Mela Italian & Spanish Cuisine (已搬遷) 新店位置

有朋友喺觀塘區做嘢，搵佢食飯就揀返觀塘區。愛琴坊嗰邊有一間西班牙意大利菜，就提早book定位去食飯。南瓜忌廉湯好香濃，南瓜味好濃郁，而且幾點份量十足配搭合適！仲有南瓜湯配搭上外皮香脆裏面軟熟嘅麵包。凱撒沙律配溫泉蛋（慢煮雞胸） $88凱撒沙律裏面嘅菜非常爽口清新，加上慢煮雞胸同溫泉蛋，健康又美味，不需要添加太多額外的調味已經味道不錯。煙三文魚菠菜白菌芝士炸薯球$68薯球有少少似迷你版嘅薯餅，但係最特別嘅係裏面有啲有少少鹹香嘅煙三文魚同埋菠菜，好吸引而且味道勁豐富，唔會太鹹、外皮香脆裏面熱辣辣。鮮車厘茄，馬蘇里拉芝士，紫蘇，番茄醬， Pizza $125呢度嘅Pizza都係非常之古色古香，用咗最傳統嘅香脆薄底，口感香脆不會膩，而且調校時間恰到好處。上面各式各樣配搭份量適中，車厘茄大尾酸，芝士有點鹹香，令整體味道十分怡人又吸引。逢星期一至星期四晚上消費滿$300即送其中一款，可以揀乳豬、海鮮、紅白酒一支或者甜品拼盤，我哋就選擇咗精選甜品拼盤，裡面包括有窩夫、蘋果金寶、玉桂條及牛奶凍。各有不同的口感十分豐富，當中蘋果金寶味道就最濃郁，蘋果甜味完全能突出。C4. Sangria White W

好耐冇帶媽咪食好嘢啦今次就去咗屋企附近工業區呢間餐廳度食飯mushroom樂樂食又大碟ham 同腸都幾好食佢配多士幾香其實真心覺得呢度環境幾好以呢個價錢好抵我覺得成晚超級最驚喜嘅係呢一個豬肋骨，係我從來都未食過嘅味，佢落咗一啲特別嘅香料我食唔出係咩香料但係就係呢一種味令呢一個豬肋骨更加出色而且份量超級大肉都好多10分超級豬肋你杯野飲都唔會太甜又有果肉甜品都出乎意料整得超級出色包括佢個炸鮮奶同埋蘋果金寶兩樣都要熱辣辣架而且真係好好食奶涷非常有奶味而且都好creamy但真係太飽啦食唔晒而且經理是超級好人驚我哋食唔晒豬啦骨主動問我地要唔要打包

好耐未食過咁傳統既西餐,傳統setting 白枱布, 多於3個courses 既晚餐喺觀塘既小小天地裏面搵到個寶呀哇~!其實我係被個鵝肝吸引左,  就算出去食西餐都唔係下下咁易搵到有鵝肝既菜式就算有都可能丁si咁大舊, 或者溝左好多鴨肝同脂肪, 甚至只係一個cream spread搽面包而依個係真 .鵝肝!SIZE一啲都唔細, 大多塊多士入口即溶 唔在講, it's so flavourful!個apple sauce 好好味, 直頭可以直接食,  個人比較鍾意食物既原味, 所以 我分開咁食.鵝肝 同個醬 (我真係有直接食...)依間餐廳整多士真係有一手,  脆, 唔乾,  香口, 唔焦醬又係有一手..... 醋油沙律,  唔會過酸過甜過油,  值得一讚好講到主菜,  慢煮豬扒,  唔止厚切,  仲 好大塊.....雖然係慢煮, 但係全熟, 肉質嫩睇怕慢煮左成日先有依個效果!  食到最中央部都唔會鞋口與鵝肝係同一款蘋果醬呀澱粉質女孩----所以一定要食返個pasta蜆肉意粉,  正常係無死而依個意粉仲要好鮮味, 太棒棒了蜆大大舊, 圍住哂個碟邊,  一啲都唔孤寒Dessert time

同觀塘友又有好一段時間冇見，今次都係約係佢返工附近嘅地方食飯，呢度真係一個餐廳的寶藏，講得出嘅嘢食都有，佢今次帶咗我嚟一間意大利西班牙菜餐廳，地點係比較近牛頭角地鐵站嘅。炸薯條配黑松露醬 45 好大盆薯條啊，三個人食都覺得好夠，黑松露醬我都幾欣賞，質地幾滑，味道適中，香脆薯條配濃郁嘅黑松露醬味好正。Home made penne Carbonara 158 令人好驚喜的一個意粉！home made的質地真係食得出，每一口都好夠𡁻口，汁又夠rich, 均勻地佈滿每一條penne. 攝氏56度低溫慢煮羊架配燒蒜 小銀魚香草醬 238 羊架食得多，但係低溫慢煮的羊架真係第一次食，肉質真係特別滑！生熟好均勻。那對看似薑蓉的，其實就係小銀魚香草醬，味道同羊一齊食好可口。當然要飲下西班牙傳統飲品sangria 我都試咗summer holiday 見到有個請你食promote ：消費滿$300就可以任選一款送比我哋食。我哋就選咗精選甜品雖然係送俾我哋食，但係品質一啲都唔馬虎！一個甜品之中有四款 churros , waffle Pana cotta 同埋 apple crumble

今日又同爸爸出去搵食，上網搵到呢間餐廳近近地，而且感覺幾casual幾舒服，價錢又唔貴，一於去試下間餐廳喺一個商場仔入面，第一次行過左個商場完全見唔到。。。XD餐廳入面都幾多位既，感覺有D鄉村feel，都幾舒服丫，枱同枱之間都唔會太近，都坐得OK舒服既餐廳有好多套餐，不過依家做緊優惠，單點滿$300 就有野送，都幾吸引喎，就試下啦～飲品都幾多野揀，有紅酒白酒啤酒果汁雞尾酒等等，點左呢杯Tequila Sunrise，酒味唔算濃，唔知點解覺得味道有少少似五花茶。。。。爸爸點左Mojito，呢杯酒味都唔重丫，不過味道正常好多～天氣悶熱其實都無乜胃口，所以點左呢個沙律，入面有紅菜頭、蘋果、藜麥、松子仁酸酸地又凍凍地，都幾開胃，加左藜麥同松子仁，令到個沙律有不同口感，唔錯丫點左呢個香辣單骨雞翼都幾香口呀，而且單骨易食D，一碟大概有5-6隻雞中翼，但感覺好似食左好多咁 XD雖然話香辣但其實係唔辣既仲點左個carbonara，呢個意粉吸引之處係佢係自家製既長通粉呀！長通粉好有口感，煙煙韌韌，好好味～～然後仲有送果個地中海式燴海鮮～其實係鮮茄味，入面有蜆、蝦、魚薯仔等等，本來都驚唔夠飽，食埋呢個就岩

觀塘巧明街鴻圖中心有間意大利&西班牙餐廳 Mela Italian & Spanish Cuisine ，一直都很想試下，今日終於有時間與先生一齊到Mela Italian & Spanish Cuisine 試嚇了。Mela Italian & Spanish Cuisine餐廳屬商場內範圍，令人沒有拘束的圍牆的感覺，餐廳於餐廳范圍布置了花草的矮圍牆，令餐廳像置身於花園內一樣，令人心曠神怡，感覺非常舒適。我們要了意大利火腿意式腸拼盤配多士$108。一片片的粉紅色的意大利火腿薄切，帶透明狀，入口帶火腿特有的鹹香，配多士非常夾。意式腸肉質有少少硬，但味道比較香濃。意式蕃茄芝士焗黑毛豬肉丸$68。面上奶白燋香的芝士非常吸引，黑毛豬肉丸大大粒，一共有四粒，肉丸味道濃厚，茄醬酸酸的味及芝士特有的香濃味令豬肉丸更加惹味。黑鬆露芝士pizza送燴海鮮$128。黑鬆露芝士pizza非常大碟，大大的一整碟，面上還有一個鋪於pizza面上的溫泉蛋，半凝固的流質蛋黃漿非常吸引。已經切開一件件，很方便夾食，黑鬆露的味道不是很濃，但與芝士的味道出奇地夾，令整個pizza非常好味。燴海鮮，令我覺得非常驚喜，番茄

舊同事約食飯順便派帖俾我。佢一向都係精打細算嘅人，所以揀地點都係就晒佢，揀咗觀塘區，因為要就佢返工嘅地點。無問題啦，我係最易話為的。佢帶咗我去好多人嘅巧明街裡面其中一間西班牙/意大利式餐廳。餐廳內樓底好高，佈置以紅色為主，絕對有西班牙色彩。都話舊同事係精打細算嘅人，佢問我今晚食力指數如何? 如果唔係太高就唔好叫兩個套餐。因為佢見到餐廳做緊promotion，如果消費滿$300，就可以送乳豬、甜品拼盤、一支酒或者地中海燴海鮮。佢建議，叫一個主菜，再加$68，轉為套餐就可以配埋餐湯、頭盤和飲品，如果想飲特飲就加多少少錢。另外再獨立叫多一個主菜，叫多一杯飲品。就係咁，加加埋埋就可以滿$300，咁樣就可以食埋個乳豬。嘩! 咁都俾佢諗到。無嘢好講，俾個服字佢。係莎樂美腸沙律。啲腸嘅鹹香味好突出，配埋清新的沙律菜就啱啱好。係番茄湯。好濃番茄味，帶少少酸，好醒胃。、一杯有好多士多啤梨粒粒，同埋有青檸。想飲酸啲的話可以篤爛啲青檸。飲落好fresh。另一杯就有好多雜果，味道不算太甜，飲落幾清爽。這個蜆煮得非常有水準。好大碟，蜆肉大大粒，肉質肥美，非常鮮甜。個汁非常之好味，真係可以當湯咁飲。意大利飯帶少少

放工約了朋友在 Mela 晚飯, 在這裏食過 lunch，覺得唔錯，想試下佢嘅晚餐，是否有水準。門口佈置以餐牌為主圖片影得吸引地方唔算大，但都整齊乾淨兩個人散叫， 因為天氣太熱，胃口麻麻，怕套餐食唔哂 。凱撒沙律配溫泉蛋三文魚蔬菜新鮮， 醋汁加沙拉醬和溫泉蛋混和在一起，微酸滑溜，好醒神， 煙三文魚大塊，肉質軟綿，前菜首選焗馬蘇里拉芝士配番茄醬，法式麵包厚厚奶白焦黃芝士， 見到已經垂涎欲滴，配上番茄醬，用脆口法飽食，簡直是最佳拍檔， cheese 好似麥芽糖絲絲入口，好滿足呀慢煮雞胸配香煎鵝肝西班牙甜椒醬呢個一定要試， 鵝肝大到你唔信，有成半寸厚，焦黃入口溶化， 口腔滿溢鵝肝甘香 雞腿代替雞胸肉更好， 雞腿去骨， 啖啖肉， 因為用慢煮方式， 熟得嚟唔會乾和柴口，2個讚口不絕食滿300元以上， 有甜品拼盤送食物擺設絕不馬虎，有大酒店風範。原來大厨曾經在5星級酒店做過，怪不得有如此水準。拼盤有玉桂條、 忌廉窩夫、 意大利奶凍 、蘋果金寶，我 like 窩夫和奶凍， 窩夫新鮮鬆軟脆口， 奶凍滑溜餐飲唔想成日都是 coffee or tea, 朋友叫了薄荷青檸梳打見個名得意，好奇什麼是 M1

之前聽朋友講過觀塘有個幾浪漫既地方 今日男朋友就帶左我黎食個簡單晚餐燴西班牙黑毛豬肉配茴香.些厘醋 ($68)黑毛豬整得好入味 食落好嫩口 肉質飽滿 但係洋蔥.車厘茄等配菜太多 食唔晒 淨係揀左d肉岀黎食63C慢煮雞胸配香煎鴨肝.西班牙甜椒醬 ($188)又一西班牙風味既菜式 雞胸肉好嫩滑 同平時食既唔同 唔知係咪因為用左慢煮既烹調方法 鴨肝點上特配既甜椒醬感覺幾特別鮮蜆手製扁意粉 ($168)蜆肉新鮮飽滿無沙 有一陣淡淡既蒜味 手製扁意粉口感好好 軟硬適中 雖然有條小紅椒 但係整體都唔辣甜品拼盤 (送)店員提醒我地 今日係平日既晚上 所以單點菜單滿$300會有野送 而我地就揀左呢份飯後甜品 拼盤包括芒果布甸 吉拿棒 窩夫同焗蘋果金寶 樣樣都有番咁上下水準Sangria (white wine) & sparkling fruit punch2杯飲品都係好夏日既感覺 用上新鮮既生果粒 男朋友就飲有酒精個杯 我就飲fruit punch

今次搵食黎到觀塘工廠區位於巧明街既呢間店都唔算難搵==============================裝修同環境都幾清幽，同出面工廠區成對比莎樂美腸沙律莎樂美腸唔錯但係沙律菜有少少苦味脆炸西班牙單骨雞翼單骨雞翼容易食但係肉就因為直接接觸油搞到乾左少少而且感受唔到西班牙既點係邊甘荀濃湯甘荀味十足，口感幼滑燒美國安格斯牛扒配燒蒜，紅酒燒汁牛扒肉質幾好，牛味香濃但係overcooked左我叫左七成佢比左全熟我基本上只有外側位置係七成牛既正中附近位置係全熟到見唔到血紅色，變晒熟肉色估計係煎果陣受熱唔平均，而且中心溫度太高所致特別要一提既係燒蒜整得好好食平時我係唔會食個燒蒜既但今次都食晒西班牙海鮮呢個係叫滿三百蚊就會送既，都幾抵因為基本上一定可以叫到三百蚊海鮮質素平平，但調味唔錯，如果可以有多少少辣就更好焦糖latte奶味幾香濃，又唔會蓋過咖啡香熱朱古力估唔到竟然拉個咁可愛既花比我已經值回票價啦味道都唔錯都算食得唔少野埋單都係$442還可以接受

放工同男朋友去食晚飯，去左觀塘呢間mela食。晚餐餐牌選擇都幾多，有dinner set，又可以單點。滿$300就可以送乳豬或者海鮮或者酒或者甜品。睇落覺得非抵食。是日頭盤係個沙律。除左4片ham之外，仲有幾多沙律菜。我地叫左Mela脆炸香辣單骨雞翼，total有8條骨，熱辣辣炸出黎，好香口。味道而且好惹味，相當唔錯。值得一試。是日餐湯係南瓜甘荀湯配法式麵包。如果塊包茶埋蒜蓉焗一焗咁就perfect啦。滿$300就免費送左地中海燴海鮮，有硯、魚、蝦、魷魚。d海鮮個人認為都幾新鮮，d汁醬都幾有鮮味，好好食，好有驚喜。我地亦都叫左美國頂級肉眼牛扒。一放上台我地望到呆左，因為好大塊。肉味十足，抵食。另外有燒蒜，我最中意食。

觀塘區自從成為食客新寵後，多咗不少食店進駐，亦有唔少新落成的商場。今次在商場中間的西餐小店中，就一嘗到我人生中食過最好食的雞胸肉。先睇餐牌，食物選擇都幾多，價錢都唔貴，部份套餐更加可以話係抵食。店員介紹左一款較為有特色的沙律，就係紅菜頭、藜麥、果仁等等的配搭，感覺幾清新。Pizza份量夠大，兩個人絕對食唔晒。上面有滿滿的芝士，可以做到完美的拉絲效果。入口滿足感爆棚。當晚主角就係呢款慢煮雞胸配鴨肝。一客有半隻春雞，份量都算幾多。輕輕切開雞肉，係令人不敢置信的質感，雞胸肉非常非常軟。每一啖入口都又軟、又嫩、又滑，令我懷疑自己係食緊雞肶。而且大廚好貼心地將雞胸肉預先起骨，嫩滑又有雞味的雞胸肉在口腔中化開，對我來講係一個全新的體驗。簡直令我對雞胸肉改觀。最後餐廳promotion，食滿$300可以送一個甜品拼盤。送的食品來講，呢個甜品算係好足料，值得一讚。

又係開大會嘅晚上，叫定屋企唔好煮飯，預左例遲，最終七點半開完。同個同事行過嚟Mela食晚飯，橙色裝潢，好易認。如果單點滿$300會送一樣食物。亦有單人同雙人套餐選擇，我地就揀左最貴嘅二人餐【Romantic Dinner For Two】，雖然我地唔係情侶，但一樣可以食好啲，對自己好啲！餐前可以揀【紅白酒或果汁】，我就揀左白酒，配搭海鮮最啱啦，酒味唔會太濃，似香檳，好易入口。【海鮮拼盤】生蠔、海蝦、翡翠螺，三款都算幾新鮮。Appetizer有12款，可揀兩款。【香煎西班牙黑毛豬辣肉腸配焦糖蘋果醬】食落似係普通辣肉腸，煎得香口，配搭蘋果醬一齊食，一啲都冇油膩感。【西西里式鮮魷魚】魷魚做得彈牙又夠腍，用小蕃茄做醬汁，感覺清新。【意式香濃蝦湯】個湯好香好濃，做得好出色。湯入面有蝦肉，飲落味道同龍蝦湯好似，真係令人回味。主菜有12款，可揀兩款。【海鮮西班牙飯】陣容強大，成個鍋面都鋪滿海鮮，個蜆最好食，冇沙又鮮甜。飯就口感煙韌，嗦晒成個海鮮湯嘅鮮味。【西班牙式烤焗乳豬】肉質非常嫩滑，真係乳豬仔嚟。最出色係個皮燒得好脆好香，肥瘦適中，食完都好輕鬆，完全冇罪惡感。另外蘋果醬比黑松露醬出色，黑松露醬食

同朋友黎左一間隱世餐廳,呢到有少少難搵呀! 經過左都唔知道,呢道係喺個工業大廈既入面!入到去見到個環境都唔錯,好有復古風!同朋友係到傾下計岩哂!呢到既食物都有好多選擇,單點可以再加$68 轉套餐, 或者可以叫2人餐都得!呢道仲有一個優惠係星期一至四晚上消費單點菜單滿$300,就會送其中一款菜!所以我地最後係單點!巴拿火腿沙律個Parma Ham好好食呀!個沙律菜都係新鮮,份量都好多!2個人食岩岩好!Croquetas呢個小食係西班牙既傳統小食黎! 佢入面有煙三文魚、菠菜、白菌、芝士、炸薯球外層炸到金黃色, 入面既餡軟綿綿!真係外脆入軟!好味呀!😋我地加左$68轉套餐個湯都幾濃味，仲飲到好香既忌廉味😋呢個地中海式燴海鮮入面有蜆、魚、蝦、魷魚，煮得好入味!而且個份量都好足呀!Roasted Pork Rib in Spanish Style with Apple Jam & Mix Green呢個Rib 真係無得彈呀! d肉質唔會好乾身 個bbq醬又好入味 仲要啖啖肉!值得推介👍🏻👍🏻

有朋友食過話唔錯，又見到咁多好評就去試下。去到見到係類似foodcourt嘅地方就覺得伏伏地...入座率大概8成左右叫左238個set另外單點左1個pizza同tapas揀左生蠔，好薄身但海水味都重之後黎個蟹肉沙律+黑毛豬火腿+薯波，沙律菜唔多新鮮得少少蟹肉同一片火腿，係個薯波ok，唔油單點嘅蕃茄芝士焗黑毛豬肉丸個汁唔錯好多芝士，肉丸唔算入味，好易散。再黎南瓜忌廉湯同法包，朋友飲覺得太‘杰’似南瓜蓉多d。然後就main course，set揀左黑松露意大利飯，係幾香，朋友話飯偏硬，我個人鐘意食硬d嘅，但個汁唔夠creamy。單點嘅莎樂美腸辣肉腸pizza暖暖地唔係好熱，有少少拉絲，芝士算夠嘅；批邊脆但底好韌，好難咬開；爭d搵唔到莎樂美腸喺邊，原來切到好薄喺芝士下面。睇其他食評又講到pizza好好食最後係甜品 雲呢拿雪糕配牛油脆脆，雪糕係好食，好香vanilla味同奶味，但上面d脆脆感覺係劣質嘅牛油曲奇所以淨係食雪糕算飲品叫左fruit punch，冇比匙羹(以為冇見隔離枱都冇)得飲筒攪唔到，變左上面好淡飲到底就好酸。在場得2個女職員，由一入去到走都係黑口黑面語氣亦唔多禮貌，走果陣望住我