Moonlight Destiny

营业中

休息中

店內裝潢設計得別 幾有氣氛 同埋張張枱都有韓星既相架 如果你係韓星fans 就不容錯過 不過空間比較窄 叫了蘑菇蜆肉忌廉汁意粉 蘿蔔都有星星形狀真係幾特別 我覺得個意粉味道就一般般 但份量就都ok 蜆肉份量比較多 而且好新鮮 整體上都蠻好的另外點了海鮮雜菌鮮茄長通粉 配料份量都幾足 鮮茄汁好開胃 同埋意粉口感岩岩好 唔會過硬或過淋 不過個蜆肉真係咸咗啲😂😂飲品方面我跟朋友各點了鮮奶抺茶 一凍一熱 我覺得抺茶味🍵唔多 鮮奶味重啲 整體上有啲甜 建議重抺茶味會更好

The food tastes very bad.  I ordered a fillet pasta, but the fillet is not fresh and with strong frozen taste. Very disappointing.The service is soso and the toilet cleanliness is below standard.No wonder that It was Friday night. but during dinner time, there is no other guest except I and my girlfriend. I can see the owner used some efforts to decor the restaurant.Yet, the most important part is food  and service quality.  I wish she can make a significant important in the near future.Otherwis

有朋友約食飯，之後上佢屋企，所以揀屋企附近既。今晚無其他人，意外包場仲有好靚既閃燈裝飾，美少女擺設。叫甜品有得寫字，有爉燭，有生日場景，幫手影埋相，不停點返枝爉燭。係某app訂枱有六折，好抵。食物不算好好食，但還可以，都大碟同足料。蕃茄意粉好香，長通粉係偏硬個種，我個人鐘意淋少少。白汁意粉就唔流質，但我鐘意creamy一點。啲海鮮幾好食。仲連紅蘿白片都係星星型，好有心思。雞翼肉質幾好食，肥肉，但無個蜜糖唔係好融合。我朋友好鐘意個甜品，但我覺得得無咩芝士味，面頭個層都太甜。飲品無咩乳酸感覺，但好有青蘋果味。食環境同服務係幾好架。我遲左打去都幫我hold枱。

今晚又去Moonlight食晚餐。這藍色小店的門口位置在小巷，相對比較安靜，不失為旺角鬧市行街期間小休的好地方自己和同行朋友都不餓，點了蟹柳沙律🥗和雞肉白菌汁長通粉來share。 沙律菜依然爽甜，蟹柳絲份量不少，配油醋汁感覺refreshing 雞肉白汁長通粉個汁夠濃，每條長通粉都掛上汁，雞肉也多，很豐富的最後再點了甜點 - 草莓乳酪凍餅，是火星主題的甜品，賣相非常漂亮，味道也很有草莓的微酸與甜美整體來說Moonlight的食物有一定水準，甜品比以前更漂亮，菜式也更新不少，下次可試下其他新菜式

見到有特價時段優惠，就幫襯左呢間餐廳。餐廳環境幾夢幻，好多星星燈，都幾好睇。餐廳唔係好多人幫襯，傾計都傾得幾舒服哈哈。3個人食左勁多野，食左兩個意粉，一個長通粉，三樣小食，三杯野飲，一人百令蚊賣令。都算係咁啦😝😝意粉叫左兩個唔同配料既忌廉汁意粉，但我覺得食緊同一樣野😂幾似自己係屋企整既感覺，幾好。另外個通粉，就普普通通，冇咩特別。個牛肉薯餅超好食呀，食完又叫多左份食！！i like it❤️但個章魚小丸子稍為遜色，都冇食哂呀最後。整體黎講，呢間餐廳尚可，靜靜地，野食中規中矩。附上menu :

There was a birthday event for one of the wanna one members (Daehwi) so I came to this cafe I ordered “Good Day” from the special menu and it was pasta with beef and it came with a drink. It was okay, nothing special. The fansite did a nice job decorating the place for Daehwi’s birthday. Service was kinda slow though because there was only one person working, but there weren’t that many people anyways.

一入到cafe便是滿天星星及美少女擺設，cafe不太光猛烈，襯托出星星✨的光芒，很有氣氛及情調，我叫了一壺玫瑰花茶，店員不停為我添飲，是一個與朋友談天的好地方！我和朋友們叫了一個三人餐，有前菜、小食、主菜，我最喜愛沙律🥗及小食，沙律有好多芝士粉及脆脆麵包😁，而小食炸得很香口很脆尤其薯條🍟、蜜糖雞翼及日式餃子🥟，而主菜的鴨胸意粉及咖哩🐔飯大大碟食唔完店員上菜的速度很快，我還未吃完沙律便上小食，我的餃子還未吃便上一碟碟主食，整張枱都是食物，店員很親切，還幫我們影合照

與朋友相約旺角區吃飯，想要坐得舒適又寧靜可傾談的地方，揀了Moonlight Destiny！我們三人行，就ORDER了一個3人餐，份量超足夠！先來一份CEASER SALAD，吃得出好新鮮！飲品方面，我叫了一杯水蜜桃紅茶，我最愛，無令人失望。再來食物方面，有一客小吃，有薯條、雞翼和炸餃子，好味，不油膩，餐有兩個自選飯麵，我們揀了一客煙鴨胸意粉和咖哩豬扒飯，兩樣都好有水準，好食，份量多到我和朋友都吃不哂～～～真心推薦這家餐廳，食物有水準，出order時間ok，傾傾下偈就有，環境又舒適，而且店主好友善！

約朋友去油尖旺，想找好地方傾計要好俾心機搵，於是又返去之前去親都感覺良好的moonlight.和以前比較，好似多左啲裝飾同埋多左多人分享套餐供應，我覺得幾好，因為有時好多人叫唔同野，廚房出食物始終有先後，今次是套餐每次出的小食或主菜都是多人份量，一齊有得食星星裝飾的沙律是我常叫的菜～這次是凱薩沙律，菜和醬的比例良好，套餐版夠大份補充返我近日食唔夠嘅菜～煙鴨胸意粉勁多料，蕃茄醬汁酸酸地平衡返肥美的鴨胸，又係份量勁多，下次我要帶個餐盒來帶走一份做第二日嘅lunch至於當日嘅氣氛，當然是傾傾傾唔停，傾到唔捨得走

奶油包係IG見到有人講起Moonlight Destiny知道入面有好多Sailor Moon既野同埋知道佢做緊杯套應援就決定幫襯一下唔知係唔係因為香港地少人多既關係Moonlight Destiny係開係一座商業大廈入面但係老實講...樓下環境好差要係一條小巷行入去問題係條巷短短20步奶油包已經見到2隻死曱甴衛生環境唔係好OK而大廈既LIFT更加係可怕暗...而且有怪味去到Moonlight Destiny門口見到入面係有好多Sailor Moon既野仲有一個corner係放左某位韓國男團Center既野佈置係有少少心思既但唔知係唔係因為店面比較細所以冇店員幫手咩都係一個頭髮長長既女仔攪晒落單係佢，煮食係佢，賣單都係佢咩都一腳踢所以面色好西下亦都係因為得佢一個既關係上菜係超級慢味道係正常既只係上菜太慢

日式咖哩汁雞扒飯($92)-飯嘅份量非常多，但汁同雞扒嘅份量都可再多啲，味道唔錯。煙三文魚雜菌忌廉汁意粉($98)-意粉份量好多，而且好有忌廉汁嘅味道，呢個係真係好食！加田園沙律(+$5)-用麻醬整所以味道一定唔會差。蜜糖雞翼($48)-雞翼煎得啱啱好，加埋蜜糖汁更加好味。月光秘密($48)-呢個芭菲嘅朱古力雪糕好好食，入面仲有唔同嘅水果，cream再加埋可可脆同星星脆片係幾出色。藍莓乳酸($39)-還可以，唔會太甜，都有小小乳酸嘅味道。整體食物質素不錯，但店員服務態度實在非常差，環境還算可以。提醒：每人最低消費$60或一杯飲品，另收加一。

見openrice食評入面介紹呢間餐廳有好多美少女戰士精品，加上有好靚靚嘰芭非，就訂座星期五晚去食啦！去到果晚冇人啊！因為店主說有人cancel左訂座，果晚就好舒服咁坐同食左成晚啦！😍有美戰音樂播緊同埋有電視機，好啱幾個幾個知己或者同情人傾成晚嘰好地方啊！😙食物方面☆是2人套餐，有沙律，意粉，飲品，叫左甜品芭非，好甜我食了點點咋♡總括黎講都好飽啦！仲好平$300鬆d啦！主要餐廳背景好靚又坐得好舒服嘰cafe呢！😍😍

是日與友人互慶生辰 彼此只是相差2天 趕得及9月的尾巴共慶呢 選了友人喜歡的美少女戰士的主題cafe 經openrice網上訂座快快樂樂起行咱們在油麻地A2潮流特區過馬路前往 看到華潤堂就到恒威商業中心了 以前也曾到訪過其他食店 升降機還是一樣的「兇猛」即使瘋狂按開門掣也會被漠視 這點大家要小心啊2時左右到達時 人流不多 選了舒適的沙發座 上座不久至離去 人流卻接踵而來呢座位看著我兒時曾愛的玉桂狗 各取所需氣球剛好配合咱們今天的慶生主題餐茶-玫瑰花茶 茉莉花綠茶 各$13午餐包$35飲品 其他補差價 這兩款花茶原$48 現在補差就可以享用啦 配蜜糖 無限添加熱水 不是茶包 很夠味道 蜜糖雞翼（6件）$48 就是正常的雞翼味道啦 熟度剛好 雞翼唔細隻 蜜糖甜度份量也適中 最愛這星星小碗 為平平無奇的雞翼增添幾分可愛芝士煙肉薯條 $48 餐墊很配合主題 但薯條沒什麼味道 上鋪的芝士煙肉很乾 想要一條薯條 用叉子會一束起立 用手 也要手撕好幾條薯條 不推介蘑菇蜆肉忌廉汁意粉 $62 賣相普通啦 但弄成星形的紅蘿蔔為整體加了分數 忌廉汁加上黑椒很惹味 而且很夠汁 配料也不少 兩個女子Share

下午獨自一人的包場時間，感覺真好！餐牌很可愛，看得出很用心，感覺有點Sailormoon風格，只是隨歲月可見，餐牌有點舊。起初只點了正餐跟飲品，可是後來看到餐牌上的甜品實在太可愛了，於是追加訂單了。飲品普通，就跟外面喝到的有汽有味道的飲品一樣。意粉美味，放久了，不會結成"一舊舊"，調味、汁均剛剛好，椒類有種味道，不是每個人都喜歡，但在這，我這個不喜歡椒類的人也能吃下，而且紅蘿蔔也弄成形狀，很可愛，吃得一條也不剩。杯墊很有魔法陣感覺，很可愛。追加了喜歡的甜品，本人不喜歡多Cream，正常可以接受，所以這個滿適合我，不會過多，且味道不錯，只是到最後有點飽，吃不完，有點可惜。果凍是星星形狀，好用心於等候用餐時，四周看了環境、店主的收藏品，看到很多關於Sailormoon的東西，真的好想要，很美，馬上充滿少女心，回憶衝上腦，有機會希望可以再來光顧 ^^

去過咁多間cafe，呢間感覺都幾好，靜靜地，啱曬同朋友去傾計食野慢慢吹下水，食物以往去開果啲份量都係好少，呢度竟然分量十足，多到食唔曬，飲品味道意想不到，好飲又大杯，店員亦很有禮貌，可能是小店經營，無乜人去，但我推介大家值得一試。