Mad for Garlic (已結業)

放工就同朋友去試一試呢間Mad for Garlic，係時代廣場入面，岩曬我地食完飯上兩層就去睇戲。餐廳的設計理念是似保存紅酒的酒廠中，很有味道，而且餐桌間的距離夠遠，不用擔心會講野太大聲會被旁邊偷聽，幾好。今次點了個Garlic Snowing Pizza Garlic Szzling Rice，Salad.先講一講個Pizza, 香脆的外皮，十分鬆化，用上了蝦，菠蘿,芝士等材料，雖然是常見的材料，但勝在是薄身薄餅配上豐富的料，再加上輕輕的大蒜香，令味道上了一個層次，另外店員亦即席在客人面前加上即磨芝士，抵讚。再講一講炒飯，炒飯用上了煙肉，魚子及大蒜等材料，一上桌已是熱氣騰騰，再加上有點辣味和沙律醬的調味，所以很惹味，朋友表示係他的最愛。至於沙律則同樣用上大蒜調味，所以未上桌都聞到香香的味道，再加上菜的爽口及沙律醬甜甜酸酸的味道，感覺很奇妙，幾有趣的。

之前聽過有呢間食garlic 的餐廳幾好味，就同朋友黎試下了。一早book 咗枱，去到就有位，本身話book 7-8:30pm,不過當晚食到九點幾先走。我地好肚餓一黎就食咗一個 MFG Cobb salad($138), 雞胸沙拉配有好多芝士粒，混合雪利酒醋，好開胃。之後點咗一個Garlic cream mussel 配有幾塊法包，garlic cream 好美味，法包好鬆脆，法包搽上garlic cream source好鮮味，不過個source吾太夠。Mussels 細細隻，不過都ok~跟住上咗個Garlic steak, 蓋滿garlic 脆片，好似食緊粟米片咁，steak 我地叫medium, 不過放係鐵板上，再熟多左，食落似八成熟啦~另外呢個pizza 我覺得最驚喜，Garlic snowing pizza ($138). 上枱時，有職員問你要不要snowing, 即係加芝士，那當然加啦。出奇地，蝦，菠蘿，garlic 片同芝士好match, 不會好膩，pizza 底好薄，焗到好脆口，芝士控必食。不過當晚啲服務真係普通，一早我地點左個dessert, 要求用朱古力寫Happy

來到這間來自韓國，以為蒜瘋狂為名的意大利餐廳，點算好？當然是點蒜好。 已不是第一次到訪，和太太也曾在這間餐廳的奧海城分店吃過晚飯，但之前只是和朋友來過這間分店幫襯，與太太前來，這次還是第一遭。闊落的環境，工業風的裝潢，開放式的廚房，整間餐廳的設計，比奧海城店更佳。這裡的菜式，舖天蓋地都是蒜，從前菜、湯、主菜以至甜品，都充滿蒜元素。不吃蒜，怎麼說也說不過去吧！所以這一晚，我便點了店中兩道招牌菜式----「蝦、菠蘿、炸蒜片MFG招牌意大利薄餅」（$138）和「蒜香忌廉汁蟹肉及龍蝦肉意粉」（$168），再加一道跟前兩道菜式同樣是廚師推介的「D.I.Y提拉米蘇配意大利手指餅及咖啡甜酒」（$68），兩口子一起分嚐。 先來一杯「MFG香橙特飲」（$36），酸度適中，帶點兒甜味，醒胃，解渴。「蝦、菠蘿、炸蒜片MFG招牌意大利薄餅」（$138）的食材配搭出奇地好，侍應即時為薄餅刨以絲絲巴馬臣芝士，與蒜片及其他材料融而為一，香甜而帶蒜香的醬汁味道極佳，更為這美味的意大利薄餅加分，成為這夜我最喜歡的美食。 「蒜香忌廉汁蟹肉及龍蝦肉意粉」也好吃，雖然這意粉的蒜香忌廉汁略嫌濃稠了些，味道其實頗好，而且意粉

time square 既餐廳都坐得幾舒服的！mad for garlic成日都幾full, 終於都食到喇唔止garlic架，好多選擇！我有點set menu, 但真的很豐富，重點是包兩杯酒架！價錢算合理，尤其食物質素高內在環境，classic😌😂😂 最入面係open kitchen, 不時熊熊烈火🔥appetizer: 煮蜆八爪魚，意想不到地好有鑊氣！汁調得很好，好開胃，百幾蚊，但分量不少blue cheese pizza with honey! 呢個好正！可能我會外買這個pizza獨食😂高質藍芝士，薄pizza, 口感十足，我平時唔食pizza架，真係好好食啊韓牛鐵板飯，我覺得好熱氣，較少食，朋友就很喜歡，牛肉都厚厚的，真材實料

蒜茸真係令人又愛又恨加左又好味 但又會食到好口臭竟然有間餐廳主打garlic仲要行高貴舒服西餐路線打破garlic比人既感覺好耐前黎過一次試左個微辣檸檬魷魚韓風意大利飯一試難忘記本身意大飯已經好難整得好食依個risotto可以話係我鮮有食完會想再食今日再叫水準冇變微辛辣加檸檬既酸酸酸辣辣真係好好好開胃而且好夾 唔係typical既creamy口味而且飯粒濕潤 口感一流個risotto冇得頂另叫左羊架賣相已經贏哂羊肉煮得岩岩好唔會overcook太老

Mad for Garlic😶 顧名思義就係多蒜🧐 自己都幾鍾意食蒜但覺得除咗個意粉其他都麻麻地😔-蒜香忌廉汁蟹肉及龍蝦肉意粉🍝（圖2,3）呢個係3樣之中整得最好食 整得幾creamy而且都食到幾多蟹🦀同龍蝦肉 都幾香海鮮味-可惜個pizza真係失望😞 呢個係The Mad Mexi Nacho Pizza🍕 啲料有辣免治牛肉 墨西哥脆片同莎莎醬 辣味就夠啦但免治牛肉就食唔岀😖 而且薄pie所以個pizza勁無口感 而且亦都無芝士嗰d配料 變相變得好乾🤢 呢個真係不了-而沙律都係重蒜 但味道都係一般👋🏻👋🏻 評分:5/10-

韓國人除了愛吃炸雞、泡菜之外，其實對蒜頭同樣執迷，來自韓國的過江龍餐廳Mad for Garlic打正旗號以蒜入饌。位於銅鑼灣時代廣場的分店面積廣闊，裝修風格摩登簡約，頗有格調。餐牌由頭盤至甜點都可見到蒜頭蹤影，由始至終蒜到盡！MFG 特色蒜蓉包塔 $48這道是招牌菜，看見差不多每枱都有點，我們專程來到又怎能錯過呢？！ 有別於平時常見塊狀蒜蓉包，這裡的蒜蓉法包是高身條狀，上面鋪滿生蒜蓉。然後店員會將蒜蓉壓進法包內，並切開成四份，方便進食。法包新鮮烘焗夠脆口，蒜蓉撒上紅椒粉調味，味道濃郁兼帶點辛辣，蒜味滿瀉，頗為重口味，所以吃完亦覺得有點口渴。蝦、菠蘿、炸蒜片MFG招牌意大利薄餅 $138當日所見又是每枱必點的鎮店菜式，相當受歡迎，店員即席刨出巴馬臣芝士，造型如漫天飄雪般。頂層鋪上蝦肉、菠蘿及四處紛飛的炸蒜片和巴馬臣芝士，出奇地不太重口味，居然沒有濃烈的蒜臭味。pizza餅底偏薄，不像美式般厚實，入口香脆，不會吃得飽飽滯滯。薄餅上的醬汁帶有微微的甜味，加上口味清新的配料，中和了刺激的蒜味，散發蒜香之餘又不失鮮甜。MFG特色醃漬蒜頭炒韓國牛油飯 $138牛油飯炒得粒粒分明，每粒飯滲進牛油精

本身已經大愛蒜蓉，依家有間餐廳為蒜蓉瘋狂，當然要即刻去試試。嗰日叫左個蒜蓉包，職員係我地面前塞舊蒜蓉蓉入去個法包入面，外脆內軟，非常特別。頭盤再食藍青口配法包，法包吸曬d 酸酸甜甜嘅蕃茄汁，番茄肉青口非常鮮甜同清新。主菜就食咗hug steak 上面加上蒜蓉鹽，雖然餐廳唔係steak house, 呢塊扒肉質彈牙又juice ，加埋個薯蓉，十分滿足，甜品不得不食，甜甜Pizza上邊加咗朱古力醬香蕉加雲呢拿雪糕，仲有幾粒蒜片係上面，夾埋一齊又幾好味。最後飲埋佢杯西柚梳打，滿足的一個晚餐。

友人生日想搵一間傾計環境輕鬆既餐廳，又方便唔夠地方放工人士，最後就簡左times square既呢間啦餐廳主力蒜頭菜式，我地問番waiter係邊個國家菜，佢地就話集團係澳門黎既，而家呢就係韓式fusion菜講番正題，閒日都算滿座，餐廳服務態度都好不錯。佢地推介左蒜容塔, 蒜容pizza同牛肉。蒜容塔其實就係蒜容包，出到黎幾有gimmick但味道就普通左小小；至於個pizza，個人覺得不錯，好多炸蒜頭同菠蘿粒，幾滋味！牛肉就不過不失，畢竟都要200幾蚊，肉質都可以但味道都係差小小。整體黎講呢間餐廳好岩同朋友黎傾計，可以一試既～

Mad for garlic 看店名就知道是專門吃蒜的地方基於我極愛蒜類食物，所以對餐廳抱有很大的期望我們被安排到中間的枱，左右側是卡位或沙發座不過尚算有空間，不會擠迫食物種類大概分為，前菜，沙拉，意粉，飯，pizza，扒類。種類挺多，可以符合到不少人的口味我們點了一個八爪魚炒蜆，招牌意大利薄餅，蟹肉龍蝦肉意粉先來的是前菜，八爪魚跟蜆都很有鮮味，醬汁調味很好，茄蒜的味平均，沒有蓋過對方配上法包，沾上剩下的醬汁一流，包依舊很脆，汁卻豐富了味蕾然後是招牌薄餅，薄脆的上面舖滿了整片蒜，再加上廚師走過來為我們加上芝士吃下去每一口都充滿了蒜跟芝士香，絕對比起外觀來得驚喜意粉配蟹肉龍蝦，經典不失禮，肉挺多的，少許白汁，為白肉添了點味道，意粉硬度適中，我對這道菜滿意餐廳氣氛適合一伙人，點個薄餅加瓶酒應該可以暢言一個晚上是晚2人共400多元，以在時代廣場的餐廳來說，整體感覺挺不錯，價格合適，服務與餐點的品質都到位

今日放工都唔知揀咩食好，突然睇到有一間食店話食蒜頭㗎喎!咁就不如去試下啦!入到去好似有啲西餐廳咁樣，有紅酒又有啲石窟咁樣啦! 但係好似係有好多韓文字喎! 唔知係咪韓國嚟嘅呢?第一樣上枱就係龍蝦意粉我可以到裏面除咗有龍蝦肉之外，仲有蟹柳喎! 呢個係幾特別。 意粉嘅面質係硬，但唔會太腍，我最憎食腍身意粉。之後再上嚟嘅係 M9和牛，係澳洲牛，梗係要試下啦! 以鐵板上好熱呀!同埋有好大浸蒜頭味，即係香氣撲鼻，而且佢嗰塊扒有少少微燶，五成熟係多肉汁，唔會血淋淋，可以食得出扒嘅肉汁係好嘅。最後先至上個麵包塔，本來我哋懷疑佢漏單，但最又嚟到啦! 呢個好特別，侍應會喺你面前切開個包，塞啲嘢入去，但都係脆脆地，幾好味啦!

朋友帶我嚟食蒜頭，話呢間好正，好啦，就嚟試下啦。MFG特式雞胸沙律配雪梨酒醋汁雞胸小嚡，有平時小見既芝士粒，仲有碎蛋，青瓜，車厘茄，個汁幾特別又清，同沙律好夾。蒜香忌廉汁蟹肉龍蝦肉意粉正，但份量小，忌廉汁略嫌太稀，唔夠掛身，撈埋蟹肉龍蝦肉好食MFG特式醃漬蒜頭炒韓國牛油飯飯身較硬，有點似未熟透既意大利飯，幾香，而且唔油膩，蝦亦都爽口彈牙MFG招牌意大利薄餅估唔到蒜頭同薄餅都咁夾，簡簡單單加埋菠蘿，蝦同芝士，強烈推介一定要加埋另上既蒜頭蜜糖，將個味道昇華到另一個層次，好味飲品都幾伏，下次都係專心係食物方面，飲水算啦。

《Garlic Night 蒜，全部都係蒜》來到時代廣場食通天這間Mad for garlic !餐廳燈光柔和，適合朋友聚會閒聊🥘Crab Sizzling Rice $168 熱板XO醬蟹肉炒飯～🌶香噴噴熱辣辣熱板上的炒飯，好足料配以葱粒蒜片，刺激味覺。⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍝Triple Garlic Seafood Pasta $158 香辣三重蒜味海鮮意粉 ～🌶🌶濃濃辣醬炒魷魚🦑青口八爪魚🐙蝦🦐等海鮮配煙韌意粉，好惹味⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍹Tropical Fruit Ice Tea $58 熱帶水果桃茶 ～水果茶好大杯，果味清新，有藍莓、青蘋果🍏、士多啤梨、梨⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍸Cinderella $45 ～🍊🍍🍋調配而成的mock-tail，果香濃郁，而且有漸變效果。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯食物有特色，環境舒適，這一餐我好滿意

個人都幾喜歡食蒜，放工後同男朋友去公司附近嘅蒜主題餐廳食返餐～ 去嘅時候比較早冇咩人唔洗等位有得即入！前菜我地叫咗個蒜頭蕃茄白酒汁炒八爪魚及蜆配法包片，食物黎到係室溫的，唔夠熱，個法包好硬好似放咗2日咁，八爪魚係幾新鮮都鮮甜，但完全唔入味，一啲醬汁味都冇。蜆殻好多都碎咗，「不」野嘅時候會好小心唔好食埋啲蜆殻碎，蜆細細隻但都係新鮮嘅。個汁其實味道唔錯，帶點白辣，但係就食唔到蒜味。另外叫咗一個安格斯牛魔王精選，送到上黎食物都仍然係室溫，可能係餐廳特色？掃開啲菇見到牛肉好薄，我冇留意menu係唔係薄燒牛肉不過真係有啲失望，但更大嘅問題牛肉燒得好燶，牛肉同菇都好大陣焦苦味，而個汁亦都係只有苦味欠缺蒜味，最好食係個薯仔沙拉...如果真係好鍾意食蒜味嘅朋友就唔建議黎呢度啦...

Mad For Garlic，為大蒜而瘋狂，我個人都挺喜愛含有蒜頭的菜式，故知道有一間主打蒜頭的餐廳，立刻相約好友，到此餐廳共進晚飯。餐廳內在環境好靚，仲有半開放式廚房，客人可以看到廚師烹調食物。餐廳還有卡位可以選擇。餐廳大部份的菜式都以蒜頭入饌，不論在前菜、主食，還是甜品，都能找到蒜頭的蹤影。MFG特色蒜蓉包塔 ($48)未食正餐前，先來一道非常特色的前菜，蒜蓉包塔。其外型都很特別，法包上埋滿了蒜蓉，法包焗得香脆，配上香蒜，非常好吃。而且蒜蓉包上枱後，店家更會在客人面前切開，更方便客人食用，是一道非常貼心的服務。熱板醃漬蒜頭、煙肉及飛魚籽炒韓國牛油飯 ($128)至於主食部份，我們則點了一客炒飯，食之前先撒上蒜片，再拌均食用。脆卜卜的蒜片加入香軟的炒飯，令整道主菜的口感更為豐富。MFG 特色雞胸沙律 配雪利酒醋汁 ($138)沙律很清爽，而且配料也很豐富，有芝士粒、紫洋蔥、雞蛋等，食落十分清爽，加上雪梨酒醋汁，令整道沙律味道更為美味。不過，略嫌雞肉的份量較少。最後點了一杯Gin Tonic作為晚餐的終結。