Oliva (已結業)

兩個人叫了..忌廉蝦意大利飯: 好味有口感, d 蝦細左少少spicy 雞pizza: 細份都有6大件!!! 都好食lasagna: d個一般, 不過d 汁酸酸甜甜都幾開胃送o既沙律周麵包都ok最值得講o既係份量...以上o既野, 我地係食剩一半.....我覺得呢間餐廳都值得專程入大埔試下

視線範圍內所見, 唔見到有崩碟, 有改善, 底讚！

見到近日咁多好食評，當然要黎試一試佢既真工夫啦。先講食物，因為只得兩個人，淨係叫左串燒雞施薩沙律，什箘意大利飯同白酒青口墨汁意粉。個沙律正正常常，只嫌佢多左少少醬汁，唔夠清爽。而意大利飯則如之前咁多位食家所講，夠creamy 又好味，只可惜飯略嫌過熟，因為我鍾意食正宗少少，d飯硬身少少既。而墨汁意粉個汁好似個湯，好似食緊湯意咁，不過又真係幾好食，而且d青口都幾新鮮。最後叫左個tiramisu做甜品，唔知佢係咪home made，但水準不俗。咪睇佢地個碟仔細細咁，其實portion唔少架，兩個人食到盡都剩野，一大班人黎食就更加抵玩。價錢又唔算貴，埋單都係$283，都幾合理啦。但係有幾樣野就真係要作出改善喇。唔知係我唔好彩定咩，我檯上既碟，只有一隻係完整無缺，其他成八九隻都係崩既，唔似之前既食家所講有改善，希望佢地會正視呢個小但又幾令食客唔開心既問題。第二樣野就真係幾令我失望，佢地上菜既次序同速度真係有問題，我今晚上菜既次序係>意大利飯>>墨汁意粉>>麵包>>沙律，我同佢講話次序有問題，個哥哥仔只係唔好意思左一聲，又無話幫你收返d 粉

13/7 同朋友又o黎食dinner！當日全場full 晒~ 雖然係咁，但職員的態度仍然很好同很誠懇！佢d 崩口碟終於都換晒喇！yeah ~ ( 十隻先見一隻係崩，雖然咁，但我覺得佢肯改善同肯進步)咁佢又照以往咁送左個蔬菜沙律！依然同上次食一樣~ 好新鮮乾淨同爽口)因為得兩個人去食，所以主菜只叫兩樣：1. 龍蝦天使麵2. 雜菌磨菇飯( 兩個都係叫細size )個磨菇飯係第一次叫，o黎到至知道原來佢d sauce 都好creamy，在咁o既情況下，夾埋個香味濃郁的天使麵就有點過漏了！結果兩個平時都好擦得的人都食唔晒個沙律同兩個主菜…>.<""到收完碟冇耐，個部長就行埋o黎好禮貌咁問我：食物岩食嘛？滿意嘛？( 可能佢見我們有食剩食物至咁問掛！？)抖左一陣，同個朋友叫dessert！除左叫tiramisu 外，佢有個士多啤梨千層酥係超級好食！酥皮脆，甜甜地~ 夾埋個士多啤梨sauce 係好正！士多啤梨又夠甜！酥皮與酥皮間除左有士多啤梨外，每層仲有吉士醬！d 吉士醬超正，入口又滑即溶，味道甜得o黎又唔漏，帶少許奶味同蛋味！>3<慘喇！深深咁愛上呢間餐廳添呀！希望

外面看入餐廳內~ 感覺有點懷舊及高級餐廳feel~一入去會奉送一籃麵包~ 麵包點醋+橄欖油酸酸地幾好味^^ set lunch 有5-6個選擇~ 連餐湯+飲品(免加一)地方坐得都幾舒服~ 可以一邊用膳一邊閒談~

第二次去食啦，頭一次去食係平日，水準很好。今次係星期日去，一行８人慶祝生日。哈!水準仲keep到喎。先講包－包點橄欖油+意大利醋->一流，不可不吃芒果煎鵝肝－鵝肝很大塊，配芒果效果很特別，自己不太喜歡，反而將鵝肝放上包一齊食，嘩......!龍蝦天使麵－濃郁蕃茄及龍蝦汁，很香。如果天使麵再乾身一點就更好了16oz安格斯牛扒－叫五成熟，真的來了五成熟，不似有號稱扒王的叫五成熟卻來了八成。不單肉汁保留了，肉質食起來很嫩香草燒羊架－冇羶味，五至七成熟就最好了。喜歡羊的不可不吃唔知甚麼煎豬扒－豬扒出奇地嫩及有豬肉味，唔知下次有冇噤好呢？藍莓燴鴨胸－鴨胸很嫩，但配藍莓就有怪，初初放上仲以為係魚子醬或黑松露甜品：藍莓芝士蛋糕－芝士很香及滑。幫我用朱古力做個Happy Birthday牌，服務都唔錯。講開服務，我個有滴水，話同我換，換到我食完都未換。好在滴水位對我影響不大。用碟有係崩既，可以改善就更好喇。一行８人，叫７個湯，５個主菜，一個甜品，２杯飲品，加上包同沙津（雖然係送既），只係1千2百幾，邊度仲有呀?!!!

週五晚, 又要諗在何處晚飯. 幸好七時就收得工, 於是走訪在大埔的Oliva.想來這裡的原因有二, 一是由於Openrice 的食評推介, 二是希望找到一間在質素及價錢上, 如幾年前在灣仔開過的La Festa 餐廳. 我忘了在大埔墟火車站有K12 接駁巴士去八號花園, 結果兩個人行了差不多半小時才到安慈路, 還要在安慈路行來行起, 原來比給在旁的扒王之扒騙倒, 因為外觀實在很似.在門前先看看報導, 原來老闆兼大廚曾在Cafe Deco 任職, 一時想不起在那裡, 女友告之即係山頂峰景.內裡裝飾一如意式餐廳, 牆上掛滿大大小小的舊相, 還有古典油畫, 最突出還是天花的幾盞水晶燈, 很有格調, 伴以悠和音樂, 氣氛相當不錯.根據食評點了龍蝦天使麵, 還有白酒藍青口墨汁意粉. 餐牌上有大小兩款選擇, 很適合不同人數的需要.一如意式餐廳, 餐廳先來一客沙律及麵包, 伴以黑醋佐食. 沙律很香檻欖油味道, 麵包不是Fat Angelo 的熱麵包, 而是軟軟的洋蔥包, 質感如蛋榚一樣, 女友較喜歡Fat Angelo 的牛油香及麵包香脆, 我卻喜歡這份的質感, 和咬下後的餘韻.想不到還跟多一客意

Drove to Tai Po last Sunday and asked my friend who live in TP for recommendation. So went to Oliva to try the Italian food. We ordered 3 dishes - mussel "squid ink" spaghetti, creamy salmon angels' hair + table size pizza. Portion is great! Food is good, the only complaint is the temperature, it's too cold!!!

諗住搵個舒服d可以傾計既地方食餐飯，響門口見佢好似坐得幾舒服，價錢又唔係貴就試下...我地一行3人試左佢個沙律、細既雞肉pizza、海鮮併盤、墨汁麵、黑森林蛋糕..沙律個汁唔錯，d料都ok新鮮!!雞肉pizza唔掂，此終pizza hut好食d!!海鮮併盤超唔掂，d海鮮全部都冇味架!!墨汁麵都係ok啦，但杰左少少!!黑森林蛋糕好似唔擺左好耐咁，冇朱古力味，而且d蛋糕好鞋..失敗!!食物的確麻麻，但真係坐得幾舒服，又唔會趕你走..有個應該係男經理(見得佢一個打哂呔)服務態度幾好有笑容，叫佢又好快會埋黎，而且跟野都跟得好足!!但有一個女待應既態度真係唔係咁掂，講野態度超唔好，問o個樣答唔到o個樣，重要黑口黑面!!所以如果想舒舒服服坐低傾下計食下野可以揀依度，但記住唔好預野太好食!!

因為係假期所以冇午餐叫, 今次叫在個羊架, 一份共六支, 是原味, 吃不到醃味, 碟中央放了薯仔蕃茄, 開胃醒神, 只嫌沒半點羶味及略熟了一點。意大利海鮮飯是用了大大粒帶煙韌米質, 係唔係意大利出產就真係冇研究, 個人認為口感一流, 炒得出香味來。三文魚扒闊條麵, 件魚扒4吋x2吋咁大件, 有d意外, 塊魚扒又係新鮮正貨, 塊皮係脆o既, 但覺得熟左d, 另外送o既沙律仍係新鮮貨！最後上o既係tiramisu, 同個經理講有位座上客生日, 要求加多支蠟燭, 高大靚仔經理有求必應, 仲問邊位係主角, 原來佢捧住件tiramisu專程兜左一圈, 係個主角後面點好蠟燭才送上檯, 好細心呢！埋單總計$38x總括黎講, 呢間野試左兩次, 以價論貨, 一個字>>> 掂！無比滿分, 係再留空間俾佢地進步, 除左位經理, 其他侍應欠缺笑容, 客人提出的未行跟進, 此點有待改善。

補返個食評先~之前同兩個朋友仔gathering 黎食…裝修：幾好喎！坐落幾舒服，唔迫，基本上隔離檯唔會貼住晒咁食物：-- 前菜-- 係意式蔬菜沙律( 送) + 麵包點黑醋( 我覺得d 蕃茄好好味，都幾大碟)-- 主菜-- 1. 龍蝦天使麵<-- d 汁好得，好味道喎！2. 意式海鮮飯<-- d 飯口感幾好，香噴噴耶！3. 香草焗鱸魚<-- 呢個冇咩特別-- 甜品--1. 軟心朱古力<-- 對呢個本身抱有期望，但我覺得呢個軟心朱古力正式黎講係唔合格o既！外層唔熱唔脆，切開時裡面d 朱古力冇流出黎( 失望)2. tiramisu <-- 反而呢個合格喎！唯一敗筆係酒味唔夠~ 結論：上菜速度& 次序唔錯幾好~ 不過佢d 崩口碟真係要諗諗佢點改善~ 基本上成間餐廳俾我的整體印象係有75 分，但因d 崩口碟令到我扣分又真係唔抵lor！明明可以做得更好架嘛！=) 但大埔有間咁o既餐廳，算係見得下人意外驚喜lor ！

在大埔區要找吃意大利食品的, 就相信只有"必"記, 要數其他的話, 想穿頭皮就只有此店了, 巳經過門前多次, 但一下子要想想那家未吃過的, 都總要找"開飯喇"來幫個忙。此店主座位不迫好坐，又加送柔和音樂，食品主打的都是薄餅意粉類, 又有好幾款午餐選擇, 未點菜時, 侍應巳先行俸上了麵包, 一口咬下是隔夜貨來的, 可幸仍有香草及牛油味, 大家一致認為今餐先試午餐較安全, 就算不大好吃, 都是一個人頭四十元吧了。當中兩人點了意式香草羊扒午餐, 但侍應說只有羊膝, 另一個是意式龍脷柳配香草牛油汁, 主菜未到, 先上檯的是餐湯，湯有兩款，其中忌廉的夠香夠滑，雜菜湯夠味但略嫌稀了一些。繼而是輪到主菜上檯，午餐樣貌娟好, 份量是可以見得人的那種，羊膝炆得夠腍又帶點點羶味，龍脷是薄薄的，但不會煎得太乾，咬下還有質感，兩款也同時有配菜如紅蘿蔔和淋上了芝士汁的西蘭花及焗薯。各人試過滿意後，還說著要點多一味，後加的是香草三文魚闊條麵($6x)，三文魚是用上了魚腩，是最肥美的一部份，另還附送一客用中式湯碗呎碼裝著的意式沙津，此個沙津也不馬虎，新鮮生菜蕃茄黑欖加香甜洋蔥，只吃此碗也夠飽肚了。試過味道後確實有點

今次係d 朋友帶我去oliva食呀，雖然我係大埔住呀，但我就真係唔知有咁好的餐廳係呢度呀!首先講下個環境先啦，佢俾我的感覺係好靚及好舒服的法國餐廳呀，仲諗住d野食都幾貴啦!!我地就點左龍蝦天使麵及"table size"的pizza，我都係第一次食d pizza咁脆呀，仲好食過pizza hut呀!!我d朋友都話食過呢間之後，都會覺得pizza hut都唔係幾好食呀。仲有係食完pizza之後，隻手都唔會好多油要去洗手呀!!龍蝦天使麵d汁好夠味呀，食完仲想叫多碟呀，但因食左咁大個pizza都冇位食多d啦，為有等下次先再去食啦~~~hehe

去過3-4次, 次次都咁好味, 又唔會太多人等位, 服務都唔錯, 有一次等friend 等左成30-45分鐘, d waiter都好好招呼. 推介小食: 好似叫焗野菌. 大大隻, 原汁原味, 個source 少少creamy, 整得剛剛好. 推介pizza: 煙三文魚, 個底好香脆, 又唔好會太溥身, 芝士夠香.推介main course: 牛膝. 夠諗, 夠入味.推介飯纇: 意大利海鮮飯. 我本身唔鍾意食飯, 不過d friend 話好好味, 於是試左2啖, 真係好得, d飯唔係用絲苗米, 個汁好香.環境都唔錯, 同一大班freind食完仲可以傾下計, 飲杯野, 慢慢坐.

基本上食物方面冇問題, 樣樣都好好食!我會推介龍蝦天使麵!!!<--好得只係想講D服務真係差LAW,我叫個經理過黎,佢唔SHOW我,D 侍應由我一入門口開始個個都黑口黑面咁......D碟磞左都仲俾客用,似茶樓行為......如果唔係D野好食,我都唔會再入去食