OPPA韓國燒肉店 (已結業)

在openrice訂了夜晚6點枱 ，打算趁晚市重開及用下消費券，特意光顧大埔燒肉放題，可惜用餐體驗不愉快。而且埋單不可以用Alipay或八達通，明明openrice上有寫可以，到底餐廳臨時改左定係網上寫錯。一開始上既牛肉拼盤，其中有一塊係熟成牛扒，未食前期望太高，質素一般，而且幾大塊，有意餵飽左你先。牛肉粒及真露蜆湯太差，牛肉粒咬唔斷，蜆肉味道好怪，唔似平時食開既蜆。平時外面放題飲品係免費任飲，這間要每人加$40。而且有漏單情況及比錯啤酒，明明無叫韓國啤酒。感覺最不愉快係，餐牌寫夜晚7點半前離場可減$30，職員回復：用餐前要通知員工！真心伏，咁職員應該在餐牌上寫明，又或主動問客人。員工態度不佳，每次回答隨便，面帶不耐煩。總之，不會再幫襯。

同朋友去食韓燒呢間Oppa Korea Restaurant 裝修極度有韓國風格 而且好多可愛壁畫叫咗個可以食A4和牛三角腰嘅餐 仲係任點任食 睇圖都知油花勁靚 牛肉味濃郁入口即溶而且仲贈送每人一份海鮮

12月好多朋友聚會，一大班朋友會想搵啲任食放題食，大埔嘅選擇唔太多，今次有住大埔嘅朋友推介依間「OPPA韓國燒肉店」，係旺角都有另外一間分店。餐廳裝修好有韓國feel，有圓枱都有卡位選擇。餐廳主打燒肉放題，每枱都會有個抽空管幫你抽走濃煙，唔會搞到成間店烏煙障氣。每塊烤肉板會傾斜放，可以流走啲肥油，仲有個位可以放蛋漿整泡菜烤蛋！😎-每枱會先奉上用成隻牛形狀的板來裝載的「和牛拼盤」，打卡一流！拼盤包括A4黑毛和牛肩肉、A4黑毛和牛三角腩、澳洲和牛舌、霜降小牛排等，每款肉都切得好整齊，仲會有個小標誌係上面，好細心，好多時食放題成日都會唔知道自己食咗咩肉。A4黑毛和牛肩肉啲肉質好結實，肉眼已經望到好均勻嘅霜降油花，入口即溶，好正！🇰🇷-除咗和牛拼盤之外，任食食物都有好多選擇，包括前菜、肉類、海鮮類、韓式料理、蔬菜類等等，飲品就要另外加$30先有得任飲。同我一樣鍾意食韓國野嘅朋友唔好錯過，最後甜品仲有每人一盒Movenpick雪糕Tim，超值！😋-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ OPPA韓國燒肉店 (大埔)📍 大埔舊墟直街4-20

記得多年前曾分別光顧OPPA韓國燒肉店的兩間分店，當時仍只提供單點燒肉，近年轉型推出燒肉放題變得更加划算。「弘大燒肉放題」每位只需$268起，而我們則選擇了食物款式更加豐富的「江南海鮮燒肉放題」，星期一至四每位$398而星期五至日、公眾假期及其前夕則另加$30。各款A4黑毛和牛及澳洲和牛等牛肉均可以任點任食，A4黑毛和牛分別有肩胛肉及三角腩兩個部位，油花分布平均並富油香。霜降牛小排相比A4黑毛和牛絕不遜色，入口即化；無骨牛肋肉肉味香濃；M7澳洲和牛上頸脊則肉味與油香俱全；M6和牛下腹腩質感軟嫩爽彈。海鮮拼盤包括深海虎蝦、鮑魚及大扇貝，每枱只限一份不可追加，但另有多春魚、海蝦、小八爪魚及魷魚可以任點，鮮度固然與新鮮海產有一段距離但絕對綽綽有餘，虎蝦肉質結實而八爪魚及鮑魚亦夠爽彈。其他肉類則有紐西蘭羊排骨架、神戶水飼黑毛豬、豬皮、豬大腸等，當然少不了韓燒必備之五花腩，原條燒香後切件以生菜包住實在別具風味。烤爐邊更可以炮製我最喜愛的泡菜煎蛋，值得一提的是就連韓式炸雞、泡菜嫩豆腐湯、春川炒辣雞、韓式飯卷、傳統石鍋飯、炸醬麵等韓式料理都一應俱全。飲品方面除了各款汽水外，連Kirin啤酒、韓國啤酒

見最近天氣幾適合郊遊，心血來潮入咗大埔一轉。途經直街見到有間韓式燒肉出面幾多人排隊，醒起佢喺旺角都有分店，上網睇一睇見名聲不錯，決定一戰！今次揀咗$268（假日）嘅燒肉放題套餐，淺嘗下先～一入去望吓四周，恍如置身韓國當地，餐廳內部環境佈置十分韓風，牆上好多精美壁畫。坐低就即刻有啲必備地道小食：泡菜、芽菜、海帶，全部都可以再添～望一望個烤盤，同坊間嘅有啲唔同。佢專程有個位置可以做蛋卷，店員會將啲泡菜同蛋汁分別放入，食嘅時候幾濕潤，蛋味好香濃，配搭泡菜嘅微辣口味，做伴菜都十分適合。另外佢擺放嘅方式都係有啲傾斜，方便啲油可以從烤盤上流走～餐廳會先安排一份頭盤，等客人一次過試晒牛嘅不同部份，容後再按個人喜好加點～但係估唔到份量竟然咁多！當中包括最出色嘅A4黑毛和牛肩胛肉、A4黑毛和牛角腩、另外仲有澳洲和牛脷、霜降牛小排，M7澳洲和牛上頸脊、澳洲和牛下腹腩、澳洲和牛金展、無骨牛肋肉、醬醃牛肉。每款牛肉嘅質素都唔差，幾嫩口，最緊要係處理嘅時候點樣控制個熟度同埋火候，重點推薦：黑毛和牛三角，望落已經見到油脂分布平均，滿佈雪花，燒完簡直就入口即溶；黑毛和牛舌，完全唔韌帶點爽口，仲好牛味；梨泰院牛扒骨，

去咗大埔舊墟食 任食和牛韓燒 🥳依間OPPA韓國燒肉店好有氣氛👍🏼入面裝修充滿街頭Feel ～牆身壁畫丶七彩汽水箱丶油筒圓櫈，好似走入咗首爾地道燒肉店～平日晚上來到，坐滿晒好熱鬧🥳揀咗星期一至四$398 /1位嘅江南海鮮燒肉放題 ［有任食A4日本澳洲和牛💗+海鮮頭盆 + 所有Order紙上嘅韓式料理+飲品啤酒任飲］服務生好快放低一大碟肉🤤肉款有好多，包括👍🏼A4黑毛和牛三角腩丶A4 黑毛和牛肩胛肉丶M7和牛上頸脊丶澳洲和牛脷丶霜降小牛排丶梨泰院牛排骨⋯全部都可以食完再任點🤤每位仲送「海鮮頭盆」～深海虎蝦丶鮑魚丶大扇貝各一隻，但係深海虎蝦好大隻又彈牙，雖然依幾款唔係任點，但係都已經大滿足💗服務生再將蛋液倒在鍋邊位置，一邊烤肉一邊烘蛋🥳另一邊倒入牛油粟米粒同埋半溶芝士～仲放低咗三碟韓式前菜/泡菜，仲有生菜，可以包住燒肉嚟食👍🏼飲品選擇都好多，放滿左五個雪櫃。A4黑毛和牛三角腩真係好正💗 油花均勻，入口超嫩滿口油香，之後我仲點咗幾轉🤤除咗燒烤，仲有超多韓式料理任點任食🥳包括有炒年糕丶石鍋飯丶韓式炸雞丶煎泡菜餅丶煎海鮮餅丶蔘雞湯等等。我哋點咗牛骨雪濃湯丶真露蜆湯～兩款湯都好正🥳超級足料，濃郁又

呢排追緊韓劇🇰🇷好想食韓燒😙朋友帶我去搵Oppa原來係Oppa韓燒🍡都有幾位Oppa👦🏻叫咗個牛氣沖天和牛拼盤~肉質鮮甜👍🏻🐮好多種類但係唔識分😅總言之就啖啖肉😘呢排潮流興魷魚🦑～叫咗自炒魷魚🦑可能我少入廚房😅 有點雞手鴨腳添😅 最後Oppa幫我炒😙😙～魷魚🦑好新鮮好彈牙😙配埋佢個醬汁😍嘩好嘢味👏話明韓國梗係要叫～人蔘雞湯（嘩啖啖雞肉👍🏻、啖湯都飲埋😘）

餐廳空間闊落，環境舒適。嗌咗A4黑毛和牛放題，種類非常多，份量亦好多，肉質唔錯。除咗呢份特選set冇得encore外，仲可以任嗌其他肉類、熟食、蔬菜等，種類真係好多。但係食完呢一盤肉，都已經飽咗七八成。相信對食量大嘅朋友嚟講一定好抵食👍🏻

對於九龍人來說逗號大埔是一個郊遊才會去到的地方（笑）每次郊遊後都會希望大吃大喝，這次朋友推介了附近的一間和牛燒肉放題！餐廳走街頭藝術風格，店面充滿了噴畫，彷如弘大燒肉店的感覺～平時和牛燒肉的單點價錢比較高，往往會按住份量來點菜，但放題也只要不消$500，就可以盡情點了～江南海鮮燒肉餐除了食物外，還包括了果汁汽水、紅白酒、燒酒、甜品，相當划算吧～在開始點菜之前，職員已送上前菜，包括有泡菜、醃製大豆芽、紫菜，品質絕對不馬虎！另外，放題套餐還有一人一份海鮮，超值吧！而且貝類海鮮置附有蒜蓉牛油，可以避免海鮮燒乾水份，順便加添風味，相當貼心！和牛可以無限加點，但職員送上一份拼盤，可以先輕嚐各款和牛，再針對喜歡的款式加點。從外觀已經我見和牛油花適中，而且色澤光鮮，可見並非一般廉價貨色！當中最推介黑毛和牛三角腩，牛油比較豐富，以油脂感為主，入口即化，牛油香滿溢於口腔裡面，忍不住加點了幾份！而和牛粒則以牛肉味濃為主，經過長時間燒烤亦保留到肉汁，不會靭。除了和牛之外，食客還可以無限任食其他肉類，香草羊架亦是另一推介產品，畢竟平日就算買凍肉的價錢也不便宜（哈）！羊架在燒烤上沒有難度，簡單燒香兩邊就十分滋味

大埔墟直街係大埔區數一數二嘅食街，諗唔到食乜，行到附近就會有諗法！冬天唔係火鍋就係想暖下身，圍爐相暖食烤肉就最開心！餐廳係連鎖式經營，冇記錯之前朋友介紹嘅九龍區分店質素唔錯，難得大幫就腳，梗係近近地試一試！牛肉拼盤有黑毛和角三角腩、加拿大肉排、牛下腹腩等，整體肉味道濃而肉質彈牙！牛每片厚度適中，油花分布約6:4， 燒烤後先係淡淡嘅油脂香複蓋住香滑嘅韓牛味，肉質偏淋唔多筋。海鮮方面選擇都好多，有虎蝦、鮑魚、多春魚等，全部都新鮮，虎蝦仲大大隻！大醬湯任飲下朋友力推下第一次嚐試大醬湯。感覺上會類似日本嘅味僧湯，韓式嘅大醬會偏香辣且濃味為主。味道少少香辣中又帶有鮮甜味道。水冷麵 失望，麵身有啲怪，唔夠彈牙，味道亦偏淡，唔夠酸。

呢間燒肉放題店已經係第三次再訪，之前就主攻佢哋最平個隻燒肉Set，最平$268就食到，仲有兩款特選A4黑毛和牛提供，可以話性價比爆燈✨ 而今次決定加碼試下佢哋高一個Level嘅套餐，肉類選擇多左，當然有返高價少少嘅海鮮坐鎮，仲有無限暢飲韓國啤酒，紅白酒等🍻 啱哂同一大班朋友痛飲一番！店內裝修款式走型格街頭風路線，有種返去弘大嘅感覺！-放題江南海鮮燒肉（平日 & 7：30前及9：30後 $368/星期五至日、公眾假期及公眾假期前夕$428）--前菜-泡菜蛋卷🍳芝士燒🧀、牛油粟米🌽任何肉類加拉絲芝士都係無敵，所以係必叫！*-頭盤-一入座會先上左個牛肉拼盤：A4黑毛和牛肩肉、A4黑毛和牛三角腩、澳洲和牛脷、澳洲和牛下腹腩、鹿兒島牛柳粒、加拿大牛扒骨、封門無骨牛肋肉、美國牛小排🐂 比較推薦呢度嘅三角腩，脂肪分佈比較平均，口感偏軟滑入口即溶！另外驚太油嘅客人可以試下牛肩肉，脂肪含量較少！*-海鮮-每枱會附送一個海鮮拼盤，包含了鮑魚、大扇貝、深海虎蝦。其後可以任點嘅海鮮會有多春魚，海蝦，八爪魚 & 魷魚。虎蝦夠晒大隻，扇貝都算厚肉。*-肉類-除咗食牛同海鮮，五花腩一定喺韓燒邪惡必食之一🐷 呢度嘅五

屋企人生日話想食燒肉，醒起呢間oppa燒肉之前食過兩次，啲肉質素都唔錯🥰一於就帶屋企人嚟試吓佢～燒肉分單點同放題形式，放題亦都有再分兩個價位，分別係弘大燒肉($238/$268(五六日))同江南海鮮燒肉($368/$398(五六日))。兩個餐最大嘅分別係江南燒肉係有得任食A4黑毛和牛😋而弘大就只有頭盤先有A4黑毛和牛，不過都可以任點紙上面嘅澳洲和牛🥰～book位嘅時候要講明揀邊個餐～另外燒肉放題係唔包嘢飲嘅，可以加錢揀任飲或者單點menu上面嘅嘢飲，因為我哋見雪櫃任飲嘅主要都係汽水，所以我哋就冇加到任飲🤣揀咗單點嘢飲～一坐低就見到枱面擺咗泡菜、芽菜同海帶作為小食，同埋有盤生菜比你夾埋啲肉食😋呢啲都係可以refill嘅～過咗冇幾耐，店員就放低咗頭盤盤肉🤣點解我用盤肉唔係用碟肉，因為佢真係成個盤咁上🤣🤣一擺低果下我哋真係嚇親，估唔到咁大盤，真係食完都飽左一半🤣而盤上面嘅肉都有紙仔清楚寫係咩肉，方便下一輪叫返想食嘅肉🥰講吓啲肉嘅質素先，最好食當然係黑毛和牛三角，睇相都見到油花勁靚😍食落口入口即溶，唔洗點咬已經化成滿口油香🤤而黑毛和牛舌入口彈牙，牛味好濃🤤不過呢兩款都淨係頭盤先有，冇得任食🥲除

朋友介紹呢度食放題唔錯，今晚就嚟試下～價錢$398, 真係有好多野食，淨係肉類都有好多款，仲有好多韓式小食，連飲品都大把野揀，正！呢個餐除咗和牛頭盤仲有送埋海蝦，鮑魚同扇貝。爐邊一定要燒啲蛋，另外兩邊我地叫咗芝士燒同粟米粒，一齊食超正！講返個頭盤啲和牛，有A4黑毛和牛同M7澳洲和牛等等，由頭到尾嘅部位都食勻哂，最鍾意都係上頸脊，肥瘦剛好，牛肉味濃，基本上食完個頭盤都飽咗8成～叫多個雪濃湯同水冷麵，味道ok~最後仲有雪糕食，超飽！

餐廳裝潢非常🇰🇷韓風，電視都播住Kpop 放題款有$268及$398兩個價位分別係弘大燒肉及江南海鮮燒肉後者會多左份🦐海鮮頭盤，飲品任飲依加店鋪做緊全日7折優惠今次叫左$268個款檯面上已有前菜及翻菜前菜必備芽菜、泡菜及海苔先黎一碟🐄和牛頭盤，包左好多款牛食完已經飽左7成🤣甜品仲可揀一盒雪糕有Haagen Dazs、Dreyers及Movenpick -頭盤-🔸和牛拼盤一盤有A4黑毛和牛三角腩、A4黑毛和牛肩胛肉、澳洲和牛金𦟌、澳洲和牛脷、霜降小牛排、澳洲和牛下腹腩、五花腩。份量都多。A4和牛口感極佳😛入口油脂爆開，好濃牛味，有肉汁好juicy👍🏼五花腩成條上份量好多🤣檯上已貼心放左剪刀，方便自己剪！-肉類-🔸豬頸肉每片都好大塊，我地到剪細點燒。燒到香脆，用生菜包住沾上韓式辣醬，真係好惹味😋🔸雞翼最邪惡嘅食法係將雞翼燒到外皮香脆，再沾芝士燒，每啖都充滿住拉絲嘅芝士，好正🥰-小食-🔸泡菜蛋韓燒一定要整泡菜蛋食，燒到咁上下就食得🥰蛋滑，有陣陣泡菜香氣。🔸粟米牛油鐵板上有兩個角落小位，職員指示將牛油粟米放入。果個位放入去岩岩好❤️牛油慢慢融入粟米當中，非常香甜。🔸芝士燒係忌廉及芝士混合一齊，極

無得去韓國，想食韓國野就唯有食餐韓燒頂住先啦。 上次經過旺角已經想試呢間Oppa燒肉，發現大埔有分店就即刻訂位去試。平日晚餐時段有散叫同任食，貪心咩都想食d就揀左任食，268加1。 首先送上黎既牛肉無得Encore，肉質唔錯，分量已經好多。食量唔多既朋友食完已經飽左一半。除左肉類，熟食可以選擇煎餅，炸雞，炒雞等等。味道都唔錯。新界既朋友想食燒肉放題好地方！