Mango Tree Café (已結業)

天氣涼左，自然會想食香口惹味泰國野。晚飯時間經過，見到新出左唔少泰式串燒，$40-90價位OK又有不同優惠，就去左食。今次有兩個優惠，一係惠顧三款串燒，其中一款半價；二係惠顧任何串燒，singha啤酒買一送一。不過我地三個都唔飲酒，都係叫返平時飲開的特飲，我揀左清潤龍眼冰，襯返串燒岩哂。燒雞翼，我鍾～意～食！依度的雞中翼燒得非常皮香肉嫩，又夠香辣太過癮啦，大家都一致認同最好味係佢。羊架其實都唔錯，份量好足，燒得唔太乾身又有D肥，加D辣汁幾惹味。會點燒粟米純粹口痕，同粟一燒絕對無關，但佢真係燒得好靚，夠香口又唔乾，又係值得推介。除了燒烤，大家都係咖哩之友，又點了一份咖喱大頭蝦，依度的香濃黃咖哩真係好吸引，我有少少鍾意個汁多過蝦，食完法包仲要叫多碗白飯來撈汁至夠喉。去到甜品無咩心水，索性點份燒菠蘿來食，燒完的菠蘿份外香甜，比好多甜品更加岩胃口～依次唔係太餓，下次再去試埋白鱔、墨魚仔、牛仔骨、泰北香腸、大頭蝦同雞槌先得！

香港人喜歡泰國全因物價低·美食又多·住得亦舒適。熱愛曼谷旅遊的「你」，我想「Mango Tree 」對你來説應該毫不陌生。「Mango Tree」在香港相對與曼谷價格的確有其分別，不過上次到訪過圓方分店，吃過泰東北的味道，令人一試傾心。無論食物、環境、服務都是一級水準。今次相約元朗區好友一聚，此區食肆真的包羅萬有，但我卻堅持找進年輕版副缐「Mango Tree Cafe」。餐廳的裝潢非常光猛、空間感其多，有別於其他泰國餐廳坐得相當擠擁。場內充滿熱帶風情，一家大細或是朋友相聚的好地方。門外更有海報列明「小主角生日大派對」，泰國菜原來都可以進入年輕路缐甚至小朋友生日會。適逢餐廳進入元朗「一週年」限定優惠，現凡惠顧任何菜式兩款，另一款則在半價優惠，沒有不選的理由吧！雙色芒果軟殻蟹沙律$98沙律我很喜歡添上配料吃得有口感，今次選擇了「軟殻蟹」原隻奉上，相當吸晴。每條青芒果絲清新可口，連同即炸的軟殼蟹，相當美味。冬蔭炸雞翼$83雞翼應該大人小朋友都很喜歡，泰國菜添上了冬蔭功的醬料醃製得非常惹味。油炸過有少許油份，單骨雞翼的設計配上秘製醬汁，吃下滿帶肉汁而且食落甚為方便。芝麻蝦多士脆條$88平常大

之前喺圓方食過mango tree,好食但係價錢偏貴元朗Yoho呢間mango tree cafe一樣係食泰式嘢但係價錢好似平啲牛扒都只係二百幾蚊其他嘢都係百幾蚊但味道一樣都係好好金不換雞翼好香口牛扒唔係厚身但係煎得幾入味又唔會太嚡青椒蜆肉呢個好好味又唔會太辣

Mango Tree Café的用餐廳較為新潮型格，以主打創新玩味輕盈泰菜，元朗的新商場形點集合各種各類菜式，Fusion 泰菜可以如何獲得食客歡心？不得不讚嘆一下Mangotreecafe 內的場地空間寬敞舒適，更有離地玻璃可以欣賞形點外元朗的景色，餐廳內的燈光更有情調，更設有廂房，一行十多人也不怕，所以朋友聚會可以先預約。在店外的一週年誌慶優惠宣傳牌上看到點指定食物點一種另外的一種 半價優惠就吸引了友人，所以今晚決定在Mango tree cafe 用膳。冬蔭功單骨雞翼用上冬蔭功醬料醃製雞翼比一般的雞翼惹味，冬蔭功醬濃郁醇厚，加上油炸過後表層略帶油光，色澤呈啡褐色，蘸上些秘製醬汁更能除去膩感，入囗肉嫩多汁，簡單的前菜已經能吸引食客。蝦多士在多士上加上蝦膠，炸到金黃色澤，灑上黑白芝麻點綴，蝦膠肉質彈牙，多士香脆。五味脆皮雞半隻脆皮皮色澤金黃，微帶油光，雞皮下脂肪不算多，肉嫩多汁，配上醬汁更惹味，蝦餅香脆不會乾硬難嚼。龍蝦粉絲煲粉絲爽囗，龍蝦肉鮮甜，肉質彈牙，用上鐵鑊上菜更能保持溫熱。紅咖哩燒八爪魚墨汁麵友人上次吃過說味道不錯，所以推薦我們一試。紅咖哩味濃郁香氣撲鼻，入囗微甜帶香辣感，

之前已經聽朋友講過元朗yoho入面嘅餐廳唔好食，同出面分店嘅水準比較非常麻麻，唔好食。今日見mango tree唔洗排隊，就入去睇下咩料子，同埋同行所有人都好肚餓啊，要大吃大喝認真，裝修我幾鍾意。用左深色木做主題，配埋樹葉畫，成個感覺唔老土得黎有小小東南亞風味，亦有時尚嘅格調。不過，明明唔係滿座，又好似要趕人90分鐘內要走人。點菜後一味上菜，完全冇分小食或湯上先，食到好趕，好似打仗咁講下野食。擺盤嘅用具都係木同竹物料，自己好鍾意。串燒嗌左雞牛豬三樣，每樣得兩串，已經要成百五蚊。豬串係配沙律同糯米飯的。串燒燒得都ok啦，都算係juicy的，牛就差啲。明明呢個係前菜，夠膽死黎晒所有主食至上比我地 味道呢個都幾似我喺越南食過嘅米紙卷，又係超多菜，不過佢入面舊肥豬仔肉同個醮醬就救左佢，蓋返我唔太鍾意嘅菜味，食落甜甜地，塊皮夠滑，做前菜係幾好。呢個蝦膏炒飯平凡得黎我都幾喜歡喎！佢係撈埋側面啲配料食的。不過我覺得撈唔撈都冇乜所謂，因為個飯有蝦膏，夠味之餘佢個飯炒得乾身，加上小小臘腸添少少甜味，再配埋肥豬腩肉嘅油香，簡簡單單都有滿足唧味道。龍蝦都有啲肉食，唔係呃人嘅。呢碟野味道就平平無奇啦。粉絲又唔

如果你是元朗人，今日應該會感到苦盡甘來，經過多年的建設，元朗終於變成大社區。在大型商場相繼落成後，元朗的規模就更大。就以形點為例，開幕之後已吸引到不少名店進駐。食肆亦一樣，現在，元朗人已不用長途跋涉到市區搵食。而 Mango Tree Cafe 亦選擇落戶元朗。身為 Mango Tree 旗下品牌，元朗店貫徹芒果樹的特色。而這裡最大的賣點相信是它的派對空間，同時提供泰式美食，成為一個吸引的派對場地選擇。Mango Tree Cafe 主打 fusion 的泰菜，元朗店開業剛滿一年，也推出了菜式半價優惠。og ice tea $58以柚子和橙配上Snapple 檸檬茶賣相吸引，而且看起來夠治癒，果香令檸檬茶的味道更豐富。芝麻蝦多士脆條 $98蝦多士大件夠吸引，蝦膠彈牙，多士脆口，醬汁酸醒開胃，同時能夠減輕煎炸的感覺。五味脆皮雞 (半隻) $168先用青檸帶出酸醒的感覺，再蘸上惹味辣醬刺激味蕾，香脆雞皮，啖啖嫩口雞肉，令人難忘！雙色芒果軟殼蟹沙律 $98軟殼蟹配合青芒果沙律，感覺絕不油膩。青芒果的清爽口感和軟殼蟹的香脆口感形成強烈對比，然後再加一口香甜的芒果。紅咖喱燒八爪魚墨汁麵 $138

元朗呢個地方真係有超多不同種類嘅餐廳，所以有時都會同朋友入去掃街，試吓不同嘅最新食物。今次同朋友掃完街之後見到呢間Mango Tree Cafe周年誌慶，推出咗唔少泰式美食一於就試吓啦。餐廳裝修亦都好別緻，好適合一家大細、朋友飯聚，包場做派對亦都係一個唔錯選擇。餐牌內有多款新派泰菜選擇，而且價位都唔算高，特別一周年誌慶，推出咗唔少泰式美食。軟殼蟹沙律沙律味道酸酸甜甜，相當醒胃，配上軟殼蟹真係一個唔錯嘅頭盤選擇。而最緊要軟殼蟹差唔多有成隻碟咁大，真係好抵食呀。五味脆皮雞推介菜式，首先賣相真係一流，燒雞表面燒得相當香脆睇見都流哂口水。而咬落去真係返唔到轉頭，因為嫩滑嘅雞肉配上香脆嘅雞皮真係一絕。冬蔭公豬手豬手份量都幾多，上枱時已預先將肉拆好，令食時更加方便，味道方面表皮相當脆身香口，內裡則鬆軟美味。青檸辣辣蒸紅鮪大大條紅鮪於冬蔭公湯中，如果鍾意冬蔭公嘅朋友一定鍾意，而魚肉嫩滑配埋冬蔭公一齊食好開胃。泰式炒芥蘭食到尾聲當然唔少得就係食返啲菜啦，呢個芥蘭都好香口唔錯啦。泰式甜品拼盤呢個拼盤可以一次過食到唔同種類嘅甜品真係啱哂我呢個咁貪心嘅人，特別芒果真係好甜，配埋糯米飯一齊食真係唔錯。

隨意逛逛找食物，很有胃口和期望。比較了幾間食店的餐牌，就決定吃泰菜吧！地方是寬敞的。我和太太叫了三餸一湯，包括黃咖哩蟹、泰北豬肉串燒、通菜和冬蔭湯，前兩者是餐廳特色推介。通菜不用二分鐘就上枱，味道還可以，菜身也不多渣，但似乎來得太快，令我懷疑是否一早整定的大鑊菜。跟著冬蔭湯，只有酸味和不恰當的甜味，沒有應有的香茅或海鮮味，只得一隻霉霉地嘅蝦，飲剩半碗。之後的泰北豬肉串，因為醬料太多，搶味及燒燶了，跟上的糯米飯糰以為係陶瓷泥膠，又凍、又硬、又實⋯⋯吃了一小口就不吃了。主角的黃咖哩蟹，要三百多元（連加一接近四百）是最令人失望的，蟹不是新鮮的，黃咖哩不香、不辣，又係得個甜字，汁裏面嘅蛋白竟然有些是未熟的。最能滿足的唯有就是一支泰國啤酒。埋單$730。價錢貴不是問題，我胃口只得一個，吃完真的幾個小時都不想再難為自己個胃，shame...

Openrice 見到呢度有小朋友生日 package，問一問 receptionist，原來都可以做大人版嘅 party；適逢搵緊一站式嘅 party 地方，同餐廳嘅 event & sales manager 傾好價錢同埋 menu (服務態度非常好，改咗幾轉都非常配合！)，就鐵定喺呢度搞 9 月之星生日 party 啦！我哋有四十幾人，餐廳畀咗成個園林區我哋，因為係最入面自成一角，感覺幾乎包場一樣！可以自備 amplifier 同一支咪，餐廳亦准許我哋用結他。當日早少少嚟到睇 set up，哇實在眼前一亮！空間超大，食物枱上有精心佈置，燈飾更加令人一秒心心眼靠近通往戶外嘅座位，好浪漫排列整齊，唔會覺得逼牆上有手繪壁畫，簡單佈置已經成為打卡熱點聽經理講，呢盞燈係老闆精心挑選購置，千金難求！當晚簡直擄掠全場男女老幼嘅歡心園林區入口有專屬 signageParty food炸魚丸、蝦丸；冬蔭炸雞翼平時出街怕麻煩唔食雞翼，但呢款雞翼係單骨，非常容易咬！是拉差醬燒豬肋骨；雞、牛沙嗲是拉差醬非常惹味 有少少辣，好啱我口味生菜包都係辣度剛剛好，如果生菜細塊返少少就正酸辣海鮮粉絲沙律；柚子沙律兩

在yoho mall睇完戲, 順便在這商場搵食, 星期六晚黃金時間, 竟然mango tree唔駛等位, 好出奇, 因為未食過, 都試下啦!船麵$88: 牛腩煮得幾淋, 幾鬆化, 口感好, 牛丸爽, 湯底略咸, 有d藥材味, 唔似平時食開既船河湯底。大蝦炒粉絲$118: 蝦有2隻, 尚算新鮮, 粉絲味道唔錯, 鍾意佢芽菜係肥果隻, 好爽甜, 不過整體份量偏少。thai tea ramisu $58: 睇openrice相以前有奶茶球, 原來而家無左, tiramisu內食唔到泰茶味, cream比例較多, 無咩特別, 可以不吃。 食物質素可以, 價錢偏貴, 份量偏少, 服務又麻麻, 有個年輕男waiter放低野同拎開menu好粗魯, 粒聲唔出, 只係動作已令人覺得佢好無禮貌!

朋友提議食Mango Tree，差唔多8點到，其實都滿座了，稍等一下行入去，原來入面重有枱㗎！地方都幾大，坐得舒服又方便一班人傾計～見佢做緊一周年優惠，4款揀2款，其中一款就半價，幾抵～叫左冬蔭公豬手同龍蝦粉絲煲 燒八爪魚菠蘿沙律 正正常常，有菜食健康啲～最近想食米紙卷，見到有烤豬肉鮮蝦米紙卷就嗌佢啦！味道唔錯，6個人share剛好平分3件。冬蔭公豬手，香脆唔會膩。我夾左好多舊，朋友又畀左成舊肥肉我，唔，啱啱跑完步就照食啦！至於龍蝦粉絲煲呢，就畀右上角嘅黃咖哩蟹比下去了。咖哩蟹因為早上枱所以早清晒，不過龍蝦粉絲煲我哋都冇食剩㗎。咖哩蟹本身送蒜蓉包，因為大家覺得個咖哩太yummy再另外叫多份蒜蓉包～（餐牌冇寫但可以照order，佢話好多人都會咁嗌）食飽叫兩個甜品share~大家都唔想食太多就揀左斑蘭燉蛋同每樣都有啲嘅經典set。斑蘭燉蛋 食落好香斑蘭味！經典set有芒果糯米飯、斑蘭千層糕，玫瑰形狀嘅糕朋友話幾好食。嘢飲我叫左Pandan colada，沙冰黎的，幾香。menu寫有少少酒我唔太飲得出，對酒冇興趣都可以嗌總結係，一周年優惠幾抵（原來之前只做星期一至四，而家一至日都有優惠！）食

餐廳設計有D森林元素，係幾特別既設計，地方大，坐落都舒服。望見餐牌之前，都真係無expect過原來係食Fusion，本身以為只係普通泰菜。甘岩佢依家做緊周年優惠，四款菜式中嗌任何兩款，其中一款就有半價，就試左冬陰公豬手同龍蝦粉絲煲，份量幾大，我地一台六個人分都唔會話每人得一二啖就完，而且味道唔錯。侍應叔叔仲推薦左個黃咖哩炒蟹，真係好好食，配蒜蓉包簡直係一流。

行街經過mango tree想試好耐喇，放假約埋班fd一齊黎試吓。侍應叔叔好好人咁介紹咗個黃咖哩炒蟹，用蒜蓉包點啲黃咖哩黎食正啊😋見有優惠仲有得半價食埋個龍蝦粉絲煲😆

環境優美舒適，很適合一班朋友一齊聚舊～ 碰巧發現最近有一週年優惠，叫左冬陰公豬手同龍蝦粉絲煲，晚餐都有第二款半價優惠，好正！我哋6個人點左：燒八爪魚菠蘿沙律冬陰公豬手 龍蝦粉絲煲椰汁帶子蟹肉扁意粉黃咖哩炒蟹 蒜蓉包烤豬肉鮮蝦米紙卷Bubble mellowYoung coconut Watermelon juiceBerry e kiwiPandan coladaRed bean ict重點推介黃咖哩炒蟹🤤食左好豐富嘅大餐順帶一提，啲嘢食顏值好高～

好耐冇同朋友咁enjoy去食餐飯, 坐得舒服之外, 服務都好好(有個男侍應, 應該三十幾歲, 招呼得好好)~其實平時我唔係好中意食泰菜, 因為覺得好重口味, 每次食完都會覺得好辛苦, 夜晚飲勁多水, 飲到個肚漲晒, 好唔舒服但係呢間真係我食過元朗咁多間泰菜, 最冇呢個問題既一間！所以之前公司系度搞過生日party食過一次之後, 都再同朋友卜枱來食, 果然一樣冇失望！今次仲要試左上次冇食既菜式，特別推介既係黃咖哩炒蟹配蒜蓉包, 我地仲refill左蒜蓉包來食埋個黃咖哩！(refill $38一客, 有四塊, 切開share都岩岩好, 唔洗太飽)另外佢個冬陰功豬手都好值得試！我因為本身唔太好泰菜, 所以對冬陰功都係麻麻, 又唔係好中意食豬手, 本身都驚伏, 但朋友話想食咁就叫啦,之後試左一舊發覺都幾驚喜！因為個冬陰功隻味岩岩好, 而且豬手好有嚼勁, 我食完一舊又一舊...今次有排做運動...>v<不過可惜既係琴日係國慶,假日食呢個冇得優惠, 要星期一至五食先有得享用佢個一周年誌慶, 有得半價食多個佢地指定既菜式~btw不得不提既係我好中意杯野飲啊! 因為平時食泰菜太咸, 我