NENE CHICKEN (朗豪坊)

营业中

休息中

約左舊同事食飯，心血來潮想食炸雞就揀左呢間😂。因為一放工就去，所以都唔使等好耐位。🔅雙重滋味炸雞(無骨雞件) ($188)呢次揀左韓式甜辣炸雞同埋原味，韓式甜辣醬唔錯，醬汁唔會太多令炸雞變腍，食完一舊有醬又食番舊原味平衝番😎，唔會太膩太濃味。鐘意nene chicken既炸雞係因為即炸夠熱，但又唔會好油膩滴晒油出黎。另外炸粉唔會好厚，咬落舊雞仲好juicy🤤，同埋又可以揀無骨方便食😋。🔅NENE烤雞(無骨雞件) ($174)食過幾次都係叫炸雞，今次試埋烤雞。烤雞就比炸雞更滑更juicy，不過個人都係鐘意炸雞有層炸粉咬落脆啲有口感🤣。🔅濟洲海鮮炒粉絲 ($92)賣相雖然普通，不過味道都ok，但價錢少貴。💬雖然食物部份價錢偏貴，但呢間韓式炸雞食過真係算唔錯，暫時係我首選🤤。

(o´罒`o)NeNe Chicken (朗豪坊) (旺角)•平時行朗豪坊都見到好多人排呢間韓國餐廳，今次終於的起心肝試吓佢٩(˃̶͈̀௰˂̶͈́)و！不過小妹同四個朋友子七點幾去等位等咗個令鐘先有( ･᷄ὢ･᷅ )好彩最後都有大枱俾我哋坐^_^～•🐔《初雪炸雞(無骨)》($182) 6/10初雪即係芝士粉，但落得太多粉，一咬落去成口粉好鹹(＞人＜;)而且外皮唔夠脆，冇乜口感ಥ_ಥ不過肉質就幾嫩，份量都唔少，不過不失啦！•🐔《韓式甜辣炸雞(無骨)》($172) 6/10比起初雪炸雞，呢個甜辣炸雞就冇咁鹹，但係外皮都係唔夠脆ಠ_ಠ個醬就好似平時茶記咕嚕肉嘅醬，完全唔辣( ･᷄ὢ･᷅ )簡單嚟講就係咕嚕雞肉，好冇驚喜！•🥚《勁量級雞蛋卷(泡菜)》($141)7.5/10雞蛋卷入面好多芝士！利申芝士迷巧𠹌喜歡呢個雞蛋卷(˶‾᷄ ⁻̫ ‾᷅˵)勁量級真係好大條，有返咁上下食量先好嗌！蛋好滑，啲料塞到個蛋卷脹卜卜(⁎⁍̴̛ᴗ⁍̴̛⁎)算係呢餐入面最高汁的了(≧∇≦)•🥘《芝士炒年糕伴拉麵》($112)6.5/10年糕煙煙韌韌，辣得剛剛好(˶‾᷄ ⁻̫ ‾᷅˵)拉麵有少少淋咗啲(*≧ω≦)芝士同年糕嘅份量多啲就更好^_^•🥤《Soda:

Nene chicken成班朋友聚餐最啱暴飲暴食㗎啦🙈🙈🙈今次就暴食炸雞，nene chicken係韓國過嚟嘅餐廳，聽講喺韓國好受歡迎先至過嚟香港。餐廳推出左任食套餐$158 一次過可以食晒佢哋11款口味炸雞，由於3人以上同行，仲送一個芝士鍋俾我哋慢慢食。好食: 1. 白郡主炸雞，一定要食呢個，上面有少少洋蔥絲配埋酸酸甜甜嘅醬汁，感覺唔會太肥膩，好香。2. 初雪炸雞，炸雞上面鋪滿大量芝士粉，好食唔使講啦。3. 招牌炸雞，唔係純粹炸雞咁簡單，上面有埋芥末醬，好好食。至於個芝士鍋，我同朋友都覺得個芝士味有啲奇怪 ，所以基本上冇咩點食。

/𝑁𝑒𝑛𝑒 𝐶ℎ𝑖𝑐𝑘𝑒𝑛 🇭🇰/#sa旺角篇 ➖➖➖<遊走韓國一趟>➖➖➖呢間炸雞店開業多年 但其實都係第一次食見佢地周不時都有不同優惠仲有炸雞放題好耐無食韓國野 加上好耐無得去旅行會想過下口癮🤣佢哋食物嘅份量都幾多下 食食下都會幾飽➖➖➖1️⃣玫瑰醬寬粉炒年糕 $108 係呢度嘅新產品🆕 食食下會覺得辣味都算突出 唔算太咸 但都算係濃味入面仲有寛粉同韓式年糕同香腸幾樣配料都夠入味 年糕同寛粉都煙煙韌韌➖➖➖2️⃣芝士魚糕串鍋 $151 Suppose 啲魚糕應該串住 然後點邊位嘅芝士食不過當日啲配料係分開嘅～所以只可以分開食個芝士都幾濃 咸香味突出 有拉絲效果入面都有啲洋蔥🧅都幾重味 但唔會搶過芝士魚糕湯入面好足料💛有魚蛋、魚片、烚蛋等不過湯就較少 同耐左啲魚蛋會發脹所以越食越飽🤣🤣➖➖➖3️⃣勁量級明太子雞蛋卷 $151 真係好大條 大概3人份量🤣加上茄汁同沙律醬酸酸地幾惹味蛋都夠滑 入面嘅明太子唔錯 不會太辣另外仲有蟹籽同蔥鋪面➖➖➖4️⃣nene 雙重滋味炸雞 $188 (蒜香/白郡主)🌟去到食炸雞嘅地方都要食炸雞🍗呢兩隻味都唔錯！ 份量好多 都有十幾件其實可以幾個人sha

知道咗nene chicken有$99炸雞任食放題好耐一直都好想嘗試，平平地任食一款口味炸雞和薯條。如果食$99炸雞放題就只有一隻味可以揀就係韓式甜酸炸雞，想食多幾款味道就要揀$158啦餐廳提供前菜有韓式泡菜同白蘿蔔。醃蘿蔔的味道較淡，酸少少會較為合適。炸雞嘅肉汁豐富 ，炸雞外脆內嫩，甜酸醬嘅配合啱啱好，就算係放題都同平時單點質素差唔多，但係炸粉比較多。薯條既味道較為淡，鹽味不足夠。餐廳環境不錯，職員有禮。唯一不足的地方係水樽倒水位置，易漏水，請小心。

🇭🇰NeNe Chicken·玫瑰醬寬粉炒年糕$108我一開始就係比佢呢個吸引住😍😍佢一上檯真係超級香 超開胃 佢其實就係類似辣辣地既番茄忌廉醬咁 但係佢完全唔會漏 我自己好中意🤤之後佢入面既香腸 年糕同寬粉都入曬味 而且煙煙韌韌口感好好😍😍不過佢個寬粉係厚身少少個種黎既 我男朋友就覺得太煙韌🤣·雙重滋味炸雞(有骨全雞)$177 l 鮑魚海鮮辣豆腐鍋$126我地本身想試秘風糖味架 但係佢賣曬 所以最後就嗌左韓式甜辣同蒜香醬油😎我自己中意佢個韓式甜辣多D 佢食落多汁D 惹味D😈之後佢個鮑魚海鮮鍋入面都幾多海鮮既 個鮑魚雖然細隻D 但係質感唔錯 反而個青口就偏粉少少🤭不過佢呢個鍋都幾辣 尤其係佢舊豆腐索曬汁🌶️🤣🤣·#rbyeat#rby韓國菜#rby旺角 #rby葵涌 #rby將軍澳 #rby青衣 #rby大埔 #rby元朗 ·📍旺角亞皆老街8號朗豪坊11樓30號舖📍葵芳興芳路223號新都會廣場L1層185號舖📍將軍澳重華路8號東港城2樓225號舖📍青衣青敬路33號青衣城2期2樓226號舖📍大埔安邦路9號大埔超級城B區2樓287-295號舖📍元朗元龍街9號形點一期1樓1026號舖

“招牌炸雞(無骨雞件)”($162)第1次食Nene炸雞😁叫咗最basic嘅無骨原味🐔外脆內嫩,啖啖肉正😛一碟超級大,2個人食已經超級飽🤣NeNe Chicken (朗豪坊)旺角亞皆老街8號朗豪坊11樓30號舖

久違了的nene chicken。有一段時間沒來這裡吃炸雞了。上星期相約朋友來朗豪坊分店吃炸雞和其他韓國料理，幸好質素仍能保持，很有韓國當地的味道！ 點了一份雙重滋味炸雞。可以一次過試到兩款口味，不怕單一口味太寡。我們選了蒜香醬油和韓式甜辣有骨全雞。有骨全雞吃起來特別滋味！兩款炸雞都很不錯， 韓式甜辣就較為惹味，醬汁甜甜辣辣味道剛剛好。蒜香醬油就比較重口味但感覺香口，各有特色。炸雞炸得香脆但不覺太油膩。看到有新產品玫瑰醬寬粉炒年糕，就點了試試。很好奇玫瑰醬究竟是什麼醬汁，味道竟然有驚喜，有點像甜辣版本的卡邦尼，意想不到的好吃！配搭煙煙韌韌的年糕和寬粉很夾。裡面還有香腸等材料，很豐富呢。勁量級的明太子雞蛋捲。份量比想像中更加勁量！絕對夠3-4個人吃。雞蛋捲入面是滿滿的明太子，鹹香十足。鮑魚海鮮辣豆腐鍋是較為清淡但鮮味之選。入面的材料豐富，除了鮑魚仲有多款海鮮，所以湯頭鮮味十足！飲品方面試了重量級的Cocktail Rita。賣相特別！倒插啤酒的造型很有創意。桃味和士多啤梨也不錯，果香十足，和炸雞是絕配！

Nene Chicken玫瑰醬寬粉炒年糕雙種滋味炸雞(無骨)明洞小食派對Cocktail rita peach士多啤梨乳酪特飲價錢💲: $108/ $188/ $140/ $88/ $48好味程度😋: 4/5服務🍴: 3.7/5環境🗾: 3.7/5性價比🥢: 3.7/5回頭率😚: 3.7/5-Nene chicken之前都食過好幾次，一排冇去原來又有新menu! 今次去到朗豪坊個間發現佢人氣不減，平日晚市都要等下位喔！-✅玫瑰醬寬粉炒年糕。呢個一改以前炒年糕辣的概念，用左番茄忌廉醬加小小辣醬煮，等唔食得辣的朋友都可以食到👍🏻 食落酸酸地先有小小後經的辣。入面的年糕係幼身同長啲，同寬粉一樣好索汁😻 煙韌控一定中意！配料仲有煙肉、腸仔、西蘭花同洋蔥，好似carbonara的配料。呢個幾好食🤤-✅雙種滋味炸雞(無骨)。佢地的炸雞都ok既，係個皮後左啲有啲似整係食緊個皮🤐 入面的肉正常，一齊食其實有d乾🥺 不過佢地的調味又真係ok! 蒜香醬油甜鹹甜鹹，重口味人士必選，因為好夠鹹🤪 青陽辣椒白郡主味就好似係一個辣的白汁咁。真係幾辣下，啲椒好勁，食得辣先好叫！😆 佢的辣係你會越食越想食，好刺激🤯-

🌹玫瑰醬寬粉炒年糕 $108: 粗寬粉好彈口，索曬玫瑰醬嘅味道😚 年糕口感煙韌，味道甜辣好開胃☺️仲有豬腩片、腸仔同洋蔥😚.🍗雙重滋味炸雞（無骨）$188: 今次試咗招牌炸雞同初雪炸雞😋 一睇就知夠邪惡😈 即點即炸呈金色，小編比較鍾意芝士🧀 芝士粉味道香濃帶咸香好正🤤 另外仲有蜜糖芥末醬可以配招牌炸雞食😸.🍚韓式牛肉石鍋拌飯 $75: 食韓國嘢必叫石鍋拌飯☺️ 滋滋聲好吸引😍 韓式牛肉醃過非常香甜👍🏼 食到最底仲有啲飯焦脆卜卜好過癮😋.🍳迷你雞蛋卷 (泡菜) $80: 厚厚嘅玉子燒包住泡菜同芝士好豐富，面層仲有啲蟹籽可以配茄汁同白汁食😋 兩個人食啱啱好😊 .🥭愛文芒果乳酪特飲 $48🍓士多啤梨乳酪特飲 $48

朗豪坊服務員服務態度差，找服務員叫幾次都不理會，只得個亞叔理，無骨兜就算，連膠手套都記得就畀，無就算，食物味道一般，炸鷄肉質一般，收銀員完全當你透明，講話無分寸，沒有下一次，亦不會向其他权人推薦。

仲記得之前去韓國，第一次食炸雞就係NENE. 個時夜晚同朋友仲特登係hostel 搭車行過去食，印象中炸雞外脆內嫩，連泡菜都好食。到Nene 黎左香港咁耐，今次過去試睇下同回憶中味道有幾大分別。估唔到最滿意唔係炸雞反而係佢新出個年糕。玫瑰醬寬粉炒年糕，原來即係番茄忌廉炒年糕，並無加玫瑰，只是因為呈粉紅色玫瑰顏色，所以先有個咁靚嘅名「로제（Rose）」比起平時食韓式傳統辣炒年糕，加左忌廉減低左辣度，而番茄醬汁微酸又解低膩. 年糕同寬粉都煙煙韌韌，仲有bacon 同腸增加咸香。叫左愛文芒果乳酪特飲都ok. 不過更鐘意有氣beers蔘雞湯朋友想試，估唔到都唔錯。用左原隻雞, 中間包住糯米, 仲有少量人蔘同紅棗。雞肉煲得好軟腍筷子輕易就可以了撕開, 個湯有dd 蔘香味, 加埋糯米似蔘雞粥. 配炸雞食都幾減膩皇室豬肋骨(L)伴芝士火鍋及脆薯條佢個ribs 調味剛好，微微帶煙燻香味又唔會太濃味，肉都煮得腍身可以切開。一份仲有4大舊，美中不足係唔夠熱，應該整定所以都係凍左咁。而且薯條唔脆。芝士火鍋嘅忌廉味比較重，唔係拉芝個款cheese, 朋友話覺得有d 似奶粉味所以麻麻。 我覺得味道都可以嘅，不

最近睇返韓國旅行嘅相，就好想食炸雞同年糕😭 平時喺朗豪坊經過見到 @nenechickenhk 都好多人排，一探究竟順便試埋佢地嘅新產品🤪▫️玫瑰醬寬粉炒年糕 $108新產品！聽到玫瑰醬就以為係呢道菜應該甜甜地或者帶點花香🌹 點知同我想像嘅完全唔同‼️原來玫瑰醬係用蕃茄同忌廉整成，一塊玫瑰花瓣都冇㗎🤣 辣得黎仲帶少少煙熏味，幾好食😋 年糕同寬粉都好煙韌，沾滿醬食唔錯喎😆▪️雙重滋味炸雞(無骨) $188炸雞係必食吧🤩 雙拼叫咗蒜香醬油炸雞+初雪炸雞🍗 懶惰嘅我嗌左無骨雞件，啖啖肉呀！我鍾意初雪炸雞多啲，上面嘅薯片厚脆重薯味，正呀😍▫️皇室豬肋骨伴芝士 $168有兩排豬肋骨，份量十足🙈 包埋芝士食真係非常邪惡😈 記住要盡快食啊，否則芝士會變脆㗎😂▪️NENE SODA-Citron $38▫️愛文芒果乳酪特飲 $48兩款飲品都消暑解渴，啱晒而家飲呀🌞

餐廳：NeNe Chicken (旺角)地址：旺角亞皆老街8號朗豪坊11樓30號舖原來韓國人氣炸雞店 NeNe Chicken喺全球又過千間分店，而香港亦都佔有6️⃣間，今次行過旺角朗豪坊見閒日晚上唔係太多人等位，所以走咗入嚟試吓，原來呢間喺香港第一間分店，始於2016年8月，計返都開咗5年有多✝️玫瑰醬寬粉炒年糕 $108韓國最近興起一股玫瑰醬炒年糕熱潮🔥，無論餐廳、網紅定藝人見到佢哋好enjoy食呢款炒年糕，而香港比較少地方食得到😗。其實玫瑰醬炒年糕即喺番茄忌廉炒年糕🍅，入面喺無任何玫瑰🌹，只喺個醬汁顏色被認為似玫瑰色先會有呢個名，因為加入咗忌廉，所以食起上嚟比傳統韓式炒年糕無咁辣🌶，番茄醬亦有解膩開胃嘅作用，所以食起上嚟難以停口，而餐廳仲特別加入寬粉喺當中，煙韌有咬口😛✝️雙重滋味炸雞(無骨) $188Nene Chicken嘅炸雞特別之處在於用咗真空烹調技術去鎖緊肉汁💦，令每件炸雞都外脆內嫩，而且所有秘製醬汁同炸粉都喺由韓國NeNe食品生產總部空運到港🇭🇰，可以食到正宗嘅韓式口味🇰🇷。我揀咗大蔥同秘風糖味，前者蔥香十足，後者充滿蒜香同蜜糖香🍯，果然夠晒惹味🤤✝️芝士魚糕串鍋(大) $15

嘩！平日都勁多人排隊呀 😱 好彩有得用 Gulu app 一早攞定飛咋！呢到啲嘢食份量都幾大份 🙈 叫多啲人一齊黎先可以食到多啲唔同味道呀～雙重滋味炸雞 📍$188我地揀咗蒜香醬油&蒜醬伴脆薯條2款味道，醬油味個款味道較濃，所以會建議食咗另外個款先。炸雞外脆內軟，而且仲可以選擇無骨，好方便 👍🏻 脆薯條上面嘅芝士真係多到一個點 🧀🧀 好邪惡芝士蛋伴烤牛肉炒飯 📍$102芝士蛋鋪滿哂成個碟呀 😍 連啲飯上面都有架，一啲都唔會馬虎，加埋牛肉同牛肉汁，都幾大份玫瑰醬寛粉炒年糕 📍$108初初見到玫瑰醬真係唔係好知係咩…但又有啲好奇，所以結果都決定一試！估唔到佢竟然變咗成餐飯嘅亮點 💫 個味道甜甜地咁，好唔漏，加埋煙韌嘅年糕同唔同嘅蔬菜，幾好食呀～ 個人覺得呢個真係值得一試，其他韓式餐廳未必有呢隻味愛文芒果乳酪特飲 📍$48韓國嘢多數都帶有少少辣，叫返杯酸酸甜甜嘅凍飲就岩岩好，而且夏天係芒果嘅季節，所以特別香甜Detox Blue Lemon Tea 📍$38藍色嘅檸檬茶係幾靚嘅，飲落就同平時無乜太大分別，少少偏酸，不過就正正中和返韓國嘢嘅膩