Oliva (已結業)

今日終於有機會去呢間餐廳試下.我同女友, 每人叫左個晚餐.1. 餐包配酸醋及橄欖油- 個包幾特別, 而且配上酸醋, 酸酸地有另類感覺2. 白菌忌廉湯- 一般啦, 白菌已經融入湯中, 個湯變得有白菌的味道, 絕對係誠意之作.3. 白菌芝士焗龍利柳- 芝士味好香, 份量亦足, 女友話配菜的紅蘿蔔好似薯仔咁香.4. 朱古力斑尼士- 又一誠意之作, 皮脆內軟, 食完想再食過.得兩個人, 試唔到佢個Pizza添, 為左佢的Pizza我會再去既.

之前試過佢地個set dinner, 覺得幾好, 所以今晚叫埋朋友黎一齊試吓d pizza, 因為平時兩個人實食唔哂.我地七點九黎到, 門口有幾個人等緊, 個waitress同我地講起碼要等一個鐘, 叫我地留低電話, 有位就打比我地, 呢個服務又幾好, 起碼唔駛0係門口企, 可以周圍行吓, 點解我地行唔夠20分鐘, 佢地就打電話黎話有位了.我地三個人叫左三樣野, 己經食唔哂, 要打包d pizza走.藍青口($68): 有少少失望, 因為好想食返baby blue早期0個d超級鮮甜0既藍青口, 可惜呢度0既青口都係冇乜味, 全靠d汁酸酸甜甜先有返d味海鮮墨魚意粉($75): 幾好味pizza($158): 呢個係我最想試0既, 我地揀左雙拼:煙三文魚同香辣雞, 個pizza切開12件, 真係好大個, 煙三文魚好味得黎普通d, 香辣雞就好惹味, 辣辣地好正呀! 美中不足係個pizza底唔夠脆, 只係某d邊位脆少少下次我地會繼續幫襯

之前睇雜誌介紹過,同埋openrice既其他食評都話此餐廳不錯,所以去試下,不過我就覺得麻麻地,相信唔會去第二次.餐包放響d有醋積既餐紙上見到都唔想食,好唔衛生,想嘔!當晚餐廳經理推介既好底食$135蚊既安格斯牛柳,我叫了一客7成熟,但就硬到不得了,完全吞唔到落肚,食左一啖次後,我同個經理投訴,但佢就冇嘜反應,仲用唔係好相信我既眼神望住我,佢真係冇睇廣告,今時今日咁既服務態度係唔得架!之後我個樣表現出好不滿,差不多食晒其他野之後佢就話送個焦糖布甸比我地,但都係好難食,咩甜味都冇.當晚仲食左個好一般既什菌白汁車輛粉同埋羊肉中東包!仲話好底食,我就覺得好搵笨!

今晚和三個朋友黎呢間最近頗出名的餐廳食飯,這樣的一間餐廳在大埔區(或可說是新界區)來說可算是一個奇葩.裝修簡潔得來不失華麗,三盞大吊燈成為焦點所在.最難得的是價錢很大眾化,食物也能迎合年青人的口味.從食評得知此店的食物頗具份量,所以叫的都是細份,唯薄餅想多嚐一種口味,所以叫了雙拼.先端上檯的是麵飽和沙律,當然少不了意大利黑醋及橄欖油.麵飽的口感介乎蛋糕與麵飽之間,尚算鬆軟.沙律則有生菜,洋蔥,粟米及車厘茄,無甚特別.兩個主食包括南瓜雞肉車輪粉及龍蝦天使麵.以後者的水準較高,龍蝦的份量沒有欺場,麵質幼滑,伴以小露笋倍覺清新,但忌廉的份量頗多,宜趁熱食.車輪粉的雞肉有點鞋,而且食不出半點南瓜味,還有芝士下得太重手,食兩口已有點飽滯的感覺.另一主角薄餅則沒有令我失望,我們叫的是香辣雞及千島海鮮pizza,每件都可拉出一絲絲的芝士,材料也很多,差不多舖滿整個薄餅,餅底軟硬適中,不過這亦是頗飽肚的,吃上了兩件已差不多了....最後以一個甜品tiramisu作結尾,個人對tiramisu沒有研究,只覺得口感及味道均不錯,也能在酒味和甜味中取得了一個平衡.整體來說包括侍應的服務和上菜的速度可算不錯,

yummy,gd,go there and try,but little bit far!I go with my bf,one set dinner+spicy chicken pizza+Tiramisu..very nice!!!!!

前排去左大埔食意大利餐. 間餐廳叫Oliva. 超好味!! 其實之前成日行過呢間野都好想試嫁啦! 再加上好似係magazine 見過佢介紹話好就更加想試! 但係就一路都無機會. 尋晚終於試到喇~~! 由於去到都已經9 點幾, 所以完全唔洗等位. 一入到去第一個感覺就係覺得o個度好似又一城o個間Amaroni's (另一間我幾鐘意o既餐廳, 有d 人好似叫Amaroni's 做Little Italy)! 好, 講番入正題先. 由於男友已經黎過呢間餐廳, 再加上佢又唔係好肚餓, 同埋佢話呢度d 食物size 都幾大, 所以end up 只係叫左兩樣野!! 但係都食唔晒!! End up 有兩件pizza 要take away tim!! (kakaka~~益左我!! XDDD) 由於pasta 係one of my favourite food (唔知點解由細到大都她鍾意食pasta 類o既食物), 所以首先就點左個意粉. 全名已經唔記得左係乜, 總之就有白汁同煙肉啦!! And then 點左個什麼香辣雞pizza.首先上檯o既係麵包(with 醋& olive oil) + sala

此行為慶祝父母結婚紀念,一行四人專登叫d未食過既野,叫左...巴馬火腿蜜瓜/烤羊肉中東飽/龍蝦汁天使麵/蜆肉意大利飯/意大利芝士餅/士多啤梨千層餅.巴馬火腿蜜瓜-火腿好夠鹹香，蜜瓜份量應多兩三片烤羊肉中東飽-有d食Kebab feel,羊肉幾juicy龍蝦汁天使麵-味道OK,但比較"笠"蜆肉意大利飯-好多蜆肉,味道濃厚,但都係鍾意什菌飯多d意大利芝士餅-保持水準,有足夠既酒味,甜度亦適中士多啤梨千層餅-吉士好light,千層餅亦做得好酥食到好滿足,好飽,臨走阿媽又再話,咁既價錢有咁既水準,真係好難得...即係話我地一定會再黎幫襯啦!p.s.我地八卦問埋pizza價錢,因無可能食得晒個original size(12件),於是問下有無細size,原來可以叫1/2個,不過價錢就係70% of the original size.

我最鐘意呢度環境.... 好舒適同埋大埔黎講...意大利餐廳有甘好既水準..好難得我最鐘意食佢個海鮮&雞肉雙拚pizza...好味....仲有佢送既包包都~~沙律...我食左1次之後...就o係home學佢地用olive..同黑醋點..面包...加杯紅酒好正架.... 即刻覺上等人左好多~~hehe...拍拖去最好~~^^

I have been there many times and generally I think the food is fine, especially the pasta, despite the bread and the salad served with the pasta is, frankly, disappointing. But all other things is pretty nice. And the price is relatively low compared to others in the UBD.

三月四日(星期六)介紹嘉菲猫到此共進晚餐,點了以下菜式-(a)羊肉中東飽-羊肉片不太重羊味,不過不失,唔點唔係損失(但不明白意大利餐廳為何有這款菜式供應);(b)龍蝦汁天使麵-點了一個小的,但份量非常多,比其他餐廳供應的大,龍蝦肉份量'合理',汁多味濃,天使麵份量又多,正!但嘉菲猫認為天使麵稍為淋身,可以硬身一些更好,同意;(c)香辣雞肉pizza-一客六件,一早知道無可能吃清光,但嘉菲猫一場來到,當然要試一試,雞肉及菠蘿鋪滿整塊pizza,絕無欺場,可謂'大件夾好食'(但嘉菲猫喜歡'餅乾底'多一些,如可以選擇更好);(d)意大利芝士餅-酒味幾突出,但中間的cream如能打得軟身一些,仲正!(e)奉送的麵飽沙律不詳述了.PS : 多謝大食猫,是晚的驚喜永誌難忘.

經常都冇位，而且得我同老婆兩個又食唔到好多野，所以遲遲都未去試，終於一次約左幾個friend，就去試下啦！我地叫左青口，pizza，意粉，意大利飯& 豬扒。先黎麵包同沙律，麵包唔夠鬆軟，d醋同olive oil要分配，唔係擺o係枱俾人自己倒，感覺好小家。沙律就普通啦！頭盤叫左青口，味道唔錯，個茄醬酸酸地，配合埋d蒜片，好香。如果青口改用細隻d嘅baby blue就更好。個pizza好誇張，table size，真係成張枱咁大，可揀兩款味，海鮮就普通，個辣雞就好惹味。都係個餅底唔掂，一係就薄d脆d，一係就厚d鬆d，可惜佢唔薄唔厚，唔脆唔鬆，到喉唔到肺，爭d爭d。意粉揀左蜆肉牛油汁意粉，意粉彈牙煙韌，蜆肉大大隻，牛油汁都好香。什菌意大利飯非常出色，好香芝士味，飯唔會太硬，有咬口，值得一試。豬扒都唔錯(唔記得叫咩名，不過menu得一款豬扒)，兩大塊，個汁好特別，「傑傑」地，好香芝士、香草味。整體都唔錯，o係新界區好難搵到咁有水準嘅意大利餐廳。

26/2(日) 2pm終於考晒試兼完成個project,呢幾個星期忙到精神緊張兼且睡眠質素吾太好.所以今日決意令身心鬆弛下.同男友專誠入黎大埔走走,2點左右到左呢間己久仰大名既餐廳,環境確實頗有意大利feel,牆壁全是掛畫,天花有水晶吊燈,樓底夠高,印象吾差. 我地叫左一個細吞拿魚白汁焗大貝殼粉$68,跟意式沙律及麵包,細tiramisu$35/先上麵包及沙律,麵包系嘉頓,無誠意!黑醋亦及牛油吾夠香!沙律有蕃茄,洋蔥,粟米及生菜,亦屬一般! 等左10分鐘上埋個pasta,份量吾多,10-12粒大貝殼粉釀左芝士,菠菜同吞拿魚入去,面頭淋上茄醬及白汁,味道偏淡,沒甚特色! 反而值得一讚系tiramisu,雖說系細,但份量系一般既2倍,入口相當滑溜,酒味濃度適中! 但d服務真系扣晒分,有位長攣髦男侍應既態度簡直令人髮指!幫我地take order態度奇差,問佢菜色上既問題佢亦表現得敷衍了事,請此餐廳老闆檢討檢討. overall吾太值得專誠入黎試!

食完先上來呢個網睇,原來都有咁多好評.兩個人去食...叫左6件三文魚pizza,一個意粉,再加個apple crumble....超飽．．．幾好味佢同又一城間Amroni Little Italy....非常相似．．價錢就平少少啦，兩個人＄２４０～不過星期日dinner未到七點就好多人，冇咩位．．要座吸煙區．．

我今日去左e間餐廳食野~嘩~~~我1:00來~~d野食就同我1:45先來~等到餓死都算!仲要d野食好似未煮熟d 配菜仲要凍!我起初追左2次單,好彩有位侍應姐姐同我跟左一下~才有得食~唔係實餓死=oo=thx~

跟報紙介紹於16/Feb來的. -盤order了生牛肉--幾好-還order了mixed pizza,辣雞味及意大利腸那款,不過上枱的pizza不夠熱.辣雞味唔辣,意大利腸的pizza充滿芝士.-order了意大利飯--Good--每啖飯入口都一定有咬口,因材料充足,不過飯不似真正的意大利飯.-燴牛膝--too bad,配菜的薯仔,矮瓜等等是凍的.牛膝的肉質也不好.本來亦order了大慨是"鴕鳥芝士"的頭盤,但waitree掛住玩而幫我落錯單,居然來了意大利菜湯,完會牛頭不搭馬咀.雖然18:45得二.三枱客,但都唔洗一落完order即玩掛?