Orca (已結業)

放假去西貢行吓輕鬆吓，見到呢間西餐休閒得來又多人，於是入去食埋晚飯先出返去市區！露天同室內任君選擇，但因為今日比較熱，我哋就揀咗室內有冷氣，舒舒服服食返餐！牛油果蟹肉他他脆餅 ($88)蟹肉，牛油果沙律醬上面仲有幾粒三文魚子，食落啖蟹肉好滿足，加上用脆餅做底口感層次十分豐富。。Orca巨型豬扒跟薯菜 ($188)大大塊厚身煎豬扒，醃得入味之餘食落唔會鞋颯颯，肉汁豐富，完全沒有豬肉的臊味，好正👍連薯條都係即叫即炸，熱辣辣脆卜卜，淋邊嘅黑椒汁十分驚喜，竟然係自家製黑椒汁，好濃郁嘅黑椒味，少少辣辣地，豬扒點些黑椒汁一齊食，錦上添花。燒牛肉洋蔥沙律 ($158)一上枱嘅時候就聞到香噴噴嘅菠蘿味。燒牛肉肉質軟腍，下面係沙律菜，蕃茄，洋蔥同埋蒜片，配上秘製汁，酸酸甜甜十分開胃。口水多個浪花 ($58)荔枝果汁、薄荷葉、青檸、雪碧，清甜荔枝味加上青檸，味道清新！粉紅色的的雨雲 ($58)西柚、檸檬汁、梳打水、雪碧，整杯飲品顏色同外表都非常吸引，而且西柚味突出，好好飲😋兩杯飲品個名都好搞笑，顏色鮮艷，消暑解渴，熱辣辣夏天飲番杯就啱晒。

上星期五同honey放假, 2條友無聊無野做, 就揀D平日少去的地方最後選咗西貢呢個叫比較近屋企D嘅地方遊下食下中午已經試咗另一間網紅CAFE, 夜晚就試呢間近碼頭的西餐廳ORCA餐廳分室外同室內, 不過最近太熱, 有多汗症嘅男友當然想坐室內啦室內環境都襯上海洋色, 而且冷氣都足夠, 立即舒緩整天在外遊走的熱氣在等候入座室內位置期間, 我倆都已經決定點甚麼食物鐘意食肉嘅男友, 一望就話要 ORCA 巨型豬扒跟薯菜不過,  凍飲是當刻最需要的好雙乳的莓莓 (左) 和 口水多過浪花飲品的名字很可愛好雙乳的莓莓是草莓+藍莓乳酪凍飲, 甜酸度適中冰凍解悶口水多過浪花是荔枝味+薄荷葉和青檸梳打而成, 是很爽口解渴的特飲飲過幾啖冰涼飲品, 終於回過氣來 燒牛肉紫洋蔥沙律沙律上檯時都有擺位, 仲加了夏日時令水果鮮菠蘿, 幾種唔同的顏色, 看到都流口水, 很吸引尤其而家炎炎夏日, 加了點酸甜生果混入沙律中, 會大開胃口燒牛肉唔係薄燒, 有肉味, 有咬口得嚟又唔會韌和有筋, 唔錯~伴碟個汁係好似泰式辣汁咁, 好惹味牛油果蟹肉他他餅脆餅裝著凍的牛油果蟹肉沙律, 雙重口感, 又係好啱呢個夏天呀~男友期待嘅重

次次入西貢都係食海鮮，平日食慣中式煮法，今日經過Orca，見都幾多人食，於是同老公入去試吓西式海鮮😋牛油果蟹肉他他脆餅 $88蟹肉都幾多，沙律酸酸地幾開胃，但牛油果少咗啲，多啲應該更好味。牛油香草白酒蜆 $98蜆肉鮮甜嫩滑，個牛油汁好香，完全冇酒嘅苦味👍🏻 如果撈飯應該都好正😋龍蝦汁海鮮意大利飯 $178海鮮一啲都唔馬虎，種類多，有青口、大蝦、蜆肉、帶子。大蝦好大隻又彈牙，龍蝦汁芝士味好香濃，加上車厘茄酸甜味令個飯香而不膩。不過相對而言，飯嘅份量就較少，男士應該唔夠食。假的真不了Mirage $58蝶豆花、玫瑰蜜，味道好夾，清甜中有玫瑰香味，又靚又好飲，超鐘意😍禁果之液 Island $58有紅茶、蘋果汁同檸檬汁，蘋果味為主，蘋果味都幾香甜，冇乜茶味，所以唔會有苦澀味。總括嚟講，食物同飲品味道都幾滿意，賣相又好靚👍🏻只係意大利飯份量較少，如非老公今日唔太餓，以上份量一定唔夠我哋兩人食😅

放假帶兩個小朋友去西貢海邊吹下海風，夜晚去食西餐😋仔女都好鐘意食扒扒，叫咗燒牛肉紫洋蔥沙律同巨型豬扒配薯菜。沙律配酸辣汁幾醒胃，小朋友怕辣可轉柚子汁，燒牛肉薄薄地幾香口，仲配埋小朋友最愛嘅燒菠蘿🍍😍巨型豬扒真係好巨型呀😆不過食落又唔靭喎，小朋友都好啱食，配埋嘅黑椒汁，辣辣哋仲惹味👍🏻最開心就係特飲時間，一上枱，兩個小朋友：「嘩！好靚呀！」阿女叫咗 Double berries smoothie ，藍莓🫐士多啤梨🍓加乳酪打成，水果同乳酪嘅天然甜味好fresh.阿仔叫嘅 青春小蜜桃 ，有粒粒蜜桃嘅薄荷味特飲，味道都幾好，不過略嫌甜咗啲。兩個小吃貨都食得好開心😋

平日既西貢真係好舒服，遊人比假日小好多。行過既時候比呢間鋪頭吸引左，一於試吓今日唔係太熱可以坐戶外，更添一點輕鬆既感覺。我地嗌左兩杯野飲：假的真不了蝶豆花、玫瑰花蜜、青檸梳打雪碧，岩晒打卡📸一直都覺得蝶豆花既顏色好靚❤️唔係好甜，冰涼既感覺好解暑。好雙乳的莓莓藍莓加士多啤梨乳酪，粉紅色已經好少女感。再嗌左：牛油果蟹肉他他脆餅鮮甜既蟹肉，配埋牛油果，意外地好好味。有種入口即溶既感覺。芝士肉醬田螺焗酥盒外表酥脆，肉醬加埋田螺好好味😋最好一啖食左佢！好滿足！巨型豬扒跟薯菜岩晒食肉獸🐽好大塊既豬扒！！係無改錯名的😂肉質唔會韌，仲好Juice！大大份好適合幾個friend一齊share。配埋粟米仔，蕃茄等蔬菜，減低罪惡感😆有驚喜既食店！價錢合理而且好好味😋Staff亦非常helpful 值得一試

工作疲累想放鬆一下，請咗半天假，下午去了西貢行吓同搵嘢食，試咗一間近碼頭的西餐廳。有室內和戶外，揀咗室內座，環境好舒服有梳化同掛畫。天氣太熱先揀兩款特飲，啲名都好特別，好得意。論盡的小鯨主要材料有椰漿、糖漿、檸檬汁同蝶豆花，呢杯係朋友叫的，顏色好靚打卡一流。我自己揀咗杯真的假不了材料有蝶豆花、玫瑰花蜜、梳打水、青檸同七喜，顏色真係好靚，係我最喜愛的顏色組合粉粉藍藍紫紫，飲落去感覺幾得意幾特別飲得出蝶豆花同甜甜地的玫瑰蜜。牛油香草白酒蜆前菜之一，白蜆好大隻好新鮮，牛油味加香草好香，未食都聞到陣陣香氣。牛油果蟹肉他她脆餅小食二，店員推介。剛剛放入新Menu所以值得一試，牛油果同蟹肉好豐富，個餅底好鬆脆，配搭起上嚟好有層次感。巨型豬扒跟薯菜係鎮店signature dish，塊豬扒好厚身同大塊，兩個人食啱啱好，雖然厚身但都keep到豬扒肉質，熟透而且好嫩滑Juice。再配上好多蔬菜中和返淨係食大大塊肉，蔬菜都好好味，個黑椒汁都係自己調製好有誠意。

麻甩專員今次帶大家入去西貢食一間好有驚喜嘅西餐廳，估唔到咁平靚正！餐廳有得比你選擇坐户外或者入面，非常有彈性專員今次叫左兩樣小食，一份招牌主菜，同埋兩杯無酒精飲品《牛油香草白酒蜆》 $98一大碗嘅大蜆放上檯已經有非常濃嘅牛油香味飄上黎蜆份量唔少而且非常大隻好有肉，肉質新鮮入口後先係牛油同白酒嘅香味，然後帶出蒜香同少量嘅檸檬酸，再者就係蜆肉原本嘅鮮味蒜香同檸檬嘅少量酸味平衡返牛油原本嘅油膩，絕對係食唔停口嘅開胃小菜《芝士肉醬田螺焗酥盒》$68驚喜不斷，酥盒焗得非常酥脆酥盒入面有一堆芝士肉醬，芝士嘅香味配合肉醬好濃味但唔漏每個酥盒上面會有一隻田螺，田螺嘅鮮甜味愈咬愈出再配合埋酥盒嘅酥脆，入口脆口，口感豐富，味道有層次，專員朋友話下次再黎絕對會再order呢個《青春小蜜桃》$58蜜桃汁、菠蘿汁、薄荷、梳打水、雪碧非常有青春氣息嘅飲品，果味好充足，蜜桃同菠蘿嘅甜味好夠少量薄荷清新嘅香味飲落去好清爽，超爽超解渴《假的真不了》$58 *餐廳招牌飲品蝶豆花、玫瑰花蜜、青檸、梳打水、雪碧一杯充滿夢幻顏色嘅飲品，先係蝶豆花嘅花香味然後玫瑰花蜜嘅香甜，再配合埋玫瑰花花瓣再有青檸嘅清爽味道，將所有配料攪拌埋

這間西式餐廳位於西貢海傍廣場，非常近海邊，有室內和室外的坐位，各有風味。由於今天是下雨天，比較多人坐室內。我們點了兩份小食，首先來了牛油果蟹肉他他脆餅，用料十足，啖啖蟹肉，好滋味。接著來牛油香草白酒蜆，蜆肉飽滿而且軟滑，牛油香氣迫人，但又不感肥膩，簡簡單單的材料，卻又做得很出色。餐牌上有一款菜式名：Orca巨型豬扒跟薯菜，我們就來看看有多巨型。果然真的比平常的豬扒大得多，而且不用配醬汁也很美味。薯菜份量也不少。這裡的飲品名稱和賣相都別樹一格，我們點了「口水多過浪花」和「好相與的莓莓沙冰」。前者是荔枝果汁、薄荷葉、青檸、雪碧，後者是藍莓、士多啤梨、乳酪，兩杯賣相都好靚，相機必定要食先。「口水多過浪花」味道清新，「好相與的莓莓沙冰」其實很飽肚，裝飾的士多啤梨似是冷凍果乾，這樣就不易沉底，非常有心思。

見到啲食評去開西貢所以就去試吓，點知真係有驚喜，大豬扒正～燒烤後肉汁豐富一定要試，食物質素好好，一行四人另外叫多幾款小食，特色飲品非常美味^^！chill住食午餐價格合理～員工非常nice

趁天氣畧轉好决定和太座去西貢走走，行得累了在這岸邊西式食店歇息及來個遲午餐😎侍應殷勤地安排了外面露天雅座，甫坐下便來了幾分鐘頗大過雲雨，因有雨蓬我們的桌子滴水不沾👏👏在炎夏雨中和另一半享用著凍飲好浪漫😘我選的"禁果之液"(island) 用檸檬汁，蘋果汁混合紅茶，酸甜香碰撞得妙😋太座點的名字頗不文，"好雙乳的莓莓"(double berries smoothie) ，把藍莓，士多啤梨配乳酪，飲用者讚賞😋小食:牛油果蟹肉他他脆餅，蟹肉拼牛油果放在脆餅，一口一件，入口滑溜蟹肉香底餅卜卜脆😋二道:牛油香草白酒蜆，蜆肉放在白酒汁内浸至剛熟，鮮嫩無比😋Orca巨型豬扒跟薯菜，看似招牌菜，狀似斧頭扒的大大片厚切豬扒，肥瘦均宜，肉質美味，跟碟香草汁帶微辣，但令肉味更突出😋😋我們悠閒地享盡冷飲，便結束了一頓岸邊西餐

放假去西貢行下諗住食little cove espresso , 但排哂長龍唯有試下隔離既orca….🥲·🍳Eggs Benedict ($98) 牛油果硬到完全食唔到，係完全未熟但又好多黑點！似雪到爛左🤯如果🥑係咁既話其實可以同客人講聲換其他…..不過都欣賞佢刀功可以切到咁薄🥹其他都還好…鬆餅唔會淋哂·🍵Matcha Latte ($42) 賣相唔錯. 味道中規中矩·🍹假的真不了（$58）最靚同埋味道最好！碟豆花玫瑰花蜜青檸梳打水👍🏻·📍Orca西貢西貢海傍廣場1號兆日大樓A座地下3-4號鋪

今日見天氣開始轉晴，一於入西貢chill下食下嘢。在Orca食個late午餐真的不錯，坐户外有微風，空間感足，享受慢活態度再食個美味午餐好正。先來杯“假的真不了”和“粉紅的雨雲” Mocktail，看見都心情開朗，眼睛想旅行。主食不能不試他們的超級巨型猪扒配薯菜，超巨型（鏡頭都迫爆）最重要是大件夾抵食之餘，質素和味道都好得，猪扒肉質鬆軟有肉味，配埋什菜煙肉卷薯條好滿足，只是$188物超所值。小食牛油香草白酒煮蜆$98，蜆肉鮮嫩，牛油香草白酒汁好鮮味，回味無窮。芝士肉醬田螺焗酥盒$68，酥皮鬆化，內裡充滿肉醬和大粒田螺肉好滋味。這間"Orca"食物質素真的不錯，是我在西貢必選之一。

西貢一間有特色嘅餐廳。外牆有滑浪板做裝飾，好有夏日感覺室內水果油畫午餐食芝士肉醬田螺焗酥盒，酥盒香鬆味美，田螺大隻軟腍，加上濃濃芝士更令人回味無窮Orca 巨型豬扒跟薯條見到都嘩嘩聲，真係大到離譜，但肉質唔韌，仲好 juicy，伴碟仲有番茄、 焗青瓜、 煙肉露筍卷，味道出色燒牛肉紫洋蔥沙律除了有多款蔬菜，還添加了新鮮🍍，更加開胃，燒牛肉極富嚼勁 飲品 - 夢幻水平線（Horizon) 用藍柑橘、牛奶、乳酪、椰果、梳打水，微酸奶滑椰果煙韌😋😋，海藍色同名字好襯好雙乳的莓莓（Double Berries Smoothie)用藍莓、士多啤梨、牛奶、忌廉， 草莓味濃 smoothie 特別滑溜🥤🥤粉紅和海水藍，各有特色每一款都唔似普通午餐，去西貢可以有多一種選擇。

難得平日可以放假專登🚙入黎西貢嘆下咖啡Chill下🍹☕️冇目標地周圍閒逛見到呢間ORCA有outdoor坐⛱入面又tiffany blue主調既色tone幾靚就入去試下喇! 🤩因為都幾熱🥵所以最後都係揀番坐入面有冷氣😅環境幾舒服有落地大玻璃好光猛✨樓底夠高夠晒空間感。 叫左一個佢地門口好大塊board推薦既ORCA巨型豬扒香草包$178😌仲要寫住勁juice!勁巨型!勁好味! 😳就睇下佢係咪真🤔一上台真係幾吸引, 仲好細心一早幫你切好2半可以同朋友share👩🏻‍🤝‍👩🏼個豬扒亦真係好大塊仲要好厚身🥩入面仲有青瓜🥒蕃茄🍅同沙律菜🥗 整體都真係好巨, 咬落去肉質鬆軟唔會乾柴仲有肉汁流出😋加埋D 沙律菜食好清爽, 包入面仲有塊車打芝士片🧀夠晒惹味同飽。加埋side dish 既薯條份量真係夠晒2個人食，🍟炸得好香脆一啲都唔燶好食, 有一紅一白醬🥫汁比你醮。 另外叫左個牛油香草白酒蜆意粉🍝🦪蜆肉用左沙白蜆, 都有十幾隻, 蜆肉好鮮甜但稍為細粒但厚肉，意粉份量就比較少🫣香草牛油味夠出, 有少少檸檬🍋香味幾清新開胃。 叫左一杯Latte☕️, 正常發揮, 🥛奶味香濃，另一杯係蘋果之液Island🤣

在忙碌的一周，偷了半點閑與好友到西貢慢活了一個下午，在西貢海旁的享受悠閒用餐時光。Orca 設有室內及室外兩個用餐位置，用餐過程悠然自在遠離繁囂的一個好去處。飲品相當有特色，主菜豬扒絕對值得一試。好雙乳的妹妹 $58Double berries smoothie 藍莓、士多啤梨、牛奶加上忌廉打成沙冰，酸酸甜甜非常開胃解暑，加上面層的凍乾士多啤梨乳酪乾，豐富了口感。真的假不了Mirage $58碟豆花、玫瑰花蜜、青檸、梳打水加上雪碧，令飲品的味道相當有層次，清爽解暑又有淡淡的玫瑰清香。蟹子蟹棒雜菜沙律 $98蟹子、原條蟹棒、蟹柳絲及沙律菜配上柚子醋，清新不油膩的一道健康沙律。芝士肉醬田螺焗酥盒 $68 田螺、洋蔥、芝士及牛肉醬放在酥皮盒內，非常有特色的一道前菜，口感相當豐富。Orca 巨型豬扒跟薯菜 $188 ～必食推介這道菜絕對超值，豬扒巨型得過份簡直是三人份量，當然不單止份量，味道也非常超班。豬扒外層煎得香口，外層肉質相當嫩滑多汁，真心的好juicy! 伴碟的蔬菜也不馬虎，以煙肉包裹着蘆筍及粟米仔，滋味又有特色。