰跟餐三文魚沙律好新鮮好好食粟米忌廉湯加黑松露法式多士湯好滑好creamy 唔係用粉溝的 多士好香黑松露味 仲帶有少少芝士咸香 芝士唔會蓋過黑松露味 反而襯托出黑松露ge香味$1生蠔完全唔會因為價錢而影響質素 好新鮮 好正 $1一定要叫半熟刺身帶子黑松露意大利飯帶子煎到半生熟 出面好香脆入邊好嫩滑 意大利意飯軟硬剛好 好食密汁黑椒烤豬手份量好大 我地叫左少咸 果然真係有少咸到 👍🏻 豬手烤到外脆內嫩 多肉少肥 性價比極高 連薯條都好好食跟餐加少少錢要左個抺茶心太軟一切開 個心勁流 好吸晴 個雪糕係紅豆味ga 紅豆同抺茶

好多人都話紅磡有好多嘢食...所以今次就嚟到紅磡覓食，睇下係咪真係有咁多嘢食啦!係OpenRice見到呢一間西餐廳係新開嘅，而且佢嘅價錢又唔貴同埋賣相幾吸引嘅情況之下就揀咗佢啦😆😆*新張期內，惠顧晚市就可以用1蚊加購生蠔一隻，每人最多加購兩隻🤤🤤講真嚟呢度係因為其實我比圖一嘅：🍴《半熟刺身帶子黑松露意大利飯》$98 吸引左嚟嘅！ 上菜嘅時候有淡淡的黑松露香，但唔會太濃...所以我好鍾意❤️❤️❤️ 因為我覺得如果太濃嘅黑松露味就會蓋過晒食物本身嘅味道🙊而且佢嘅半熟刺身帶子既底面係煎過，令佢更香..而入面就保持住刺身質地👍🏻👍🏻而且佢嘅意大利飯唔會太硬唔會太乾...每一粒飯都有醬汁包圍着😆😆而且個飯入面仲有好多大大的菇粒🍄🍄同芝士🧀🧀 超級真材實料同埋物超所值！（唔鍾意食菇既朋友可以問下可唔可以走菇丫）—————————————🍴 《熊本西冷🥩-霜降》 $188 原本我哋係要5成熟嘅...但係因為店方搞錯咗，將我哋嗰份同人哋嗰份掉轉咗..所以我哋今次食個份變咗9成🥩熟😞😞一心諗住塊扒會變得好韌唔好食...因為平時嗰啲西冷七成已經好韌😢😢 點知...你哋可以圖二喺片中睇到其實佢一啲都唔韌！食落去

星期三，朋友帶我們到一間新開的餐廳，而且因為試業期間免收加一服務費，他對此很感興趣這裏食物的選擇也挺多的，所以我們便每人叫了一個餐。而且新開張期內還有生蠔送，這裏的蠔十分肥美，充滿海水味。首先來了頭盤，一個是雜果沙律，另一個是煙三文魚沙律。沙律很新鮮，而且配上醋，很清新呢！餐湯就是粟米忌廉湯，味道比較奶油，很香甜呢！而且最欣賞的就是黑松露多士，黑松露味很香！主菜就是燒帶子黑松露意大利飯，帶子新鮮鮮甜，而且黑松露意大利飯煙韌，味道很配合。最後還有一個甜品就是意大利芝士餅，為這餐送上一個完美的結局。

好耐無試過歎住咁食飯，呢間開左無耐既macaroni絕對係放電之選，地理位置好近何文田地鐵站，星期四晚去食都唔會好多人，環境夠曬清靜，最岩中意專心歎美食既各位～見到佢擺出黎個lunch set都好吸引，有機會去試野飲細佬揀左芒果沙冰，裝到滿曬，而且好重芒果味，好fresh我揀左open rice大家都讚好既雜莓沙冰，反而對比起芒果味差好遠！好似飲瑞士糖小食揀左是拉差醬雞翼，係勁好食勁juicy,甜甜地，好少既bb辣，炸得好香口，而且6隻都係58呢間炸得好既仲有軟殼蟹，唔油個下叻，即使配黑松露野菌意粉，兩者之間都無搶味，而且廚師無落重手，醬汁一切岩岩好，唔油膩！細佬對佢個三文魚扒讚不絕口，覺得甜甜酸酸既柚子配三文魚好開胃好夾，而且肉多，食到佢最後歎埋個甜品記一級棒啦！抺茶配紅豆雪糕，心太軟個流心又岩岩好

紅磡又開多左間新餐廳，出名多好野食的地區又可以試新野。地址唔算係旺區，但都近紅磡或者何文田站。舖頭樓底好高，所以好適合放吊燈同畫，餐廳內好多食客都係大學生，帶埋電腦過來做功課食野，餐廳又唔趕，成件事幾sweet。所有Main/ pasta/ pizza都可以加$60轉做set dinner, 跟餐有湯沙律甜品野飲，好抵食。晚市人頭送生蠔一隻，幾鮮甜，少少海水味唔腥跟餐煙三文魚沙律的三文魚有一大片，配凱薩沙律醬，新鮮得黎又有d肉食下，唔會好似食草咁，幾充實。是日餐湯忌廉南瓜湯，南瓜打成蓉再煲湯的感覺好好，每一啖都好香南瓜濃郁味，加上忌廉好滑。粟米茸忌廉湯都有別一般自家製的粟米茸湯，又係所有野打成蓉，滑得黎又重粟米味，配上餐包更好味。餐包係芝士黑松露法包，濃濃的芝士搽係鬆軟的麵包表面，微香的黑松電同芝士好夾，用來送湯都非常不錯。霜降熊本西冷性格比幾高，大大件又厚肉，五成熟剛剛好，西冷油脂含量恰到好處，入口香而不膩，有微量筋但都入口即溶了。薯條好脆熱辣辣金香可口，粗身的關係，飽肚又暖胃。半熟刺身級帶子黑松露意大利飯又係好抵食，3隻大帶子鮮味十足，半熟唔會令人覺得生同時又唔會太韌，配搭得幾好，

香港的西式餐廳 愈來愈多，基本上總有一間係附近，貴為美食天堂的香港當然有佢既西利之處啦！最近我放工經過黃埔，發現呢度竟然開左間西式野，所以決定晚餐係度試下！環境偏向歐陸式風格，牆上掛有多幅唔同的有趣的畫像，好新奇特別！香辣蒜茸炒蜆：其實我發現好少cafe有蜆食，更何況是我最愛的炒蜆，當然不能錯過啦，食落唔算好辣，而且蜆既大小同平時食開既有少許不同，每隻蜆都大大隻，汁都好入味，正！卡邦尼意粉：食落覺得，整體味道幼滑香口，意粉與煎脆的煙腩肉相伴，加上蛋漿沾滿每條意粉，當中的芝士和蛋，令到來卡邦尼意粉已經好惹味以及香滑，抵讚！而我最喜歡的應該係水牛城雞翼，水牛城的醬汁好入味，連入面的肉都好有味，加上帶點辣味，更醒神開胃，所以基本上我係餐牌上一見到呢個就一家必點的一道菜！鮮果茶好足料，基本上有好多不同種類的水果，飲完仲有得食水果，做飯後甜品一流呀！

朋友話帶我去食生日飯，佢約咗我去紅磡，原來係一間新開嘅西餐廳。地方都幾別致，環境都好舒服，可能係新開嘅關係，所以都唔係好多人，咁就啱我哋可以慢慢咁傾計。我哋叫咗兩個主菜一個小食同一個甜品。原來依家係新開期間，所以就有生蠔送，實在太好啦生蠔好新鮮，帶有淡淡嘅鹹水味。我哋叫咗個法國燒春雞，真係有成隻雞咁大隻，燒得好香，入面嘅雞肉係好嫩，而個醬汁係帶有啲紅酒味，異常配合咁。而我哋仲叫咗個熊本西冷，朋友本身個肚有啲唔舒服，所以佢就叫咗七成熟，可能係叫左七成熟嘅關係，所以肉質都比較熟，但係就充滿牛肉味。甜品我哋就叫咗個心太軟，賣相整得好靚，個心太軟焗得好香，外脆內流心，有好香濃嘅朱古力味

今日約咗個住何文田附近嘅朋友食飯， search到黃埔同何文田之間新開左一間西餐，睇相門口、環境望落去咁都唔錯，所以就去happy Friday 下。兩個女仔，食唔到太多野，所以一齊叫左一個Set dinner ，再散叫多份主菜。點完菜仲有驚喜，送左兩份生蠔，lucky 😍😍Set dinner揀左「熊本西冷」$188，😆😆👍🏻 ，幾時都話用料好嘅食材，點住都超級正。跟餐有沙律、湯。另外，散叫左份「雙重芝士夏威夷披薩」 $128 ，十級cheesy. 是日甜品🍮

黎開紅磡做野，漫無目的咁周圍行搵嘢食 。因為實在太攰喇，只係想搵一間餐廳可以舒舒服服咁食餐飯。行到間店舖唔算好大，睇落幾四正嘅西餐廳， 係門口睇餐牌覺得唔錯就入去食lu餐廳佈置別出心裁，紅磚配上獨特嘅畫作，俾人一種舒服既感覺... 餐廳提供set dinner或者散叫...有main course啦，意粉，意大利飯，小食甜品同飲品set dinner都幾豐富呀，有沙律，湯，main course，甜品仲有飲品今日唔係太肚餓，所以選擇咗散叫。落單後店員就拎左碟生蠔黎，話係送嘅好驚喜丫，冇諗過今餐有生蠔食！！生蠔好新鮮呀，肉質鮮甜，唔使落調味料已經好好味啦芒果沙冰大大杯，同朋友happy share都得呀主食叫咗熊本西冷(霜降)，賣相非常精緻，份量合理。香煎龍蝦拼牛小排配燒烤汁一上枱好吸睛呀，感覺非常豐富。牛小排有兩至三塊。龍蝦好正呀！超多膏！啖啖都係橙紅色嘅膏，好滿足喔 最後叫咗個甜品，紅桑梅特濃朱古力蛋糕...呢間店舖食物既賣相真係冇得頂！甜品亦都好有心思，伴碟好靚！未食已經覺得好吸引！朱古力味道濃，仲有乾嘅士多啤梨脆脆，成個配搭好夾見到隔離枱食嘅意粉又係整得好靚喎！ 真係值得一讚廚師