Moment Cafe

营业中

休息中

Moment Cafe經常滿座，係雞地經濟實惠兼品質唔錯嘅人氣餐廳。 雖然menu有唔少選擇，但我次次都食香草辣雞意粉，雞塊多，意粉反而少仲有沙律同兩舊橙，食得好滿足美中不足係炒得比較油膩。朋友食芝士磨菇蛋漢堡配薯角，份量好大，食到捧住個肚離開

呢間餐廳走田園風，坐得就唔會太舒服喇，比較逼。當日1點幾左右坐滿哂人，所以侍應都忙不過來，落單個陣都講定食物要等耐少少。All Day Breakfast超豐富，有Egg benedict、腸仔、火腿、炸薯角、奶醬多同沙律，份量十足，賣相又好，雖然唔明點解會加橙係側邊。食物質素正常，薯角炸得香脆，Egg benedict滑嫩，沙律都新鮮，係腸仔略為油左少少。All Day Breakfast盛恵80幾，食到咁多野，質素又唔差都算係性價比很高了

全日早餐必食有有3款特色腸仔，班尼迪蛋，炸薯角配奶醬多士同沙律好豐富賣相好靚腸仔好好味 又不會太鹹班尼迪蛋恰到好處食完已經好滿足配熱既花茶係玫瑰花同菊花 好飲另外叫多個香草辣雞意粉用黑椒同燒汁去炒味道不錯但雞肉口感一般我只食哂意粉無食哂雞肉下次黎都係食全日早餐環境密密麻麻 還可以每次都要等位 要去就要預早去拉

早排同朋友去元朗揾食🤤大家都好遲先到行，搞到身水身汗，人地都就閂門😂呢到可以坐室外，不過有隻烏蠅係咁嬲住我地🙄平時覺得去cafe食all day breakfast嘅都係女仔，估唔到見幾多男人係到食🤣AllDayBreakfast一望落去已經流晒口水，好豐富😆有腸、火腿、班尼迪蛋、炸薯角、奶醬多士同埋沙律😍肉腸有法蘭克褔腸、煙辣肉腸同阿歷士黑椒腸😚煎到個皮好脆又唔會乾爭爭😚火腿大大片👍🏻薯角炸得夠脆🍟班尼迪蛋切落去好流心，下面有芝士、蕃茄同麵包，如果芝士能夠做到半溶就最好😙最正係奶醬多，超級多醬，仲要熱辣辣脆卜卜咁🤤啲醬多到用嚟點薯角都得🤣沙律不過不失，上面嘅麵包粒有啲淋🥗食到飽，可以食番兩片橙，冇咁油膩🍊.⭐溫馨小提示📌特飲加十蚊😛

星期六這些放假的日子，人們總是想食個開心的早餐，但在這裡卻不是得到一個開心的經歷。一大早總是喜歡跟大班朋友們用早餐時間相聚再緊接整天的活動。的確這裡的早餐質素還好，味道只是鹹了點，在這裡工作的姐姐們都十分有禮。只是他們的那個老闆娘十分差，對於客人和員工的態度十分惡劣。還在客人面前用手指罵員工。身為一個客人見到有這樣的老闆娘對員工，的確不太忍心見到這樣的場面。這間餐廳下次不會再去，喜愛在小店進食是希望食人情味，但在這，我卻找不到，一間連對員工都差的餐廳，試問又怎樣有好的態度對待客人、看重食物的質素呢？

一定無下次！！服務態度勁差。d待應望到我地舉手都突登扮望唔到，叫極唔應。問佢地有無飲管，佢哋話餐廳不提供，都岩嘅支持環保，但係因為有敏感牙齒先想要，但係明明黑板寫住有需要可以問職員拎，個女待應就黑哂面咁問佢地有無牙籤，叫我地自己拎，話係自助吧！但係明明完全無一個地方寫話係自助野食都一般，牛肉漢堡有筋無味，香草辣雞意粉偏咸，杯凍檸水無糖，得水同檸檬野食都過得去，但係食完真係一肚氣以前食都仲好地地，今次食完真係無下次！！！！

一入到餐廳環境好迫我地哎左一份牛角包餐同egg benedict兩份野都唔熱先講牛角包餐 個包硬到死 入面塊芝士岩岩系雪櫃拎出泥咁 塊火腿有扎肉味 好唔夾啲沙律菜好似比野壓親咁 睇到都唔開胃Egg benedict 個荷蘭醬少到食落都唔覺佢存在塊芝士又系凍既 底果塊包有酸味最黑人憎系員工之間冇溝通個空間已經夠哂細 仲要聽你地系到鬥交其實好多客系度囉溝通唔到學咩人開鋪姐搞唔掂親搵啲細既出氣其實睇唔過眼囉呢間野實系冇下次🙄

今日去元朗搵嘢食，揀咗一輪，被呢一間水果香味吸引，發現佢係主要食all day breakfast 、漢堡著條、沙律等等Cafe唔算大，出邊都幾靚，好有田園氣息，我哋怕熱都係坐咗裏邊，裏面啲位就比較窄，坐得唔係咁舒服不過重點都係菜式，我哋叫咗一個熱狗餐同all day breakfast ，佢嘅份量都唔細，而且佢嘅沙律真係有水果，係好香甜嘅橙，整體感覺好清新，唔會覺得好飽，啱啱好，最值得一提嘅竟然係花生醬煉奶多士，佢嘅多士好香脆，花生醬又滑又香，估唔到有驚喜

平日享受自煮早餐 假日出外享受早餐 專家話早餐最重要連續四天復活節假期快過了，早幾天吃過了想吃的早餐店，來到最後一天想起了假日經常擠滿客人的 「Moment」，打開成為元朗街坊後的首次到訪！不下雨的日子就是熱，客人似乎無懼太陽的威力，店外的座位也坐得滿滿！陽光熾熱、空氣悶悶的，我們還是躲進室內去！室內有靠著牆壁排排坐食早餐，也有獨立的餐檯！黑板上溫馨提示說明不供應飲用水，而每支瓶裝水 HK$2 的收費將捐助山區兒童。另外，餐具和調味料可從自助區自取，對我們這些新來的客人，提示來得特別清楚明白！備餐速度比預期快，大概十至十五分鐘！我們的早餐來了，看 ....... 多豐富，美好的一天開始了！全日供應的 Special All Day Breakfast（HK$82）有火腿、煙辣肉腸、阿歷士黑椒腸、炸薯角、奶醬多士和時令沙律！肉腸的質素不錯，皮脆、肉彈，味道不會過鹹過濃；沙律菜新鮮，簡單以沙律醬汁調味；炸薯角的份量不少，老公放棄後，由我這個薯粉接力，但最終也剩下兩件吃不下！至於鋪有淡淡醬汁的班尼迪蛋 ，下方有蕃茄、芝士和小麵包襯托，最感動是蛋黃仍是流心的， 但奇怪的是完全沒有香氣可言！而另

呢間元朗小店真係唔介紹唔得OH MY GOD!!!!!ALL DAY BREAKFAST絕對冇敷衍你，中間仲有EGG BENEDICT， 仲有生果伴碟，CP值夠高啦？呢個牛角包餐$40有找，仲要好高質份量好足夠，牛角包好脆，明顯有烘過，係邊到搵到？平靚正之選，沒有不吃的理由

幾年前都已經黎食，好鍾意呢到既環境，舖頭靜靜地，食物質素唔錯，性價比幾高，支持下小店我每次黎都叫既牛角包餐，牛角包入面有芝士火腿生菜，夾埋食唔太油，沙津都新鮮，仲有兩片生果扮下健康

星期六，係落住毛毛細雨嘅下午同閏蜜聚會，黎到呢一間Cafe，位置唔算開揚，但下晝時間都好多人，去到嘅時候啱啱好有兩個位，唔使等唔使淋雨～鋪頭好多田園氣息嘅裝修，仲有啲籃可以俾你哋將的袋放喺張凳底下面，好方便～佢哋冇提供水嘅服務只有支裝水兩蚊，面個兩蚊佢哋全數係捐出助養山區兒童嘅。好有愛心🥰入面仲有好多花嘅裝飾全部都好文青～（啲相全部都係臨走嘅時候影嘅鋪頭準備收場所以人比較少～）呢度嘅全日供應精選早餐$42 好抵食！我哋叫咗個 全日供應精選早餐3號：迷你漢堡兩個，配炸薯角飲料：檸檬蜂蜜加$5之所以會話佢好抵食係因為個早餐好大份，薯格又粗又大條，而個份量都唔少。兩個漢堡包絕對冇偷工減料！淨係中間份蛋都已經好多～開餐仲跟埋沙律🥗同埋生果，真係好健康！漢堡包🍔兩邊嘅面都有烤過，識落仲係脆既，番茄好大件，炒蛋用上火腿一起炒，食落好滿足。沙律醬好特別，甜甜地有帶少少粉紅色，薯角普通，茄汁唔夠多～不過可以問店員拎～個橙好甜！檸檬蜂蜜蜂蜜味好重，同普通嘅檸蜜有啲唔同，跟餐加$5已經好大杯～精選特色餐（全日供應）Special All Day Breakfast $82特色肉腸（法蘭克福腸、煙辣肉腸、阿

平時食All Day Breakfast 閒閒地都百幾蚊，呢間最平$42已經有交易，最貴都只係$80左右👍🏻價錢平但食材唔hea 擺盤吸引🤤食物份量好足好豐富 絶對係良心小店，一定會再幫趁。

這是一間小店，店內座位不多，假日有人喜歡坐在外面，入店後沒有豪華裝修，反而感覺親切，餐牌的食物全部都是即叫即整，我特別喜歡茄汁蘑菇意粉，配上沙律菜和生果，看到這意粉的賣相也份外吸引，胃口大開，味道不太酸，但也不失茄汁意粉的原意，如果不想吃太多肉，這是我最推介的意粉。此外我也嘗試過漢堡包，分量很大，有三款餡料可供選擇，而且還配上薯角，非常美味，其實店內還有其他不同款式意粉和其他食物選擇，來到元朗不妨試吓！

星期五下午三時，當日落單後已經等左20分鐘仍然未上餐，問咗店員之後，佢表示幫我跟進緊，但明顯系留咗單，再一次問我叫咗啲咩餐以前，上餐速度維持10分鐘之內，依家每個餐上菜時間起碼要20-30分鐘，即使留咗單，都可以同客人講就快上餐，人手唔足夠，仲一直keep住俾客入去，落單嗰陣時，又唔同客人講話要等起碼要等30分鐘另外，店員服務態度超級差，就算你嚟唔嚟食都好似冇咩所謂咁！雖然食物價錢平，但唔代表完全唔駛尊重客人，至少基本尊重都需要如果，時間多得滯，又想體驗一下極差嘅服務態度，呢間餐廳可以一試