Neko 熊穴

营业中

休息中

Neko 熊穴西貢隱世茶房～主打人手搓製手工烏冬🍜見到網上好多人介紹呢間位於西貢餐廳難得入來西貢～特地來朝聖叫左碗魚白湯烏冬🍜配日式雞肉丸子🍡啖啖肉雞肉丸子～配上濃香呈白色魚湯🐟配上粗身麵質夠哂嚼勁烏冬～完美組合whisky煙熏紅茶 ～ 店員推介佢地呢款特飲用上來自日本茶園🫖紅茶茶葉飲落紅茶～帶點煙熏味呢款特飲非常特別 ～又好味邊嘆茶～邊同朋友閒聊～感覺好chill好relax~ 假期入來西貢慢活下幾正📍西貢海傍街2號地下B號舖

每次放假唔知去邊，🐻🐻都會揸車同我去西貢行下食下野‼️西貢呢個地方真係完全可以令人進入無壓力狀態，吹下海風好舒服經過見到呢間充滿和風味道嘅小店，岩哂我哋嚟慢活一番重點係呢間茶館對食材非常之講究所有茶葉都係源自日本嘅茶園，所以我一定要叫返叫杯茶品先得「焙茶鮮奶」- 果然烘焙嘅茶香非常突出，而完全無澀味 鮮奶嘅角色增添其順滑感。「鮮蟹肉蟹味噌冷素麵」呢間嘅冷麵勁好食❤每一啖都係濃濃嘅蟹味，仲有新鮮蟹肉，令成件事鮮味倍增食完先留意到呢度嘅烏冬係全人手搓的，下次要再嚟試下

Neko 熊穴@nekobearcafe📍西貢海傍街2號地下B號舖最近入左西貢行下～慢活一番發現左呢間位於西貢海傍餐廳茶房見到店內裝修以木系為主調～感覺好舒服佢地主打手作烏冬🍜一於入去試試😄估唔到有驚喜✨😎一問之下烏冬係由店家親手搓製而成而且店內食物都無加任何味精或化學調味好欣賞店主呢份對食物堅持同熱誠叫左份碗烏冬～。日本蠔～瀨戶内產～時雨煮配魚湯烏冬烏冬入口夠Q彈～湯底夠濃香～配上大大隻日本蠔～非常正。凍朱古力🍫 ～ 食完碗烏冬😎💖飲返禁凍朱古力係餐廳到chill下都幾嘆♥️

原本以為一間好有禮貌裝修好好嘅日式西餐廳，一入到去都算好有禮貌，特意安排座位，可惜我們一行四位大人，帶埋兩個兩歲未夠嘅bb, 三番四次叫我地要人頭飲品，我哋非常意外，小朋友如常吃BB的原食材，竟然叫我地下次再嚟，我們拒絕order 茶類飲品給BB, 店員話BB其他可以飲佢哋啲茶，我覺得店員蠻不講理，強詞奪理，我哋比錢唔係問題，一碗麵168蚊我比，係比較貴，但我地都係想有個地方休息下，呢間舖都唔係做生意，店員態度同個menu寫嘅係完全相反，不尊重別人亦不尊重小朋友，香港人招待香港人都咁，真係好失望。

趁住週末嚟到西貢四處逛逛，搭船前諗住係海傍街穩間cafe食chill下。經過呢間cafe，被佢個日式和風裝潢吸引住，二話不說即刻入去。呢間熊穴餐廳茶房環境好舒適，給人一種慢活的感覺，今次更好難得有榻榻米座位坐，一邊嘆好野食一邊同朋友傾下計，正啊！今次點了店家招牌：魚白湯烏冬配雞肉丸子。店家主打手打烏冬，每日人手搓，所以點都要試吓啦。烏冬同時好掛湯，嗦曬魚白湯的鮮味。日式雞肉丸子好大粒啊，表層有略略燒香過，配上烏冬好夾。飲品方面點了一杯凍朱古力，朱古力好濃郁，上面仲有一層朱古力泡沫，層次分明，又唔會過甜，十分推薦。下次黎西貢又多一間打卡cafe了！

好耐冇去西貢，今日難得身在西貢，特意想搵一間有特色嘅小店去食啲野。行到海旁留意到呢一間和風茶室「 Neko熊穴 」，見到餐牌都係主打健康料理，岩我。門口有小石路，室內用上淺木色設計，內裏又有榻榻米座位，感覺寧靜而且好似去咗日本咁。《 法式焦糖pancake $88 》班戟有三塊，送上時香噴噴好吸引。襯熱食香軟鬆化，倒上焦糖仲惹味。另外仲配有鮮提子肉、cream同埋百香果醬，味道豐富～我就仲欣賞個百香果醬，酸酸甜甜幾開胃 ，又唔膩。《 凍朱古力 $48 》天氣熱咗飲返杯凍朱古力好爽，味道又唔會太淡。下次試吓咸點先。

放假去西貢前已經上網做好功課，揀定左嚟呢一間和風小店食下午茶。喺門口嘅小石路已經比到我一種置身於日本嘅感覺，入到去仲有和風嘅裝修，例如榻榻米、木係傢俬擺設等等，整體感覺令人心情放鬆。** 限定菜式 **《 魚白湯烏冬配瀨戶內牡蠣 $178 》蠔有兩大隻幾肥美而且好鮮濃有蠔香，湯底清令蠔香更出。湯配料仲有菜、菇同櫻花蝦，令烏冬更豐富。《 Whisky香薰紅茶 $68/壺 》酒精配菜呢個配搭好特別，一於試吓。紅茶入口香濃不澀，慢慢浸出Whisky味，但又唔會濃烈更唔會令人酒醉，好喜歡呢間個配搭。

對上一次黎西貢應該係幾年前嘅事，對西貢嘅印象就係啲嘢好食，同埋好悠閒好chill因為工作嘅關係搞到3點左右先可以自由活動吓，咁又已經食咗野 所以就搵吓邊度可以chill下就俾我喺海傍街搵到呢一間”Neko熊穴”餐廳格調行輕日本風，未食已經有不少既打卡位！叫野食前梗係問吓人有咩推薦啦！原來呢度係主打手作烏冬，餐廳自己親手整嘅 亦都唔會落味精同化學調味 啱晒我呢啲對味精敏感嘅人！食物原材料仲要係來自我最愛嘅日本 價錢仲要唔係好貴，真係不得了！但我真係好飽，只係嗌咗杯紅茶姐覺得有啲唔好意思，但店主完全冇介意，Chill係咁嫁啦！Whisky煙熏紅茶我都係第一次試咁嘅配搭，whisky紅茶前調有獨特又細膩既煙燻味，後調就有啲麥芽香氣，茶香濃郁又獨特既紅茶坐下坐下，又一個下午 原來呢度係收6點！逢星期二三都休息，如果想來嘅話就要睇清楚佢開門時間啦！

近排開始多咗時間，想搵啲海邊嘅或者休閒啲嘅餐廳，嘆番杯茶或者咖啡，好好享受我嘅假日晏晝🥰最近我個friend介紹咗我呢間「Neko熊穴」，食完就發現非常有驚喜😎Neko熊穴氛圍非常之休閒，好啱假日想過啲慢節奏嘅下午，可以望吓過海又食好嘢😚餐廳內部環境都非常日系，簡潔得來好有亮點，加上佢嘅食材幾乎全部都係來自日本，果然好有心機😍今次我叫咗個全日班戟薈加伯爵茶，佢地個pancake同出邊唔太一樣，唔係鬆軟空氣感嘅 偏有口感d 比較薄嘅，仲有黑松露炒蛋，口感軟滑，而且香味十足，配搭埋酸甜嘅車厘茄，仲有啲鹹香嘅菇，簡直係滋味滿瀉😋伯爵茶嘅茶葉喺日本入口，聞落已經非常之清香，飲落好有餘韻，入口啲香氣已經充斥成個口腔，果然好有質素，配搭埋香香甜甜嘅班戟，簡直冇得彈❤️今個晏晝簡直係well spent，難得發掘到呢啲咁高質嘅餐廳，遲啲又會再嚟encore☺️

今個星期好忙啊😅趁星期日放假就去左西貢睇吓海 輕鬆吓 休閒過一日 係西貢市中心見到間環境好chill嘅日本餐廳🍴岩曬我今日懶懶閒嘅心情😌入到餐廳好舒服🤗好有去左日本嘅感覺 成個人開始放空😂 跟住店員過來介紹餐廳嘅主打美食 我就叫左個香煎帶子蝦味噌汁烏冬 烏冬非常煙韌 原來呢間茶房嘅烏冬全部都係人手親手搓😳 好正而且所有嘅食物都無加味精或化學調味 同埋大部分食物材料來自日本🇯🇵唔怪得咁好味😋我再叫左個煙燻紅茶☕️餐廳用左個靚靚嘅日式茶壺🫖上檯 好有歎茶嘅感覺 飲第一啖已經覺得個茶好有煙燻嘅風味 原來呢間餐廳嘅茶葉都係來自日本茶園🇯🇵 岩曬我口味 咁就過左個休閒嘅下午

每次同屋企人去西貢都係食海鮮🦞熱鬧嘅氣氛同西貢嘅慢活氛圍有些少唔夾🙈今次難得同朋友入嚟行吓 當然選擇一間舒服日式茶房啦!餐廳由裝修、座椅、餐具 每一個細節都充滿日式風味 暖暖嘅陽光☀️淺透入嚟嘅感覺 真係好和暖、好寫意💕👍🏻 魚白湯烏冬配日式雞肉丸子🍡上枱後建議大家先舀一啖湯試試 魚湯味道淡淡🐟落到喉嚨好舒服 搭配嘅雞肉丸子超級juicy 肉味濃 上面仲有少許醬料 有點睛嘅作用！手打烏冬比一般有韌勁 推介😇 👍🏻 煎茶玄米茶見到隔離枱叫咗呢個 為咗嗰壺 我哋又嗌咗🤣飲落茶味香濃 有甘香 餘韻仲會停留係口中一段時間🫖原來佢外內兼備 值得一試😌注意事項⚠️- 店內主打嘅手打烏冬真係手搓架 好有誠意🙌🏻 - 任何食物都冇加味精/化學調味 食得放心🎉而且幾乎所有材料都日本進口 連茶葉都係架✅

想搵間啱心水嘅Cafe打卡又坐得舒服嘅都唔係咁易架！係西貢區單單指cafe都8間10間咁，點揀好呢？本人推薦以下lee間Neko 熊穴嘅cafe，話說上星期日Hea遊西貢，誤打誤撞搵到lee間主打烏冬同班戟嘅日式塌塌米Cafe!!!對於有塌塌米嘅裝修特色已經好吸引我，加上主打嘅兩大類食物本人都鍾意❤️真係夾到冇咁Q！不過塌塌米座位位置有限，要早啲去先有機會，角落嘅位置(封面照位置)係有低消嘅，記得問清楚先坐👆🏻👆🏻👆🏻叫左份熊穴班戟同一壺煎茶玄米茶，兩個人share剛剛好。班戟有配蘋果蓉同cream仲有肉桂粉，食落好夾個果道。👏🏻🤤茶黎講就正正常常咁，可以免費加熱水沖泡多次，不過已經淡好多了。由於有前後門口位，幾通風，唔怕焗住又熱。除咗室內仲有少量室外座位選擇！可能知我哋第一次黎，Staff有同我哋介紹Menu都幾細心！👍🏻味道⭐️⭐️⭐️⭐️環境⭐️⭐️⭐️⭐️⭐️價錢⭐️⭐️⭐️服務⭐️⭐️⭐️⭐️

很多人來西貢都會找cafe坐下，但對於住在西貢的我，通常都揀茶餐廳解決三餐不過今日放假，又是平日，就揀左呢個比較隱蔽既咖啡店試下入到去，被佢既日式簡約擺設吸引到加上日光由後門照入來，很舒服！好對應到我放假既心情 ：）看餐牌，見到佢地主要賣pancake，叫了個抹茶味試下份量比我想像中細，味道一般但勝在擺碟靚，好啱打卡用

【Neko 熊穴 】@nekobearcafe西貢日式和風茶室 🪐除咗pet friendly之外仲主打自家製無味精料理💁🏻‍♀️我地揀既卡座設有最低消費既 要至少消費💰$350先可以坐個corner位 如果剩係想飲杯野就要留意反啦~~🫣 魚白湯烏冬配瀨戶內牡蠣 💰$178呢款係限定菜式 牡蠣超肥美而且好濃味! 但個湯既味道真係偏淡 烏冬亦都偏幼 同唔算好彈牙🫣法式焦糖Pancake 💰$118班戟較薄身同好粉 一切就散開全靠焦糖煎到脆口為佢增添反小小口感佢仲配有提子 忌廉同埋百香果醬不過不得不提佢地自家製既百香果醬係幾出色😆 酸酸甜甜咁幾開胃 抺茶鮮奶 💰$55抺茶味幾濃 但唔係好夠滑同飲到小小粉唔算話好特別~培茶鮮奶💰$55Hojicha味都幾香幾濃 整體黎講成間荼室個vibe好好 但係野食味道普通同價錢偏貴~

早前，我跟兩位好姊妹，一行3人週末遊西貢！ 當日有煙霞，天氣又炎熱，實在熱到我都頭痛！在正中午時段 12:00~2:00 行完兩個鐘頭鹽田梓，我感到好口渴，所以，要點杯凍飲讓我消暑解渴先得！可惜，我們一行3人，大約 2:30 走到西貢海傍街的餐廳 <Neko 熊穴> 門口，卻是清潔中， 要 3:00 才開，我們只好在附近行街！店方以木系和風的裝潢，由未踏入門口到室內，四圍都是打卡位，可見盡花心思！我們掛住影相，連背囊及手挽袋跌了落地也不知道，靚女店員幫我們執起放上枱！店方選用日本食材，還取得認定証 Menu好姊妹 Birthday lunch 凍鮮奶抹茶 $48店方這款飲品，本身沒有加冰，由頭飲到尾，也不會變得稀薄！入口雖然不是透心涼，總算涼浸浸！ 味甘少甜，奶濃香滑，不錯喝！好姊妹點了精品茶 $68日式雞肉丸湯烏冬 $118幼身的烏冬完全不似是烏冬，質感帶煙韌！卡邦尼烏冬 $88相對較香口惹味！全日班戟薈 $138有3塊班戟，香軟溫熱，淋上糖漿，簡單而美味的！煙肉不會煎到好乾，夾雜些少脂肪，炒蛋混合蛋白及蛋汁，口感嫩滑！價錢略貴！