Mano (The L. Square)

之前到過觀塘的Mano吃午餐。觀塘店主打手工pizza，今晚到銅鑼灣這間主打手工意大利麵的Mano吃晚餐，又是另一番滋味。餐廳環境不太大，但交通非常便利。我們到達的時候尚早沒有太多客人，一到晚上7:00左右，全店竟擠滿了客人。餐廳以粉色裝潢，室內佈置充滿了意大利風情，有幾張高高的餐枱配灰色絨高腳椅子，也有一些雲石紋餐枱配啡啡金金的椅子。還有柔和的燈和啡色的屏風，給人一種很優雅舒服的感覺。忌廉牛油蒜香雜菌濃郁的忌廉醬汁非常Creamy，充滿了蒜香。雜菌味道濃郁，配上十分好味的香軟麵包條，非常夾，又好味。意式脆皮燒腩卷配辣肉腸蘭度豆 份量頗大。脆皮燒豬腩卷的外皮烤至金黃酥脆，內裡的豬腩肉仍保持著豐富的肉汁，口感滑嫩，充滿油香。豬腩皮一咬落去「索索聲」，十分脆。值得一讚的是伴碟的火箭菜很新鮮，搭配的蘭度豆很creamy，辣肉腸粒粒也很惹味。整道菜十分出色。芝士肉醬千層麵 很多芝士！肉醬份量亦多！用上自家製的千層麵，煙靭又有口感。一口咬下去時，一層一層的麵和芝士夾着肉醬，味道十分好。還有豐富的蕃茄醬汁，甜甜酸酸的，夾着肉醬甜甜的肉味，成為一道十分惹味的千層麵。Tiramisu有香濃的咖啡香，配

今日約咗朋友去銅鑼灣食晏，選擇咗Mano！呢度嘅午餐set幾抵食，仲有好優惠價錢加小食！好在我們早咗上到去，當到一點的時候都有唔少上班族等候！餐廳光線充足，坐落都好舒適！午市套餐價錢都係大約~100加配了餐湯牛肝菌湯，菌味濃郁，不算很多忌廉，所以輕盈不膩。珍珠麵凱撒沙律沙律菜非常新鮮，每一片沙律菜上面都包裹着珍珠麵，烘麵包粒，芝士碎和煙肉粒粒，爽脆清甜，好食！牛肝菌蘑菇意大利飯超濃郁的香菇味，加上煙煙韌韌的意大利飯，好香口。上面亦都有很多芝士碎，充滿濃郁的奶香和芝士味！燒梅頭豬扒配薯條梅頭豬扒好大塊，上面係酸甜的燒烤汁，好惹味，豬扒厚身之餘亦都好juicy！薯條亦十分香脆！熔岩芝士辣肉腸燒薯角呢個小食只係加$38 ，但份量完全係一個主食。蕃茄辣肉醬味道濃郁，包裹着每一個薯角，燒過的薯仔更增添薯香！是日雞尾酒像雜果賓治，加上新鮮水果，清甜！是日甜品係意式提拉米蘇，香滑濃郁，為呢個午餐畫上完美句號！

一向都知Mano 嘅手工意粉好出名，但係一直都未有時間去難得朋友終於得閒約咗佢食lunch就去咗Mano食晏😉有唔同嘅lunch set可以選擇，見到食晏時間已經坐爆人～我哋今次食咗卡邦尼意式薯仔麵團🍝 $88以往食開嘅卡邦尼都會係意粉，但係今次係薯仔麵團感覺好新鮮，薯仔麵團出嚟有咬口幾鍾意呢種感覺😂燒春雞🐔拼薯條🍟$108半隻嘅燒春雞，燒完出嚟會比較乾身燒豬🐽梅頭扒拼薯條🍟$108另外仲可以加錢叫小食小食我哋嗌咗 芝士肉醬配薯仔脆麵團$28脆麵團口感好得意煙煙韌韌脆脆哋～芝士肉醬味，好濃郁👍🏻細細粒粒好得意😂👍🏻

✨️《意式烤安格斯肉眼扒 配澳洲西蘭花苗》US 16 Oz清楚見到扒上嘅烤紋很工整和美麗，睇到咁己經覺得好吸引、好想食。食落一口接一口停吾到~肉質粉嫩又多汁。塊肉眼扒仲大過隻手掌，兩個女仔吾大食嘅話可以share 一份嚟食都夠飽。✨️《Tiramisu》Tiramisu 中嘅 Mascarpone Cheese 非常軟滑，入口即溶。 洒味不太重，咖啡味 和 朱古力味香濃。內藏嘅蛋糕十分軟腍。只要於訂位時講明是次食飯喺慶祝生日，在出甜品時會附上一支點著嘅洋燭，並上碟上寫上祝福言，真是窩心！📍銅鑼灣 駱克道 L. Square 5/F

今日約咗朋友食lunch慶祝生日～就去咗一間同事推介，性價比極高，環境唔錯，喺銅鑼灣嘅Mano🥳♥️是日餐湯-蘑菇湯打拌碎嘅蘑菇粒好有口感，飲落十分順滑，飲完啱啱好開晒胃～♥️½ MANO燒春雞 配 薯條燒春雞係同事推介嘅，皮薄多汁，雞肉鮮嫩，薯條亦都炸得非常香口，推介！♥️100z燒紐西蘭肉眼 配 烤蔬菜肉眼扒煎得好好，一拎上枱已經聞到好香嘅牛味～食落亦都好軟熟，口感非常好！♥️Tiramisu嗌咗個Tiramisu同朋友慶祝生日😚食落都好Creamy，咖啡味濃👍🏻

最近與舊同事去銅鑼灣一間意大利餐廳食飯。之前午市到訪過，今次揀晚市，可以試下更豐富嘅餐牌。餐廳安排咗我們坐高檯，雖然空間充裕，哈哈無靠背嘅座椅，坐耐都幾考耐力。餐牌同午市完全不同，最後點了以下食物：- 香烤千層芝士茄子：外表賣相矚目，一座茄子小山頭，好多芝士同番茄醬味道濃郁- 意式烤安格斯肉眼扒配西蘭花苗：七成熟嘅牛扒，吃起來牛味也重，配上清爽嘅西蘭花苗也開胃。- 新鮮黑松露蘑菇扁意大利麵：撒上大量松露片看起來好吸引，麵條是餐廳自家製，吃起來軟硬度適中，醬汁creamy。不知道是否晚市客人特別多，侍應們似乎特別忙碌，所以要耐心等待。

Lunch set 選擇挺多 豐儉由人湯 沙律 甜品 可自由配搭今次是第二次到訪 上次試了燒春雞很惹味食肉獸的我 今次決定品嚐這裏的牛扒🛎️ 10OZ 燒紐西蘭肉眼扒 配 烤蔬菜七成熟的牛扒剛好肉質不會太靭 也不會太生流血水切開牛扒 肉質粉嫩 挺juicy烤牛扒的味道也很香附上幾塊薯角和烤椰菜花 很香口🛎️ 餐湯蘑菇忌廉湯真材實料蘑菇味香濃 口感creamy🛎️ 甜品Lunch set 配搭的甜品是Tiramisu 很抵質感幼滑 每一啖充斥着咖啡醇香🛎️ 飲品Set lunch附上港式檸檬茶 增添香港特色另外要了Strawberry Fashion 是沒有酒精的mocktail 士多啤梨味道很香甜 有點像思樂冰...環境🏡 設計時尚 環境算寬敞服務👨🏻‍🍳 店員有禮回應快衛生🛁 感覺乾淨 沒發現明顯污糟

小編和家人一早預約了中秋節正日的MANO, 和家人慶祝中秋節和生日。餐廳非常方便, 在銅鑼灣C出口步行不用5分鐘就到, 座位不算太多, 建議預約, 而且在Openrice 預約有折, 非常划算。Burrata Salad $168芝士的味道不太重, 不會太漏。有淡淡的水牛芝士香味, 和車厘茄、桃一起吃很清新。Parmesan Fries $68芝士薯條即叫即整熱辣辣, 薯條幼身沾滿了芝士, 香口而且好吃。16oz Rib Eye Steak $468肉眼的肉質香嫩, 外表煎得香脆, 內裡粉紅色是剛好的5成熟。8oz Steak Tagliata $308牛柳煮得非常非常軟稔, 入口即溶, 配上蘑菇汁, 吃得我們家的長輩非常意猶未盡。Spaghetti Carbonara $168闊條麵雖然掛汁, 但本身的醬汁沒什麼味道, 只有濃稠的口感, 煙肉也沒有預先煎過。整體略為失色, 不用再試。Tiramisu預約時有跟餐廳說明是慶生, 想不到餐廳事先準備了特別的tiramisu, 作為完美的結束。主角非常滿意。總括而言Mano地點方便、服務一流、食物質素高, 預約的話有折頭, 性價比更加高,

呢日約咗朋友喺銅鑼灣交收順便食個Lunch,朋友揀咗嚟The L. Square嘅Mano度開餐🍽️🥔意式煙鴨胸薯仔麵團 $78唔係好多餐廳有得叫薯仔麵團，所以朋友一見到就即刻揀呢個，薯仔麵團煙煙韌韌加埋醬汁同芝士粉非常滋味😋煙鴨胸表面微焦，食落鮮嫩多汁🍰Tiramisu +$35🍄‍🟫蘑菇湯 🍹凍檸茶蘑菇湯質感濃稠，帶有顆粒感，份量都幾多🥩10oz 燒紐西蘭肉眼扒配烤蔬菜 $218肉眼扒肉質軟嫩，肉味香濃，肉汁頗多👍🏻送到嚟時職員仲比咗3款芥末醬我揀，我揀咗英式芥末，同肉眼扒味道好夾😍配搭嘅烤椰菜花同烤薯角食落非常香口🍰Tiramisu +$20☕️Latte +$12Tiramisu帶有微微酒香，蛋糕咖啡味香濃，cream好幼滑，我同朋友都覺得好美味😋

今日去銅鑼灣食西餐。位置方便，午市套餐高質而不貴，人氣西餐廳確是名不虛傳。.餐廳有一面臨街大玻璃，有普通座椅和高椅，一邊是半開放式大廚房，整體空間不算寬闊，服務則殷勤周到。午市套餐價錢由$78-$418，差距頗大，可說豐儉由人。套餐包飲品。頭盤（餐湯或沙律）和甜品需另加錢。另外每日有兩款特餐，只需$88，全包，最是經濟。🏅磨菇忌廉湯（+$18）🏅香煎盲曹伴香草醬配普羅旺斯燉菜（$138）🏅燒紐西蘭肉眼扒配烤蔬菜（$218）.忌廉湯幼滑味濃，而且頗大碗。盲曹魚煎得皮脆肉嫩，小小一塊好美味，燉菜軟腍香濃。肉眼扒足有10安士，五成熟，鮮嫩多汁。調味適中，不用蘸肉汁也好好味。

餐廳成個環境都好浪漫休閒，座位坐得舒服，空間感十足，一班人黎，情侶 定 自己黎食都係個好地方! 餐牌選擇都唔小，價錢正常，openrice仲有做緊優惠。我地今次叫左龍蝦尾蜆蕃茄忌廉汁貝殼粉❤貝殼粉口感嚼勁 勁掛汁，蕃茄忌廉汁口感好清新，唔會覺好膩，仲有芝士既香味，龍蝦尾食用好方便，一黎到已經開左，方便拆肉，食起黎鮮甜味美零雪味! 肉質更爽口彈牙。香草白酒煮蜆 配 意式香草麵包❤香草白酒味道香濃，好惹味，蜆肉新鮮香甜，隻隻都大大粒。香草麵包好香口，配埋白酒汁，好滿足~如果再多幾隻蜆就更好🤣成個環境氣氛都好舒服，唔會有壓迫感，正!

第二次黎Mano食lunch，兩次嘅體驗都唔錯☺️ 今日揀咗是日優惠lunchset 紅酒燴牛面肉蘑菇意大利飯。原本係$103，今日係$88加一，包埋餐湯同埋飲品。餐湯係紅蘿蔔南瓜湯都算幾濃郁，意大利飯係酸酸地好開胃，軟硬度適中☺️ 牛肉係出乎意料咁軟，好好食呀🤩 餐飲我揀咗凍檸茶，同朋友仲一齊share 左一個tiramisu 甜品，大家都幾鐘意🥳 tiramisu 在一份餐上加$20就有一杯架喇😆整體環境都闊落舒適，職員都幾友善，推薦大家🥰

MANO是位於銅鑼灣的一間新式意大利小餐館，提供手工自製新鮮意大利麵食及其他意式料理。❈ 意式烤安格斯肉眼扒配澳洲西蘭花苗 HK$368 (NZ 10oz)肉眼扒烤至7成熟，生熟度拿捏到位，肉質鮮嫩有汁。特別喜歡切這種有厚度的牛扒，感覺很實在。另外，牛扒表面的烤紋亦烤得很美🥰配菜的西蘭花苗也烤得外脆內軟，不乾。❈ Side - 忌廉牛油蒜香雜菌 HK$68雜菌以忌廉牛油蒜香烹調，煮得特別香。軟熟雜菌不論配牛扒或烤包都很搭👍🏻。❈ 芝士肉醬千層麵 HK$188用上MANO的自製千層麵，煙靭有口感。很喜歡吃千層麵的時候，一口咬下去會吃到一層一層的麵和芝士肉醬的感覺，豐富滿足。❈ 提拉米蘇 Tiramisu HK$78Tiramisu的Mascarpone Cheese入口順滑，手指餅軟腍且滲透咖啡醇香。由於訂枱時説是要慶祝生日，餐廳在盤上寫上祝福語，貼心😊☆分類標籤#nuttylife

今日同朋友黎叫咗個二人晚市套餐 買單唔使$400一個人 非常抵食😊🔸自家製意式肉丸呢個自家製肉丸真係好正😚 肉質鮮嫩，味道濃郁，配上特製番茄醬，酸酸甜甜好開胃😍🔸風乾火腿拼盤🔸香煎北海道帶子三文魚籽龍蝦汁扁意大利麵黎到呢間主打手工意大利粉嘅餐廳，當然要試吓‼️ 真係視覺同味覺嘅享受🥹 帶子煎得恰到好處，外脆內嫩，加上龍蝦汁嘅濃郁，意大利麵吸收咗所有味道👅🔸美國頂級牛板腱配香草醬牛板腱好嫩滑同粉嫩，叫medium Rare煮得啱啱好😚 香草醬嘅清香又唔會搶走牛肉本身嘅味道 另外啲配菜包括薯仔都焗得好香好好食😋🔸Cheese cake, Panna cotta

今日經過銅鑼灣見到有個招牌幾吸引，星期五一於食好d!位於L Square 比較少人黎，因為門面實在不太顯眼。中午估唔到都幾多人，最好都係book 左位先黎。燒梅頭豬扒配薯條好唔錯，豬扒都幾大塊而燒到剛剛好，有好靚既燒坑紋，肉質唔柴唔鞋又幾有肉汁。BBQ sauce配得都幾好，有焦香又有甜酸sauce, 做得幾好。芝士肉醬千層麵相對細份，肉醬係好多但澱粉質唔太夠，份量多少少會更加好。味道比想像中既肉醬甜，芝士既奶香都令佢生色不少，整體唔錯。中午可以加錢轉套餐，餐湯都好大碗，味道正常。甜品叫左Tiramisu, 比平時吃開既更綿滑，但略嫌酒味唔夠特出，不過味道都ok。整體黎講環境幾舒服，價位公道，食物品質都唔錯，可以再黎👍